極尚大喜屋 (加連威老道) (已結業)

2020-2-24(星期一)18:30pm自助餐用餐時間:個半鍾頭真係好足夠刺身:甜蝦壽司:自創壽司三文魚腩係刺身既壽司都唔錯，如果係軍艦個d我就覺得紫菜唔夠脆，不過都ok唔係話接受唔到ga..最少都唔係話d野好難食。不過食一件就夠飲品:菊花蜜(支)有凍熱揀。做得幾貼心同埋有if椰青水。真係好正。依家惠康賣都要10蚊支架比起其它放題或者火鍋放題我暫時未見到有if椰青水任飲可能我少去放題掛。冇以前去咁多放題。年幾大都食唔到咁多放題我好少揀鍋物+炸物+酒+熟食既野。元貝帶子個d都會叫下。呢間都做得ok.幾好食雪糕冇我鍾意個d味揀。有d失望甜品又唔係好特別咁。因為肺炎疫情關係好多行業都唔洗排隊。去試下都ok.如果要排隊對於冇咩耐性既我係唔會去

大滿足放題！前一日網上book枱星期五17:30食兩個小時有優惠，每人$248另加一服務費。餐廳當日再whatsapp問我來確認訂位。餐廳就在The One旁邊，位置優越方便。進入餐廳前，服務員會幫我們量度體溫。食17:30時段的顧客不多，安排我們坐裏面的卡位，手提電話流動數據網絡接收比較差，連接餐廳的WIFI，上網掃QR Code點單會快一點。我們一行四人點了很多食物，這間放題餐廳的食物品質很高、有保證，重點推介的是鹽燒牛舌、炸貓山王、海膽軍艦、雪花肥牛鍋。鹽燒牛舌- 牛舌肉質爽口彈牙，沒有燒到過熟，鹽味加上檸檬汁的酸甜味道，剛剛好。我們重複點了這道牛舌起碼四次！炸貓山王- 我不喜歡食榴槤，所以家人吃，他們喜歡這個炸物，吃得出是用真的貓山王炸，入口軟綿綿，充滿榴槤的香味！海膽軍艦- 海膽入口即溶，鮮甜可口，沒有腥味。加上紫菜很脆，整體軍艦口感豐富、有層次。雪花肥牛鍋- 這個鍋物分量很大，材料豐富，有我喜愛的粉絲和豆腐，豆腐和牛肉片都很滑，亦有不少蔬菜，唯湯汁偏鹹。還有很多很多菜式都很美味，刺身、壽司很新鮮、鮮甜，燒菠蘿亦是另一必食推介！甜品好像提拉米蘇蛋糕、紫糯米雪條也不錯。不過豬骨

由於好想食刺身，所以即日決定去食刺身。而呢間地方就腳，星期五晚17:30-19:30，每人248+10%，19:00 last order。(可選食到20:15 就$288)由於呢排肺炎，所以都冇咩人，場地好大。首先當然叫左一大盆剌身，不過個人就覺得佢既剌身係比出面嘅size細d，尤其係甜蝦，不過比較特別嘅係有蟹腳食，但我怕煩唔想搣殼就叫左一兩隻試算。飲品方面有清酒任飲，有凍熱可選擇。亦有梅酒。雪糕就限每人一杯， 不過就算任食食到最尾個肚都冇咩位食啦其實總括嚟講，呢度食嘅嘢同其他放題餐廳食嘅嘢冇咩大分別，質素亦差唔多。不過間野service好好，keep住同你收碟，態度亦好好。

一直都想食呢間高質素既日本放題，早兩日終於約到朋友一齊去食！入到去環境其實都幾窄同逼，每張枱都好近，亦都無乜距離。不過唔係食佢個環境，所以都ok😂呢度既魚生同壽司都係好高質素，特別帶子，三文魚同蝦，好新鮮亦都都好大隻，高度推介！其他野食都好好食，性價比唔錯。不過美中不足係野飲同甜品種類唔算多！野飲都係多紙包同清酒，要加錢先可以飲多d款式既酒，甜品都係得幾款，雪糕更加只限一人一件。不過總括嚟講，野食好高質亦都多種類！👍🏻👍🏻

