歐陸冰室

原來呢間餐廳開業九年，但裝修一點也看不出帶有陳舊，估計是期間有裝修過吧，我最喜歡卡位的花磚桌面，真的很有風格及氣氛，讓人感覺這是餐廳而不是茶餐廳。分別叫了下午餐和茶餐，原來焗品份量都是相同，價格的分別就在於餐湯及蒜蓉包，我吃的是午餐，覺得喝了這個湯簡直是有賺，感覺是自家淆製，不是罐頭湯，蕃茄的酸味剛好。三文魚的焗品，感覺是比較腥的，但亦可以說成魚味比較重。飲品方面都是常規出品，就是把奶和糖給你調好的那種。特別說一下服務非常熱誠，最先是由門外笑容招呼，離開時還特意讓道，感覺員工對工作太有熱誠了，當時入座就已經想問營業時間，準備下一次介紹朋友再來。…查看更多

呢一間餐廳嘅早餐性價比真係高，煎蛋加牛角包加一碗火腿通粉再加埋飲品先至係35蚊，佢嘅份量都ok㗎，咁當然個牛角包係迷你牛角包嚟嘅。不過我覺得最正嘅係佢杯咖啡，即磨咖啡嚟嘅，估唔到跟餐嘅咖啡都可以係好好飲。冇花冇假有單為証，呢份早餐合共35蚊，抵食好食。…查看更多

下午茶:叫左兩個餐.燒雞凱撒沙律, 以為係燒春雞或燒雞扒, 但是原來是我想多了, 實際上只有雞粒.煙三文魚白汁碎蛋沙律牛角包, 估唔到係得兩件牛角包仔, 包細料自然少. 另跟左幾件凍左既薯角。飲品就正常既。…查看更多

呢間小型街坊西餐廳杯咖啡有驚喜，夠曬香爐又唔會帶有酸味。其餘嘅出品中規中矩啦，講緊平均每人唔使40蚊就食到一份早餐，算係物超所值。第一份早餐就係火腿螺絲粉牛角包配一隻煎蛋，味道正常，份量畀想像中多，牛角包係普通細細個嘅迷你版，35蚊一份完全冇投訴。另一份就叫咗蕃茄湯底嘅火腿螺絲粉，嘢食可以揀煎蛋炒蛋火腿腸仔任何兩樣，我就揀咗招雙蛋，佢個蕃茄湯底唔失禮㗎，真係落蕃茄落去整，唔係淨係得茄蓉。佢本身仲跟一個牛油方包，不過驚食唔曬所以走包。…查看更多

諗住門口都有人排下隊，以為差極有限，價錢唔平，平均$75左右一個餐，但食兩啖之後先發現完全冇味，份量少，嘢飲亦都冇味。服態度又唔掂，個個侍應趕頭趕命，叫左幾次想要辣椒仔都無比，最後同我講話冇晒真係食一餐都谷鬼氣…查看更多

已經唔止一次… ！本人為餐廳半個常客，不下一次見到餐廳男主管責備職員，明白職員可能有錯，但可以細聲啲或者企係旁邊講。作為客人，並唔希望一直聽到責備聲、重複又重複大大聲講一番說話。此舉動令餐廳客人包括我都不間斷地注視男主管及職員，真係非常反感！…查看更多

今日嚟到大埔大元邨1間幾多差評嘅食店試吓，顯然街坊沒有因為評價而卻步，奇怪是坐無虛席。店內2邊是卡位，中間是長方枱，今日被安排坐收銀台面前，近門口的坐位，由於近門口，自動門常開，難免感到有些炎熱。:(我點了兩個午餐，黑松露野菌忌廉汁豬扒煎蛋飯和和風照燒汁美國肥牛手打烏冬。雖然價格只需＄55，但品質卻略為一般，未能突破＄55的水準。豬扒煎蛋飯的黑松露風味不太明顯，忌廉汁也略為稀薄。而美國肥牛手打烏冬的烏冬略為過軟，加上照燒汁略嫌單一，牛肉也鞋口，咬勁十足。凍檸茶個茶底不夠濃。無論是食品定飲品，份量都係幾大份的。值得一讚是服務態度，門口帶位的阿姐，親切主動。收銀那位未知是否老闆，每位客人離開，經過收銀台，他都向客人一一道謝。…查看更多

