樂心冰室

營業中

休息中

今日午餐去咗樂心冰室，感覺就好似行返入舊日情懷。餐廳裝修走懷舊風格，地磚、木椅、餐牌都帶有六七十年代嘅味道，加上店內侍應都係有年紀嘅長輩，更添一份懷舊氣息。我點咗叉燒燒肉飯，$62一碟，叉燒唔算太肥，燒肉皮脆，豬肉夠味，飯量都幾足，整體屬於穩陣出品。同事叫咗蒸鯇魚，見到上枱時魚身都幾大條，蒸得啱啱好，帶少少薑絲同豉油，聞落都幾香。呢類冰室型餐廳愈來愈少，樂心冰室能夠保留住老香港味道，無論係食物風格定環境佈置都好有特色。適合懷舊一族或者想搵返啲「以前味道」嘅人嚟試下，感受一下舊時代嘅簡樸與真誠。

渣甸街基本上咩菜式都有得食～而當中有一間老字號冰室🉐個感覺都係舊時代香港嘅feel! 無論遊客定本地人都會幫襯乾炒牛河 $70標準嘅乾炒牛河🐂有鑊氣而且乾身～唔會係勁油嗰一種😗佢仲落咗啲辣椒去炒💥會有小小辣但夾埋啲蔥就會香好多～🌋分量黎講幾大碟🉐第一次嚟食可以試下餐蛋蔥油雞扒飯 $56雞扒煎得幾香～蔥油份量有啲少🤣就係嗰種諗唔到食咩就會食嘅嘢~因為全部嘢都好好餸飯🙂‍↕就係標準茶餐廳扒飯回頭指數：🧡🧡🧡🧡/5

銅鑼灣嚟講，價錢已經比較相宜，多士烘得唔錯，但麥皮就冇得揀甜定唔甜，一嚟就已經唔係甜，奶茶反而偏鹹，有少少奇怪，但係麥皮嚟講其實好似大家樂，冰室環境同埋服務都唔差，可以補救。

見到呢間樂心冰室好多人排隊，所以就入去試吓。 但係，食完之後，真係無下次！搞唔掂！**咖喱牛筋腩飯 ☕ $58**牛筋腩飯嘅牛筋好多毛😱，睇到都無乜胃口，所以食咗幾啖就放棄咗。😞 咖喱唔算好突出，飯嘅份量都算正常。🍚 但啲毛多到真係好失望！😫**酸菜魚 🐟 $78**酸菜魚份量正常，但係味道麻麻😞，唔算好食！酸菜嘅味道又唔夠濃郁，重點係魚完全無魚味！ ！ 整體感覺好普通，仲要好失望！🤔 湯底都唔算好吸引，賣相又唔係好得，成碗嘢都搞唔掂！🙅🏻‍♀️☕ **樂心冰室**📍渣甸街54-58號地舖

打工仔lunch 食咩好一直好煩惱，行過依間冰室，雖然唔係咩靚裝修，但都想試下佢。叫左個商務餐熱奶茶，正常茶餐野依應該唔會差得去邊。 個餐包最有誠意，竟然係菠蘿油😱 依加出面都賣緊15蚊個，依度用黎做餐包，夠曬誠意👍 味道黎講不過不失，個包有烘過但面唔夠脆，算係ok 既👍奄列就麻麻地， 太乾。而個雞扒公仔面同奶茶就一般貨色，味道一般無話好食唔好食。整體而言算係正常茶記，中午黎講6x 蚊還好，依加咩都貴曬😂 可以一試

今日要走兩場去睇醫生，中間有個break原先想去嗰間茶檔又唔開門，諗住退而求其次去佢附近果間，但係計計下來來回回既時間都唔係好夠 ，決定喺診所附近搵一間較為貼近嘅！雖然食嘅嘢都係果幾味，亦都唔會話太難食，不過冇乜特別囉。唔好睇佢叫冰室，其實同舊式冰室爭好遠 ，茶檔都仲話有啲風味啊。叫嘅係奶醬多熱奶茶，正常質素，奶茶OK啲囉其實平時都係早午餐夾埋一餐食，唔知點解放假特別肚餓，其實根本都唔係肚餓，只係攝吓時間🫢呢個下午茶餐$33，睇返佢個主Menu，一份多士要30幾蚊㗎，加嘢飲熱飲$8 佢呢個玩法同出面嗰啲有啲唔同出面多士可能十幾蚊加杯奶茶$20，可能都差唔多。而家出街食嘢真係好貴好貴好貴⋯⋯😮‍💨

自從疫情之後，好多舖頭都越嚟越早收。今日收工收夜咗，行成條街都冇嘢食，好彩行到街尾，終於搵到間餐廳。入到嚟見到舖頭都好多人，得返門口嘅位置，咁啱今日天氣轉涼，所以不斷開門閂門嘅時候都會有啲凍，如果有得揀嘅話，就可以坐入啲沙薑雞特價小菜套餐 ($94)上菜速度都非常之快，叫完之後大概5分鐘就已經有得食。雞肉嫩滑，帶點鹹香味，而且油分充足，啱晒你鍾意惹味嘅人士。份量充足，佢嘅紅豆冰好有心，超多紅豆🫘！

酸茄焗豬扒飯，飯裏面有蛋絲、但係啲飯冇炒底，啲白飯好明顯啱啱喺飯煲攞出嚟，仲係好濕，點樣焗都焗唔番嗰種香脆，冇咗焗飯嗰種神髓，失敗☹️啲豬扒筋冇骨，但係位頗多，有待改進。

