橫濱家系町田商店

營業中

休息中

🍜放假入咗屯門行下食下野，係VCity落條電梯就見到呢間拉麵好似唔錯噃，二話不說就入去開餐嚕🥳🐂極上和牛野菜拉麵：呢個拉麵賣相一流，上面個塊和牛嫩滑都不得了，油脂分布平均，油香豐富，拉麵仲可以揀粗幼，我揀咗有咬口嘅粗麵，好好味，值得推介呀💯🐽魚子醬雞胸拉麵：拉麵上面放咗好矜貴嘅魚子醬，令成碗麵嘅高級感提升不少，軟熟嘅鷄份量都係唔係少，配埋幼麵呷啖湯一齊食，正呀✅🐔炭燒雞肉串：估唔到呢個炭燒雞肉串咁大份同埋咁好食呀，丸丸上面鋪滿甜甜又惹昧嘅酱計，鷄肉入口勁有咬口，必食小食之選💯🐤炭燒雞軟骨串：雞軟骨串係居酒屋最受歡迎嘅串燒🔥炭燒味道都唔錯，好知味呀❤️

橫濱家系町田商店嘅第二間分店登陸屯門5月經過嗰時見到門口排滿晒人今日終於的起心肝 輪到我嚟食😎極上和牛野菜拉麵 粗麵 $158一大片和牛🐃上面灑滿胡椒粉🧂令到清清嘅鹽味湯底充滿黑胡椒香極品叉燒拉麵 粗麵 $158豬骨湯底香濃飲得出熬得幾濃厚叉燒🐖軟淋得嚟有咬口炭燒雞軟骨串 $68醬汁好惹味有雞軟骨嘅肉丸🍢未食已經知口感豐富有雞軟骨🐓爽爽口感又有丸類🧆彈力肉質炭燒雞肉串 $58同雞軟骨串🍢嘅醬汁一樣，甜甜鹹鹹好惹味

日本第二大連鎖拉麵店「町田商店」殺入香港，全球分店破800間，仲要係橫濱家系拉麵鼻祖—豬骨混雞骨熬足15小時嘅濃厚湯底，再撞秘製醬油，飲一啖豚骨香黐住喉嚨！香港第二間嘅屯門店裝修玩紅黑撞色，卡位闊落，獨食仲有吧枱專區。 今日主角係 「極上和牛野菜拉麵」 — 粉嫩和牛片鋪滿碗，火炙焦香逼出脂香，咬落似牛油溶化！湯底索晒和牛油香，層次飆升～粗麵掛湯力MAX，清湯底有極濃胡椒香味，夾埋菠菜同椰菜絲，野菜甜味平衡濃膩，食完成個口腔迴盪豚骨香。 即叫即炸 「海老天婦羅」脆到犯規！金黃脆衣薄過紙，咬落”咔嚓“聲直衝耳膜，入面原隻大蝦彈牙爆汁，鮮甜海味撞埋天婦羅汁，邪惡感爆燈。一客有五隻真心抵驚喜位係 「日式粟米球」！外皮炸到微脆，一啜開即爆甜粟米漿，忌廉香滑帶粒粒爽甜粟米，熱辣辣食唔停口！細細粒當小食送酒一流。 由濃湯掛壁度到和牛厚度，完美還原日本本店風味，大胃王必嗌和牛拉麵，海老控要衝天婦羅！人均$150左右，屯門友終於唔使出市區撲濃厚系拉麵～

