樂天皇朝 (青衣城1)

營業中

休息中

樂天皇朝，古色古香的裝潢，一入座服務員便貼心地送上以蠟燭溫著的普洱茶，茶香濃不澀而暖胃。另外還有一碟栗子及花生小吃，栗子和花生軟腍入味，十分開胃。芝麻醬油麥菜外表精緻，青瓜薄片如翡翠般包裹著鮮嫩的油麥菜，簡直像一件藝術品。入口清爽脆嫩，芝麻醬與爽口蔬菜這個配搭，十分新穎。另外，我還選了招牌菜式特色樂天王朝小籠包共有八個，每個味道都不同，每一口都是驚喜。店家的細心體現在每一個細節，用濕布蒸製的小籠包皮薄而不破，湯汁飽滿，一口咬下，鮮美的湯汁在口中迸發，令人回味。小籠包亦不會過於油膩，讓人可以盡情享受美味。蒜香排骨，排骨外皮炸至金黃酥脆，內裡卻依然保持著鮮嫩多汁。炸蒜的香脆與排骨的肉香完美融合，排骨已經去骨，吃起來方便。上海風味醬鴨色澤紅亮，醬香濃郁，充滿了上海風情。鴨肉經過醬油、糖及酒烹調而成。紅油鮮蝦豬肉抄手拌麵的紅油抄手可謂是點睛之筆。紅油辣而不燥，香氣撲鼻。抄手內的鮮蝦爽脆彈牙，豬肉鮮嫩多汁，兩者融合。拌麵吸收了紅油和餡料的精華，再加上蔥及少量炸蒜，口感豐富。

今日跟爸爸來了這間餐廳吃地道的上海菜，餐廳環境十分光猛乾淨，座位數目又多又闊落，坐得十分舒服。平日晚上食客很多，大家都點了一桌滿滿美味的上海點心和小炒，滋味無比。今晚當然少不了點我最喜愛吃的上海地道點心，這裏的點心價錢相宜，而且豐富足料又美味又地道，怎能放過。上海生煎包，一客有三件，生煎包煎得金黃香脆，底部脆卜卜，上層仍然保持包的軟熟口感～相當出色。最欣賞的是生煎包內的餡料，滿滿的豬肉，而且仲有爆多的湯汁，生煎包一咬下時湯汁一湧出，滋味滿滿，又飽肚又滿足必食。另外當然少不了點無錫煎鍋貼，鍋貼大大隻，金黃色的，外皮脆卜卜帶點煙靭口感，當一咬下時湯汁都是一湧而出，十分美味。餡料都是釀了滿滿的豬肉跟美味湯汁。口感味道十分美味。大大粒很滿足。招牌原味小籠包，熱辣辣的，不單止皮薄餡靚，肉質美味多餡，最欣賞小籠包中的湯汁，味道啱啱好，湯汁熱辣辣一咬就會湧出來，相當美味。小籠包能做到皮薄餡靚美味多汁絕不簡單，而且價錢相宜抵食。上海炒年糕，年糕切成了一片片，口感煙煙韌韌的，配上了白菜和肉絲，混和了美味醬汁一同炒，整個配搭非常美味。年糕份量也不少的十分飽肚。

自以為口味西化，但人在外地吃中菜的機會少之又少，偶爾還是會想念家的味道。外出吃飯都盡量選擇亞洲菜或湯麵之類，是日下午在山頂吃了個下午茶，和家人決定享用App半價優惠，九時才吃晚餐。上海媽媽烤麩 $62製作烤麩是心機菜，這兒甜甜的有五香味，加上木耳、筍絲和金針，開胃美味。淮揚春卷 $48/3件可能時間較晚的關係，春卷在我們吃飽了九成後才送上。新鮮炸起熱辣辣，金黃脆口，不過吃下有點油膩。招牌小籠包 $78/6粒雖然這兒的八色小籠包甚有名，但我們還是喜歡原味的樸實；巧手所作的小籠包摺位分明，一口一個，湯汁在口中爆發，好味道。無錫鮮肉鍋貼 $45/3粒鍋貼來到樣子白白的，感覺趕收工火力不足地半煎炸而成，幸好肉汁還是滿滿，若皮能做得更脆更好。紅油抄手 $68/6粒一客六個的菜肉餃裹上帶有花椒香氣的醬油內，外皮滑溜，菜肉內餡清淡。菠蘿咕嚕肉 $118咕嚕肉是我家的最愛，上桌時小小的一碟，如以正價計算有點不划算；肉剛炸起脆身，汁醬酸甜，不過不失。擔擔麵 $75湯底濃稠，帶有滿滿的花生和麻醬的香味。驢打滾 $50煙韌的糯米糰與黃豆粉微甜搭配，包夾紅豆蓉，吃畢一餐濃油赤醬的食物，最後來一點甜來清一清味蕾

