樓上靚湯 (已結業)

度度都好多人,同事帶路話黎呢度睇下有無位,咁0岩有,我地一行7人就咁就坐低lu每人叫一個set lunch,我叫左個燒羊扒配意粉,羊扒一d都唔"蘇",又唔鞋,味道幾好,意粉又夠彈牙,0係中環$58一個set算係幾抵食ga la環境方面,呢度其實好細ga jar,不過地方新淨企理,好介紹!…查看更多

慘，突然間中環咁多好味0既地方摺埋。…查看更多

不經不覺，中環的小姐Lunch都搞了好幾次。由麻辣菜到法國菜到意大利菜，今次是輪到住家菜。是次又有新成員的加入，就是時常在麻甩lunch中突然出現的西門町大惡男。多得花花花的推介，這裡賣的是無添加湯水，及真材實料的菜色，對於一眾早午晚三餐都要在外面食的朋友，實在是個不錯的開飯地方。這裡網修簡潔，窗明几淨，非常光猛，給人舒服的感覺。一入門口，真的如花花花的食評所言，是聞到好香的炆牛腩的花椒八角味道。午餐有5款選擇，我們七位食友，當然又叫晒來試，其中牛腩及炆燒肉更叫兩份，另外的就是薯仔炆雞、青紅椒炒牛柳絲及豆角銀鱈魚。先來招牌湯水，是日的是花旗蔘煲廋肉。呢度以「靚湯」為名，啖湯果然是非常之正，夠火路，足料，味道甘香，十分不錯。不過碗湯是有多有少，我的連湯渣也只得半碗，Christy的就近一碗。Lazyqueen就打趣道，其實連湯渣也不應錯過，應該「撈渣上碟」！幾款菜色也陸續上檯，賣相平實，在座食友也同意是很家庭式的感覺。炆牛腩很夠味，不過不算炆得很腍，當然帶筋的部份是最有咬口最好吃。Olivian說伴碟的洋蔥也香甜好味，吃落也是。紅洋蔥切絲，保留了爽脆口感又有甜味，結果兩碟牛腩的洋蔥是轉眼便掃清；豆卜炆燒肉的燒肉是全用了較差的沙彌篤，好處是阿鹹，壞處當然是肥肉過肥，廋肉亦韌。見此情況，當然是同煮的豆卜會更好吃的了，吸收了豬油的味道及汁醬的濃味，又是伴碟配菜吃完，燒肉還剩幾舊的局面；薯仔炆雞又是妹仔大過主人婆，伴碟的紅蘿蔔及薯仔夠腍又有雞肉的味道，難得是還保留了薯仔的形式，不會糊掉，花花花說是最喜歡這味。雞是冰鮮的，吃落沒什鮮味，又是剩下了雞件沒人問津；幾款菜色中，銀鱈魚是較差的一味，豆角太腍，銀鱈魚亦帶腥味，如大惡男所言，吃到最後，腥味更濃，有得選擇的話，是吃其他菜色較好。店員招呼很週到，添水收碟做得很足，有在別人家吃飯的感覺。埋單每人48蚊，雖然菜色味道平實，當然是不加味精的原故。餐前的湯是甚出色，加上經濟抵食，值得一試。題外話一：這裡屬一般商廈格局，抽風系統麻麻，雖然店內以炆煮食物為主，但離開時西裝也有點點油煙味；題外話二：跟麻甩Lunch相比，小姐Lunch是吃到最後也有東西剩的。跟麻甩吃飯是，不到半小時，所有食物已早早清碟了。…查看更多

