樂湯雞麵館 (庇利金街)

先叫胡麻醬手撕雞撈烏冬，紅蘿蔔青瓜絲加上胡麻醬點綴，手撕雞肉夠足料連埋紅蘿蔔青瓜絲好爽口，手撕雞肉係粗身既雞絲，雞味亦香，胡麻味十分入烏冬，烏冬厚度適中，又夠滑同手撕雞肉很夾。再叫花膠湯是黃白色的湯頭清澈而不油膩，熬出鮮味的雞黃油，數片大塊的花膠爽滑富彈性，更加入鹹香金華火腿提鮮，健康又滋潤。而花鵰醉豬手是道冷盤小吃，凍食嘅豬手一隻切成幾件，豬手非常入味，而且充滿酒香味，啲酒味好香但唔係好濃，豬手咬落帶有嚼勁，好有咬口，肥膏位都夠彈牙，加上伴隨嘅蟲草花、杞子都煮過酒非常好味。另外叫咗個涼拌海蜇手撕雞，份量都幾多，個海蜇口感爽滑，個雞絲亦嫩滑好味，夾埋啲青瓜絲真令人超級開胃。而紅油花膠魚翅餃咬開一半見到入面有唔少既魚翅，好足料好夠味道，亦好大粒，餡料澎湃，有木耳絲魚翅和肉，真係好有口感。樂湯雞麵館的豆漿非常新鮮美味，它擁有濃郁的豆香味，口感順滑，並且沒有過於甜膩的味道，這是一杯非常適合作為小食的飲品，而烏龍茶也是非常夾所有美食。這間餐廳主打健康為主，少糖少鹽，真是非常正，而且食物質素高，價格又唔貴，我哋都會下次再來食，亦都好值得推介俾大家。…Read More

前排天氣轉涼 即刻想食番啲暖笠笠既嘢於是搵埋朋友 去咗食呢間「樂湯雞」Weekend夜晚去食都唔洗排隊 入去就有位不過座位之間就比較逼 叫咗個醉雞藥膳湯麵麵有得揀米線個d 但我就揀咗刀削麵原本係貪佢比較有嚼勁 但呢間麵當日就煮得比較淋身醉雞有酒味 但略嫌唔夠嫩滑 有d雞皮上面仲有毛至於個藥膳湯 我比100分入口濃郁 仲有藥材既回甘味可以encore…Read More

宜家做生意真係要夠厚臉皮，夠無耳心。滿心期待自家淆製雞湯底，點知一飲冇味既（本人平時在家係清蒸白烚走調味多，所以味覺相當發達😉)，飲多啖似係豬骨湯底，即係平時打邊爐，侍應一大壺，大方到好似唔駛錢，無限為你加湯，嗰d罐頭豬骨化學湯底，但入面係完全冇豬骨成份既呢...（東張都報過哂）跟手求其加幾件雞落去煮，煮時雞皮又會滲d雞油出來喎，咁就扮到自家製愛心靚湯喇，D雞仲要切得勁薄，再加2舊仔魚翅餃，咁就當一個餸？ 真係人無耳心，便無敵。白飯得半碗既飯量，侍應話好多人食唔哂碗飯，浪費食物，所以轉咗細碗來裝，唔夠可以添飯的，我非常欣賞佢珍惜食物夠環保，但又冇寫出來講明可以添飯喎？人哋鵪鶉唔敢出聲啲人咪食唔飽或再俾錢叫多碗飯囉？ 係咪想側側膊博食客唔出聲慳返米飯，或者賺多碗飯錢呀？豆漿交嚟既，偏甜，冇特別，冇heart，跟餐都仲要加$9，我唔覺得有平過囉，完全正價價錢。食哂d雞和魚翅餃後，食風咁，本人女士，最近減肥細食咗好多，都食唔飽，唯有叫多個醉豬手小食，睇睇下原來有沙薑口味，於是乎就轉咗沙薑豬手，侍應話好在未整，否則倒咗醉汁落去就改唔到單... 聽到呢句我心裏一沉，已知又瀨嘢...😑原來係叫咩口味倒咩汁落去，豬手係純白烚既，我心諗，呀...有料！ 求其到咁，都夠薑開食店？ 唔駛問，個豬手結果梗係完全唔入味啦... 都算！ 最離譜係58蚊既豬手其實根本得2舊左右，但碎上扮多... 唉... 結果三扒兩撥我又食完碟豬手喇，嗰半碗份量既飯我竟然仲剩下三分一，完全冇添飯的意慾，因為已經冇哂餸... 我終於明白點解咁多人食唔哂碗飯了。😆我今次唔會再蠢多次了，果斷賣單！永不幫襯！賣單$155，一個人食，竟然唔飽，結果要再買狗仔粉和碗仔翅先飽，離哂大鐠！總結：打邊爐罐頭化學湯底你夠薑賣$90？咁既份量我女仔都唔飽，小朋友可能會飽。 咁hi求其都夠薑開食店，全靠大家食唔出。D正評係點嚟？ 大家心裏有數啦，有錢真好。D分店點開到？ 成本低，利潤高，無耳心真好。…Read More

