榮忠大排檔

營業中

休息中

發現工作地點附近開了新的食店，便同同事 一齊去試下，雖然呢間食店自稱大排檔，但店內環境似冰室，十分乾淨，環境令人舒適。今次試咗大排檔嘅早餐，沙爹牛肉公仔麵做得出色，沙爹牛肉味道濃郁，富有花生味，牛肉 仍保持肉質，份量亦不少，有六至七片。另外，還有牛油多士，已烘底的麵包加上牛油，非常香口，最令人有驚喜是炒蛋，超級嫩滑，令人一刻愛上，最後亦包一杯熱飲，咖啡不過不失。以$35價錢而言，性價比高，值得再試。食店除左早餐外，主打燒味，而炒蛋同肉醬似乎係佢哋嘅招牌食物，有機會再試下。

已經去過幾次食早餐，一次比一次失望。凍奶茶多士，米粉，通粉👌。因為門口是開放式，坐近門口位就要有吸二手煙的準備。試過食早餐有4個員工在門外不停吸煙，我就邊食早餐邊食二手煙。

今日同老公去了西灣河成安里新開的茶記，試咗佢嘅炒蛋多士（份量非常足）食落有驚喜🤩，蛋味超香濃又滑溜（我係炒蛋狂熱分子）😋我敢保證這家的炒蛋絕對是全港九排名三甲之內，不會差過澳洲牛奶公司及華星冰室，是我個人首選的推介👍因為老公想食燒味，於是便點了燒排骨及燒雞翼試吓，排骨肉質軟滑、雞翼味道好似叉燒咁，同樣非常入味，每舊肉都有蜜汁包住，真的好好食😋。本人認為這間茶記的食物水準可稱全區之冠，身為西灣河的老街坊，以後榮忠大排檔便是我和老公鎖定的飯堂之一了🎉👍奶茶好滑，記住要飲☕️