影片
港鐵旺角東站 B 出口, 港鐵油麻地站 A2 出口
繼續閱讀
電話號碼
21111821
開飯介紹
樓上日式放題餐廳，店內掛滿和風旗幟作裝潢，氣氛輕鬆舒適。食物款式多元化，有磯燒海鮮、日式火鍋、炸物、壽司、刺身等日式料理。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
優惠
相關文章
昨日跟麻雀腳一行四人相約去旺角的「極上帝王水產」嘆午市放題，這裡以豐富的日式料理選擇和高性價比聞名，而午市特長時段更有九折優惠，每人埋單 $300 有找，真的非常吸引。放題選擇各式其色；日料、烤肉、火鍋所有用具都已經準備好，富香港特色的高效。這裡的烤肉選擇十分豐富，豬牛羊雞等各種部位應有盡有，甚至還有大量新鮮蔬菜供選擇。我們幾個人分工合作，有人負責韓式烤肉，有人則將肉類放入火鍋邊爐，兩種吃法各有千秋！肉質鮮嫩多汁，尤其是各種不同腌法的雞翼和牛肉，烤得剛剛好，香氣四溢。食放題當然少不了主角級的刺身拼盤！內容實在豐富：牡丹蝦、甜蝦、八爪魚、帆立貝、希靈魚、赤背、蟹柳、三文魚，還有特別的泰式生蝦！每款刺身都非常新鮮，尤其是牡丹蝦和帆立貝，質感彈牙，鮮甜無比，讓人忍不住一口接一口。這裡的壽司不僅精緻，魚生也相當新鮮。在常見的三文魚壽司、吞拿魚壽司、帆立貝壽司上，可選擇加上黑松露，滿足我們挑戰味蕾的需求。炸物方面也是水準之作，炸廣島蠔外皮酥脆，內裡多汁，完全鎖住了蠔的鮮味。還有令人驚喜的芝士漢堡扒，外層金黃酥脆，切開後芝士流心，配上濃郁的肉香，令人一試難忘。飲品也算應有盡有，啤酒汽水果汁和茶任君選擇。還有些雪糕雪條以及啫喱布甸等甜品；算是不錯的壓軸之選。四人消費，每位盛惠$300有找，確實超值。
繼續閱讀
太耐冇食日式放題，今天到旺角兆萬九樓極上帝王水產。装修有日本居酒屋的特色，全場坐满人客，十分熱鬧。雜錦刺身拼盤新鮮度極高，三文魚油脂豐厚，甜蝦鮮甜滑嫩。鮑魚味道也很鮮味。海膽壽司，海膽入口即化，海味濃郁，搭配醋飯恰到好處。鵝肝則以炙燒方式呈現，內裡柔滑，油香四溢，與日式醬汁融合得宜。炸物方面，天婦羅炸得酥脆不油膩，蔬菜與蝦的原味被完美保留。至於肉類BBQ，肥牛，豬肉多汁，香氣撲鼻，令人食指大動。最後，還有各式各樣嘅雪條。
繼續閱讀
在兆萬行街行到攰去醫肚真係有好多選擇，層層都係食肆，放題任食都有幾間。在地下見到派傳單職員介紹，佢哋係可以任飲任食6小時，呢個賣點真係令我好驚訝同埋覺得好吸引，便決定食呢間。佢嘅放題係包括燒肉X火鍋X刺身，好多嘢食，任食任飲，仲要可以食6小時。😍😆坐低咗，職員都幾友善講解，協助下單。職員幫我哋set好個壽喜燒火鍋先。火鍋偏甜嘅壽喜燒湯底，都好多食材，有2盤美國牛菜，冬菇，紅蘿蔔，金菇，年糕福袋。由於好快索唒湯汁，所以建議呢個火鍋食咗先。啲牛肉好正，好香牛味仲要索哂湯汁。😍牛可以encore。食完啲牛可以加湯繼續食火鍋，出去自助火鍋區拎菜，丸，牛等食材返嚟煮個火鍋食。又或者叫牛肉整燒肉。枱中間有個燒肉爐。不過我同友人已經有少少飽。接住攻剌身喇。然後來個由三文魚帶子希靈魚油甘魚赤貝鮑魚甜蝦大蝦泰式生蝦螺肉組成嘅豐富刺身拼盤上枱。真係好有氣勢，好吸睛，適合打卡拍照😍。刺身嘅質素和味道都唔錯。我覺得最好食嘅係三文魚，帶子，赤貝及鮑魚。三文魚係好新鮮，入口好香油脂味，唔會有筋。帶子赤貝就鮮甜，鮑魚大隻，鮮味爽口。大蝦都幾大條，味道鮮甜爽口，好正。要encore ! 火灸三文魚壽司幾好味。叫嘅壽司味道都唔錯。鵝肝刺身都好好味，入口即溶。😍海膽新鮮清甜。蟹粥好棉，入面有好多料，都食到有幾多蟹肉和腳。雪糕雪條有好多款揀😍。可以坐咁耐，食咁耐，食物質素高質又有咁多嘢食選擇，呢度真係對得住佢個價錢。下次會想再嚟食過。
繼續閱讀
第一次試呢間放題，環境同氣氛真係好正！空間夠大，就算係閒日都幾乎坐滿，好彩搵到卡位坐，夠晒舒服。店員服務態度亦好好，全程都好有禮貌～ 開餐先狂掃一大盤刺身，新鮮度同味道都唔錯！仲試咗幾款小食，其中生蠔雖然唔腥，但就未夠甜，size亦偏細，有少少可惜。黑松露炒蛋嘅松露味比較淡，屬於清爽口感；反而芝麻雞翼好出色，香到入晒骨；鰻魚卷亦夠入味，鹹淡啱啱好，幾過癮。 之後轉戰打邊爐，揀咗壽喜燒湯底，略嫌偏鹹，要溝少少水調味。材料選擇好多，牛肉尤其肥美，款式夠多任揀。食完火鍋仲有燒肉續攤，一樣款式豐富，邊烤邊食超過癮，飲品選擇亦好夠，完全唔使擔心冇嘢配。 總體嚟講，加錢升級絕對值得，第一次體驗都幾滿意～
繼續閱讀
今日去旺角食晚餐，揀咗兆萬中心9樓嘅帝王水產，果然冇揀錯！ 最正嘅係一個價錢可以同時食到壽喜燒、烤肉同放題，完全啱晒我呢個為食精！呢種「一價三食」嘅玩法，真係諗起都開心～ 鐘意食生蠔、鵝肝、海膽軍艦、榴槤蓉筒、甜蝦、磯煮冷鮑魚呢類靚餸嘅朋友，加少少錢叫個「公」套餐，仲可以任食唔使停，簡直抵到笑！ 肥牛、五花腩同滑雞最靈活，想打邊爐就放壽喜燒湯裡滾，想食香口嘅就擺上烤爐，一味兩食，做法隨心，正到痹！ 放題嘅刺身更是新鮮到閃光：帶子大隻爽嫩，三文魚厚切油潤，淨係蝦刺身就有四款——甜蝦、去頭赤蝦、有頭赤蝦，仲有泰式生蝦，連埋其他款一齊數，足足16款任你揀，刺身控簡直要原地起舞！
繼續閱讀