鑱咀萬萬歲!🙌🏻ChamZeoiLongLongLife🙌🏻🦔極尚大喜屋萬萬歲！🐭裏面好好好大，枱櫈及走廊空間略為狹小，環境風格走平民路線，朋友聚會就最適合！整體食物推介度：賣相👅👅👅👅👅味道👅👅👅👅口感👅👅👅👅份量👅👅👅👅👅性價比👅👅👅👅👅🐭 勝在選擇非常多，賣相亦唔錯。除咗日式刺身、串燒、炸物，仲有中式同港式嘢食，簡直就係一次過滿足晒你好多個願望。🐭當然唔能夠期望每樣都好好食，例如酸辣魚鍋味道同質感都非常奇怪。但炒貴妃蚌、炒帶子、仲有花膠雞煲都算有心機🐭另外清酒梅酒任飲都係一個CP值高嘅因素🐭食神鼠到好滿足一遊，拜👋🏻

窩夫與蝦子餅跟好友們一行六人多年前曾一起光顧尖沙咀的極尚大喜屋，日前重遊舊地大吃大喝，星期日下午五時入座，任飲任食兩小時，每位248元，另收加一服務費。第一輪刺身以魚為主，三文魚、油甘魚和池魚都切得厚厚的，新鮮肥美，大滿足！第二輪刺身有大大隻甜蝦，北寄貝、象拔蚌和北海道帶子，全部都鮮甜美味。海膽魷魚壽司、岩鹽鵝肝牛肉壽司和松葉蟹膏燒赤蝦壽司的水準都不差，只是海膽和鵝肝太細粒吧。海膽軍艦的海膽份量不少，味道鮮甜，一點也不腥，要安歌！沖繩海葡萄沙律的海葡萄份量也很足，不過稍嫌太鹹。鹽燒海蝦幾大隻，不會燒得過乾。其他串燒如牛舌和雞軟骨，以及香草燒羊鞍，上桌時都是熱辣辣的，值得一讚。蒜片牛柳粒的蒜片香口，牛柳粒不韌。風味淋燒魚干比較細塊，口感偏硬。沒想到日式放題會提供瑤柱豆苗，而且做得不錯。XO醬西芹炒鮮帶子也意外地出色，非常惹味，看來廚房有個很棒的中廚。窩夫是鹹蛋控，點了一客黃金蝦來試試，朋友們對黃金蝦興趣不大，反而被墊底的薯條吸引。朋友說比目魚西京燒看來有點像茄子，吃下去魚肉很嫩，蘸點沙律醬來吃更加滋味。天氣冷的日子吃雪花牛肉鍋，感覺溫暖，壽喜燒的味道調得剛剛好，不會太甜太濃，牛肉的水準不

經網上版openrice訂左位，用電話無法更改訂位時間於是打電話去問下改唔改到職員表示可上返openrice改，我話改唔到，問佢可唔可以幫我訂多次，我之後再試下入openrice取消原有訂位點知佢一句叫我取消左先，就放低電話，去做其他嘢，然後我等左一陣以為會拎返起電話，一直喂喂喂，都無人應（好肯定佢係電話附近）呢d態度值唔值得大家俾幾百蚊去受，自己諗下啦

電話再次確認咗訂位，去到俾一張大枱俾我哋，無為意以為轉頭會有人坐，但卡位再加枱又唔多覺似有人搭枱似set錯位多啲。叫左六次俾QR code單我哋落單，個個都應我哋架，但無人攞俾我哋之嘛😂拎到單之後發現人數真係有錯，真係搞錯左再同佢哋講人數錯左，叫左三次終於有人理我哋又幫我哋轉細枱。落單叫嘢，狂上錯我哋啲嘢飲，西利之處係無一次係拎啱架喎🤦🏿‍♀️想叫人換又好難，因為有人應但無人做，一就係應都無人應。勝在嘢食上得超快，亦都唔差。係工作人員需要改善啫😅

揀左午市放題，食12-3，3小時慢慢食。刺身都算肥美同新鮮，選擇都多。推薦芝士燒帆立貝，酸酸甜甜，雖然偏鹹少少，不過依然無損我的喜愛。串燒方面：牛舌，雞軟骨，芝麻雞翅都唔錯。蛋糕方面，比較鍾意檸檬芝士呢款，仲試左黑糯米雪條，唔會太甜，濃郁的黑糯米味。

呢間日式放題 真係超級多人 ，我諗主要原因是食物的質素維持高水準，刺身非常鮮甜，而且食物款式很多，難怪那麼多人前往進食！刺身方面，有拖羅、油甘魚、池魚皇、甜蝦、三文魚、帶子、北寄貝、希靈魚、天使蝦、赤貝、馬刀貝、最特別係有任點松葉蟹腳。所有刺身都係厚切有咬口，超級新鮮。北海道先帶子每隻都好大粒，而且仲要好鮮甜，甜蝦嘅份量都唔少絕對唔係迷你個種。特別推介象拔蚌刺身， 彈牙新鮮。創作壽司嘅賣相同味道都唔錯。三文魚腩壽司入口即溶，其他壽司亦新鮮好吃，每件壽司比較細小，不會太飽，所以可以試多些不同的選擇。這店質素高，上菜速度也快，價錢合理，值得一試。

