歇腳亭 (富嘉花園)

營業中

休息中

家人今日去買野飲，個牌唔知係咪壞左 閃下閃下 睇唔到有咩飲然後我家人問一個長頭髮化晒妝肥肥地的收銀店員有咩野熱飲，店員話:自己睇牌啦我家人見個牌閃下閃下睇唔到，就直接問收銀員正在推廣的芝士鐵觀音有沒有熱飲該店員即刻嘲笑說:芝士又點會有熱飲啊？會溶架嘛！我家人見佢咁講就算，叫左一杯凍飲 叫店員幫忙走冰，結果依然係整錯左 俾左一杯好多冰嘅我家人。我想講 本人在該店買過十幾次熱的芝士綠茶，乜野叫做芝士冇熱飲因爲會溶？你當我家人傻架？買過好多次都係同一個店員有問題，服務態度非常之差又臭串，有就有冇就冇，有必要臭串成咁？整野飲又整錯，以後不會再光顧。

作為好鍾意飲黑糖珍珠鮮奶嘅人，黎到梗係叫左杯黎飲啦。不過因為當時天氣較凍，所以想叫佢少冰，不過原來呢到嘅黑糖珍珠鮮奶係冇得少冰，職員話份量都會相應少啲，咁我想飲多啲所以就冇叫到。

唉，越黎越差，住大圍名城，每次經過都打包幾杯比屋企人，而我次次都飲手感芋頭鮮奶，以前第一次覺得好好飲，之後開始好淡，無論凍熱都係咁，凍係冰沙，淡啲我理解到，但係係開始完全冇甜味，今晚仲更離譜，買咗打包行到返屋企飲，好似飲冰水咁，冇芋頭…全部冰粒，只得少少奶味，完全係冰粒，好似冰水溝冰粒咁，諗住打電話去投訴下，點知電話係冇登記，外面落雨費事返去退貨，咁既質量，30蚊買杯冰粒淡奶，完全冇味，芋頭味都冇，以往都食到芋頭粒，今次完全係冇芋頭，真係過份！超級差評

夏日炎炎，最好飲一杯台式飲料啦。原本唔係想飲呢款嘅，但嗌左兩款都無得調節冰量同埋甜度😂加上又排長龍，情急之下就隨便嗌左草莓鮮奶加珍珠好彩有得少冰但係冇得走冰😣。所謂嘅草莓其實係草莓醬，所以少甜嘅話只係少左草莓果醬😂整體不過不失。

黎到星期五，當然要好好甘慰勞自己啦，所以決定去飲杯野飲，小休一番。　　去到sharetea，就見到佢門外o既poster，厚黑糖系列、夏日草莓系列，結果自己就間左草莓系列o既草莓芝士啦~　　外觀：粉色的草莓再加白色的芝士cream，杯野由深粉紅到白色，產生漸變色，好夢幻，自己o既少女心就甘爆發左　　味道：雖然外表系好好體，但系味道就＂名不副實＂啦。　　　　　佢底層有碎冰，中間系草莓沙冰，面就系芝士。第一下飲o既味道都可以，味道好開胃，酸酸甜甜，草莓味都幾重，而且都好清爽，好適合夏天飲。但系之後就出事啦，當草莓遇上和與芝士融合，味道像沒有一般，草莓味完全無，得翻淡淡o既芝士味。最敗筆系最尾，剩下o既芝士味完全比冰溝嗮，得翻芝士油油o既感覺，實在令人失望．　　意見：其實個人認為芝士蓋應該少25-50%，整體應該會好好多

台式飲品大大話話都興咗十年八載，有段時間其實執得幾多，以為個trend過咗，又俾一間天仁茗茶食返個台風翻身，再加上內地冒起走的小清新路線的喜茶再沖擊一下，突然發現香港台式飲品店又返嚟，Share Tea 唔覺唔覺仲有好多間，所以今日係大圍買咗佢隔離果檔人氣小吃(超辣口味)，見到佢出咗新飲品，就俾個機會去試吓啦！其實自己唔算係台式飲品的愛好者，一年飲ge次數絶對係2 隻手手指加埋數得哂(相比我有朋友日日飲，仲可能唔止一杯)。但因為呢一兩個月朋友帶我去咗試深圳喜茶，所以對芝芝芒芒/莓莓/桃桃之類都幾有印象。講返今次試嘅ShareTea呢杯芝芝莓莓，講真，同喜茶ge有D距離。首先芝士奶露果層，ShareTea呢杯有D唔太杰，有D似泡狀，芝士味係有，但唔濃；佢話用4.3牛奶奶，但算係一名奶精ge我就唔太覺，我相信主要原因可能係佢底果層的關係，我自己飲落覺得佢似沙冰咁，不過可惜ge係唔知係咪太多客人定為求縮短製作時間，冰打得唔夠綿，比較粗糙，所以飲落冰還冰，果還果，芝士奶露果層亦都可能溶咗落D碎冰度，所以味道都淡咗。唯一你可以話好ge係我食辣野，咁飲佢係好解辣咁啦

＄30一杯芝士茶，竟然冇乜芝士，個banner上面顯示杯茶有好多芝士，擺明搶錢，我問過店員點解得咁少芝士，佢話跟公司規矩去做，我話同個banner唔同喎，差好遠，佢竟然話擺一陣啲芝士就多㗎啦！咁都得？擺明搶錢，啲芝士仲少過貢茶（圖中杯茶我飲咗兩啖，未飲芝士）

Share Tea係咁多間輕茶店入面我最鍾意飲，但奈何大圍依間Share Tea 入面D staff都唔知係咪文盲我最鐘意飲Share Tea 既草莓紅茶，因為嫌佢原味太甜，所以要無糖就剛剛好！點知沖出黎竟然甜到不得了，好明顯落左糖漿！同埋要求少冰又比大半杯冰！咁落單唔好叫顧客比要求啦！完全貨不對辦！你話一次我都算數，今次已經係第三次，其他分店都無依間咁離譜！唔該文盲或者近視就唔好做啦！係度倒米大家幫襯依間Share Tea最好有心理準備！

香港飲珍珠奶茶嘅舖頭開到梗有一間系左近但始終都系偏愛天仁同歇腳亭天仁就一定揀珍奶綠歇腳亭就因為鍾意佢地嘅黑糖珍珠但自從箍牙之後所以嘅飲料都無咩點再飲因為唔想為左杯珍奶突登除牙箍不過唔飲唔知原來歇腳亭有芋圓甜品賣架喎對終芋圓迷嘅我有福了可惜偏偏系熱嘅大熱天時你叫我點食得落呀🤦🏻‍♀️不過望一望仲有一個選擇就系可以加5蚊一個配料落杯野飲到當堂開心哂比系芋圓 地瓜圓就更合我心意地瓜圓夠哂煙韌陣牙甜度適中 台式飲品店果然做個重點出黎試過配搭兩個飲品芋香珍珠 珍珠烏龍發覺芋香珍奶陣味系比較夾得黎👍🏼烏龍就偏淡奶味太重唔多夾估唔到會為左地瓜圓而飲破戒珍奶🤣假如芋圓哩個甜品變番凍真系有得諗架🤗