星期日中午同亞媽食lunch, 我哋叫左午市套餐，有餐湯，包，主食，飲品。飲品方面叫左特濃熱谷咕，當時侍應冇特別提點係要額外加錢。雖然唔係多，只係加3蚊，但擺明係搵笨。餐牌冇講飲特濃谷咕要加錢，只係寫左凍飲加3蚊，而且落單時又冇人講過，到左俾張單你個人刻先知中伏！到左主食上枱，我食左一舊薯角，然後發現隻碟有隻細昆蟲，馬上通知侍應。佢即刻拎返碟野入廚房，然後唔洗一分鐘再拎返碟野俾我。好明顯佢只係換咗隻碟，裡面既食物完全冇換過！好明顯呢間餐廳處理食物衛生方面係好有問題！呢間餐廳之前已經俾人投訴過佢既外賣呃錢啦，而家又故態復萌，影衰曬香港既飲食業。…查看更多

星期日本來諗住嚟下午茶，點知發現午餐只係貴下午茶少少但係又有湯又有餐包，所以揀咗午餐。餐湯只有羅宋湯一款，不過都幾足料，入面好多蔬菜粒，又有啲西蔥喺面，味道都OK。跟蒜蓉包一塊，都有焗一焗有少少熱架。三色芝士鮮茄蓉豬扒焗意粉份量都幾多，又唔會好似網上啲人話份量好少咁樣，味道比想像中好，始終都係d屋邨街市樓上靚少少嘅餐廳仔，可能冇期望反而有驚喜。蕃茄奶油吞拿魚螺絲粉都唔錯，個樣比想像中無咁hea，味道亦算ok。杯凍咖啡有驚喜，咖啡味好香。…查看更多

下午茶等左30分鐘先到 追個待應追左十次又話跟緊簡單一個公仔麵餐都整成30分鐘 似係夾單一齊做岀菜好慢 等到枱枱都好鼓譟但岀面個待應又不停接散客做死廚房 永冇下次 大家千祈唔好幫襯 …查看更多

【大埔區】【歐陸冰室】近排大埔有間餐廳，因為「蠱惑餐牌」事件令到佢喺網絡上面引起咗幾大嘅迴響。事緣係事主去呢間餐廳食飯，埋單先知原來星期六日及公眾假期要加 $10，睇返餐牌先見到原來有勁細粒字係有寫仲要相當唔顯眼加埋甩色。事主將呢件事放上網之後都有唔少大埔友關注，都講話呢間嘢嘅服務已經有前科。例如慢火煎牛排要等一個鐘、牛扒過韌、茶走得濃茶、齋啡但又有奶。食物以外，店員態度差、老闆用粗口大鬧員工、上錯餐但鬧食客等指控。咁我又唔係嗰種「人哋話佢做得唔好，我又走去起哄埋一份」嘅人。咁樣做太過「港鐵新動力」，唔係好妥當。所以搵日假期特登走入大埔會一會佢，睇吓係咪真係咁差。去到發現佢都幾 full，卡位已經坐爆晒人，得返一兩張枱揀。叫咗個 $78 嘅「紐西蘭精選烤西冷」，都預咗係茶餐廳薄牛扒嘅厚版，紅酒燒汁冇特別，冇期望就冇失望，生熟度冇揀到但佢預設咗七成熟。薯菜係薯角加沙律菜，都可以。前菜佢又係自動上咗紅湯同勁細塊蒜蓉多士，一般。嘢飲方面，加 $3 飲嘅「凍唂咕」反而唔錯，幾濃香，吹佢唔漲。最後我仲補多 $28 叫個「朱古力窩夫」，係一塊窩夫餅加啲朱古力醬上去，都幾流吓。夾埋成餐飯係用咗 $109，冇加一，態度唔算差，可能經過出事之後有改善。。。（地址：大埔汀角路10號大元商場F5號鋪）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #globaleats #followforfollowback #love #eat #1am大埔區 #大埔 #大埔墟 #歐陸冰室 #紐西蘭精選烤西冷 #薯菜 #紅酒燒汁 #紅湯 #凍唂咕 #朱古力窩夫 #1am0998 #1ambackup…查看更多

