極尚大喜屋

營業中

休息中

屋企聚餐，老豆同媽咪鐘意食三文魚，於是揀咗食日式放題，以前食開創興2樓間大喜屋，執咗之後就改食雅蘭呢間。燒刺身質素keep到，創作壽司雖然款式同創興嗰間差唔多，但飯量竟然係一個double，唔知情嘅我照原本份量叫，結果食多咗好多飯落肚，冇胃容量再食其他。燒物算正常，但牛舌偏韌，翠玉瓜同菠蘿保持juicy，但其他中式熱食就比較遜色，下次都係試吓帝京嗰間。

間中放肆下食放題叫到成檯野真係正！ 先QR落單再到自助區拎飲品、前菜小食。 🍻🍶☕️🍵🧋🥤啤酒、清酒、自家制冷泡茶、汽水，勁多選擇！刺身最正有赤蝦、松葉蟹腳。仲有三文魚腩、帶子、甜蝦、油甘魚、吞拿魚。泰式酸汁刺身蝦，好醒胃。拖羅蓉軍艦，金黃海膽軍艦，創作壽司種類多。🥢厚厚鵝肝多士，油豐香軟🥢乳鴨皮香肉嫩，兩項都要追加！🍻飲Sapporo啤酒，食串燒。🍢雞軟骨，咸香脆口。🍢鹽燒牛舌，嫩滑大片。🥢蒲燒鰻魚，肉厚滋味🦪川味燒鮮蠔，超多蒜粒葱花，入口蠔味濃。燒香草羊胺，火烤夠油香，肉質鮮嫩🥢清酒煮蜆，隻隻鮮嫩肥美冇沙。🥢金湯慢煮鮑魚花膠盛、蟹粉菜苗、星洲大蝦炸麵榴槤控必點榴槤三重奏，榴槤蓉、焗原粒金枕頭、榴槤pancake。🍡甜品中，最愛三色芋圓芋圓Q彈，紅豆、寒天、燒仙草、蘆薈，微甜超足料！🥄班蘭奶凍布丁，味道清香。倉鼠芒果凍、迷你Tiramisu，食埋雪糕，好滿足！

朋友好耐無食放題，我梗係要帶佢食我最愛嘅極尚大喜屋啦！😋而家每人$298任食兩小時😋以前嘅舖位嘅座位又窄又暗，而家又大又新淨,地方又大咗。第一輪識叫嘅梗係叫鮑魚、燒蠔、花膠、刺身呢啲貴價嘢。佢嘅魚生刺身份量多又足，成日都爆場。第二輪叫啲牛、蝦、乳鴿王、牛仔肉、羊架、芝麻炸雞翼。我最鍾意食佢嘅炸雞翼。自助區而家有250呎咁大，涼拌魚皮、泰式鳳爪、帶子裙邊、蕎頭、沙律、雪糕、甜品，食物款式一應俱全。最欣賞佢嘅冷泡茶有好幾款,而家仲有鴨屎香檸檬茶飲呀！但估唔到佢竟然有日本最新嘅比卡超飲品呀！🤩如果鍾意飲珍珠奶茶嘅朋友都唔可以錯過佢哋自家製嘅珍珠奶茶，好有茶味。🤩我喜歡自己動手扭軟雪糕，好有滿足感，重點係Haagen dazs雪糕係任食！任食！🤩今次呢一期嘅甜品有龍嘅造型同埋松鼠造型，黃色嘅松鼠造型呢係芒果味綠色嘅龍造型呢係綠茶味，好食喎，creamy,唔假。 所以點解我咁鐘意介紹親戚朋友嚟食大喜屋

晚市 348 x 2好：1. 新開，環境好2. 野飲多3. 甜品多唔好：1. 兩個鐘放題，但提前10分鐘趕人走2. 員工倒骨碟，係客人面前倒，垃圾彈到落食物上，彈到成台都係，彈到我成身都係，但馬上有道歉，算係培訓不中/忙中有錯3. 食物品種比想像少，無吞拿魚刺食4. 所有放題基本操作，漏單/比少野5. 台太細結論: 食過就算，唔會特登返黎再食

