榕基海南雞專門店

營業中

休息中

榕基喺大埔開個陣我有專登去食，滷水食過幾次都係好出色，成日會掛住。宜家多咗機會去大圍，今次就食海南雞飯啦😎坐底一嚟唔使諗就叫海南雞飯，雞嫩滑，份量尚算可以，配菜青瓜開胃，仲有半隻蛋😋加咗小菜，唐揚炸雞，還可以😆飲品揀咗泰式奶茶，唔係喺泰國飲爆甜個種（可能知道香港人唔得太甜啩🤣）要特別讚佢哋嘅椰子雞湯，椰香十足，好滑同清雞湯👍🏻整體都唔錯，食落都幾滿足，我嚟個陣係午飯時間中尾段，唔算多人，有機會都可以嚟試下🤓

今日喺大圍試咗幾款海南雞飯套餐，真係唔錯！餐廳服務態度好，環境亦都幾好。*無骨海南雞餐跟油飯* 🍗🍚：海南雞肉嫩滑，冇骨食落好方便，油飯香滑入味，絕對係完美配搭。*無骨海南雞餐維醬蔥拌麵* 🍜：維醬蔥拌麵清爽惹味，配埋海南雞，口感豐富，每一啖都好好味！*無骨海南雞喇沙餐金邊粉* 🍛：喇沙湯底濃郁，金邊粉爽滑彈牙，海南雞肉嘅鮮味同喇沙嘅香味完美結合，非常好味。總括嚟講，呢次喺大圍嘅海南雞飯真係非常滿意，每一款餐都好有水準，味道出色，值得推薦！

📍榕基海南雞專門店（大圍）原來榕基除咗大埔滷水店 仲有大圍海南雞店🐥仲要係大圍名物手撕雞腸粉隔離～價錢唔算貴🐥招牌榕基海南雞飯🐷香烤焦糖滷豬頸肉 雞醬蔥油拌麵🐥招牌榕基海南雞飯 套餐跟一碗椰子雞湯 清甜不油膩 有椰子嘅香味👀 下雞骨嫩滑雞肉唔柴有油香雞油飯都唔會話太重口味，但係配嘅醬油有啲蜜糖味🤣🐷香烤焦糖滷豬頸肉 雞醬蔥油拌麵 蔥油拌麵惹味香口豬頸肉一上到嚟嘅時候仲係有焦糖邊邊會有卜卜脆嘅感覺😌唔知係咪因為滷水所以覺得特別Juicy😚😚但係調味都係勁重蜜糖味所以係甜嘅豬頸肉～食到中間會覺得太重口味需要飲多啲水環境舒服，而且好就腳租單車車嘅時候隔離就係啦❤️#suuuuki飲飲食食 #大圍美食

夾完公仔去咗食嘢，一諗就諗到時不時食嘅海南雞飯😌一入餐廳平時都會播住啲90年代嘅歌，令人覺得都幾舒服同有親切感🤣今日入到去就叫咗兩個餐1.花雕醉雞配白飯(平時會加$5配油飯，不過今日賣晒）酒味好濃郁，啱晒醉雞愛好者!2.口水雞配蔥油麵(呢個麵加$5)我鍾意呢個口水雞，有香辣嘅感覺得嚟，又唔係好辣，好啱本身唔食得辣又想食少少辣過癮嘅朋友。兩個餐嘅雞都好嫩滑，同埋入味。環境都唔錯，坐得幾舒服。要留意佢哋9:30 last order 10點閂門。😇

喺大圍周圍行下想搵間餐廳醫肚～經過見到套餐有雞有麵有湯好似幾吸引🤤叫咗個椒麻無骨口水雞套餐$69加$10轉雞脾🍗加$5轉雞醬蔥拌麵🍜加加埋埋結果埋單都$84 💸🐔椒麻無骨口水雞(轉雞脾)雞嘅份量適中 肉質嫩滑 有啲雞味個口水汁都算香辣 辣度合適不過個汁嘅香料味未算豐富雖然有成羹份量嘅花生碎但如果有埋芫荽蔥就應該再香啲🤔🍜雞醬蔥拌麵有溏心蛋🥚同幾片青瓜🥒有令賣相加咗分麵質有台式拌麵應有嘅嚼口醬料調味正常 鹹鹹地 但蔥味欠奉😅🥥椰子雞湯呢個湯味道清甜 幾夠椰子味但如果份量可以多番啲就好嚕🥣

