樂園魚旦專家 (協和街)

營業中

休息中

樂園魚旦專家位於觀塘協和街，是聞名遐邇的平民粉麵天堂，我和老婆今日特意前來購買外賣，從港鐵觀塘站A1出口步行約5分鐘便能到達。這裡的環境樸實無華，但卻充滿了地道的香港風情，讓人感受到濃厚的親切感。我點了崩沙腩河粉，配上凍利實納。牛腩的腍滑度恰到好處，肉質鬆化，入口即化，特別是他們的崩沙牛腩，讓我對這道菜感到驚艷。河粉滑順，搭配上牛腩的濃郁湯汁，讓整道菜的味道層次分明，令人一試成主顧。老婆則選擇了四寶丸河粉，配上凍華田。這道菜的特色在於豐富的配料，裡面有魚片頭、魚蛋、魚皮餃和墨丸。魚片頭厚身而爽口，是她的至愛。魚皮餃的外皮稍厚，讓人咬下去時感受到飽滿的口感，裡面包裹著豬肉餡，味道鮮美，讓人忍不住想再來一口。值得一提的是，餐牌上還有很多火鍋配料，這讓我們下次光顧時有更多選擇。從魚蛋到各式配料，這裡的選擇真的是相當豐富，讓人期待再次光臨。樂園魚旦專家所提供的香港地道魚旦粉，無論是價格、品質還是味道，都完美符合“平、靚、正”的標準。這裡不僅是品味美食的好地方，更是讓人懷念童年味道的記憶所在。如果你也在觀塘附近，想品嚐到正宗的粉麵，樂園魚旦專家絕對值得一試！

同媽媽去開觀塘買送 咁就食個早餐先朝早都坐滿 但岩岩好有位 環境都乾淨魚旦米- 魚旦魚片份量都ok 味道唔錯 湯就比較重味精咁雲吞墨丸米- 雲吞一般 size正常 味道還好 墨丸都正常 略嚴細粒總括來講 想食魚旦粉麵會再食 但味精重 要飲多些水中和返

I grabbed two takeaways after ballgames in kwun tong. The food in LokYuan really gives a local taste. I love the thick noodles here. The texture is slightly springy with the soup mixed with the seaweed add-on for $5, it’s tasty 😋 the fishballs are free of any fishy smell but with fishy taste especially I love the lemon tea . Its flavour is much better than paper-pack version, even the brand vita. It’s sour-sweetness goes well with the hot noodles.

樂園魚旦專家除左係糧尾首選之外，仲係快、靚、正港式粉麵之選。佢嘅粉麵除左質素高之外~ 另一個賣點就係效率高！！係收工已經好攰嘅情況下，只想快D有一碗熱辣滾燙、又好味嘅粉麵落肚！！墨魚丸、牛丸彈牙，鮮味得嚟又有肉汁，幼麵又夠爽口！！加埋兩羮由店家自家制嘅靈魂醬料：辣椒醬！！100分！！埋單都只係4、50蚊~，價錢實惠～～ 樂園魚旦專家係到開左好耐啦！！好多街坊幫襯，大家如果見到入面滿座，不妨等一等～因為客人流動好快，唔使好耐就入得架啦

✨因為夜晚要上堂，收工之後就急急腳嚟到觀塘協和街先搵嘢食，見到樂園魚蛋專家個招牌，突然好想食碗河粉🍜✨頂級墨丸河$39🍜見到餐牌有個讚👍🏼，就點咗一碗墨丸河。墨丸大大粒，總共有四粒。果然冇揀錯，每咬一啖都好彈牙，入邊仲有粒粒嘅墨魚肉🦑🍜我比較鍾意再加啲辣椒油，呢度嘅辣椒油🌶️又唔會太辣，辣度啱啱好。🍜湯底亦唔錯，唔會好重味精。✨熱華田，跟餐加$8☕️華田唔會衝得太淡，另外有一包糖會另上，可以自行調節甜度。✨另外留意到好多客都係住附近嘅街坊，店員同街坊都有講有笑。✨另外放工時間好多人堂食，而外賣都源源不絕。✨餐廳除咗有魚蛋河呢啲粉面之外，仲有飯類、淨食、同火鍋配料，下次想試埋佢個崩沙牛腩（限量添）

