榕基海南雞專門店

一入到去間野唔多人 waitress 話求其坐 咁我地簡左張枱坐低 坐左陣 服務員話有8個人尼想我地幫手轉枱 咁我地兩個人 都無咩所謂 咁就轉左另一張枱 因為我地叫既野食都幾多 所以就轉坐左張4人枱 咁間野都未爆既 到野食尼到 食左一兩啖 同樣其野都仲好多位 但服務員夾硬塞左個人過尼搭枱 仲要咩都唔講 重點係我野食已經唔夠位放 服務差都算 仲要尼到既海南雞油飯 油飯唔油 海南雞我以為係醉雞 凍冰冰 凍到呢 啲油已經凍到一舊舊 絕對無下次 無服務 無食物質素 …查看更多

之前都食過大埔嗰間榕基 都覺得好好食，尤其佢哋個滷水鵝 之前睇mm嘅訪問都睇得出呢對情侶好有心去經營間餐廳 所以今次lunch Time我就揀咗嚟大圍試吓佢哋嘅海南雞雞肉都好嫩滑 而且比嘅部位都唔錯 仲有雞翼位 不過略嫌雞嘅醃味唔夠多 油飯味道都唔錯 唔會太油膩 而且粒粒分明 不過如果飯嘅可以再淋多少少就更好啦 另外飯都會跟咗少少嘅醃菜（今日有青瓜同花生） 仲有半隻糖心蛋 比起其他嘅海南雞飯 呢度感覺有誠意得多飯嘅套餐仲跟咗碗椰子雞湯 啱晒而家秋涼天氣飲 潤一潤喉整體嚟講都好滿意 下次lunch都可以再嚟食～…查看更多

喺朋友介紹同網評得知此店，經開大圍所以一試。 時值平日傍晚六點左右，大約有半場坐咗客人，店舖地理位置嚟講算係唔錯。環境位置坐得舒服，店員基本禮貌語句係有做足。定價上比較失色係食物同飲品完全分開，並無任何加配優惠，如果要袋一份海南雞飯加飲品的話，接近要成100蚊埋單，糧尾面前只好放棄試飲品。$69 無骨海南雞配油飯 - 海南雞夠嫰夠滑，略帶鮮雞應有的香味，但‘’無骨‘’而言又唔知點解要留返件雞槌俾客吮骨雞肉份量唔多，帶出感覺上有點太貴。 油飯唔夠香，醬汁同配料嘅味道亦唔見有太大特別， 整體感覺之前睇同聽到嘅評論係有點過份吹捧。跟餐配嘅椰子雞湯係今餐嘅MVP, 令到食客唔使乾哽成個餐，又有碗叫飲得吓嘅湯餸口，為套餐味道加返少少分。…查看更多

我之前幫襯過一次 覺得好食先再去 點知就遇到的咁嘅事一去到明明好多位 個店員都要我地去未執枱嘅位置坐 去到呢度都冇咩野嘅 咪照去囉點知就出事了 佢地個侍應清櫈上面飲品 明明有兩隻手 系都要一隻手拎兩杯野飲拎唔到兩杯就唔好心佢唔好拎啦 另一隻手要嚟做咩搞到倒瀉野 仲要系泰式奶茶。。。。。。仲要彈到我成條裙都有 我系淺色裙！😡💢個侍應系有講對唔住嘅 但都系嬲囉！同埋當時個店長系冇諗住出下面嚟了解下件事佢地有佢地做🤦🏻‍♀️當冇事發生🤷🏻‍♀️我留底用濕紙巾擦條裙做簡單處理起碼都有五分鐘咁耐 都系冇人理我😂垃圾服務態度💩好心你地做下培訓啦…查看更多

其實本來係想食佢隔籬嗰間手撕雞（笑）但真係太多人排隊 就望一望呢間見佢lunch都幾抵食 就試一試冇諗過會好食到我專登嚟寫食評！！-分別嗌咗一個海南雞飯同醉雞蔥油麵海南雞比一般嫩滑 份量都算多 配埋油飯好好食特別想讚一讚佢個醉雞同蔥油麵見唔多人嗌 但係真係好好食醉雞夠凍夠酒香 蔥油麵好香口 唔油膩 會唔知點解係咁想食 一啖接一啖😂😂-順帶一提佢個椰子雞湯都好鮮甜～我哋揀咗泰式奶茶都幾好飲 唔會過甜講真呢個價錢食到呢個質素 真係完全超乎想像大家如果去開大圍都可以支持吓～…查看更多