正所謂：「落咁大雨，唔通連個天都唔鍾意我？」作為落湯雞，都有食好嘢嘅自由！行街遇著大雨，咪去樂湯雞轉換一下好心情！依間樂湯雞係佐敦都一段時間，咪以為淨係秋冬季先有咁多人捧場，連熱到傻嘅夏天都會有人等位就知佢殊不簡單！今次同朋友一齊變落湯雞，除咗會試佢地最出名嘅砂鍋花膠雞外，仲叫多咗個口水豬手。砂鍋花膠雞確實夠熱，不過味道方面可以再重手少少，食落口真係有啲淡之餘，亦都突出唔到雞味。至於入面嘅花膠，大家當然唔好諗住係咩特別花膠啦，不過都算有一定份量俾大家咬下，而且都煮得唔錯，唔會融哂落湯，亦唔會好似咬緊舊膠咁。口水豬手切好一件件上枱，都相當貼心，方便大家食。豬手夠腍，加埋夠香夠辣嘅紅油，啱哂鍾意食辣嘅朋友。佢仲會送多碗湯，俾大家解辣之餘，都唔怕食食下太乾。餐廳仲有藥膳雞、雲吞雞選擇，鍾意食滋補嘢嘅朋友真係可以考慮一下。而家都九月，一於搵埋屋企嘅老人家一齊去食番餐先！…Read More

人到咗一定年紀就會開始注意身體，所以近年都多咗食藥膳。無論係火鍋定小菜，香港都越來越多藥膳類或者有藥材成份嘅菜式！今次嚟到佐敦依間樂湯雞，除咗有藥膳雞，仲會加入桃膠、雪燕等滋補食材，當中唔少仲係砂鍋類嘅菜式，相信秋冬季一定好受歡迎！我就叫咗佢地係menu都推介嘅藥膳醉雞配米線，佢仲可以選配粉絲、米粉甚至刀削麵。藥膳雞每隻都恰到好處，唔會太重藥材味而令到雞味全失，上面仲有幾粒枸杞，成件事食落都夠滋補！米線湯底都唔馬虎，熱焫焫咁上枱，聞到陣味都令人流哂口水！店內環境雖然唔大，枱同枱之間確實係有少少逼，不過香港地少人多，大家將就一下食個補身健康lunch又有咩所謂呢？…Read More

以前太子分店未搬之前食過好幾次都覺得幾好今次就嚟佐敦分店呀點咗～醉雞藥膳湯刀削麵刀削麵個質感都OK但個藥膳湯底都幾淡下比起以前食真係退步咗醉雞呢雞肉幾滑嘅但係個醉汁都係爭啲都係淡左呀～砂鍋雞湯翅米粉可能因為砂鍋上佢個溫度係keep到好熱個雞湯幾濃郁我幾鍾意呀美中不足係個米粉好淋我本身都鍾意食淋身呀但佢真係over 左～涼拌蘆筍呢個涼拌汁幾好食喎幾開胃同埋萵筍好鮮嫩下呢個幾讚蝸…Read More

呢間《樂湯雞》越開越多分店，但食完呢次之後就覺得又貴份量又少。砂鍋花膠雞湯翅，花膠一細舊，魚翅兩細條，雞就得5舊。另外佢啲金華火腿好臭，有陣腳臭味咁，好明顯處理得唔好，完全冇金華火腿既香味。刀削麵係現成個啲，絕對唔係手打／手切，冇咬口，好淋，唔索味。湯底方面，較淡，而且真係只得雞味，但雞味又唔算好濃，飲唔出其他食材既味道，較單一冇層次，冇令人想一直飲既感覺，而且飲完好口渴。雞就份量少，每舊都好細舊，肉質唔滑。呢碗野要價80幾90蚊，都好貴，但一啲都唔值，如果呢個價錢我寧願食大圍好湯好麵或者鳳鳴居，嬲呀～…Read More

砂窩桃膠雪燕椰子雞 $82 刀削麵滾住湯上台，新鮮滾熱辣，雪燕、桃膠份量一大撮，賣相加分！對女士養生保健、是再合適不過的選擇，雞肉不算非常鮮美，但勝在口感滑嫩。而且湯底椰子味濃郁，椰子🥥嚼一嚼仲有味，麵底軟硬適中。朋友點咗藥膳醉雞 $74刀削麵，加辣油，招牌套餐的水準合符期望👍🏻另一位點咗砂鍋花膠雞 $82米線，花膠都有好多嚿，size唔細，不過顏色、味道偏淡，但感受到店家的誠意。店舖環境寬敞明亮，距離舒服，是三兩同事朋友聚腳的好地方😁…Read More

琴晚去佐敦食咗個花膠雞湯翅刀削麵嘩，個煲一上枱仲係熱辣辣架😍😍正，岩哂我望望下張枱紙，原來太子有分店岩啦近我啊🤣可以成日去食原來太子有得打邊爐架，下次要過去試下同埋有個靚仔，又高大，又靚仔，最緊要係服務好啊麻🥰🥰🥰…Read More