♡ 小籠包迷必食｜樂天皇朝 ♡-今日經開青衣 ～ 就去咗食樂天皇朝 而家佢出咗「秋意蟹逅亅系列真係啱晒鍾意食蟹嘅人啦❗️- ♡ 特色皇朝小籠包 ♡ $148色彩繽紛既王牌小籠包一共8粒，由原味去到川味😍😍😍店員特別提醒由淡開始食直到濃而且只有「原味」同「蟹粉」需要點醋店家好細心會附上一張小籠包食用貼示，跟住貼士順序食用就最能夠食出王牌既感覺啦！粒粒都湯汁飽滿，好Juicy啊！👍🏻👍🏻-♡ 蟹粉白玉盅 ♡ $88上海菜好多時都會食湯羹，除左平時好鍾意既宋嫂魚羹之外，今期樂天皇朝仲有特別既蟹粉白玉盅，佢係一款由蟹🦀膏蟹肉同豆腐混和起黎既滬式湯羹，秋冬有涼意一入黎坐低即刻整翻碗，食完成個人都暖笠笠。👍🏻-♡ 蟹粉兩面黃 （一兩蟹粉）♡ $168 兩面黃其實姐係乾煎麵，係一種起源於上海同蘇州嘅特別麵🍜食，呢個兩面黃同我地平時食開粵式既會有少少唔同，我地平時係街或者酒樓食到既兩面黃/肉絲炒麵用既係廣東蛋麵，而呢個兩面黃係用翻滬式粗面，食落去脆卜卜，再淋上滿滿既蟹粉真係好有風味啊！-❥#⇢店鋪資料：樂天皇朝 (青衣城1) (青衣)青衣青敬路31-33號青衣城1 3樓310B號舖

我同朋友最鍾意食樂天皇朝✨小籠包 ✔️皮薄 ✔️多汁 ✔️肉味鮮甜真係好好味~~😆✔招牌原味小籠包（6粒）我選的是原味肉嫩多汁，咬開瞬間爆漿好吃😋😋小籠包一定要趁熱吃！✔蒜香排骨豬骨湯拉麵豬骨湯口感濃稠，湯底清亮排骨香脆，麵條有口感吃起來清爽美味又不油膩...✔蝦仁酸辣湯拉麵酸辣湯有些辣的，夠酸、夠辣！真的一流！配上冬菇、木耳等好足料沾上湯汁麵條酸辣帶勁🌶️更加美味👌✔肉碎欖菜乾煸四季豆四季豆香口，加上肉碎添加多層次豐富口感香中帶微辣🌶️每次必點！

樂天皇朝都食過幾次，係青衣想同屋企人食間高質嘅滬菜就好自然諗返起佢。呢度環境典雅乾淨，有大玻璃可以望到成個青衣城，座位數目多又闊落，坐得非常舒服。平日晚上食客都唔少，所以我哋6點就去到。😋餐前小食 🍵🌰 一入座，好有禮貌嘅侍應姐姐就點蠟燭同斟普洱茶，另外仲有一碟我最印象深刻嘅栗子同花生，栗子和花生非常軟腍，十分開胃。👍招牌原味小籠包 🥟 招牌原味小籠包，當然熱辣辣嘅，唔單止皮薄餡靚，肉質美味多餡，最重要係小籠包嘅靈魂湯汁夠多，一咬開湯汁就會湧出。下次可以再試下其他味道。😍風味沙拉排骨 🍖 意想唔到嘅沙拉骨，排骨外皮炸至金黃酥脆，內裡卻依然保持著鮮嫩多汁。沙拉醬香甜酸味同香脆排骨嘅肉香完美融合，兩個人食一大碟都無問題。😋雪菜鹹肉炒年糕 🍚 雪菜鹹肉年糕，年糕切成一片片，口感煙韌有嚼勁，配上咗雪菜同肉絲，簡單但美味。😊宮廷驢打滾 🍰 每次必叫嘅驢打滾，入口先感受到溫度凍凍哋，咬落去外層柔軟，然後內陷甜香，入口即化。香貼軟糯嘅糯米皮與黃豆粉微甜搭配，裡面夾著紅豆蓉令人回味無窮。🥰

