檸檬冰室 (葵興商場)

營業中

休息中

🥘鮑魚雞煲 有鮑魚，冬菇洋蔥再加雞煲，一拎出黎已經聞到好香，份量好足，而且雞煲夠晒濃味，唔怪得係呢度主打菜式😋🥗欖菜肉鬆四季豆 比坊間嗰啲多欖菜，係多好多，配上其他菇類配料，份量味道都好足料🤗🍵冷泡芒果鐵觀音有大大個茶包喺入面，想話佢唔足料都唔得啦😂 成杯茶夠哂茶味，而且飲落仲有啲芒果味咁好清甜，爽呀😊🥤桃之戀人呢個係餐廳全新出既產品，夠晒大杯之餘入邊仲有好多桃，飲落超級重桃味，真係岩晒愛桃之人呀😍

📍#葵興 #檸檬冰室#羊羊在葵興#羊羊在新界成日都經過見到幾多人食，就想入去試下😏雖然餐廳係以檸檬做主題，餐牌頭個頁都有檸檬菜式🍋不過最好食竟然係其他嘢，真係估佢唔到🤣至於裝修都想講下，係有別傳統茶記，會多啲玩味元素，感覺年青啲💪🏻不過啲姐姐仲係咁熱情，一坐落嚟就遞水又問食咩😂🐖咖喱吉列厚豬扒飯 $72咁啱見到隔離枱叫，勁大塊又香咖喱味🍛豬扒真係勁大，仲要厚切，唔係厚炸皮，啖啖肉超正🤩咖喱係重椰奶味咖喱，一大兜食完飯都仲有🤪🐑保雲蘇焗羊架 $148估唔到茶記都有，仲要大大份嘅呢😆羊架冇得揀幾成熟，但唔老，係唔知點解整出嚟係紅噹噹😝好港式風味，羊架會落黃芥末，不過又冇違和感😳薯條係熱辣辣，食落好脆🍟🥣羅宋湯 (跟餐)好足料，聞到好大陣蕃茄味🍅仲有唔同嘅配料，好似有西芹/薯仔🥔🥤冷泡芒果鐵觀音(跟餐特飲+$12)店員推介話鍾意津X烏龍茶可以試下，俾佢吸引咗😆見到連茶包上，即係唔係幾包茶沖一大壺，茶味都有🫖感覺有啲似台式手搖飲，有驚喜😸個人建議，兩人一杯都唔駛加其他飲品，好大杯🫢總價錢 － $232評分－回頭草指數（🍀🍀🍀🍀🍀滿分）食物：🍀🍀🍀🍀環境：🍀🍀🍀🍀服務：🍀🍀🍀🍀#hkfoodie

✨麻辣滑雞片米線其實我冇食過麻辣味嘅嘢🤡但米線控嘅我 喺2個choices (冬蔭功&麻辣) 之中，想揀個未食過嘅！嘩。。我真係睇少咗佢嘅辣度😳係幾夠辣！🌶️聽講呢度啲撈公仔麵好正好香😋

有時唔想煮就會叫呢間屋村茶餐廳！最推介佢既黑松露蝦仁炒蛋飯同公司海鮮炒飯佢既外賣好大盒 飯餸都好多 蝦仁勁大隻 一d都唔係嗰d cheap cheap冰鮮蝦仁仔女仔細食既話 兩個人share一盒都得！糧尾之選！

又喺完咗小組後搵飯食嘅時間，今次行遠少少，落咗去葵興邨嗰邊食晏，其實我哋都無咩目標，隨意搵，見到呢間「檸檬冰室」鋪面睇落醒醒目目咁，亦好似幾夠人氣，就中入去撞撞彩食返個午餐。 入面都喺茶記嘅格局，4人枱、6人枱、卡位等等，餐廳叫得「檸檬」，梗喺以黃色做主打啦，光猛醒目，最緊要都喺地方乾淨，又唔好太逼。 我哋坐埋一邊嘅卡位，啲餐具、紙巾、調味料、餐牌就掛咗喺牆邊，自由取用。 午市想食得抵啲嘅不外乎常餐、特餐同埋啲午餐，午餐定價$50到$68，對比起附近嘅茶記會貴少少，不過，就包餐湯，又包嘢飲。 羅宋湯餐湯有中湯、西湯揀，前者就老火湯，後者就羅宋湯，睇色澤個羅宋湯幾對辦，酸酸香香，又有幾多蔬菜喺裏面，不過，稍嫌辣度比較強，有少少嗆喉嘅感覺。 秘製無骨海南雞配香茅油飯 $68老友一心一意期待呢個海南雞飯，不過，佢話整體都喺麻麻地，唔合格，死因一，啲雞無乜味，比較淡口；死因二，雖然皮下脂肪少，但喺雞皮感覺唔夠爽；死因三，油飯雖然有啲香茅香，但有微微煮爛飯嘅感覺，此外，一般海南雞都會配有辣醬、黑醬油同薑蓉，但呢度薑蓉就無咗，俾咗幾條泡菜。 XO醬乾炒牛河 $55小弟揀嘅牛河超級大碟，份量喺平時慣

