樂園魚旦專家 (安定邨定祥樓)

本身好鐘意食墨魚丸既所以都成日食，米線，車仔麵，打邊爐等等…….有時明知好容易伏都會照叫黎食.好多時都係粉蛋 或者淋既 ， 一d都唔好味.心心念念既勇氣又黎啦, 今次我就叫左墨魚丸粗麵外賣返屋企食,打開睇到個湯底 已經有d期待.一碗有4粒丸果然冇令我失望，係我鐘意既質地 , 彈牙 同埋有墨魚粒，而且都唔細粒架.好有驚喜.4粒實在太少啦,好快我就食晒d丸.有機會都一定要返食.另外店鋪有火鍋配料賣,下次我一定會買黎打邊爐食既.…Read More

最近最常傾嘅話題，就係打風餐喺邊度食好？搵吓相簿，發現原來又真係好好多打風餐食法，一於公諸同好。打風天，各大小靜英英商場都行爛咁濟，一個人仲可以去邊？仲要搵吓有乜餐廳有開… 如果乜都冇，又要捱麥記.竟然魚蛋粉會有開門… 多年家庭式魚蛋粉，轉換成集團式魚蛋粉，各有風味，座位緊湊咗，款式豐富咗… 除咗一般既有嘅魚蛋、牛雜… 仲有少有嘅魚皮餃…牛筋味濃夠腍… 魚皮餃餡料豐富，鹹香平衡… 掛住魚皮餃嘅朋友，可以一試.潮式辣椒油冇得輸.同場花邊，仲有阿Ben同行，可遇不可求.$60蚊有找，又一餐，香港簡單生存之道.…Read More

「樂園魚蛋專家」位於屯門安定商場地舖，同朋友見呢間餐廳開咗無耐，一於入去食個午餐，真係一個食粉麵同牛腩嘅好地方！🍜🍜 今次我哋叫咗佢哋嘅牛三寶米粉，入面有牛腩、牛筋同牛肚，真係好滿足、餸菜大件、份量又夠！牛腩煮得軟嫩、好易咬，肉味濃郁！牛筋唔硬咬落去有彈性又入味！牛肚口感滑溜，搭配米粉一齊食正呀！湯底清清哋、唔會太油膩🥩🥩🍜🍜飲品方面，我哋揀咗凍檸蜜，咁熱嘅天氣飲落清新又解渴，檸檬嘅酸味同蜜糖嘅甜味完美配搭，食完粉之後飲一杯，真係好舒服！🍋🍋🥤🥤環境方面，餐廳乾淨整潔，冷氣又夠，夏天嚟食粉麵都唔會怕熱！😌😌 店員態度又友善呀！👍🏻👍🏻…Read More

上兩個禮拜第一次去食落咗單15分鐘 淨系嚟咗一杯嘢飲 追下姐姐點解咁耐先至知原來係漏咗單話因為換左printer紙冇左張單🤣但係點解杯嘢飲會嚟咗？🤔今日比多次機會佢 叫咗牛腩牛筋面凍奶茶 杯奶茶完全冇茶味 飲冰奶一樣 同姐姐講換左另一杯結果都一樣 試左一啖就放棄了🥴最搞笑係攞左碗牛雜米過黎😔仲問我唔係叫左牛雜咩🤬隔離枱客落單時叫左奶油多飛邊 結果黎到冇飛邊客彈鐘 阿姐姐竟然話搽左醬飛唔到邊喎🤣 客人即西面話我落單已經講左😆其實大家真係可唔可以擘大隻眼做嘢🤣…Read More