食過咁多間小籠包，每次食樂天皇朝都覺得佢既小籠包係可以保持到同一水準。每次去食，都會點返佢最原味既小籠包，佢個皮夠晒薄同啲湯汁係會爆出黎。蔥油拌麵除左小籠包外，其實佢既蔥油拌麵都好出色，個蔥油好帶到個香味出黎，個麵仲要煮得岩岩好，唔會好淋。欖菜炒四季豆另外，因為幾個朋友一齊食，我地都有叫佢其他既小食，四季豆真係好岩送飯，所以即刻叫店員加左碗飯賽螃蟹賽螃蟹主要以蛋白模仿蟹肉，而佢今次個調味適中，有鮮嫩爽滑口感及味道。

餐廳位於青衣城商場內, 環境雅緻寬躺舒適, 提供多款經典名菜✨自行掃ǫʀ下單, 圖文並茂、非常方便, 有系統完全沒有漏單情況, 值得一讚, 非常方便我們點了招牌原味小籠包（6粒）建議趁熱食, 小籠包皮薄餡靚、滿滿湯汁很滿足, 有驚喜芝麻醬油麥菜🥬 賣相非常特別, 油麥菜用上薄青瓜片卷起裝盤, 新鮮爽脆, 扎實的口感配上芝麻醬, 非常開胃京醬肉絲 京醬肉絲是一道經典名菜, 鹹甜適中、醬香濃郁風味獨特, 食用時用薄餅包著蔥絲、肉質鮮嫩多汁豬肉, 搭配起來更清爽五香牛肉拉麵🍜 牛肉極為軟嫩、帶有膠質且滑嫩, 融入鮮甜湯底, 香氣撲鼻, 味道不錯甜品香煎豆沙鍋餅🫘 外層帶點脆, 內餡軟綿鬆軟, 香甜細緻的豆沙餡料, 味道香甜怡人, 是飯後甜品的首選😍整體ᴄᴘ值不錯, 頭盤、小菜及甜品款式種類多, 位置舒適開揚, 枱與枱之間有空間感, 服務員細心有禮, 上菜有效率快, 服務非常滿意, 值得再回顧💕

今晚唔想煮飯，想食小籠包，去左青衣城簡單食。次次個前菜都比我食哂，係好淋好入味嘅花生栗子。呢間店嘅服務亦算係我幫襯嘅分店之中最好，主動服務型。鍾意呢度水準keep到皮薄爆汁嘅原味小籠包，但又做到輕易夾頂吊起小籠包而唔會穿。加薑絲同醋好好食。糖醋魚片原來都幾好食，有咕嚕肉嘅酸甜脆皮，魚肉夠厚，可惜份量少左d。雪菜咸肉炒年糕味道清清地之中帶咸香，咸肉味道似金華火腿同午餐肉之間，雪菜咸肉年糕同時入口最好食。

📍 樂天皇朝｛青衣｝ 食上海嘢點可以少咗小籠包？一坐低就已經點下午茶優惠嘅小籠包！依度出名嘅係八色小籠包，有八種顏色，當然就有八種不同嘅口味。。。。但係我個人都係偏喜愛完美嘅小籠包，原汁原味可以食得出更鮮甜，趁仲有住下午茶優惠就叫咗兩樣主食，咁就可以食不同嘅款式！✨ 上海炒飯米飯炒得恰到好處，粒粒分明，配料仲有蝦仁、火腿和菜心頭，特製既醬油調味剛好，唔會太鹹，呢家係少油少鹽，追求健康既時代，所以呢個炒飯大有點鑊氣，但係亦都唔會好油膩🍚✨ 皇朝擔擔拉麵麵條彈牙，吸附哂濃郁既芝麻醬和花生醬，湯頭微辣，帶有醇厚的肉味，每一啖都令人感受到麻辣的刺激和濃厚的風味🥢✨招牌原味小籠包皮薄好透，輕輕咬落去就感受到內餡的鮮美湯汁流出，肉餡鮮嫩多汁，口感層次分明。搭埋醋同薑絲，簡直係絕配，不愧為招牌！

