次郎拉麵

今日同妹妹去K11 Musea逛下，去B2food court 就馬上話食次郎拉麵🍜，原來最近又一城及中環萬年開了新店，現共有4間分店。我哋兩個就叫左慢煮雞肉拉麵配雞白湯和Pork味自慢炙豚肉拉麵配醬油湯底。其中一個仲加$20 轉餐，加兩件炸雞和汽水🥤。🍜慢煮雞肉拉麵雞白湯底味道偏淡，雞肉嫩滑！拉麵軟硬適中。隻流心蛋真係好Juicy😋🍜炙豚肉拉麵醬油湯夠味，味道偏濃，配上豚肉焦香，一口就愛上😍！…查看更多

今日去咗尖沙咀海旁散步，晚上入去K11 Musea B2樓嘅Foodcourt搵食。其中試咗拉麵店——「次郎拉麵」嘅招牌三色拉麵。??Signature招牌三色拉麵 一碗拉麵有齊雞肉、牛肉、豚肉三款肉，仲有原隻溏心蛋！雞肉嫩滑，牛肉係比較高質嘅肥牛，豚肉肥瘦適中，湯底本身係豚骨湯，但我加咗$10轉咗「香濃海老湯」，真係冇改錯名！湯頭超濃郁，拉麵就係鍾意呢種重口味。😋 雖然本身拉麵已經跟咗木耳絲同埋少量嘅荀，但我都另外再加$12要多咗荀，爽脆清甜，同濃湯好夾！??靜岡綠茶（+$20） 食濃湯拉麵點可以冇嘢飲？單買左枝日本靜岡茶。另外呢度其實有個$148套餐可以包一碗拉麵一份炸雞同一支嘢飲，不過我驚自己食唔曬咁多肉就冇叫喇，但其實套餐抵食好多。…查看更多

啲食物嘅質素好差，非常之難食，我煮實好食過佢㖭。啲員工態度又差呢，啲食物擺出嚟完全冇理過係邊個人攞，單都唔使睇。 好難食，好難食，員工態度都唔係好好。基本上呢度成層food court 啲質素都好墮落。絕對唔會再嚟。好後悔唔睇吓OpenRice先 d review 先order。價錢又唔平，質素又做唔好，服務又做唔好。啲叉燒好嚡，切得又厚，個湯底又唔好飲，啲麵仲衰過公仔麵出前一丁，我食完真係好嬲好嬲好嬲呀。點解會有間咁難食嘅餐廳咁厚面皮走出嚟開㗎？…查看更多

今日經過K11嘅food court發現有一間拉麵散發出好香嘅味道，於是忍唔住入去試一試！豚肉味自慢炙豚肉拉麵 (醬油湯)叉燒經過火槍炙燒，外層帶有微微焦香，入口卻保持到內裡軟嫩，脂香同肉味平衡得好好，唔會覺得油膩。醬油湯底係清澈路線，唔係濃厚黏嘴嘅類型，但味道非常有層次，鹹香中帶點甘甜，能夠好好襯托豚肉嘅香味之餘，飲完亦唔會覺得口乾。麵條軟硬適中，掛湯能力不錯。招牌三色拉麵 (醬油湯)「三色」分別係豚肉,雞肉同埋牛肉。豚肉軟嫩，雞肉異常嫩滑，完全唔嚡口，而牛肉更加香口入味。同樣係配醬油湯底，因為配料豐富，令到每一啖湯嘅味道都有微妙變化，口感同味道都非常豐富。唐揚炸雞呢度嘅唐揚炸雞絕對係即叫即炸，上枱熱辣辣。外皮炸得極之酥脆，但粉漿唔會過厚。雞肉醃得入味，而且保留到豐富肉汁，一咬落去係會爆汁嘅程度。次郎拉麵 (尖沙咀)尖沙咀梳士巴厘道18號維港文化匯K11 Musea B2樓…查看更多