屯門新拉麵店，店內感覺好cyber, 全店以黑白紅佈置，除左拉麵，仲有飯食。極上和牛野菜拉麵 $158拉麵湯底清澈，碗中還有豐富的配料，包括入口即溶既和牛薄片、菠菜、椰菜、糖心蛋、鵪鶉蛋。和牛薄片入口即化，肉質鮮嫩，油花分布均勻。湯底帶有濃郁既肉香與蔬菜既清甜。魚介豚骨沾麵 $118每一口拉麵都掛上濃稠既醬汁，濃厚既豚骨味與鮮美的魚介味交織在一起。極品叉燒拉麵 $158豚骨湯底，香氣濃郁。叉燒係呢道菜既靈魂，肉質鮮嫩，入口即化，每一口都充滿油香。斑馬大蒜牛油拉麵 $103加入牛油後，湯底更加香濃滑順。口感層次分明，濃郁的牛油和大蒜味道讓人一試難忘。每一口都充滿香氣，如果你喜歡濃郁的味道，這道拉麵絕對值得一試！唐揚炸雞5件 $58超大舊，口感外酥內嫩，咬下去時外皮既酥脆感與雞肉的鮮嫩交織。

呢間日本過江龍開第二間香港分店屯門分店用紅黑色裝修夠晒搶眼入到去即刻feel到濃濃嘅東瀛🇯🇵風情🔹極品叉燒拉麵（幼麵）湯頭極濃郁 飲得出係真材實料熬足時間叉燒份量多 半肥瘦入口即化-🔹斑馬大蒜牛油拉麵（粗麵） 黑蒜油撞牛油嘅組合邪惡到極點麵質彈牙有咬口 掛湯一流 🔹日式粟米球外皮炸到金黃脆卜卜 熱辣辣食簡直係罪惡感滿分🔹炭燒雞軟骨串炭火香超突出 雞軟骨大大粒灑少少七味粉更加惹味呢間絕對係近期拉麵界黑馬湯底濃而不膩 麵條水準超高 小食仲有驚喜係會令人心思思想再encore嘅好店 👍🏻

最近經過Vcity 先發現原來開左間拉麵店。紅色招牌加上店內黑紅色設計，非常搶眼。拉麵同小食都相當吸引，麵底可以揀粗或幼麵，拉麵份量比其他店多，非常夠飽。粗麵更有咬口，配比較清既極上和牛野菜拉麵最合適不過，而幼麵就建議選擇味濃既湯底比較好。 極上和牛野菜拉麵 $158和牛即使揀左全熟，依然係入口即溶，湯底比較清，食到拉麵既蛋香味。配菜都唔少，有波菜、、椰菜、糖心蛋、鵪鶉蛋等。 極品叉燒拉麵 $158叉燒4大片，肥瘦均勻，又香又淋，好香油香味，豬骨湯夠晒濃，十分推薦。 小食一D都唔遜色，章魚小丸子，$48/6粒，大大粒，燒得非常脆，入面較黏口，質感似年糕。日本粟米球，$48，香甜粟米加上外皮脆卜卜口感，一份唔係好夠喉。

最近v city真係愈開愈多日本餐廳，入面開左間新拉麵鋪😎趁落大雨之前決定入去試試，聽聞係日本第二大連鎖拉麵店😛餐廳裝潢以黑紅色調為主，我仲可以坐窗邊位添，自己一個黎食都無問題有自家工廠製作拉麵，所以口感會食得出🥰🍜橫浜終極mix拉麵 $118依款係最受歡迎既拉麵，麵底可以揀幼麵或粗麵，我就揀左粗麵，麵都幾彈牙，用左自家湯底，配料有3塊叉燒，食落都軟熟，糖心蛋就正常發揮🤪🍜極品叉燒拉麵 (加左$15要麻辣炸彈) $173依兜西利，湯頭好濃郁，配料係有5塊叉燒，叉燒都係厚切，而且啲麵索哂啲汁，成件事勁飽😗🍢炭燒雞軟骨串 $68依個係平時拉麵店都好少見到有，見咁特別就特登叫黎試下，佢係好似丸狀，口感好豐富，爽口彈牙🤪🍡章魚小丸子 $48依個要趁熱食，會更加好食，外層好脆，入面好夠軟心，咬落去係爆餡🤓橫濱家系町田商店 (屯門)📍屯門屯門鄉事會路83號V City 1樓L1-15號舖