約咗朋友喺青衣城敘舊，諗咗好耐都唔知食乜好，突然朋友仔話好耐冇食上海嘢，見到樂天皇朝環境舒服，啱晒同朋友坐低慢慢傾吓偈。一坐底，侍應服務非常殷勤，已經準備好茶水同埋開胃小食俾我哋，周不時仲主動過嚟加加水，加分👍🏻揀左沙拉骨，口感爽脆，肉質鮮嫩多汁，搭配清新的蔬菜與微酸的醬汁，味道層次豐富。烹調火候恰到好處，保留了食材的原味。雖然個名係叫沙拉骨，但係肉多過骨好多，非常抵食。食上海嘢點少得小籠包，這款八色小籠包令人驚艷！每隻包子帶來不同驚喜，根據建議嘅食法，味道由淡至濃去品嚐，皮薄餡滿，湯汁豐富，可惜每隻味道得一件，真係唔夠喉啦！上海菜必食嘅炒年糕，口感Q彈，年糕軟糯不粘牙，搭配鮮嫩豬肉絲，醬汁濃郁微甜，帶點鹹香。炒功到位，火候恰好，唔會太過濕而影響口感。簡單樸實卻不失美味，是令人滿足的經典上海小吃！飽到上心口嘅時候，甜品當然仲有另外一個胃去消化，驢打滾外層裹滿細膩黃豆粉，香氣撲鼻，糯米皮軟糯彈牙，內餡紅豆沙甜度恰到好處，口感層次豐富。今次的上海菜，都幾滿意，坐得舒服之餘，味道仲要係唔錯，價錢中上，但係服務同質素都值得嘅。

I have always eyed this restaurant’s promotion of its multi flavored xiaolongbaos but can’t believe it has taken me so long to finally give it a try!!!!The xiaolongbaos were very interesting, as they had an array of flavours and you honestly can’t find those flavours at any other Shanghainese restaurants in HK. My favourites were the foie gras one and the cheese!!! So special with hints of these flavours in it. Dandan noodles is a must order for me at any Shanghai restaurants. I was expecting mo

想食上海菜，揀咗青衣城樂天皇朝晚飯環境闊落，餐具乾淨，挺舒服的叫咗三隻生煎包，胞底煎得金黃脆脆的，豬肉鮮味，一口咬落去湯汁會爆出，香氣滿溢熱辣辣紅燒豬骨湯扣肉拉麵，扣肉雖然小小肥，但係唔油膩，夠濃味另外一碗紅油鮮蝦抄手拉麵，不會太辣，麵質彈牙，份量足夠再嚟一碟蒜泥白肉，細細碟嘅冷盤，賣相好吸引，香辣撲鼻，冷盤加辣味容易入口，不吃辣的人也可吃再加一杯清甜檸檬薏米，有新鮮檸檬味，好適合一路食辣嘢一路飲熱豆漿，有濃濃的豆味，稍甜了一點也不錯，埋單只係300多元，性價比高😛

剛從機場接了弟弟一家人，本想留在機場吃午餐，但想想已經在機場吃了很多不同的餐廳了，那就改去青衣的樂天皇朝。想不到有意外驚喜。首先交通方便。另外食物都好好味。例如小籠包，有很多款式，而且味道也非常好，結果我們追加了多一籠小籠包。還有那砂鍋雲吞雞，連不喜歡熱飲的侄仔喝了一碗又一碗。再説説他們的服務態度。這真是很好。在香港已經很難找到。總結是會再去吃午餐或晚飯，以及會推薦給朋友。

去到青衣城，到食晏時間， 以為哩間係食點心就入左去， 入到先知係上海菜， 小朋友見到咁多色彩小籠包被吸引了， 最後都叫左一籠， 小朋友好鍾意， 大人就叫左炒年糕同炒飯， 味道都可以又食得飽。