次郎拉麵 Jiro Ramen🍜繼上一篇 K11 ArtMusea 喺 Food Court 搵食😋第二站就係拉麵 @ JiroRamen！從落電梯就睇到嘅鋪位📍 見係排隊嘅人氣店🔥唔難睇出佢喺呢片食肆集中區幾受歡迎～今次專登試「招牌三色拉麵 + 升級香濃海湯底」，仲加埋跟餐，認真豐富！💯Signature 招牌三色拉麵（雞肉、牛肉、豚肉）🐔🥩🐷拉麵湯底揀咗香濃海老湯🦐 入口就有蝦鮮嘅醇厚味唔係粉沖嘅假鮮 飲到尾都唔會覺得膩 鮮得好過癮！麵條煙韌有彈性🥢 掛湯效果超正，每條麵都裹滿湯汁；雞、牛、豚三種肉餡俾得好足料一口麵一口肉，層次感直接拉滿，食得好爽！😋跟餐嘅唐揚炸👏！咬落「咔嚓」聲好治愈👂配凍雪碧就係解膩神器🥤！仲有！呢間鋪唔淨係拉麵出色仲有另外3款拉麵可以選擇👍…查看更多

見呢間拉面d相都幾靚仔，又唔想食返中菜就叫左兩個拉麵叉燒偏瘦，如果可以再多少少肥會香口多，但調味其實合格有餘可惜，個湯同個麵都唔得⋯我地已經係一叫號即拎，個麵既質地好似煮到淋哂既公仔面咁😂食落冇彈牙既口感 個湯底就普通豬骨味，淡 冇香味 食得出係求其之作總括而言 一定唔會再幫襯估唔到閒日6點幾的musea food court都咁多人成個food court都幾嘈，地下好多食物碎感覺好唔乾淨，希望整體可以改善下…查看更多

本來都諗住喺food court食嘢，都唔會預啲嘢好食，純粹諗住飽肚，點知呢間嘢嘅服務同埋食物水平真係令到我要出post 去提醒所有人。 嗰陣11:10 分 我見呢間唔使排隊，諗住買碗三色拉麵，點知企喺收銀好耐，入邊兩位員工明明望到我，都喺度傾偈，當我冇回事，跟住其中一個人直頭喺我面前拎件衫嚟換，都唔問我食啲咩，叫咗幾次都冇人應。好啦咁我行開之後11:20再返嚟落單好啦，點知碗麵到咗，真係難食到一個極點，淡到無味，啲麵又淋到一夾就散，老實講，108蚊食碗咁垃圾嘅拉麵，仲要受氣，勸大家就唔好幫襯。…查看更多

真係好難得寫一次食評（可能一年一次） 但今次真係頂唔順 😤 每一口落去——無論係面定係叉燒，都可以難食到驚聲尖叫。 叉燒乾到似柴，面就淋到冇骨氣，湯底又鹹又冇層次，完全唔知自己食緊乜。 我真係想問下老細係邊度進修嘅拉麵料理？個度係咪專登研究點樣整到成碗嘢咁難食？🥶 明明裝修幾靚，價錢又唔平，點解可以咁兒戲？ 服務都唔熱情，個樣好似我欠咗佢錢咁。 食完個肚唔舒服，心情直頭差晒。 第一次寫差評，希望都係最後一次啦，真係唔想再中伏 🤯…查看更多

🍜《K11次郎拉麵：雞白湯飲完成晚渴過駱駝！》諗住喺K11高級商場食碗「雞白湯拉麵」點都有保證，點知中伏！碗麵一上枱，賣相係靚嘅——乳白色湯底、慢煮雞胸叉燒鋪到滿，仲有流心蛋半浸湯中。但飲第一啖湯即刻皺眉：雞味淡如水，全靠味精衝擊味蕾，鹹度爆燈之餘仲有陣人工香料嘅味，飲完成晚喉嚨乾到半夜要撲起身灌水！ 雞肉叉燒薄切賣精緻，但*唔係好咬得開嘅雞。麵質算係唯一合格：幼直麵掛到湯，但個湯咁重味精，掛得多反而中伏更深。一百蚊碗拉麵得個鹹字，仲要食完勁口渴…查看更多