荃姐呢期時運好高，係葵興做完嘢求其搵間餐廳食都撞到間好嘢😂，個名叫檸檬冰室，位置就喺正葵興邨隔離。兩個人食叫咗兩個晚餐，跟中/西湯+送熱飲，然後例牌凍飲/特飲再加錢。😋羅宋湯都算足料嘅，味道就偏辣。😋欖菜肉崧四季豆 $65+$12(轉套餐)個人最愛菜式之一，呢間肉碎醃得好入味，食落好香口惹味，廚師煮四季豆火候控制得幾好，食落好脆而且有保留本身嘅甜味。😋彩椒薯仔牛柳粒煲 $85 🫶🏻好味到癲🫶🏻必食好有驚喜嘅一道菜，炒得好有鑊氣，主角牛柳粒煮得啱啱好唔會太老，第二主角薯仔外脆內軟，配角紅青黃黑三椒加上芝麻，全部混合起嚟味道非常惹味，送飯食真係一流，我食到爬飯都快咗😂。呢款菜好似唔係成日有，希望餐廳日後加入日常菜單，好好味🤤。😋凍奶菜茶膽ok，唔會太奶太甜。😋檸檬王子大杯C+配雲呢拿雪糕，又甜又夠爽，簡單好味嘅雪糕特飲。又平又好食😋我一定會encore!📍檸檬冰室 (葵興商場)📍葵涌禾葵里2號葵興商場地下10-12號舖.....

價錢偏貴，但又唔好味的茶餐廳。唯一推薦的是他的華田紅豆冰🫘！好大杯，係冰沙口感，華田非常濃郁！！無冰奶茶則不是很好喝叫了黑椒牛柳粒同板燒牛扒+腸(薯菜）黑椒牛柳粒的油比其他店的多大概幾倍，因為係可以完全浸曬肉同薯仔🥔。板燒牛扒肉都幾韌，菜得一舊半的白色花椰菜🥦。

🇭🇰HK Style CafeCha Chaan Teng or Ice House? 📍Shop 10-12, G/F, Kwai Hing Shopping Centre, 2 Wo Kwai Ln, Kwai Hing好似多咗好多冰室 好奇到底同茶餐廳有咩分別 原來冰室以前係賣甜品同凍飲 等人夏天可以涼住冷氣飲凍飲 而茶餐廳就係平民餐廳🤓✨肉碎豆腐蒸蛋 Steamed Egg with Minced Pork and Tofu hk$56 +熱檸水Hot Lemon Water如果想出街食得清淡健康可以嗌呢個！同感受到係冇味精😚值得一提係檸水好有誠意 有成4塊檸檬喺入面🍋✨雜扒餐+檸檬王子Mixed Grills on Sizzling Plate $98 + Prince Lemon $16個餐重包埋湯 可以揀羅宋湯/冬瓜湯 雜扒有牛扒 雞扒 豬扒 香腸同煙肉 跟薯菜 個人覺得雞扒最好食又嫩滑 薯條外脆內軟 啲翠肉瓜都索晒味👍檸檬王子特飲係雲呢拿雪糕溝+C 都幾特別😲#ngsikwuisei_hk#hkfoodie #hkfoodblog #hkfood #foodie #ch

整體價格都算合理，沒有加一。午餐配熱飲和湯。西湯羅宋湯比較嗆口。中湯沒什麼料，挺好喝。加3蚊凍飲，多冰，偏甜。正常口感，蒜汁感覺有點不夾味。換成黑椒汁或者洋蔥汁比較好。份量多，肉真的太大塊，吃不完。也是很大塊扒。醬汁不錯。份量也夠。餐廳位置挺多的，環境也整潔。兩個人可以坐卡位。服務還可以，上菜很快。收銀阿姐只會現金收銀，其他要找年輕的店員幫忙，這個需要改善一下。在收銀處等了一會兒。有機會會再來的。

是日午餐嚟到檸檬餐廳叫咗一個焗豬扒飯，跟中湯，加杯熱奶茶欣賞佢哋嘅湯無味精，而且足料煲；奶茶茶底香濃而不苦，用黑白淡奶沖，好飲焗豬扒飯夠多汁，茄汁味出，簡單配上鮮蕃茄菠蘿（沒有雜豆），好味

