椰林閣餐廳 (華都商場)

營業中

休息中

星期日十一點幾入去食午餐，座落屯門華都商場黃金地段，五成客滿盡顯寬敞，叫咗咖喱薯仔牛腩午餐，餐湯羅宋湯，正！保持一貫茶記最高水平，衛星牛油餐包，選用塑膠錫紙揭蓋 式牛油，油質軟滑適中，獨特之處提供小膠刀代替牛油刀，挑起軟滑牛油一刻，可能本人一時大意膠刀應聲斷開，膠碎粒盡落牛油中，不可食用，叫侍應換上一客餐包，十五分鐘後侍應熱情送上。等待餐包期間，主菜已送上，咖喱香氣溢滿，最喜出望外估計餐廳選用精緻頂級牛腩，肉質保持茶記水準，以估計頂級牛腩餐廳所供份量更加意外 竟然有4件之多，仲要成隻麻雀咁巨大，再配合2件爽口薯仔做配菜一絕！餐飲選擇凍檸茶，水準不過不失，符合期望。以$56.蚊喺香港食個午餐，您係咪都覺超值呢？

屯門 E + 真係多左好多人 ,有時放假出去食個 LUNCH ,間間餐廳都爆 , 又多人等 ,所以好多時見邊間有位就即入 ,唔想又迫又焗又多人咁等 .屯門華都椰林閣 , 餐廳大 ,SET LUNCH 形式 , 好快就上枱 ,人流快 , 好多時都唔駛點等 ,而且價錢都係40 -50 幾蚊1 個餐 .餐湯有羅宋同忌廉餐包豬扒跟沙律同豬扒跟意粉焗肉醬意粉餐飲凍檸茶同熱檸茶 

本來是想到醉上海吃湯麵、煎餃的，可惜每次小店外都有很多人在等候，最怕等位的我，見到要等好幾個籌號，還是離開好了. 不知吃甚麼好的2人，在商場內漫無目的地閒逛，見到水牌寫着椰林閣，對腳就行左去了. 雖然對它沒甚好感，以前吃過都覺得只是連鎖食店，食物水準平平，是但求有野填肚的餐廳.下午茶餐都頗多選擇，湯麵、焗飯、炒河、三文治都有供應，總會有合心水的食物吧!焗菠蘿鮮茄豬扒飯 ($39)平時很少食焗豬扒飯的，當我見到這個焗飯，就想起大家樂的焗豬扒飯，我是好多好多年都沒有吃過，個人對豬扒飯真是沒甚興趣，我都不知為何如此多選擇之下，又會選了這個飯. 好了，後悔也沒用，就試試味啦!茄汁底很酸甜，當然是人工化的味道，都有幾件鮮茄既，豬扒已切成條狀，可以方便進食，而飯是炒飯底的，焗飯熱辣辣的. 如果對食沒有要求，這個焗飯可以令人食客有滿滿的飽肚感. 桂林辣醬乾炒牛河 ($42)這個牛河賣相也不錯，雖然我沒有吃，但色澤很對辦. 友人說味道正常.熱檸水為了消膩，就來了一杯熱檸水. 都有不少食客在椰林閣進餐，相信價錢合理是主因吧!屯門華都商場3樓9號舖2668 1998

很久無去這餐廳, 於是 今日中午 去椰林閣餐廳, 地址位於屯門華都花園商場,  時間尚早, 未到 1:00 午飯高峰時間, 不用等候, 楝個靚位先    睇睇餐牌 ... 午餐價錢, 平均 $50 啦 , 包飲品, 湯及 麵包叫左 蝦頭膏海鮮鴛鴦米, 故明思議 , 海鮮材料 加米粉及幼麵一齊炒啊 !  好豐富 , 有蝦 ,蟹柳, 墨魚仔, 魚塊 , 青口,  配上 椰菜絲 , 紅蘿蔔絲 , 蔥 , 整體看來,  顏免漂亮 , 平時討厭食蟹柳, 但這個 我鍾意,職員遞上食物了, 哇哈哈,  好香 ! 留口水 食慾大增