香港人好鐘意食日式放題，今日同朋友去咗位於旺角嘅極尚大喜屋，任飲任食兩小時。夜晚時段餐廳人山人海，建議早啲預約。餐廳好大且樓底好高，有大量卡位坐得舒服😛。用QR code落單，方便快捷。食得日式放題當然要任食刺身，三文魚、池魚、油甘魚、蝦，刺身基本款都有齊，值得一提嘅係刺身頗厚切😍，口感滿滿。不過可能繁忙時段，刺身數量冇俾到足，建議落多幾次單🤣。除咗刺身外，餐廳有各式壽司同料理，種類繁多，要每一樣叫晒係冇可能🤪！星加坡風味辣椒大蝦同燒乳鴿都唔錯👍大蝦辣得上癮，配埋脆脆炒麵底好食😋。而燒乳鴿拍得住酒樓質素😚。餐廳設有自助熟食、冷盤、飲品同甜品區。熟食包括蒸魚、西蘭花、小籠包、仲有一籠籠點心🥟，新鮮滾熱辣。而冷盤有海鮮、水果🍉。飲品有冷泡茶、酒、汽水，當然唔少得有自助雪糕同埋任食嘅Häagen-Dazs雪糕🍧。

💁‍♀️💁‍♂️ 18/4/2024(Thu), Dinner🍽每隔一段時間💁‍♀️為食妙妙同💁A先生都會去食放題，我哋嘅首選都係大喜屋集團嘅分店，今次我哋就嚟到旺角雅蘭中心嘅分店，餐廳地方夠大而坐得都幾舒服，侍應上菜、收碟都好主動同快速，整體用餐🍽️嘅體驗好好。而今晚我地order咗：🔆 成人晚市放題（$298+10%）晚市嘅放題有分唔同時段，星期一至四晚8:30後入座就係$298。若果想彈性一啲嘅，自選時段俄座任食2個鐘都只係$328，價格合理。我哋就預約8:30，依返時段去到餐廳好快就安排到座位入座。進入餐廳後先見到一個都幾大幾闊落嘅自助區，有飲品、前菜、沙律🥗、湯同埋甜品可以自取。飲品方面都係一般啤酒🍻、汽水🥤、清酒🍶、梅酒、紅酒🍷、白酒等，呢度仲特別有果汁如橙汁、蔗汁同椰青水。同其他我哋去過嘅大喜屋一樣，落單方面都係用QR code，落完單無耐食物就會準確送上。首先第一輪我哋點咗刺身同壽司🍣先，呢間分店有松葉蟹🦀腳、食落都多肉結實；另外三文魚、油甘魚、池魚等嘅刺身都好新鮮肥美；馬刀貝、赤貝食落爽口好食；帶子、大赤蝦🦐就夠晒鮮甜；海膽軍艦嘅紫菜夠脆，海膽雖然唔係大粒，但食落都好甘甜。另

呢間放題餐廳，除咗刺身夠晒新鮮，最近仲可以任食D24榴槤，性價比好高！一入到嚟就即刻去咗餐廳自助區拎嘢食，有齊冷盤、熱食、飲品、清酒同甜品！👍🏻食物方面，刺身非常新鮮，有松葉蟹腳、極品大赤蝦、北海道鮮帶子、甜蝦等新鮮食材任叫任食！另外推介即叫即燒嘅燒蠔，夠晒大粒又有蒜香味❤️餐廳最新嘅賣點就係D24榴槤，大大粒榴槤肉，估唔到微微燒咗嘅榴槤係咁香咁好味，我自己忍唔住食咗五大粒，鍾意食榴槤嘅朋友千祈唔好錯過！🤩🤩🤩

為朋友慶生，晚市揀咗呢間放題，公眾假期前夕收$348一個人另外再加一。放題款式十分之多，大部份菜式由手機QR code落單，飲品及甜品則需自取，飲品多達十幾款，還有自家製的珍珠奶茶，味道不錯。一些前菜可以自取，有中華沙律，白雲鳳爪，魷魚等。甜品區有楊枝甘露，布甸，Tiramisu，乳酪，韓國雪條， Haagen Dazs雪糕等。另外椰皇燉蛋白上碟時係暖，味道喜出望外，值得推薦。總括而言，食物款式種類繁多及尚算新鮮，下一次或會再次光臨。

最近5月1號係假期，我就去咗旺角度行街，跟住突然之間想食放題嘅時候就去咗極尚大喜屋餐廳，可能由於係假期關係實在太太太太太多人啦果然係人氣店！極尚大喜屋位於旺角彌敦道雅蘭中心的4樓，交通便利，很容易找到。地鐵站一出轉右嘅5樓就已經係啦！整個空間設計簡潔，舒適，營造出一種放鬆的氛圍，讓我感到非常舒服。餐廳的服務也非常出色。工作人員非常友善和專業，他們迅速地為我們安排了座位極尚大喜屋的菜單提供了多種精緻的日式料理選擇，包括壽司、刺身、湯品和烤物等。刺身的質量也非常高，魚肉鮮嫩，新鮮度一流。另外不得不提嘅係呢一度嘅拖羅係任食㗎！此外，他們佢哋都有好多熟悉嘅選擇，所以唔食生冷嘢嘅朋友都唔使擔心。就例如有壽喜燒各式各樣嘅天婦羅煎炸物仲有一啲燒熟咗嘅壽司每一度嘅餸菜都非常之出色，特別係我最鍾意嘅一口牛！我食咗三四碟都覺得唔夠喉整體嚟講呢一度嘅放題質素係唔錯嘅，而且價錢都唔算好貴