之前在深水埗的分店食過一次， 今次就到葵涌分店。 餐廳環境光猛舒適， 兩個茶餐 ～ 沙爹牛肉公仔麵+ 太陽蛋多士+凍奶茶、 鮑片火腿通粉+太陽蛋多士+凍檸茶。沙爹牛肉公仔麵的湯底香濃， 牛肉軟腍。 鮑魚火腿通粉整體份量多個公仔麵， 湯底有仿鮑魚汁的味道，唔會好淡。 太陽蛋煎得靚， 多士口感偏硬。 凍奶茶和凍檸茶味道正常。價錢親民， 食物質素正常。

檸檬冰室之前在其他地方見過，今次在葵涌見到決定試吓佢，午飯時間好多人，好彩都有位俾我坐，唔洗等，叫咗精選午餐秘製無骨海南雞配香茅油飯$68，包是日餐湯同熱飲，食物都快上枱，雞肉夠滑，但雞翼位有啲毛未拑乾淨，油飯唔係幾夠香，而且裝到‘一岩一窟‘，賣相差咗啲，但味道ok，座位感覺比較逼夾，但都係一般正常冰室茶餐廳食快餐嘅格局，而且食完都走，所以可接受，服務就一般正常服務質素，無咩特別，價錢合理，整體來講ok.#冰室#午餐#lunch#海南雞#油飯#套餐#滑#葵涌#ランチ

嗌咗個檸檬焗雞扒飯， 等咗我成四十分鐘都算， 催一催佢話等多幾分鐘。 咁個飯終於黎，第一啖入口，個飯d汁酸到震好正常，撳起塊雞皮見到d雞肉粉紅色既咁新鮮，應該煮左一分鐘。等左40分鍾煮塊雞扒刺身比我真係多謝曬

.📍檸檬冰室📍香港深水埗汝州街264-266號地舖茄子斑腩煲(168hkd/2人set)連煲上枱熱辣辣，斑腩份量都多，都有成6-7舊，啲蔥薑蒜爆得好香，炸皮微微焦香，入面嘅龍利柳啖啖肉，茄子🍆煮到好入味，配飯一流🥰馬來咖喱薯仔牛筋腩薯仔🥔有成3-4大舊，全部都燉得好軟爛，吸哂汁好入味，肉量都多，切得比較細舊易入口，筋膜部位唔會太韌，牛筋腩比淨牛腩更加有咬口，咖喱汁唔算太咸華田紅豆沙冰(+8hkd)超級大杯😍沙冰夏天飲真係透心涼，趁仲有幾日熱天，要捉緊夏天的尾巴，快啲去試下😂🤫華田好濃好香，加埋紅豆🫘又出奇地夾🥰雪糕紅豆冰(+12hkd)有一球雲呢拿雪糕🍦，紅豆佔左4成😂真係好佛心，紅豆煮得幾軟但未到爛，保留口感，用椰汁做底，好香，喜歡椰汁的朋友必點🫣#foodiblum港式

#葵涌 #葵興 @lemon_cafe.kh👩有日媽媽有事情要去葵興, 順路搵我呢個乖囡食午餐! 媽媽朋友介紹有間招牌好搶眼冰室, 有佢最愛的鐵板餐, 咁就一於試試啦! 🥩鐵板法式牛柳 $118 ~ 牛柳好腍滑無筋, 唔似一般冰室、茶餐廳會用鬆肉粉, 原汁原味, 讚! 選配意粉, 配茄汁, 軟硬度剛好! 蒜香汁上枱時才倒, 有誠意! 🐖蔥油豬扒撈公仔麵 $50 ~ 套餐配黑松露炒蛋及丹麥多士! 其實有鮑魚撈麵, 但我實在太喜愛蔥油, 所以今次就放棄鮑魚! 豬扒同樣無用鬆肉粉, 好大件又厚肉, 蔥油份量夠多, 麵軟硬度剛剛好, 全部掛汁, 超讚! 蛋炒得好滑好滑, 松露味好香! 丹麥多士上枱時已塗有牛油, 滿滿的牛油香! 🍹加 $12 要杯黑牛 & 加 $8 要紅豆冰! 一整罐可樂自己倒, 朱力力雪糕仲要係有朱古力碎粒嗰種, 超值! 紅豆冰聽聞啲紅豆好粉糯, 好正! 🥣湯有中、西湯選擇, 媽媽話中湯無味精, 好好飲咁話!