樂園魚旦專家 (淘大商場1期)

營業中

休息中

中午同同事去樂園魚旦專家食飯叫咗個 牛腩米粉配水餃（$49）同 牛腩河粉配魚旦（$49）再加杯 **凍檸樂（+$8）兩個人埋單$106喺而家乜都貴嘅香港算係幾抵食先講 牛腩米粉湯底清甜，牛腩煮得夠淋咬落去有口感又唔會韌米粉吸曬湯汁，食落好入味水餃係韭菜餡，皮薄餡多咬開有肉汁，可惜只得兩嚿，唔夠喉同事叫嘅 牛腩河粉都幾好河粉滑溜，腩汁濃郁但唔會過鹹魚旦係招牌，的確彈牙整體來講，樂園嘅食物水準穩定價錢合理尤其適合附近返工嘅人快食一餐環境座位乾淨上菜速度夠快lunch time 趕時間都唔使等好耐如果喺九龍灣返工，呢度係一個唔錯嘅飯堂選擇

樂園魚旦粉麵，有很多分店，今曰在九龍灣牛頭角道淘大商場呢間買外賣，雖然我這次是外賣，但食物質素絕對超出預期，性價比極高，拎到屋企仲好熱，又吾洗點等，快靚正！ 牛雜河粉，佢細心幫我分湯，湯頭清甜不油膩，河粉滑溜有米香，簡單卻充滿誠意，牛雜份量又夠，有牛肚牛肺肚腸牛肝等，絕對是超值之選。 另叫了四寶丸河粉，有魚蛋，魚片等份量多，全部都彈牙多汁，每顆丸子都吃得出新鮮手打的滋味，令人回味！ 飲品點了，豆漿，原來是支裝，又平只係8元，豆漿濃郁順口，豆味香，正。整體，店員態度友善，出餐速度快，外賣包裝整潔，即使匆忙中也能感受到細心，味道好價錢平，推介。

呢間樂園魚蛋專家真係令人好有驚喜，一踏入去就已經聞到濃濃嘅魚香，好誘人。首先講吓佢地嘅樂園四寶丸，魚蛋同魚片頭嘅口感好滑，而且十分彈牙，好有嚼勁，味度適中，連湯底都非常美味，肉丸亦非常有口感，仲好入味，魚皮餃味道亦好香濃，簡直係色香味俱全。仲有個金牌牛三寶就真係不得不讚，濃厚嘅湯底加上嫩滑嘅牛筋、爽口嘅牛肚、同埋軟嫩入味嘅牛腩，真係令人一試難忘。另外佢地嘅服務態度都非常好，總結來講，如果你鍾意食魚蛋同牛筋牛腩，呢間一定係唔可以錯過嘅地方。無論係一個人定一家大細嚟都一定會食得好滿足。

晚市套餐抵食👍🏻五十零六十蚊有粉面、飲品，加多13蚊有通菜/生菜/菜心都係埋單$6x🤤味道唔差～座位都幾闊落，侍應態度良好🍀是日點餐🍀四寶丸河粉(💰52）有招牌魚蛋、鮮炸魚片、魚皮餃同埋肉丸～尤其要讚個招牌魚蛋好出色，似魚滑嘅質地，唔係一般一粒粒嘅魚蛋，好滑好彈牙😍河粉爽口，配埋小小蔥花炸蒜，味道中上｜👅: 4.6/5金牌牛三寶(💰62)金牌牛三寶🏅其實就係崩沙牛腩、牛筋、牛肚！先講牛腩，肉嘅紋理層次分明靚仔，口感爽但不硬，而且非常入味，果然係牛腩中嘅極品👍🏻。牛筋嘅質感啱啱好，又滑腍又唔會唔黐牙。牛肚呢我覺得更加出色，有咬口但又好軟熟，味道出色👅。今次選擇咗幼麵🍜，其實呢隻麵除咗配雲吞，我覺得配牛腩都好好食，個人推薦加少少醋，會令到成碗麵嘅層次昇華。等我下次試吓佢個牛雜麵先｜👅: 4.7/5

等佢上碗面等十五分鐘，就正常，因為廚房好忙！我坐喺度等朋友十分鐘，個員工就同我講「呢枱坐左好耐，再啤我一眼」，嘩！我真係見得世面小，第一次遇到呢啲咁有特色既服務態度，我以為自己係黎同佢乞一碗唔洗錢既面，唔比錢仲要麻煩到佢啲咩，所以要受佢如此對待，最搞笑去信佢公司，佢公司客服都係以包庇員工為主，唔怪得呢間店嘅員工咁有恃無恐，呢間店啲員工我見過幾次同食客鬧交，本來都唔知咩事，唔知邊個有問題，唔自己領教過真係唔知痛，食物一般，態度9流，無下次！

前幾日同老媽子去淘大，好耐冇食過粉麵決定入去試吓啦～我地嗌咗牛雜河，雲吞麵，魚蛋河。因為下午茶時間所以送熱嘢飲。首先嗰個牛雜河，牛雜湯夠濃夠香，河粉好滑身。魚蛋河啲湯係白色魚湯，我哋兩個都認同佢嘅河粉係好食。雲吞麵都唔錯，面都煮得夠彈牙👍🏻👍🏻👍🏻不過碟菜就太細碟推介要配河粉～

呢張相就糸樂園魚旦專家（淘大店）果碟蘿白牛腩飯食唔晒嘅脂肪🤬,心諗食哂啲脂肪會唔會死架😱脂肪比例佔牛腩接近80%，我係叫牛腩飯呀！唔能糸叫牛脂肪飯呀😤啲咁垃圾嘅出品都可以俾客食😡，同阿姐反映，佢補番兩三嚿同樣脂肪比例嘅牛腩俾我，仲同我講佢控制唔到師傅出品😔，diu⋯⋯食肆連最基本嘅出品都做唔到，無心做不如早啲執咗佢啦⋯⋯呢間野以後都唔洗再去。咁樣去做生意，依家香港咁多食肆執笠唔係無原因架🤔