星期三下午去食lunch，想食個快靚正平嘅飯。其實今次唔係第一次食，門口侍應一樣咁好人同有禮貌親切。我地兩個人，大概12:00都有卡位坐。之前好多人，侍應唔多夠人手，但係今次好唔同，好快有人落單，野食又快到，幾好，有改進👍🏻食物方面，我地每人揀咗一個餐。我係泡菜意粉，有羅宋餐湯，蒜蓉包，同埋餐飲。朋友係牛扒意粉走汁，同埋餐飲。兩個餐分量都好夠，牛扒亦唔太鞋，幾十蚊算係咁啦。總括，親民價錢，正常味道。…查看更多

今日11:47 落單，叫左個lunch set 鐵板餐，侍應姐姐話等一陣，見佢檯檯都咁樣講，原因係：早餐午餐轉緊menu，好啦咁就等，坐坐下，不時都聽到其他檯既客人催單，聽到有D話等左20分鐘、有d就半個鐘⋯ 仲有檯客係等緊個「早餐」😨到12:23 ，足半個鐘頭先黎個湯，味道同溫度係ok既👌🏻到12:30 個主菜都未到⋯ 杯檸茶又未到，呢下唔關早餐轉午餐事啦掛？😓因為太餓，望左好幾次出菜位，留意到廚房出菜位有碟野，放左成10分鐘都無人拎，再請侍應跟跟單，結果原來就係0個碟！足45分鐘，個鐵板餐終於黎到，個黑椒汁又無左⋯ 蘿蔔仔係凍既？😨咁唯有食返塊扒，食鐵板，舊肉都可以係唔熱既？？⋯真心食唔落，侍應都爽快地肯void 單，再諗一諗，咁容易就肯void？咁到底之前發生過幾多次同樣既事情呢？ 如果唔介意等45分鐘食凍既鐵板，可以去既⋯ P.S. 辛苦哂幾位落力維持樓面情況既侍應🙏🏻管理層問題黎，祝幾位早日轉到去更好既餐廳🙏🏻…查看更多

今日同屋企人兩個人諗住簡單食個午餐，點左手切西冷配意粉 （$52），屋企人點左精選午餐（D)黑松露焗豬扒飯，另加兩份餐湯及蒜蓉包 （$8/份）。等左約10分鐘就上左西冷意粉，個意粉同牛扒係完全唔熱，食野我都唔算腌尖，味道我覺得好個人，但起碼最少d食物係要熱，跟住再黎個焗飯係和暖，其實當時我有同送湯同埋餐飲果兩個待應反映個西冷意粉唔熱，但兩個待應聽完就算，真係對呢間野完全失望，唔會再有下次😡😡…查看更多

因為想去的寵物餐廳倒閉，無乜選擇於是揀左呢間，貪佢有室外位置。二人餐結帳三百多元，食物普通不過不失。菜湯ok, 不稀，菜不少，酸甜對版，好似係全餐最喜歡嗰道。天使面普通，料下得好少，面條還好，不太淋。牛扒唔似五成熟，個汁可以，肉質不錯，但無肉味。加的小食魷魚圈宇宙最細，又乾又縮水，差。菜蜜正常味道，大大杯。咸檸七好難5正常，冰凍～甜品等幾耐，黎到咁雞，窩夫又薄又細唔好食，將價就貨。招呼幾好係真，不過食物純是冰室，唔需要專登去食。…查看更多