權記雲吞麵

今日嚟個平民下午茶$28,叫咗個淨雲吞鯪魚球，呢個價錢都應該好少地方食到呀！Lee度嘅淨雲吞真係冇得彈！皮簿到透光，餡係新鮮豬肉混蝦仁，咬落卜卜脆，鮮汁噴出來。湯底清甜，飲埋暖笠笠，正！Lee度嘅鯪魚球球還可以，魚味冇腥氣，加D點辣椒油真係正到痹，食過返尋味！…查看更多

雲吞鬆鬆散散，無香港風格。可以俾多八蚊去附近其他有雲吞賣既舖會舒服得多。單款麵 28，雙拼34，淨食一樣價。只收現金。份量普通偏少。雲吞裡面確實有蝦呢個算係咁啦，加上少量睇唔出係乜既肉，非常淺色但又唔似肥肉。但係呢類平到無可再平既粉麵店始終有個問題，就係味道始終有D唔到位。不過比肥仔記好，我去灣仔肥仔記食雲吞係已經開始腐壞變味。我食雲吞粗，粗麵好薄身，感覺奇怪。員工質素差欺軟怕硬。見到國內大佬模樣就客客氣氣，落單落錯咗都唔敢講一句，對我本土人就粗聲粗氣。只收現金但嫌我D紙幣有「跡」（本來係利是錢倒瀉水所以有幾噠紅色）拒絕收我張20 蚊。服務垃圾到極點既店，味道普普通通，除咗夠平+快已經無其他好處。28 蚊我俾多兩蚊去麥門食套餐好過啦。唔怪得附近店都排隊排到出路邊，但佢永遠可以坐低，縱使我旁邊客人都食得好慢。旁邊四個人全部比我早入座，我去到全部都已經食緊，到我走都未食完。兩個小姐姐齋聊天直到我走佢碗粉都無乜減少到，一個小姐姐睇手機，一個學生打機打到夠先開始食。唔會再黎啦。以後見到權記都唔會再去。…查看更多

那天，冒著大雨為自己的新目標而努力，早上收電話，下午立即過海。到埗後就立即找一個地方，可以快快趣醫肚，令自己準備充足。一出地鐵站，再過對面馬路，就在著名的湯丸名旁讓我發現《權記雲吞麵》這一個耳熟能詳的名字。當日既目標是嗱嗱臨吃好就走，快快趣𡁻碗雲吞麵就啱晒我心意啦。當日叫了一碗雲吞牛丸粗麵。可以說，這是一碗很傳統的廣東湯麵，湯底帶點梘水香，麵條入口又夠爽。單是以麵來到，是不錯的。雲吞，是他們的招牌，可以說是沒花假的好味道。夠香，有蝦粒，也有味道濃濃的大地魚香味。牛肉丸味道是濃郁，但我覺得太硬，黑椒味也太強。好不容易，我成功了。炮台山一帶開始成為我經常出沒的地方。為了慶祝，同因為這天要搞銀行野搞到冇時間，我又來《權記雲吞麵》了。這次點的是魚餃貢丸粗麵。魚皮餃，皮夠煙韌香口，連帶到整個餃子由內到外都十分之香口，貢丸就可以用爽脆來形容。這一次，整碗麵令人滿足。應該是前年吧，玻璃樽可樂說要暫時停產，令到全香港市民都大叫懷念。也不知是去年或是剛剛好今年年頭，玻璃樽可樂又再出現在大家眼前了。我立即要了一支，因為，我覺得，麵同可樂係一個絕配。可樂的味道就不必再用文字去影容了，而且可能是心理問題，總是覺得玻璃樽可樂好飲一點。簡單快趣，比起快餐店茶餐廳更加之快趣。嗱嗱臨𡁻碗麵，可以說，係香港人既生活寫照。因為身在香港地，好多野都要快，而麵店，就正正做到了快靚正三個字。多年來，都是老少咸宜的飲食地。…查看更多

ғᴏᴏᴅɪᴇ ᴛɪᴍᴇ 今次食咗權記雲吞麵喺港島區竟然有$20嘅雲吞麵，真係好抵🥳其實佢大部份單拼都係$20，質素正常，仲可以揀麵底😋魚蛋一共有5粒，都叫做幾彈牙🤩我就叫咗河粉，但係唔知點解食食吓超大碗😂可能吸左啲湯食極都仲有咁🤣仲叫咗個油菜， 都係$10就有一大碗！…查看更多

【抵食雲吞麵 】係北角炮台山附近做完野，又到LUNCH TIME，就係附近搵餐廳食飯。經過權記雲吞麵，望到個餐牌，真係好耐無見過咁平的粉麵，只需要$20，就有一碗雲吞麵，好正！雲吞麵的份量適中，唔會話好小，對女仔來講啱啱好，麵入面有4粒大大粒雲吞，真係有大蝦係入面，亦都幾好味！見到油菜一碟和一碗淨麵都只係$9，好抵食。臨走前我仲買左包炸魚皮FOR今晚打邊爐用，都幾香脆，家人都覺得幾好味！餐廳環境一般，唔算太乾淨，而且服務真係有待改善，樓面姐姐個個都好似好唔耐煩咁，一坐低就要我即刻叫餐，我都未睇得切。…查看更多

二十元能吃得飽嗎？ 答案是權記的招牌雲吞麵。一碗麵內有4大粒外皮薄但充滿著蝦肉的雲吞，加些紅醋、辣油一起吃，滿足非常！麵條以高湯泡著，加幾滴魚露，令整碗湯的咸鮮味提升不了，香味隨著熱氣漂進我的鼻子，麵條也頗彈牙，這餐真是划算。…查看更多

