歇腳亭 (福昌大廈)

作為鐘意飲廢水🧋既代表之一🤣🤣中秋食月餅🥮既同時就梗係要配返台式飲品啦😌😌如果想飲野既🥤我就超推薦🧋珍珠奶茶🧋佢地既茶底好夠味~加埋甜甜又煙靭嘅珍珠~超夾😋😋如果想食甜品既🥣我就推薦🍧招牌仙草QQ冰🍧入面有珍珠+大芋圓+紅豆+仙草珍珠同芋圓煙靭有咬勁，仙草好軟滑加埋一齊口感好豐富😍😍無論用嚟做下午茶/宵夜都超正🤣…查看更多

買左個仙草冰 買個時聽到有個人話無比紅豆 諗住係個別事件結果返到去 自己個碗都無紅豆 大半碗都係珍珠 仙草得個2啖 懷疑係搏你買外賣唔知佢比料少 然後無機會同佢講 下次都係唔做傻仔返去先開 即場開離睇睇先…查看更多

上網見Sharetea有新產品芋芋布丁冰就好想試試。一打開整碗都是冰，還要係冇被打碎的冰。芋圓同布丁得好少。但芋圓都夠Q，好食。可能因為今次買係試食價🤣所以跟網上見到的不同。…查看更多

珍珠烏龍奶茶少冰至於烏龍奶茶沒咩烏龍味道 似奶茶🥤多d 珍珠份量正常可以接受綠茶拿鐵熱加仙草凍真係熱辣辣拎返屋企都暖暖地 綠茶拿鐵唔會太甜 不過都唔算太滑 感覺只是飲綠茶粉咁 沒左之前飲拿鐵感覺 不過我好鍾意有仙草凍有d咬口唔使咁寡…查看更多

行街行到成身汗 呢d時候真係要整番杯野飲先得 見到歇腳亭 即刻衝左去買杯我最鍾意既蜂蜜蘆薈冰茶 甜甜既蜂蜜配上蘆薈粒粒 飲一啖真係極速消暑 整杯飲品都比較健康 唔會話太甜 所以佢一直都係我首選…查看更多

歇腳亭既menu真係好多種類，多到令人眼花撩亂唔知揀咩飲好。今次我就買左Double全家QQ奶茶，佢入面既配料真係非常多，直到飲晒d奶茶都仲有好多配料剩低，相當足料抵飲！…查看更多

歇腳亭開到周圍都有，總有一間喺附近，非常方便。今次買咗珍珠奶綠，少糖少冰。珍珠份量都幾多，好大粒，但有啲淋。奶綠比奶茶清新，有少少綠茶味。雖然叫咗少甜，但都好甜，下次叫半糖先。…查看更多

近排飲得太多貴價台式飲品，今次回復最普通嘅選擇，飲番本土品牌歇腳亭歇腳亭嘅價錢其實真係冇得頂，平時出去飲杯珍珠奶茶閑閑哋都$30打上但係依家咁嘅時勢，歇腳亭都仲係賣緊$20杯，比起出邊都平成$10 㗎<沖繩黑糖奶茶$22>Fatbrown 鍾意黑糖味，諗左一陣最後都係揀咗佢個沖繩黑糖奶茶大杯裝又真係幾大杯，比賽平時出去飲嘅都大三份一杯，價錢又平三份一都幾抵飲㗎不過黑糖味就真係唔係好飲得出啦，奶茶味都正常嘅…查看更多

依個黑糖烏龍茶珍奶雪沙，啲黑糖味好濃好甜，而且本來個烏龍茶奶茶都係甜，所以成杯嘢都好甜，不過啲烏龍茶珍奶雪沙個質感唔錯，唔好好大舊冰感，係沙嘅感覺，成杯嘢都唔錯，而且都好便宜，抵飲…查看更多

珍珠奶綠冇叫少甜都唔係好甜，奶綠一直都係我嘅歇腳亭最愛 👍🏻仙草凍冬瓜茶微甜叫咗微甜，店員都有講過冬瓜茶唔會額外加糖，如果少甜就係減冬瓜蜜，但係杯野又唔算好淡，美中不足嘅係啲涼粉好林，唔爽口。…查看更多

Usually the Taro Pearl Milk Tea is the perpetual favourite. It’s Yammy!Sometimes, drinking a big gulp would make you feel this is similar to the “taro balls” dessert found in Chinese restaurants, except in the liquid form.However, you can’t really taste the ‘realness to the drink’, the milky and yammy (or yummy), can also act to fill you up if you are in need of some carbohydrates. I’ve had better taro milk tea elsewhere.…查看更多

黑糖珍珠就暫時告一段落，不過都會不時更新，見到有岩就會飲 🤪 而家開始全新系列，唔少人夢寐以求想我搞嘅，珍珠奶茶排行榜，今次可能唔單止要灌水咁簡單，可能仲要增肥，瘋狂注入豬肪 😛 首先就由 sharetea 嘅珍珠奶茶打頭炮，#珍珠奶茶 $18，飲奶茶好，原來整體比黑糖珍珠嘅飲品平一半，今次慳得黎又可以草定錢做入院費抽脂出黎 🤤 呢杯珍珠奶茶奶味還好，但茶味唔係好夠，珍珠熟哂嘅但係偏硬身，整體一般般啦 🤡-Sharetea…查看更多

公司在觀塘，基本上每日都經過好多次，近年台式飲品鋪越開越多！share tea都算係老臣子了！仲記得第一次飲水果茶就係幫襯佢，之後我就愛上左水果茶，特別係喜歡佢裡邊既熱情果味！由於糖份高，我通常都叫最少糖，查實就咁飲水果既清甜，酸酸地都好夠，我就唔係咁鍾意落太多糖，一來對身體唔好，二來甜味會蓋過曬所有生果既味同茶味，實在唔係太理想！我無咩試過佢別種口味既飲品，因為我偏愛水果茶，都飲過好幾間，呢間入到三甲！…查看更多

公司在觀塘，飲料店幾乎每行兩步就有有，要突圍而出真的很難，但歇腳亭的厚黑糖珍珠鮮奶就做到了！厚黑糖珍珠鮮奶 評分：［9/10］這個珍珠鮮奶有分有厚cream 版和沒有厚cream版，沒有點厚cream是因為我本來我不太愛cream~ 飲前先攪拌杯底的黑糖，整杯鮮奶都變得甜甜的，但並沒有蓋過鮮奶的奶香味。比起其他普通珍珠飲料的珍珠，這杯的珍珠比較軟身，煙煙韌韌，每粒都裹著濃厚的黑糖，甜而不膩，真的非常好飲！…查看更多

歇一歇腳，享一享受俗語說得好，休息是為了走更遠的路，這是我的格言之一，所以從前當我第一次看到歇腳亭時，我是見一次買一杯的，無他，就是為了他的名字。可是現在特色奶茶店如雨後春筍般遍地開花，一些傳統的飲品店都相繼結業，歇腳亭也不例外，但我是抱著相請不如偶遇的態度，若見不到便不強求，因此我也有一段時間没有喝到他的奶茶了。今天碰巧在觀塘見到，就如看到老朋友般，怎可以不來一杯珍珠奶茶呢！這一刻，味道怎樣已不再重要了，我沉醉在其中，我舉起空著的奶茶杯，向著我的老朋友致敬。…查看更多