極尚大喜屋，地點鄰近旺角地鐵站，價錢適宜食物選擇又多，性價比高。刺身、壽司、手卷刺身種類選擇多，唔止有三文魚、油甘魚、赤海蝦、赤貝等，估唔到仲有松葉蟹腳！刺身有插花擺盤好精緻，每款刺身都好新鮮。壽司卷物都好創新，有海膽三色塔、芒果蟹籽沙律、魚子醬玉子燒等，新奇的口味配搭。燒物、炸物、一品料理燒物有川味燒鮮蠔，蠔肉大粒唔會腥，加上川味醬汁特別香口。鍾意食燒生果嘅除咗燒菠蘿之外，榴槤三重奏都係創意之作，中間大大嚿嘅金針頭榴槤香滑軟綿，食落香甜，另外嘅係榴槤煎餅同榴槤蓉，濃郁嘅榴槤香味啱晒我呢啲榴槤控。今期仲有新加坡名物辣椒 Black Tiger prawn，虎蝦大隻又彈牙，食落似係黑胡椒炒蟹嗰隻味，辣辣地好惹味！

5月中就係母親節啦我就提早咗同阿媽慶祝母親節💋因為唔想到大時大節嘅時候外出吃飯會好多人媽咪同我一樣，佢都好鍾意新鮮刺身、海鮮所以呢我就約佢平日去旺角極尚大喜屋食放題呢間餐廳好寬敞 (如安排倒卡位，更坐得舒服)裝修幾靚，冷氣剛剛好服務員好友善，會細心幫我哋更換碟子我媽咪對呢餐飯非常滿意😘佢覺得可以媲美酒店級自助餐而我認為佢嘅多款中菜係唔錯🙊今期魚肉刺身非常肥美，唔會好冰，無法挑剔🍣🍣海膽壽司亦相當新鮮😘多款精緻嘅中菜及甜品，我推薦食⭐“時令蟹皇扒豆苗” 鮮嫩豆苗好有口感⭐“鐵板牛油黑松露帶子” 帶子既新鮮又彈牙⭐“一客薑蔥爆鱔球” 蜜糖般的醬汁，而鱔肉非常彈牙又滑溜，令唔鍾意食魚嘅我都愛上了⭐“鐵板法式鵝肝多士” 厚切的鵝肝，既肥美又油潤，叫一碟已經好值回票價了⭐“榴槤三重奏” 為三款口味的榴槤，有落榴槤薄餅、爆原粒連核榴槤肉、淨榴槤肉，完全滿足好鍾意食榴槤嘅我。⭐“極尚椰皇燕窩燉蛋白” 同出面甜品鋪食差唔多，椰香味濃郁，非常滋補又美味🦆我媽竟然到出面自取嘅鹽水鴨讚不絕口，佢話呢啲係家鄉必吃，我吃過都唔錯，起碼肉唔會好鞋，幾有鴨味！甜品都好多款:

#旺角美食 #小蓮星呑食旺角🔻 極尚大喜屋 旺角彌敦道625 & 639號雅蘭中心4樓/🥳晚市放題 $298 （20:30後）/🧃刺身/壽司魚生超級厚切，質素絕對唔算輸出面舖頭，油甘魚充滿獨特油香，三文魚鮮味，帶子又大隻又鮮甜，螺彈牙，赤蝦大隻鮮甜，仲叫咗蟹腳，估唔到有驚喜，充滿咸香嘅海水味。呢度所有嘅海膽菜式嘅海膽都係使用北海道海膽，有質素保證。/🧃熱食/鍋物呢度嘅熱食質素都好高，有燒物、天婦羅、一系列酒店宴會級中菜等等，大推乳鴿，夠大隻，熱辣辣，皮脆肉嫩，啖啖肉，串燒都燒得好好，特別係燒雞翼，非常惹味。燒生蠔大大隻，一啲都唔腥，仲保留到鹹香味同埋蠔味，加埋蒜辣真係好正，蟹黃豆苗係真係有一粒粒蟹肉，童叟無欺。仲有兩款中式湯任君選擇，入邊都好足料。/🧃甜品/飲品甜品方面勁多選擇，有雪糕雪條同埋勁像真鼠鼠甜品😍飲品方面有自家冷泡嘅各種茶飲。鍾意飲酒嘅呢度都好多選擇，清酒任飲。/餐廳勁大，啲位都好夠闊落，自助餐區都好靚舒服，好適合聚餐，呢個價錢真係好抵/////#food #foodie #hkfood #hkfoodie #foodporn #foodstagram #hkfoodblo