其實我久唔久就會嚟呢度食一次雲吞或者係牛丸麵，不過最近呢間嘅加價幅度好似頻密左，面嘅份量係冇變到，但係配料嘅質素就好似有啲唔同咗！咁我今次就講下佢嘅牛丸啦，佢嘅質感同以前係相差好大好大，以前嘅牛丸係硬啲嘅，同埋彈牙，而且會食到肉既口感，但係今次去食佢嘅牛丸就係偏軟，而且密度好似冇以前高，比較淋身，我個人就有啲失望，佢嘅口感就好似普通嘅魚蛋，偏軟，略欠彈牙感覺，希望可以改善一下，不過依度嘅服務態度都算唔差嘅！…查看更多

由中學時期的10蚊加到而家17蚊，但相比出面的粉麵仍然係相當吸引。17蚊的雲吞米有4粒雲吞，雙併都係一樣價錢，枱面有魚露，辣油。雲吞大大粒，真係有大約1隻半蝦係入面。但服務唔好，d 呀嬸 or 婆，一坐低叫左野唔多轉位，快快食完走。…查看更多

要講平民街坊價， 即浮起這間雲吞麵小店。 17蚊仲可雙拼， 真正街坊貼地價， 唔多肚餓都太抵忍唔住入去食番碗過口癮。地點： 在炮台山地鐵站過行人天橋橋底便是。 在福元湯丸旁。環境：普通小店膠椅， 吃完便走的格局。 枱上調味也整全， 少有魚露也放在枱上， 配辣油，鼓油，醋等這裹最多人叫雲吞或鯪魚球， 我今次專心的叫一碗雲吞河多青。性價比的雲吞河， 雲吞4大粒， 雖不是啖啖什麼原隻大蝦， 但絕不欺場， 爽口彈牙雲吞依然吃很滿足， 貨源運轉，用料能保持新鮮。 沾著辣油與細滑河粉同吃， 湯底用上傳統大地魚湯， 兒時常吃到的味道。 絕對值得每個社區也有些為及基層學生小店。…查看更多

雖然一碗份量未必夠男士飽,但單/雙拼粉麵都係$17,抵食,儲錢之選雲吞同潮洲魚旦係本人最愛,反而牛肉會貴Ｄ,但份量唔多,試過一次就算了另外$8油菜係必加之選,一大碗,仲有腐乳醬,其他地方價錢貴一倍份量少一半,所以一個lunch 粉+菜岩岩好！…查看更多

三點幾經過炮台山，有少少肚餓諗起權記，平平地又地道，知道又唔錯👍雲呑牛丸河。去權記必點雙拼，因為同單拼同價$16。每粒雲呑都包左粒大蝦真係無得輸。牛丸加左原粒黑椒，且有咬口。湯底不評論，因為你會加大量魚露,辣椒油，蓋過原有湯味。紫菜湯。$7。唔想飲汽水但又怕口渴而且又想食菜，不二之選。可惜味道不及當年，紫菜可能煮太耐，無哂咬感。…查看更多

一支公搵食，見＄15碗面，門口又聞到幾香，驟眼望入店內尚算明亮整潔，就入去lu叫咗兩碗麵，一碗雲吞麵，一碗魚皮餃麵。辣椒油，普通香，頗辣，不建議多落湯頭，行貨味精湯，顏色混濁，嚴格來說只有鹹味麵，粗身，尚算爽口，但不煙韌不彈牙，鹼水味頗重雲吞，蝦和肥豬肉，蝦算是量多爽口但不鮮甜，整隻雲吞有鹼水味魚皮餃，非常失望，外皮散而粉，餡料只算是一個名為「肉」的充滿豬油味的物體，感覺很油膩整間店舖，最大特色就是便宜，也只是便宜，勉強可作頂癮之用…查看更多

嘩！係炮台山近地鐵站呢啲地方仲有14蚊就食飽的餐廳真係唔多，今日就俾我搵到一家喇！這裡的雙拼同單拼的價錢更是一樣，真係難得地抵食，水準還不錯呢！雖然我通常也不喝湯的，但我看到湯很清，最重要是它沒有放味精。即使我吃完整碗，也沒有感到口渴，因為這裡是不給水，要加錢才有飲料。這裡的招牌菜是雲呑！我甚少在外吃雲呑，因為媽媽在家裡會包，外面吃的一般不夠足料，也不好吃。而同事說來這裡一定要吃雲呑，我就儘管一試。雲呑真的有如乒乓球般大，而且皮薄餡多，有一隻半蝦，還有少量豬肉！最開心是蝦肉很爽口，夠彈牙，口感十分棒！牛丸就沒什麼大驚喜，不過比平時自己在凍肉舖買的好味，因為滑一點，而且沒那麼硬。14元吃一頓飽肚的，很滿足呀！吃完後，我才發現，去年我在灣仔時好像吃過這家店 ^^"…查看更多

呢間係炮台山最抵食既餐廳抗通脹既標籤 一碗雲吞麵13蚊大大粒 絕對足料 起碼有5隻蝦係入面雖然個湯底有d淡淡地 但總算不過不失啦服務態度都吾錯 上野速度快 衛生環境良好絕對係明智直選 雲吞入口 口感十足 鮮蝦彈牙好好好食…查看更多

返左份新工~~~無得bring飯~~~就睇下附近有d咩正野食啦~~~0係門口，已被價錢吸引住了~~~$12一碗麵~!!!勁抵~~~個湯底又唔差~~記住叫佢加汁~!就算唔加汁個湯底一d都唔淡~雖然有d飲味精湯的感覺~~而且雲吞大大隻唔少野~~~丸0個d又夠入味~~正~!!!加$6又有野飲~~$20有找~!咁的地方，搵倒一間咁平的野食~!仲唔成為我lunch的飯堂咩~!…查看更多