榮記牛什粉麵餐廳

榮記牛什粉面餐廳環境都幾乾淨企理，餐具、爐具都好新淨。桌面有設計感，色彩明快，配合牛肉和蔬菜擺盤，食慾大增。空間唔算大，但感覺舒適，都幾適合朋友小聚或者簡單一餐。整體氛圍都幾輕鬆自在，食牛什粉面好有心機。呢碗牛什粉面入面有多款牛內臟，包括牛肚、牛腩、牛筋，煮得都好嫩滑同入味。粉麵吸收咗湯底鮮甜，口感爽滑。旁邊仲有碟燙青菜，清新健康。整體賣相清爽，分量足，係街坊經典嘅牛什粉面款式，味道同質素都幾好！…查看更多

中午放飯時間，行去附近搵快靚正既餐廳食算，最後揀咗「榮記牛什粉麵」。主打牛雜粉麵，啱晒我哋呢啲趕住返工嘅打工仔。我叫咗一碗牛什米粉，配少少辣椒油，夠哂香辣醒胃。牛肚、牛筋、牛膀幾足料，處理得唔錯，冇腥味又夠腍。米粉唔會煮爛，口感彈牙。湯底係夠晒味，飲落夠晒熱，食完精神晒返office開會。 佢地上菜速度都算快，落單唔洗等太耐，大約10分鐘內就搞掂，效率高。位置比較窄身，不過旋轉率快，唔洗怕冇位。價錢平民，大約$45-$50 就有交易，性價比高，對上班族嚟講係一個實用選擇。食完仲有時間慢行返去office，唔使趕到一頭煙。下次會再試埋佢地嘅腩牛河，見隔離枱食到津津有味。💼🍜…查看更多

行完花墟都2點，剛剛好下午茶時間，就簡簡單單搵間粉麵鋪食，上次食過同一條街另外一間,質量吾得，希望哩間有驚喜。裝修非常簡單，基本粉麵鋪啦，都算乾淨，但所有伙計都無戴口罩，最吾好系個男的咳嗽就在你旁邊咳嗽。魚蛋河餐($53)2.5分-魚蛋真系比較麻麻，k可能比自己街市買仲差，好在河粉都幾滑。- 通菜系比較有驚喜，幾滑，系d腐乳真系太咸，入喉嚨有D”喇”口。葡國雞飯餐($53)2分- 雞炸得太厲害，葡國汁一D椰汁香味都無。…查看更多

第一次寫食評，純粹路過食碗粉麵。店主推介澳洲牛筋丸，抱住即管試下心態。牛丸果然有濃厚牛味，爽彈牙，無諗過甘好食👍高手在民間，暫時係食過最top的牛丸, 我一定會回頭！…查看更多

太子呢間榮記牛雜粉麵餐廳首先門面非常光猛打燈做得幾好聽講鼎爺間唔中都會幫襯不過網上嘅評論比較傾向一般個人認為環境真係麻麻地牛雜味道比較咸雲吞略嫌佢肥豬肉太多凍奶茶正常 冇咩特別…查看更多

榮記牛什粉麵呢排繼續喺太子區寫食評， 今日都係想食粉麵！ 隨便行去...一間榮記 粉麵！今日食最簡單嘅嘢...雲吞麵菜心全走...所謂越簡單嘅嘢...就越難整..而且越難去評價首先講下份量先啦 食嘢除咗睇價錢都要睇份量.. 十足 份量呀雲吞好大粒 入面有兩三粒蝦仁.. 一共五粒...呢碗麵好夠熱！ 麵條 少 偏向硬， 個人喜歡呢一種嘅有質感！湯底夠味但油層多. 可能得啲牛筋腩嘅時候整到！菜心就冇乜特別啦...不要老...放整齊心滿意足！…查看更多

好耐無食過呢啲牛腩粉，呢＋年啲牛腩粉唔係腩片就係淨肉，腩內有些根已經好難喺其他舖食到。腩汁望見好清，但好夠味，粉嘅分量都好足；總有兩條菜。牛雜大部分都炆得好林，老人家都食到。伙計都很親切。…查看更多

過開黎呢邊工作晚餐同朋友一齊去本身以為得魚蛋粉 朋友見到有蒸魚即刻轉太😂都唔錯 性價比幾高粉麵餐唔要野飲可以轉油菜個油菜都幾大碟服務員都算幾熱情 ❤️上菜快 快食是個不錯的選擇…查看更多