　整個星期都是在混亂中渡過，期間與不少朋友吃飯，亦試過一些新餐廳、新點子，當中不乏叫人讚不絕口的菜餚，就如小姐Lunch的「樓上靚湯」，雖然是星期二的事，然而當日喝到的那盅參湯，其甘味教人一試難忘．．．　雖說是小姐Lunch，然而在坐的，又怎會只得女士？起碼，愛試新點子的老頭子一定浦頭，K兄當日亦是坐上客，可能是想分享他在「泰國之行」的感受吧～？偶嘛，路過的，見有靚湯，也就不客氣地霸了個位置。　秋夏陽光透射入來，在以白色為主的設計下，予人明亮舒服的感覺，有些地方叫人想不通的，大概就是老頭子身後的玻璃門設計，進出時，教人哭笑不得，細望木櫃上的擺設，竟然是一系列「美容產品」，難道是「掛湯頭，賣護膚」？　「惡男點解著成咁？」，今天又成談論對象，心諗「都唔係咁奇嗟，若果妳地見到老頭子著便服係度食飯，咁就真係直得研究啦哈！哈！」；餓的要命，也顧不得大家在說什麼，還是乖乖的品嚐眼前的參湯，乖乖不得了，材料比湯還要多，人家煲肉骨茶一份水、一份肉，偶看這盅湯，料佔七份是走少不了！參．．撈到的都是參，若愛吃參的話，這盅湯大概夠你吃個飽，28大洋，卡路里不見得多，真是價廉物美的午餐！淺嚐一口，甘的很，感受到的，盡是參味，味雖濃，幸好卻未去到苦的層次；感冒未清者喝下，會是「清熱毒」，還是「加速惡化」？　當大家眼紅著Christy那盅參湯時，K兄閃身而入，大家面有異色，偶頭上卻冒出千個問題來，著便服原來會招人妒忌？當說到K兄的奇遇時，之前的問號即轉化為不絕的笑聲～　雖然小姐姐們對K兄的奇事問個不亦樂乎，然而對檯面上的菜，卻又沒有放鬆手腳，「雖然比牛腩炆得好入味，但洋蔥做得重好，好甜好好味！」、「薯仔煮得好淋，而外形保持完整，味道同賣相都係一流。」、「豆腐比燒肉煮得重好！」；手快有、手慢無，說的就是夾菜的速度，可憐主菜吃剩一大堆，而配菜卻不知落到那裡去了，更可憐的是，手慢的偶，沒緣一試豆腐卜，只得在大家說話中，得知豆腐卜，原來是可以好好味的，鳴．．．大家對配菜讚不絕口，說真的，綠葉隱隱然蓋過牡丹，實屬意料之外，其實，如果可以花多點心思在菜式的設計及分配上，一去住家菜給人普通、隨便的印象，綠葉或可使牡丹展現出另一層次？　散後，被老頭子一句說話驚醒，食評本來是隨筆，從來未想過，追求美麗的構圖會是一種能力，人生一直在尋覓著的答案，原來就是記在筆下的文章。　後記：星期三早上，喉嚨痛的感覺是較昨晚有所改善，臨床實驗又一次證明，參湯「應該」對感冒引起的喉嚨通有少少幫助，即使功效不大，亦「應該」無副作用。　　P.S　5分是對湯水的評價。…查看更多

經大家一輪投票後，勝出的是花花花介紹的樓上靚湯。Set lunch有五款選擇，我o地7個人，當然叫晒啦，而且重複炆牛腩及炆火腩。先o黎靚湯花旗參煲雞，材料十足，飲唔出有味精，之後亦沒有口渴感覺。五款當中我最鐘意竟然係炆牛腩，係花花花推介，好濃花椒八角，牛腩全完入晒味，但炆得又不至於過諗，不過最好味係配菜的洋蔥，又香又甜。黑椒炒牛柳-即炒好熱同好夠火喉，炒得唔會過老，又係配菜的洋蔥最甜又好食。薯仔炆雞球，一上菜我仲以為係白切蒸雞件，大家都認為薯仔又好食又入味。炆火腩- 火腩肉質較鞋，豆腐卜浸晒D精華，又係大家一致讚好。蜜糖豆魚柳-蜜糖豆煮得過諗，魚柳冇咩味，不過肉質唔會霉。總體來講，味道濃得來但沒有味精，是少有的健康菜。…查看更多