招牌豬手米線唔掂。得兩舊豬手，豬手重要好硬！米線又煮唔熟，中間脆既。職員幫我換另一碗米線，但冇加南乳汁，淡茂茂。另一個食客搭枱坐對面，佢話杯檸檬茶篤唔到既，因為淨係有檸檬🍋頭頭尾尾！淨蘿白又苦既！唔知點做生意！

太可怕了，廚房為貪圖方便，把電腦打印出來的單直接放在粉麵的湯裏。極度負責任、冇腦，這裏也可以做飲食？太差勁了。煮麵的廚師，自己會把那些浸到發黴的紙張放入口中吃嗎？

今日一個人食飯又唔係好肚餓，最啱佢食魚蛋粉樂園魚旦專家個門面極光鮮，入邊嘅座位都幾闊落。今次order咗雲吞麵，雲吞大小正常，入邊有一粒原隻蝦仔，雲吞皮好滑；生麵夠爽滑，份量偏小；湯底加上牛腩汁，牛腩濃郁Zaza對呢間舖嘅印象都唔錯，如果有機會再去其他分店食吓

簡簡單單食一餐，通常都會食碗魚蛋粉，特別係下午茶時間送飲品，快靚正之選🎈淨魚蛋有齊魚蛋及魚片，魚蛋好滑好彈牙，味道正宗🥢魚片同樣出色，口感爽彈，湯底有配生菜底，加少少辣椒油已經好正🎈魚皮餃米份量真係好抵食，魚皮餃外皮爽口，內餡有油香，米粉粗幼適中幾掛湯🎈腐乳通菜下午茶時間可以優惠價加配油菜，腐乳通菜唔係度度食到，鹹鹹香香好惹味🎈豆漿豆漿係樽裝，原來呢個牌子又幾好飲👍🏾另外有咖啡奶茶選擇

中午時間去食，當日星期六，但唔算太多人，叫咗一個牛腩麵同埋一杯嘢飲，我食晒碗麵杯嘢飲都未到，期間我吹咗幾次，我就同其中一個侍應講，佢幫我跟，但係就聽到裏面水吧個阿姐話佢好忙，唔得閒沖，其實我同台都有人一直喺度等，最後杯嘢我都冇飲到就走咗，唔怪得知啲人依家個個返大陸消費，香港咁嘅服務態度真係生存到？唔好怪冇生意，怪就怪你d員工真係態度好!?我唔係一個會寫負評俾人嘅客，但係其實幾次過嚟食都冇一個好嘅體驗，我終於忍唔住。另外有一次買外賣等咗半個鐘，足足半個鐘！真係唔知廚房班人做乜，其實啲侍應都好無奈，如果唔想做生意就關門大吉啦！

今晚我同朋友想食下粉麵，便決定來這餐廳吃晚餐🍲。招牌魚蛋米線（$37）：魚蛋米線的湯底是鹹香的高湯。魚蛋應該是彈牙而不過於韌，吃起來有鮮香的味道。米線煮得適中，不會過軟或過硬。秘製牛雜米線（$39）秘製牛雜米線的特色在於其湯底，湯汁清澈而富有層次，充滿牛肉的鮮香味。牛雜的部分，有牛肚、牛腩和牛舌等，口感各具特色，特別是牛肚的脆韌，以及牛腩的嫩滑，讓人回味無窮。米線則吸收了湯底的精華，滑順的口感與牛肉的搭配相得益彰。這道菜的選材相當講究，新鮮的牛肉及牛雜是關鍵，配料上還會加入蔥花。增添風味。熱檸水：熱檸水的口感十分順滑，檸檬的酸味與熱水的溫暖相得益彰，既不過於酸澀，也不失為一種恰到好處的清新。兩個人吃那麼多才$92，完全不貴，抵食。

九龍灣淘大商場出名多嘢食有唔同種類餐廳，最近有朋友推薦我話有間喺淘大嘅樂園魚蛋專家，食材用料優質，於是要試吓。一個人放工唔想煮飯，最啱就係落街食碗麵，叫咗碗牛腩炸醬撈麵，好多年都冇食過港式炸醬，輕微甜辣的醬汁，混合豬肉絲，獨特嘅紅色，非常滋味久違了的港式風味。我諗要用上新鮮牛腩，炆得非常軟腍，淡淡柱侯嘅香味，配上爽口撈粗麵，冇乜鹼水味非常惹味。另外仲加咗$13叫咗個油菜，可以選擇唔同嘅蔬菜，今次揀咗腐乳通菜，平時出街食個菜都唔平，呢度只需要$13非常抵食。另外仲可以加$8有凍飲，一個人靜靜地食碗麵再返屋企休息，非常舒服。樂園魚蛋專家喺各區都有唔同嘅分店。淘大分店近位地鐵站附近步行過去，只需要兩三分鐘。

今日晏晝同同事去左淘大附近食野，之前一路都好想食樂園，今日終於抽到時間得過黎🤣餐牌選擇眾多，當中牛類既麵全部都好想食，眼花繚亂🤣🤣🤣諗左一陣最後叫左兩碗麵，叫左牛雜河同埋牛丸麵🐮首先牛雜河非常足料，牛肚非常淋配上煙靭嘅牛筋口感十足，最重要係啲牛腸，油淋淋夠曬好味😋😋😋另外牛丸粒粒彈牙之余仲爆汁😂😂😂好正，幼面質地適中，飲埋個兩啖腩汁真係不得了❤️我地仲叫左奶茶同埋阿華田，今餐真係非常滿足