觀塘協和街嗰邊都有好多嘢食，今日就食咗一間喺度開咗好耐嘅魚蛋粉專門店，見到其他地方都好似有分店，但係一直都未食過，今日試完，覺得都好有香港地道風味，味道都正宗，份量同價錢都合理。雖然地方唔係好大，但係都唔會話坐得好迫。樓面姐姐都好有效率，食呢啲傳統粉麵出名就係上菜夠快！首先叫咗一碗魚蛋米腩汁多蔥，叫多蔥真係好多蔥！魚蛋同魚片都好爽蛋鮮甜，傳統嘅魚蛋麵湯底加腩汁味道都好夠濃，如果食得辣嘅朋友，都可以試吓佢哋嘅辣椒醬都幾辣下㗎🤣另外就叫咗個雙拼河粉，拼咗牛肚同雲吞，雲吞好大粒，牛肚份量都好多！河粉唔會太腍都仲有少少口感，雙拼幾抵食。凍檸茶走甜少冰香港地道茶記飲品，茶底都幾香，少甜就真係少甜，唔會太甜。熱華田華田自己落砂糖，可以自己控制甜度。

直到今次 吃牛膀面，無留意吃落去馬上嘔返出來，近聞未吃果啲全部有味！！！ 同員工講 廚房個男人串貢貢望出來 笑住講話好新鮮～ 叫距聞下 只係笑笑口當聽唔到！！！ 所以係咪代表明知有味都俾客吃？ 今次真係好失望 以後都唔會再黎呢間* 第一次遇到呢啲事件 ，懶得爭對錯直接俾錢走了，冷靜後 報食環

❤️魚蛋 雲吞 雙拼米線魚蛋好彈牙爽口，無渣，有四塊左右😗雲吞皮適中，餡料豐富，有三粒😃米線滑口 唔鞋👍🏼👍🏼👍🏼尼個價錢真係唔要求太多🫣🤓女仔食完夠飽肚 男仔可能要加餸加底🤨🧐評分：❣️❣️❣️❣️環境 🍃🍃店鋪唔係好大 坐得幾逼 要同人拼檯🙁食物🍡🍡🍡🍡🍡性價比💰💰💰💰💰 推薦🌈🌈🌈回頭🙋🏽‍♀️

朋友介紹我去嗰家鋪頭嘅牛三寶麵喺滿溢嘅湯底中攙和住滋味，真係靚仔到喊！👌 一啖落去，牛腩嘅肉質鬆化得剛剛好，牛筋啲Q彈，牛肚就新鮮得嚟又唔會太微。跟得上啲麵條Q彈有勁，啱啱好截住嗰份湯味，真係食落過癮！至於崩沙牛腩河，無庸置疑，嗰啲牛腩嘅腍滑程度簡直可以用「崩沙」嚟形容，而嗰啲半肥瘦嘅河粉，滑溜溜嘅口感搭配上面啲軟熟牛腩，簡直就係好味到叫人忍唔住想再黎一碗。🍜員工態度不錯，服務周到，整體氣氛舒服，當中嗰份親切感，同餐飲質素，令人留下深刻印象。下次街坊有機會路過喺附近，記得要黎嚟享受下，絶對唔會令你失望架！👍

平時一向都有食開樂園，不過一都係中午同同事一齊食多，食開牛腩河，好正！今日係觀塘做完嘢就周圍行陣，見到原來呢個位有一間，就一於就食佢，自己一個人食飯，我不嬲都係比較鍾意外賣～收工時間堂食都差唔多坐滿～我想講姨姨真係好nice～真係小店先會有呢種人情品，叫左外賣之後，我係門口等左差唔多5分鐘，就有得拎啦！好快手！叫左個招牌魚蛋加韭菜餃！今次試吓粗麵！同埋叫左枝凍豆腐～一品豆漿有保證～淨番最後2枝咋！好好彩！我攞完外賣之後經過一間舖頭行咗差唔多成個鐘先返屋企食，發覺個麵竟然淨係淋左少少，都仲有湯淨！粗麵真係值得推介佢食落去唔韌，而且表面好滑！如果平時食開河粉厭厭地，想轉下新口味試新嘢，你哋都可以試吓粗麵，鹼水味唔會太重～我接受到！招牌魚蛋唔使講啦，好彈牙，鍾意食白魚蛋嘅我必叫，韭菜餃同佢都分別有三至四粒好足料～

秘製牛雜米線 ($38) ●●●●◐有牛肺、牛腸、金錢肚、牛蒡（面嗰塊牛腩係人哋share畀我 XD 同樣好味呀）坦白講我唔係好識分啲部位😂但basically要爽口嘅爽口，要腍嘅腍唔係好腥，牛味幾出𠻹🐄米線唔錯，彈牙湯底亦都唔係重味精嗰種鹹湯食完好飽 ˓𓄹 ࣪˖ 大滿足🈵✍🏻 同事話佢哋嘅崩沙牛腩都掂！搵次試下先😤📍樂園魚旦專家💰: ●●●●●環境、服務：●●●○○ 會坐得逼啲同埋環境唔算特別乾淨