之前幫襯過榕基嘅滷水鵝店，覺得唔錯 😊 而知道佢哋喺大圍開咗另一間海南雞專門店後，都想過嚟試下～ 依次約咗朋友交換手信，就有機會嚟探一探店啦 🤗🐔 全日套餐 - 椒麻口水無骨雞 配 白飯 😋😋😋😋意料之外，口水雞椒麻味幾突出，有辣油香但唔噡喉，面頭有大量嘅花生🥜碎，有中和同增加口感嘅效用；無骨雞斬件有五、六件，肉質嫩滑，幾有肉地 😚 白飯唔需要加錢，份量比一般碗量都大，收水較乾身～🍽 全日套餐 - 鹽漬溏心蛋、淺漬小黃瓜 & 糖脆炒花生魚仔 😋😋😋😋鹽漬溏心蛋嘅蛋白部分口感似台灣鐵蛋，蛋黃溏心啱啱好；淺漬小黃瓜幾片，酸甜適中，爽口；糖脆炒花生魚仔，花生🥜甜甜地，容易一口接一口，🐟魚仔只剩少少魚碎，唔係好有咬口；三款小食都放咗入白飯碗內，伴飯食唔錯！🥣 清甜椰子雞湯 😋😋😋😋😋有被驚艷到嘅湯水 👍🏻 好有椰子🥥香同雞味，好順喉和滑溜，飲完舒服 😚晚餐 💵💵 約港幣$70/人 💁🏻‍♀️ 依晚星期五七點前入座都未爆滿，唔想食西餐，依間嘅價錢合理～ 唔想食飯嘅，又可以加$5改雞醬蔥伴麵，亦可以食喇沙，雞類烹調方法嘅種類都多 😉 座位之間有合適嘅空間，唔去商場食肆嘅話，可以諗下去依間㗎！🙆🏻‍♀️

手撕雞飯真係好正！雞肉嫩滑，撕得剛剛好，淋上特製醬油，味道超入味。飯粒粒分明，吸收咗雞汁，食落去好香口。再加埋一碗椰子雞湯，湯底清甜，椰香四溢，雞肉煮得剛好，軟滑得來又有點彈性，真係一流！一口雞飯一口湯

經過大圍，諗住買泰國嘢返屋企食，行過呢間「榕基海南雞」.... 唉！ 真係衰為食，見到 Menu 寫住 「芒果椰漿波波露」就心郁郁，畢竟椰子同芒果都係我最愛，就一於試下佢哋嘅飲品。 真心講又唔係完全好伏，至少佢唔係死甜，不過芒果同椰漿都係溝稀咗，芒果 & 椰漿味不足，雖然個珍珠係冇乜味，唯一要讚一讚佢個珍珠係幾煙韌，有咬口。 不過點解個名唔改做珍珠而叫波波露？ 至於食物我就未食過喇。總結：口感方面： 淨係得珍珠煙韌，係有口感味道方面： 冇乜芒果味 冇乜椰漿味$39 呢個價錢真係 。。。。失望

海南雞飯都分好多地方嘅海南雞，呢間泰式海南雞飯真係好正！雞肉嫩滑，配上香噴噴的油米飯，簡直係人間美味。雞肉用香料煮得入味，搭配特製的醬油和辣椒醬，味道更加升華。每一口都令人想再來一碗！而且，旁邊的湯清淡又暖心

今日我去咗大圍食海南雞飯，真係好滿足！一入去就感受到間舖頭嘅氣氛好輕鬆，服務員亦都幾友善。今次我點咗海南雞飯，真係冇令我失望。首先，個雞真係好嫩滑，咬落去口感非常好，冇一絲腥味，配上佢哋特製嘅醬汁，味道更加出色！再加埋一碗香噴噴嘅油飯，襯埋雞肉食，簡直係絕配。另外，我仲試咗佢哋的小食，花生同魚仔乾都好好味！花生魚仔乾又脆又香，真係忍唔住多食幾口。飲品方面，佢哋有凍檸茶或者凍檸水可以揀。我選咗凍檸茶，幾清新，正好中和咗海南雞飯嘅濃郁味道。而且仲有一碗湯，味道都唔錯，清爽又舒服。今日呢個海南雞飯之旅真係好開心！如果你都鍾意食海南雞飯，記得去大圍呢間試下啦！