咁行完街肚肚地餓就去左椰林閣食下午茶咁我就叫左個焗豬扒飯個份量就好足 下午茶就一定夠食咁上面就有一層芝士飯底就係炒飯底有幾多蔬菜配料 有翠肉瓜蕃茄菠蘿咁成個飯黎講都唔錯塊豬扒好lum又醃得夠味 

星期日下午，又到搵食時間。屯門市中心都很多人，就去華都搵食。想坐得舒服，揀左無乜人既椰林閣。乾炒牛河 炒得都算乾，但好油，而且牛肉很少。食落去都係普普通通，正常味道。咖喱牛腩意粉 汁很多，可以撈意粉食。牛腩幾好味，份量也算正常，比起乾炒牛河好味十倍。二樣嘢食加埋 $84連二杯飲品點了凍奶茶和熱檸茶

朋友從台灣回來，想念家附近的餐廳。因選擇困難症最後走到分店林立的椰林閣餐廳進食晚餐。看到餐牌上有幾個扒類套餐，由約$70至$90亦有，晚餐來說價錢算是相宜，便走到餐廳內坐下。餐廳佈置並無特別設計或情調，只是環境乾淨整潔。選擇了肉眼扒套餐，另加$30升級，附送酥皮忌廉湯、BBQ煙鴨胸薄餅和雜果賓治特飲；總共盛惠$111。先來的是一客酥皮忌廉湯，味道不錯，湯汁滾燙；不過亦無特別驚喜。然後到BBQ煙鴨胸薄餅。在升級套餐時眼見只$30便能享用，便預料到份量必定不多。此小食乃套餐敗筆所在，薄餅餡料稀少，又缺乏醬汁，餅底味道更有點像普通餅乾，只口感頗脆；但整體而言是令人失望的一個小食。飲品雜果賓治份量略少，味道則佳，當中更有原粒水果，味道新鮮甜美。最後主菜肉眼扒份量十足，對成年男性而言亦必可填飽肚皮。因自己喜歡吃較熟的牛肉，叫了七成熟，但扒肉略嫌硬韌，只味道不錯，以此價錢換得亦算值得。只提醒各位若是扒類愛好者，不應選擇此道菜，始終水平亦只是家庭式餐廳。總結而言，餐廳雖無什特色，但價錢相宜，是老少咸宜的家庭餐廳。

我叫午餐焗肉醬意粉點知黎到變左焗燒汁凈意粉，完全一粒肉碎都搵唔到，杯餐飲凍檸水既檸檬有點變壞，，唉，對呢間野完全失望。佢地收費仲要唔平架囉！一點做飲食既誠意都無，唔係求其比客食就得囉。

假期屯市度度都難搵位食下午茶, 見好耐無去椰林閣, 有d掛住中學年代成日食既肉醬意粉, 就決定一行三人去椰林閣! 去到門口都有好多人等位, 等左15mins有張4人枱比我地, 一入去唔使諗即叫雜腸肉醬意粉, 應該即刻整啦, 都等左15-20mins先上菜!! 都唔算耐一上枱熱辣辣既肉醬意粉, 望落仲好似好好食下午茶餐：$37 雜腸肉醬意粉, 凍飲加$3, 加一服務費.. 合理價錢啦, 同其他餐廳差唔多價位!!  芝士味濃, 岩晒我口味!!! 再加上雜腸肉醬多口感一流!!! 只係略嫌意粉煮得太淋

話說今晚屋企唔齊人食飯，所以去了市中心用膳，阿妹心血來潮想鋸扒又想價錢適中所以就去了呢間椰林閣食晚餐，我自己叫左個set dinner五成熟，而阿妹就叫左個燒肉眼扒三成熟，誰不知知塊扒黎到個侍應話四成熟(西式扒餐好似只係得單數幾成熟-_-#)，之後我地就話我地係叫三成熟啦的，之後個侍應就將碟扒扲番入廚房再原封不動扲番出黎話原來係自己睇錯左，塊扒係三成熟的，咁好啦我地當真係侍應睇錯啦，切開塊扒見到啲肉係全熟的，入口肉質口感十分(鞋)。我地即時向侍應投訴啦，過左十分鐘之後侍應就扲出圖中的肉眼扒，切開見到有紅肉諗住廚房真係有認真重新煮過，誰不知一入口，塊扒係冰凍的，好像直接由雪櫃扲塊牛扒食一樣，完全接受唔到，極度誇張....最後塊肉眼扒就這樣直到我地結帳。經過今次經驗後已經將這間餐廳blacklist了。