啲人成日話觀塘好多好嘢食，今日咁啱喺九龍灣做完佢之後就決定嚟觀塘覓食，去完裕民坊之後覺得商場裏便啲餐廳唔抵食，突然之間好想食牛腩粉麵於是見到協和街有間連鎖式牛腩粉麵，我又趕時間返屋企於是買外賣返屋企食。餐廳10分闊落，環境舒適唔會迫迫夾夾。睇咗餐牌之後叫咗碗牛三寶墨丸撈粗麵，牛三寶包括牛腩金錢肚牛筋，非常大碗10分抵食，餐廳主打新鮮牛肉亦炆得非常入味。平時一般一碗新鮮牛腩麵都要$70-80,呢度竟然可以雙拼加$10,非常抵食，我對味精非常敏感，竟然唔覺餐廳喺粉面中加入味精良心之作。比起中環某牛腩名店行行地都要$100,而且又唔好食，個人10分推薦樂園。餐廳喺唔同地方都會有分店，大家經過又想食碗牛腩麵一定要去試吓。

天氣開始涼，特別想食湯麵🍜 好耐冇食呢d 傳統香港粉麵， 上網見到近近地就去食！平日7點幾 已經爆曬！ 好彩一入就有卡位岀✌🏼雲吞河粉 多汁多蔥 （$33）雲吞裏面真係有蝦 ， size 適中！ 裏面豬肉冇雪味，應該係新鮮包！ 河粉偏幼身同幾滑，份量幾多！ 湯底來講我加咗腩汁，佢本身亦都有一啲炸蒜同埋蔥，腩汁濃郁帶有少少甜！ 牛什幼麵 多蔥（$38）牛雜份量好多， 有牛腸金錢肚牛肺牛蒡。啲內臟唔會好腥，當中牛肺大推介👍🏻👍🏻👍🏻 一般出邊整得唔好牛肺會硬掘掘，呢一間林得呢又有啲咬口❤️幼麵好爽口 反而佢個辣醬比到驚喜我佢同一般嘅辣椒油有啲唔同，佢有少少麻辣味 👍🏻凍檸蜜 少冰 （+$11）凍檸茶 少甜少冰 （+$8）兩杯檸底檸檬片🍋厚身，有三片添！凍檸茶茶底幾好飲，檸蜜偏甜！大件同抵食，性價比高👍🏻下次試吓佢個魚蛋先！

今晚我和朋友一起去觀塘行街, 行完後想吃點粉麵, 剛巧見到這間粉麵店, 便決定進去吃晚餐.桌上放有各種調味料和辣油, 喜歡吃辣的朋友可以去吃呢.餐牌上粉麵的款式也不少, 而且價錢便宜, 幾抵食.招牌魚蛋米線($33),  魚蛋很彈牙, 很香滑, 很有咬口, 好好食, 而且魚蛋的份量都夠多, 才$33, 幾抵食.飲品我點了熱檸賓 ($11) , 酸酸甜甜的挺好飲, 不錯.秘製牛雜米線 ($38):牛雜很香滑, 完全不會韌, 很重牛味, 而且份量夠多, 真的挺好吃. 米線本身也挺彈牙, 而且份量都多, 是可以吃得夠飽, 才$38真的很抵食.凍檸茶少甜 ($8) :凍檸茶夠凍, 現在淡淡夏日, 最合適飲凍飲了.另外鋪頭裝修都不錯, 坐位都算闊, 坐得舒服.埋單兩個人吃晚餐也不過$100, 才$90幾 , 幾抵食, 不錯, 會再來吃.

樂園魚旦專家係我最近愛上嘅快食食堂，尤其呢間位於觀塘協和街嘅分店，店員好好人，對人又親切，野食又好味，價錢又平。今次我收工遲了去又買外賣回家，同老公揀左個牛三寶河同牛雜河，加左碟菜，揀左蠔油生菜同飲豆漿涼下！包裝外賣包得好好，又會主動幫我地分湯，拎回家一定冇漏到。大大碟，平嘅3x元就食到，河粉又滑，湯底夠味得嚟又吾會咸，食完吾口渴的，真材實料！！牛份量多，先講牛三寶，牛筋真係好好味，淋身又入味，牛腩半肥瘦最正，牛肚又爽，真係超正呀！牛雜就份量同埋多，牛腸同牛肺都好食，真係食到好開心，又平又好食。菜都好乾淨，蠔油都吾會孤寒，多多咁樣畀你，正啊。整體非常滿意，真心推介。