👌🏼無骨海南雞飯 雞：味道正常，唔算滑，又未至於話好差。油飯：鍾意佢有啲金蒜粒粒，增添一啲口感同香味。椰子湯：味道清甜，成個餐最鐘意呢個椰子湯。👌🏼椒麻口水雞配雞醬蔥拌麵 口水雞比想像中辣。蔥油拌麵味道正常，鹹鹹地，唔算特別多蔥油味。亦都食唔到菜式名嘅“雞醬”或者雞油味。👌🏼香烤焦糖滷豬頸肉 豬頸肉味道同質感正常。有浸甜甜嘅蜜糖味。不過我都係鍾意傳統嗰種酸酸甜甜嘅魚露醬味道多啲。👌🏼鮮芒椰漿波波露 - 味道正常。環境： ★★★☆☆ 食物： ★★★☆☆ 推介度： ★★★☆☆

無骨海南雞肉質鮮嫩、入口即化。雞肉經過精心的前處理,將筋膜和硬骨全部剔除,留下純正的雞肉部位。在煮熟的過程中,肉質保持了鮮嫩多汁的口感,完全沒有乾澀或纖維感。與此同時,雞肉表面呈現一層細膩的油亮光澤,這得益於烹飪時將雞肉浸泡在特製的椰汁醬料中,使其充分吸收了椰香和調味。再者,飯菜搭配風味絕佳。油飯粒粒分明,散發著濃郁的椰香,配上碎裝的海南雞和辛香料,相得益彰。我啜了一口,飯香雞鮮,椰汁香氣撲鼻而來,回味綿長,令人垂涎三尺。最後,佐以酸甜可口的醬汁,為整道菜增添了更多層次的風味。此外,店鋪環境也很舒適,清新簡約的裝潢營造出了海南島的悠閒氛圍。服務人員也很親切,細心解答了我的諸多問題。整體來說,這間海南雞專門店無愧於其美譽,為我帶來了一次難忘的用餐體驗。無論是味蕾上的滿足,還是感官上的沉醉,都讓我對海南雞飯有了全新的認識和欣賞。

食物收費較高，午餐配一個小吃 (兩粒炸雞，約拇指般大小)，配凍咖啡，收費 $100，但餐廳沒有服務可言。坐門口位，開關門口十分不舒服，見有其他枱，向職員要求換位，一位職員表示可以。但門口另一位服務員表示已叫一位客人入座 (事實上未叫)，因而與對方堅持要求，對方則改稱因已下單，不可調，態度不友善。食物質素及份量一般，可以接受，但服務態度差，絕不會再光顧。

本人叫咗個海南雞飯、豬頸肉喇沙和小食炸雞（淨係影咗海南雞飯）兩杯凍鮮奶咖啡（加糖水入內但不溶，比茶餐廳仲差）。一個餐要80幾蚊份量真係太少，海南雞冇雞味，燒豬頸肉面頭有一層麥芽糖覆蓋，味道太甜小朋友應該會喜歡。椰子湯成碗水一樣乜嘢味道都冇。小食炸雞又太鹹。飲品另外收費三十幾一杯味道不合格，基本連糖水都未混合就俾你。張餐桌又太細放咗兩個餐之後小食都冇位擺。服務員隔咗好耐遞上一張QR code，之後走咗，最搞笑係掃完code之後,內裹顯示不能落餐，之後又要叫侍應下單。

大圍新開餐廳, 見係新野, 又好似幾多人食咁, 就試下啦! 不過真心有少少失望! 只能說係普通野, 唔算得上係好食。兩個人分別叫左兩個餐: 1. 椒麻口水無骨雞配拌麵(有餐湯)可能因為外賣啦, 個麵成餅野咁,  癡實晒, 冇乜拌麵醬既味道, 但底就勁油, 會見到有一層油係底。椒麻口水無骨雞個醬汁味道其實唔錯。 不過重點來啦, 啲雞皮仲厚過啲雞肉,  感覺勁油膩, 唔食雞皮既...就好慘, 好努力咁分開啲雞皮同雞肉, 但只係食到少少雞肉, 肉既部份真心少。而且雞係完全冇椒麻味, 要夾住啲醬汁食先有味道。2. 花雕醉香無骨雞拌麵(有餐湯)同椒麻口水雞一樣, 都係雞皮厚過雞肉, 不過花雕醉香係唔錯, 味道上幾好, 有少少酒味, 但又唔會太濃烈, 而且雞肉係入味, 有花雕醉香, 可惜肉既部份真係太薄切, 食唔到幾多肉, 但雞皮就好厚。至於餐湯方面, 唔會好味精, 仲有啲椰子係度, 應該係椰子雞湯, 味道都算濃郁, 但雞味唔重。