我就问一句能不能奶茶转咖啡，就给我甩脸色，我欠你的么！都说香港经济差，请自己找下原因吧，今日渣马，中午的确人多，但不是你服务差的理由，我喜欢香港，也会再来玩，但这家永不再来！！！

今日叫咗份腿蛋治外賣，$40 唔算平，點知拎到上手凍冰冰兼個包係硬，似擺咗好耐，打返落去問唔係即整嘅咩？聽電話嗰個仲話係，講咗一陣先肯比我換，仲要我再落去一次，等既其間仲比啲侍應眼望望，感覺到不有善，以後都唔會再幫襯！！

喺銅鑼灣想食下午茶🤣🤣又唔知食咩好😙見到呢間樂心冰室非常之多人😳😳所以就叫咗個外賣拎返屋企食嘅🥰🥰今日我食嘅就係鹹牛肉蛋治🐮🐮再加杯凍奶茶🧋🧋三文治可以揀烘唔烘底，一份下午茶有兩大塊鹹牛肉蛋治🥰🥰調味都唔錯🤣🤣但係就感覺個餡料唔夠飽滿，如果再豐富啲就更加好！凍奶茶對我嚟講調味適中😂😂佢就係傾向茶味稍為濃少少🤏價錢方面$38，凍飲再加多$3，如果個三文治個餡料再多少少就抵食啦😳😳

【灣仔區】【樂心冰室】喺香港仲未收緊防疫政策到令市民無所適從嘅時候，其實個社會都有一段時間好似歌舞昇平返咁。尤其係十二點前可以堂食，而且大家都開始適應咗「安心出行」之後，不過好景不長，又變返六點後禁堂食。疫情期間都有啲基建嘅新聞，就係啟德體育園上面新建一個香港大球場，應該係畀 2025 年全運會做個啟用大典咁。咁現有嗰個香港大球場點算呢，就係改建成一個普通嘅運動場，平時學校陸運會都可以喺嗰度搞嗰啲運動場。作為一個香港體育嘅支持者，尤其係足球，我當然對呢個球場感情好深。以前睇嘉士伯贊助嘅賀歲盃，真係球星如雲，競爭性又夠，真係往事只能回味。知道康文署有搞大球場導賞團，只係收廿蚊行政費，梗係去參加吓。去大球場之前，梗係食少少嘢，唔諗喇，見乜食乜，咁啱見到呢間樂心冰室。之前其實都好多機會食，但一係就佢冇位，一係就我冇 mood，次次都係改咗去上面嗰間新聯威鋸扒，所以今次有機會都係的起心肝入去食佢啦。叫佢個「常餐」試吓，得一款，主食係「即燒叉燒通粉」，我又唔覺得真係咁好食，比普通茶記火腿通好食少少咁囉。「火腿鮮奶炒蛋」個蛋幾滑，而「多士」同杯「熱奶茶」都 okay，喺呢個位咁樣收我 $46 我又

今日同屋企人處理事務, 係附近搵間餐廳食個lunch, 見呢間歷史悠久, 寫住始於1978年, 諗住有保障, 點知事與願違。入面係好古老gei冰室裝修, 明顯有別於個d扮古舊但其實係新裝修gei冰室, 睇得出間餐廳係有返咁上下年紀 😅 我地分別叫左個叉燒通粉, 佢賣點係即燒叉燒同明爐燒, 但1望個樣已經大失所望, 食落個通粉幾好, 唔係1般味精, 只係叉燒唔好食。另外再叫左個梅菜扣肉, 佢係傳統做法, 加午左南乳味, 令到個扣肉更咸, 個味本身已經冇咁鍾意, 而且個肉質好榎, 榎到食唔落。成條街有好多鋪頭, 好多都食過都唔差, 冇諗到會試到間咁低質素gei~ 可惜唔記得左影相, 齋睇相都見到d肉有幾榎 😓

極無誠意既早餐 今日一早係附近諗住食個茶記揀左火腿奄列配牛油多士$40呢個收費講真完全唔算平一黎到見到個奄列 個樣仲乾過70歲婆 諗都諗到佢味道 食入口係我人生食過最難食既奄列由頭到尾都overcook 入面同出面都勁乾 正常奄列入面仲保留住炒少濕既蛋液方為上等貨牛油多士就係牛油多士 叫有烘底杯凍奶茶一睇就知唔夠奶 食物完全對唔住收費本身我俾40蚊睇下電視算但連部電視都充滿雪花極力唔推介呢間餐廳環境 1/10食物2/10服務1/10

2022.09.20樂心冰室📍銅鑼灣渣甸街54-58號地下剛剛做完身體檢測，放假relaxing 既日子想食返d 頹飯開心下，經過尼間主打燒味既餐廳就攻左入左喇。.我就oder 左：1. 叉燒油雞飯 💲60 *瘦叉 *跟餐熱檸水.熱辣辣加色瘦叉，油雞係雞翼位，仲有基本配合薑油，短短時間已經準備好尼個完美叉油雞喇。.見到色水好靚，增加食慾！加上我最愛既瘦叉真心正，無肥肉！油雞味道好出，基本唔洗點薑油！飯熱辣辣上色完全唔慳有誠意。.以係銅鑼灣既地段，食個燒味飯有尼個質素，我覺得可以ʕ •ᴥ•ʔ