我哋就叫咗雞湯拉麵加餃子。拉麵湯底估計係用湯包整出嚟嘅，個麵嘅底好硬，較重鹼水味。唯二可以食得落口嘅係裏面嗰隻蛋同埋餃子。我傾向相信餃子都係來貨，唔緊要，主打應該係拉麵，唔展開描述。服務態度方面呢，我好聲好氣唔該前唔該後咁問個店員，想要隻碗（因為我兩個人想分食），佢面無表情、晦氣且冇尾地講咗句：「嗰度自己攞！」相比起個拉麵，服務方面嘅進步空間細啲，但空間依然巨大。身為一個拉麵愛好者，我未食過咁難食的，仲有，我平時甚甚甚少留食評，我都真係忍唔住要放低超過兩百隻字嚟達到俾評分嘅條件﹗…查看更多

餐廳在商場負二層的美食廣場內，鄰近扶手電梯，很容易找到。負責點餐的員工服務態度有點差，下單時弄錯了餐點，完全沒有發現要退回差額，還一直說已經幫我改了。其實餐廳只有4款拉麵，轉了餐點價錢不一樣了，應該很容易知道吧。點了香濃燒大蝦海老湯拉麵，紫菜都泡在湯裡，完全軟掉了。溏心蛋煮得有點過熟，不過味道還可以。大蝦肉質偏實，一點都不彈牙。麵的軟硬度適中，除此之外，還有筍和木耳絲作為配菜。蝦湯鮮味濃郁，不過有點偏鹹。…查看更多

尖沙咀大型商場之內，地理上十分方便快捷，餐廳主打的就是日式拉麵。這天我和朋友一同前往挑選了他們的拿手拉麵。自家製慢煮雞胸拉麵，以雞白湯作為湯底，慢煮雞胸，絕對是健康的選擇，更是健身人士的最強夥伴，含有大量和豐富的蛋白質，作為優良的蛋白質當之無愧。餐廳自家烹調的雞胸入口軟滑，口感不錯，經過慢煮烹調絕對是用心的製作。湯底方面，雞白湯，奶白色的湯底，相信餐廳花了不少心機。麵質方面，軟硬適中，口感帶點彈牙。同樣選擇慢煮雞胸拉麵，但配搭香蔥醬油湯底，沒想到又有另一番驚喜，濃郁的醬油湯底，入口帶有九州風味，沒想到小小的改變，卻帶來如此大的味覺震撼。…查看更多

睇下隔離枱食剩大半碗就知幾唔掂，麵係即開拉麵，蛋係熟蛋，湯有色，卻淡而無味，牛肉仲生生地，唔知以為食牛肉湯河，雞白湯只是白湯，炸雞炸完又放到冧哂，連可樂都唔凍，真係痴線。…查看更多

又是快食，估吾到經過無數攻，其餘餐廳都執左，只剩這間依然存在，即管試試，佢既招牌拉麵有雞、有牛有豬，可以講冇一樣是差，特別牛是半生熟，好明顯是有少少調較for香港人囗味，但係勁夾，拉麵入囗彈牙，$100鬆價錢絕對可以。…查看更多

嗰日去睇多啦A夢，距離睇戶外嘅參觀仲有成個鐘嘅時間，就落咗去K11嘅呢個food court度食嘢其實作為一個裝修咁靚嘅地方，我覺得佢裏面嘅嘢食都真係幾平吓，間唔中可以都可以發掘其他正嘅嘢咁主打一定係呢個三色拉麵（$108）雞牛豬乜都有齊晒，一定滿足晒你嘅願望同埋佢整嘅時間都非常之快， 5分鐘搞掂當然啦，如果你真係好有要求可能會未必覺得好好食嘅，但係我覺得係呢個地方呢個價錢，食佢嘅裝修啊、感覺、就完全係一回事啦！…查看更多