[ 樂湯雞麵館 ]呢間位於佐敦嘅餐廳，主打雞湯&藥膳湯嘅菜式，可選擇有花膠&魚翅等湯料，價錢相當親民。✿ 砂鍋花膠雞湯翅 🐥🍲 $92 （一人份）呢個係鋪頭招牌菜，呢次就order咗個配粉/麵/飯，雞肉份量正常，適合一人進食。另外有淨食選擇，份量有半隻雞$188或一隻雞$288，適合多人share食，但粉麵飯要另外加$。花膠雞湯以砂鍋上桌，熱辣辣，雞湯味偏清，唔咸唔油膩。雞湯好充料，除咗雞肉外，湯料仲加入花膠、魚翅&金華火腿。花膠好大片，爽口而唔漿口。雞肉加上雞湯汁，肉質唔嚡。✿ 藥膳醉雞 🐔🐔$74 （一人份）同樣地呢個菜色可以選擇淨食（半隻或一隻雞）或配粉/麵/飯（醉雞份量較少）。今次order咗配刀削麵，適合一人嘅份量。藥膳湯底顏色濃郁，湯料有當歸黨蔘，上菜時藥膳味充足，到後段帶少少甜味。醉雞係凍食，酒味重，雞肉唔會嚡。✿ 紅油花膠魚翅餃 🌶🌶$48/5粒水餃尚算大粒，紅油偏辣，啱哂中意食辣嘅人。水餃餡料好足好大粒，但口感上唔係好食得出有花膠&魚翅。總結🫦餐廳嘅雞湯&藥膳湯菜式係養身之選，食完唔會好口渴，2款嘅湯都好好飲😋😋 晚市人均$100左右有花膠&魚翅食，實在少見，好抵食阿！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿樂湯雞麵館地址：佐敦庇利金街61號地舖電話：23822298✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

佐敦附近搵野食，諗住試吓新野，見呢間啲食評好似好好，滿心歡喜咁入去食…..叫左個醉雞飯，唔洗諗咁多，見到碟雞之後已經feel到伏，細碟到好似食緊餸頭餸尾咁…..個飯既飯粒係偏硬身，算係粒粒分明既廣東米，但唔好奢望會有飯香！ 隻雞真心係最失望，我地一行六人食既雞都係有個共通點，就係「鞋」！ 啲雞肉鞋到一個點，被形容為阿婆啲肉！ 醉雞酒香唔濃，可以話係淡！ 最大獲係個份量，74蚊既醉雞細兜到好似小朋友份量！本身我都好少再打食評，但為左反映現實，我真係要趁其他人仲了緊牙隙入面啲雞肉既同時，打返篇怒文！持平返少少，佢個碗勁細碗既湯係幾好飲既，但……味精都唔算輕手，我打字打到呢個時候，已經口乾🤬講完，要去掃街搵野食，補返個胃先！ …Read More

呢度嘅雞湯麵都唔錯 刀削麵係即叫即削 好有口感😍而最特別係個醉豬手🤩平時醉雞就食得多 但係醉豬手就真係未食過🙈豬手超級爽脆 但就唔算太入味～～湯底就比較出色 有少少藥膳養生嘅味道🐔…Read More

晚上在佐敦尋找略為清淡食物，但又唔想屋企人食到口淡淡，所以攞個平衝，揀左呢間，見有菜有肉，心諗無死。令人意想不到既係：端上既食物同餐牌既表示方式相差甚遠，但食評評分甚高。‼️建議先睇餐牌照片，再睇真實圖片，你就會明...1. 海味雜菜煲 😨😨現實：上湯烚雜菜，海味就不見蹤影了。可能是老闆珍惜食材，把海味留在湯煲裏，又或者係溶晒落啲湯到，化成精華。食客見到如何唔會失望呢？-2. 海蜇手撕雞😰😰😰現實：雞絲寥寥可數，看似殘渣，手撕雞還是雞渣？-3. 鮑參翅肚套餐🙃現實：家父話自己食豉油撈飯多過飽汁撈飯。湯就....明既....-食飯期間老闆不停叫食客社交平台「點讚支持」，like 左就送豆漿。此刻，我心諗OR呢堆好評究竟係豆漿換返黎，定係風光不再？ 無論如何，呢間永不錄用！…Read More

夏天食真係熱咗啲，相信冬天食真係一流！砂窩噴住煙上枱，唔洗講都知一定熱辣辣！花膠當然唔會俾最靚嘅你，不過都唔係細細粒咁孤寒。雞預先醃定有味唔淡，而且唔會煲到老哂柴哂，湯嘅面層有雞油，代接佢碗嘢唔會凍得咁快配粉絲食唔會太油太膩，佢仲有米線、米粉之類選擇。不過份量嚟講男士就未必夠飽，我食就剛剛好！…Read More

見到呢間嘢openrice上面咁多好評就諗住試吓佢外賣自取啦 叫咗個砂鍋花膠雞湯翅米線 $88 得幾舊花膠 幾舊雞 重點係湯底好淡 冇乜翅味又冇乜雞味 完全唔知佢憑乜嘢值得$88☹️…Read More