和家人提前做冬 由於不想辛苦媽媽煮很多人的份量 於是提議吃放題 家人提議吃尖沙咀這間放題 說地點方便和吃過覺得不錯😊我第一次吃這間 地鐵站b出口走5分鐘就到 十分方便👍🏻👍🏻這間放題不是寫紙的 是用手機掃描qr code選食物飲品的😯叫了兩輪滿滿一盤刺身 有三文魚、吞拿魚、帶子、甜蝦、赤背象、拔蚌、長腳蟹等😋😋😋刺身很厚身和很鮮甜 讚👍🏻 但長腳蟹太幼 雖甜但很少肉🤨肉類也很出色 羊架、蒜片牛柳粒、芝麻雞翼等😍有兩款是不斷encore 的 第一是海膽軍艦壽司 新鮮🤤 第二是比目魚 配上沙律醬 肉質超滑 魚皮燒得香脆 不錯👍🏻😋雪糕甜品方便店員提供了紙給我地寫 說全部集齊只下一次單 所以建議最後才寫選了一杯Häagen-Dazs限定的紅豆麻薯雪糕 超好吃 濃濃紅豆雪糕和煙韌的小麻薯十分滿足😚😚😚

原定行程有變，臨時選了大喜屋放題。2小時任食，致電問時話 $228 加一， 入場時話 $268 加一，埋單變咗 $288 加一除此之外，食物質素理想 。串燒鰻魚，新鮮夠熱雞軟骨串，新鮮炸起辣酒煮花螺，個汁唔錯。翠玉瓜串，新鮮熱辣，少少鹽味，幾好鹽燒中蝦，值得encore刺身都幾凍吓。可以一片一片點，味道正常。象拔蚌刺身麻麻鹽燒雞翼串，乾咗啲燒西京魚。個汁偏甜，啲皮都幾脆花膠雞湯，有驚喜。但太大碗了燒帆立貝，啲沙律醬太多天婦羅，不過不失除餐牌甜品外，每人一杯雪糕整體不俗 但係放題都係唔啱我唔食得太多嘅人

小弟同朋友有食幾個月無一齊食過放題，不過一直都好掙扎食邊一間好，因為依家真係有好多放題。最後我地都係揀左呢一間坐低之後店員示意我地用手機落單。雖然大家揀野食會無咁方便，但的確環保d～我地就一於叫盤刺身做個頭盤先基本上寫幾多佢就黎幾多～不過有d蝦就無左尾。。。成盤野簡直係海膽軍艦唔係間間放題都會有，有d可能會係海膽手卷。咁緊係軍艦好d啦，食多幾舊都唔怕！ 之後因為叫左太多野食所以不能盡錄總括黎講，大喜屋呢個品牌唔多唔少都已經係等於有保證。起碼佢d野食都係有質素。而且一分錢一分貨，極尚大喜屋算係高級版，食材都高級d。野飲方面，都係用手機落order。值得一提既係呢道竟然有if椰青水！

係美麗華前面，上電梯一樓，一出電梯口就見到成層都係大喜屋，坐位夠寬，裝修好高尚～(^○^)食物方面，我圡到有限時手卷可以食，叫左個海膽手卷，海膽好鮮甜！唔係好似其他日本餐廳個啲有腥味！刺身方面，三文魚油脂分布平均，切得夠厚，好有口感；甜蝦同普通的一樣，沒什麼特別；帶子好鮮甜！如果厚少少就好啦；劍魚腩同吞拿魚同三文魚一樣夠厚，好好食熟食方面，極度推薦燒鰻魚！醬汁又好味！燒菠幫你去埋皮，不用手揸住食！好評！烏冬的芝麻醬也是不錯的甜品有Macaron，但是我自己不喜歡食，推薦泡芺飲品其實選擇唔多，都係平時見到個啲，推薦100%椰青水，好fresh好好飲

食物差都算，好佩服一間食店可以所有員工服務都差到一個點。。個面口可以黑到欠左佢咁。有個經理既物體拎張QR CODE既紙過黎都聽唔到佢講麥就收起張紙叫我地寫紙order，野食要等耐d無咁快黎咋嘛...隻碟仲要掉落枱，垃圾鋪頭。