見屯門Victy 新開左間拉麵，一於入去試下，叫左個叉燒拉麵，味道都可以，足料。再叫多個鰻魚飯試下，個汁又幾好，整體味道不過不失環境空間夠闊，位置坐得舒服，如果可以下次盡量安排卡位會更好

一共食咗呢間店兩次第一次去啟德第二次屯門面嘅味道都差唔多🤤都比較偏重口味佢係掛汁嘅日本拉麵🫶🏻加上份量都好足價錢嚟講唔算特別平係正常香港食拉麵嘅價錢諗唔到食咩都可以食吓🙌🏻

今日去咗呢度食辣味噌拉麵，香氣撲鼻。味噌湯底濃郁，不會太咸，亦唔會太辣，好岩我呢類唔係幾食得辣，但又想食炒少辣嘅人食。叉燒入口即溶，溏心蛋幾甜，好好味呀！幼麵軟硬適中，十分彈牙。

今日自己一條冷係v city搵食，望到呢間拉麵店有一人望窗bar位，就入咗去試吓。一行入去唔洗等有自助飲水，唔錯。唔小心倒瀉咗水係枱，店員立刻幫我抹，服務好好叫咗個斑馬大蒜牛油拉麵，$103。因本人愛食黑蒜上面加咗粒牛油，好特別！麵有煙韌感，好食塊肉亦好香，有入口即溶感覺塊紫菜好香，有日本紫菜感每人有樽水㗎一路食麵， 可以睇住窗外，一個人的浪漫餐牌設計高貴特別。QR掃code, 自己點餐今次印象不錯，下次叫埋老公黎食。

今日天氣稍涼，想話整碗熱辣辣嘅拉麵食，諗起呢間新開無耐，就話想黎試下。我自己比較大食，除咗本身碗麵仲加左好多料，但上到菜：碗係凍嘅、肉係凍嘅、菜係凍嘅，我講嘅凍係岩岩由雪櫃拎出嚟嘅個種凍，啲叉燒嘅脂肪仲係白色固體可以拎去做大油炒餸嘅個種凍，連個湯底都只係暖絕對唔到熱，造就左一碗上左菜幾分鐘就油到核爆嘅拉麵。雞軟骨串口感好份量多，抵食但調味差，個人口味較淡食一粒要飲一杯水炸帶子、餃子不過不失整體黎講，碗麵唔想食，清晒啲sidedish之後我情願過隔離食碗雲吞麵，都唔想食呢碗凍嘅拉麵

食完啟德店覺得可以榮升最中意拉麵😆之前專登出air side幾次就係為左食佢。見到屯門有即刻去，整體不過不失，但如果想食都會出返啟德🙏🏻屯門湯底比較稠身同咸，飲多兩啖都唔掂相反啟德食幾次都啱啱好，可以飲多碗🥹除左湯底，麵質叉燒嗰啲都係好好食既👍🏻個人感觀，啟德既staff笑容好好，態度都好好👍🏻屯門唔知係咪晚市好忙啦，門口有個staff全程黑面😂等位望到佢啲表情同對客都好似啲客得罪佢咁，可能係經理，隔離個帶位妹妹真係陰公，一定好大壓力。其他入面既staff都好好！！！

屯門Vcity 新開了這間拉麵店。座位也算多。今次2 個人叫了斑馬大蒜牛油拉麵、橫濱家系E.A.K. 拉麵🍜及餃子🥟。入座的時候，服務員亦有告訴我如果要沾麵就要等耐一點。拉麵味道真不錯，亦有粗麵和幼麵可以選擇。湯底美味。餃子可以選擇三隻或者六隻。味道亦很好。這裏有很多小食亦有炒飯等等。下次我會我一定會再來，我會試炸雞、章魚小丸子和魚介湯沾麵。如果一定要我挑剔的，就是水是室溫水並不是平時吃拉麵提供的冰水。