🔺行過花園街見到哩間粉麵店，一望嗰店名叫「榮記牛什粉麵餐廳」，主打食牛既店舖😍實在太好啦，因為剛好突然想食牛丸，周圍揾下食邊間之際遇上了您，地道的港式風味小店，望入玻璃店內，遇上鼎爺父子，再望下店外牆上的照片，相信他們父子是餐廳的熟客吧。🔺一間潮州式既粉麵店，店主推介佢地既澳洲和牛牛肉丸，講到明非常爽脆彈牙😊果然有別於一般的牛丸，有種食完就反唔到轉頭既感覺，牛肉味道超級濃郁，就好似食緊牛肉🔺由於實在太想食牛丸，就嗌左碗普通牛丸，店主好好人，知我太想食牛丸，於是將店來所有品種既牛丸都煮了出來，有潮州牛丸，牛筋丸等等，雖然有別於澳洲和牛丸，但牛筋丸也十分爽彈。🔺牛筋腩河粉，牛筋腩吸收唒湯底既精華，湯底好清甜，不用加腩汁便十分夠味，絕無味精，牛腩肉質軟熟，爽口軟腍，燜得好入味，入口即化，牛味濃濃，而牛筋軟滑，滿口骨膠原😋河粉口感爽滑。🔺凍檸茶凍奶茶🥤同樣無得挑剔，茶底濃郁。朋友話哩度既辣醬十分出色🥳榮記牛什粉麵餐廳地址: 太子花園街226號地下…查看更多

去花墟買花前先醫肚，見這間茶餐廳門口貼了幾張老闆和鼎爺的合照，正在和家人討論之際，玻璃窗的另一邊正是鼎爺和家豪，咁我哋唔使再質疑食物質素啦。我們點了幾份茶餐，阿囡則點了牛腩牛丸撈麵。炒蛋、奄列都不錯，喜出望外的是餐肉意粉有兩片煎得甘香又厚厚的午餐肉，而沙爹牛肉米粉的牛肉並非那些醃到「拿」喉的牛肉，還有幾塊青綠色生菜，坊間一般茶餐廳好難會見到這清新賣相。最喜出望外的是牛腩牛丸撈麵,睇相就明。下次嚟花墟識搵食了 😋…查看更多

旺角行花墟行到攰攰地？梗係搵間港式茶餐廳食個下午茶，抖一抖。偶然找到榮記，二話不說：首選西多加檸水西多外脆內軟，內裏花生醬香濃，正呀！次選就一定係豬扒包加好立克豬扒包，好大個，上枱時，嘩了一聲！同我手掌🖐️咁大件！豬扒亦不是死硬！有肉汁！果真大件又好食😋一定要叫黎試試！…查看更多

比左好多次機會，每次食完一輪，比多次機會，都係失望。葡汁雞皇飯好食，雞多有味，汁很香，送飯一流，但除此之外所有野都無一例外地難食。生炸雞脾帶子飯-個脾唔熟，入面仲係紅色。碎牛治-難食，太油。雲吞撈-簡水味重到澀口，食左半碗已經吞唔落。常餐-好啦，揀個出事率最低既，可以連公仔麵都難食⋯⋯滾水浸福麵都軟過佢，湯好似滾水咁，明明有味精包啊。啲麵硬到對面個女人直程要求送返入廚房再煮。凍檸茶澀，但明明外賣係好飲架。冇野好講。…查看更多

「榮記牛什粉麵餐廳」是一間港式粉麵茶餐廳，用餐環境一般。席間碰到鼎爺，加上在牆上看到他的照片，相信他是餐廳的熟客。不消一會，食品送來。同事評價煎肉餅飯過實略鹹；豬扒飯汁醬過多過稠。小編的貢丸牛腩米腩肉偏肥，味道一般。飲品收正價，低食評分進一步調低。雖然有名人支持，但也未能避免負面評價。**********************12/8/2019 ; Fri**********************…查看更多

想簡單食個便飯經過見倒牛什，餐廳半滿就入左去。選擇就係平時見既粉麵飯嗰啲，最後都係普普通通咁揀左個牛腩飯食。牛腩量都算多，仲有少量既菜，成個飯簡直係標準配套。一開頭以為呢類型既餐廳牛腩飯都係咁上下，不過佢岀奇地幾好味，牛肉炆得軟熟又入味，食落口感唔錯，呢個價錢呢個味道，我心滿意足。不過有樣唔好就係啲快子同傳統茶餐廳一樣都係放喺個筒入面，而個筒放左幾耐又係無人知，衛生真係差少少，隔離枱成個筒都污糟但員工見怪不怪理都無理。…查看更多

到花墟很多次，還是第一次光顧這食店。一行入食店，人亦八成坐滿，我2人亦不期望有卡位坐，難得一個應是老闆的男仕叫我們坐卡位，還不需要單邊坐，在午市有這樣的安排，很難得。我們叫了牛雜河及常餐。牛雜河份量大！牛雜亦很入味好吃！常餐叫餐肉公仔麵，2件大大厚切餐肉亦帶來驚喜！最難得時食客開始多，老闆還沒有叫我們單邊坐，這樣的服務態度很少見了。…查看更多