自從旺角大喜屋搬左去新鋪之後，我即刻約埋朋友一齊去食😜我地今次係午市放題❤️新店既環境比舊店既闊落，無論係點餐定係自助區既食物選擇都多左✨飲品區既選擇琳琅滿目🧃我地係點心區拎左蝦餃，出奇地皮唔會太厚又唔會粉😙食放題點可以唔order刺身同壽司🍣驚喜地每款刺身都好厚身又鮮甜，特別係赤蝦，蝦膏多到爆出黎😂壽司飯握得實，唔會一夾就散開🤓另外燒羊架同埋燒牛舌都好值得推介💓羊架無羶味，牛舌唔會好韌，喜歡食既記得要試下❗️法式鵝肝多士大大件又香口，配埋牛油多士，入口好爽😆我地order左兩款一品料理，分別係冬菇花膠同埋肥牛烏冬🌟冬菇花膠啲汁好多，有碗飯就好perfect😂肥牛烏冬係我地今餐既完美ending❗️餐廳座位都闊落，完全唔會覺得擠逼👍🏻店員會keep住幫忙收碟，食物選擇又多，上菜又快，基本上都好滿意。食物款式太多我地又排住傾計，所以仲有啲都未試😆期待二訪再食😙📍極尚大喜屋旺角彌敦道625 & 639號雅蘭中心4樓(🚇港鐵旺角站E1出口)#hongkongbaby #hongkongbabyboy #90後媽媽 #育兒 #新手媽媽 #香港媽媽 #寶寶日常 #育兒日常 #港媽日常 #香港bb #h

首先，一定要點刺身食 。好多款式，仲要厚切😍😍而且有松葉蟹腳食，都唔錯 。忍唔住叫左d壽司食，件件都好靚，細細舊滿足到自己可以試更多野，又唔會太飽 。推介三文魚籽海膽寶石山，有幾款刺身切件搭配海膽 ，幾鮮甜🔸時令蟹皇扒冠軍豆苗豆苗翠綠，份量都唔少 。🔸鐵板牛油黑松露帶子上菜個碟好似西餐高級料理😂帶子大大粒😍🔸特色焗溫室啡菇（黑松露煙肉）🔸鹽燒牛舌🔸鐵板法式鵝肝多士大啡菇有驚喜，上面層芝士煙肉絕對加分 。鵝肝多士好正，不過唔可以食太多 。川味燒鮮蠔辣辣地，好惹味，蠔夠新鮮，燒得岩岩好 。極尚椰皇燕窩燉蛋白必點👍隔離枱都encore左幾次 。

旺角的日式任飲任食放題極尚大喜屋,$298/位，有燒物、串燒、一品料理、炸物、天婦羅、刺身、壽司……，嘩~~~還有現在放題新增的皇牌燒乳鴿王、榴槤三重奏……門口一入的自助區範圍都很大 ，熱葷區有豉汁蒸沙巴龍躉仔、丸子、日式煎餃子、鹽水鴨，還有點心小籠包、蝦餃、燒賣、湯、甜品……蝦餃燒賣與酒樓食的點心可以雙匹配，爽口清甜！小籠包也有相當的品質，雖說不上高質，但也很多湯汁及鮮味！麻辣鴨腎，爽脆麻辣，也很喜愛！新推出的榴槤三重奏，香煎榴槤煎餅、烤榴槤及榴槤蓉，各有味道，都帶有榴槤的香，喜愛食榴槤的我，當然不會錯過！上湯翡翠百合螺片，螺片切得薄薄的爽口鮮味。很香口的燒鯖花魚及令蟹黃扒冠軍稻苗……皇牌燒乳鴿皇，皮脆肉滑，非常入味，多肉汁且香口! 推薦！金湯慢煮鮑魚花膠盛，鮑魚非常爽脆，花膠軟腍真系必食推薦！款式多，我最喜歡食的還有姜蔥爆鱔球、燒雞軟骨串、鹽燒牛舌、芝麻雞翼、脆炸貓山王、川味燒鮮蠔、燒香草羊鞍……好美味哦，再加上豐富的甜品及水果作為結尾，非常滿足~~~😋😍