朋友話帶我去食無添加, 等我打去訂位時發覺原來就係呢度.裝修好簡單, 一個open kitchen, 一間玻璃間房, 幾張木檯, 真係好屋企feel.是日有5個小菜選擇, 炒雞球, 鹵豬肉, 牛腩, 蝦仁肉片同牛柳. 另加人蔘湯.一眼我就揀牛腩, 朋友揀左蝦. 先來蔘湯, 內有唔少湯渣, 蔘鬚, 龍眼肉, 瘦肉同金華火腿絲. 望同飲落都好清, 真係連鹽都無落, 但又唔覺寡, 可能就係因為足料啦.牛腩都好快上檯, 始終呢樣一定要炆番咁上下時間的. 落單的時候, 個叔叔已經話牛腩正, 仲有牛筋添. 雖然份量唔算好多, 但件件都炆得夠, 牛腩入味, 但我更鍾意牛筋, 有咬口, 唔係食落口一pat pat果種. 伴碟的椰菜連埋d腩汁都好好味呢.碟蝦係即炒的, 因落單後, 即見大廚(老闆娘?)落鑊炒, 仲聽到炒菜聲, 真係好似屋企咁. 蝦仁唔係好大隻, 但爽口, 肉片入味唔韌. 估唔到加埋黃椒一齊炒, 送飯唔錯.對於好多忙於工作而無乜時間返屋企食飯的人來講, 這裏不失為一個好選擇呢!!…查看更多

2個多星期, 已幫襯了3次, 比我回家吃飯的次數還多, 叫「我的飯堂」也是名副其實~這裡賣的只有4-6個菜, 以牛腩,牛根及五香魯肉的水準最好, 夠香料, 又入味, 蒜香的菜是啖啖的蒜味, 薯仔炆雞就不似炆, 似蒸多d, 不過雞味十足, 又幾好食~周太又重申, 是日全部菜及湯都沒有下鹽, 菜只是用了豉油吊味~ 湯則加了金華火腿~ 健康到不得了!上星期飲的是靈芝湯, 我共喝了兩碗(第一碗跟餐的, 再叫一碗要收28蚊, 所以最後叫多一個餐,都只是$48), 4個人點了5個餐~今天飲的則是參湯, 真的好味極了~要數缺點, 應是份量不太大, 不夠各openricer 食…..…查看更多

趕不及去OR 小姐Lunch, 錯有錯著, 吃了一頓完美的午餐~同事原本建議到Pairs Cafe, 路上剛巧遇到派這間cafe咭片的人, 看看內容也不錯, 便上來~甫入門, 便聞到陣陣香味, 應是炆牛腩....好香!米白的裝修, 舒服自在, 簡單就是最好, 才12時多, 店子只有我們3位顧客, 店主周先生及太太熱情的出來招呼~沒有餐牌, 所有菜都寫在小黑板上, $48的午市套餐, 包老火湯, 小菜及飯是日老火湯是花旗人參湯, 小菜有四款, 分別是香蔥蜜餞魚柳, 鹵水香牛腩, 馬蹄炆雞及黑椒炒牛柳, 我們點了兩個魚柳及一個牛腩~次序有點怪, 先上檯的竟是小菜及飯~ 然而, 當小菜上檯後, 我竟然有點似曾相識的感覺, 就像到了嫲嫲家裡吃飯般, 菜沒有賣相, 都是平平凡凡, 但實力是不容忽視~魚柳好香好滑, 牛根好爽, 花椒八角味好夠, 連飯都夠飯香, 跟在嫲嫲家吃飯一樣, 而湯是真材實料, 因為媽媽不會煲湯, 所以好久沒飲到好的湯了~飯後, 周媽媽過來問飯餸味道如何, 閒談間, 她提及了所有菜及湯水都沒加入味精, 另外湯沒有加鹽, 只下了金華火腿吊味~ 還有一些題外話, 養生之道, 牌照等等..很喜歡周媽媽的和藹可親, 健談得來不會太過hard sell, 尤其是見識過某些食店老闆, 過份的socialize只會引起食客的反感~走的時候, 這裡已差不多滿座了~ 周氏夫婦還說「你地咁快就走呀, 唔坐多陣!?」如果喜歡一頓簡單的午餐, 一頓沒有味精的午餐, 這是一間值得去的店子~…查看更多