如題 好耐冇同媽媽去椰林閣食下午茶諗住再去食下 點知 好失望見到唔洗等位就有都幾出奇本身媽媽落單加左3蚊轉凍飲後尾諗諗下都係飲熱咖啡 就叫番岩岩個waiter只係幾十秒嘅事... 但係個服務生竟然話轉都得 但係轉凍飲果3蚊就退唔到 佢解釋係落左單就改唔到....我地同佢理論 結果佢仲好唔耐煩咁話:得喇!果3蚊我俾! 走左去我地唔係為左果3蚊 只係講道理我地又唔係話杯野黎到先講轉...咁如果我講錯餐嘅英文字母又係咁-_-?估唔到咁大間連鎖店都搞到咁 唉

椰林閣一直有很多負評，其實佢都唔係真係咁差啫，我耐唔耐都會幫襯，比起某啲連鎖餐廳已經好好。今日黎到屯門市廣場，不經不覺呢度已經變成一個高消費嘅商場，名店林立，食店平均都要六七十蚊個lunch。椰林閣都唔平，但至少未到唔合理嘅地部，四五十個lunch，三四十個tea，一般價位啦。是日叫左兩個set tea，送餐茶。三絲炒米粉，色水淡啲但幾好味，米粉乾身唔覺油，料有蝦，叉燒，紅青椒等，都唔錯。焗豬扒飯，睇落好似好大碟咁，其實個鐵兜好淺，不過都未至於好離譜嘅。豬扒一大塊，軟淋入味。飯炒底再焗，香口乾身，仲有少少飯焦。茄汁甜甜酸酸，有少少滆左嘅芝士，有誠意啦，唔錯唔錯。餐茶要了凍奶茶同熱檸檬茶，奶茶略多奶，檸茶ok但好細杯。坐位都叫幾闊，侍應就難揾左啲，但無黑面我都覺得ok架啦。

5點幾就覺肚餓,見仲有下午茶就當晚餐咁食,一人一個粉同飯,包杯熱飲.埋單都成$90,以下午茶黎講就貴,當係晚餐都OK既.而且呢度新開,環境幾好,又唔趕客,可以慢食坐下都仲得,呢樣就係同快餐店既分別啦.

慳家hea熊一直認為在椰林閣吃一份餐頗貴而甚少去, 不過偶爾獎勵一下自己也不為過哩 用餐時間晚上7點左右, 沒太多人, 等了數分鐘便有位.我點了Set D 意粉, 男朋友點了Set C 飯餐湯點了我的至愛羅宋湯 (基本上我吃西餐便是為了羅宋湯吧)由於餐湯一來便迅速給我享受完畢所以忘了拍照 其實很多地方都有羅宋湯, 偏偏這兒的羅宋湯令我覺得是與別不同的大部份其他地方的所謂「羅宋湯」 頂多可稱為「意大利菜湯」吧, 沒有太特別的味道唯獨這兒的羅宋湯偏辣而且濃郁 不像某些地方偷工減料似的說回正餐, 意粉份量比一般西餐廳為多, 燒雞扒不錯, 雞肉很滑三文魚當然是熟的啦, 很大件, 吃完意粉也未吃完三文魚和雞扒呢! 男朋友點的這個, 其實味道不錯, 像是沙甸魚的. (他說買罐頭便可以了... 所以不推介)汁頗惹味, 帶點甜甜的. 不過魚份量少, 飯很多 總結:以份量來說是不錯的, 當然有我最愛的羅宋湯加了不少分但70多元吃一個像是沙甸魚味道的飯, 值不值便見仁見智了

星期6就是油街想要一個很好的晚餐讓自己放輕鬆。今天一行3人到了椰林閣餐廳。唔可以虧待肚子，先order前菜。芝麻雞翼：有很多厚厚的橙色的醬包着，感覺已經係人造色素，雞翼已經弄到無味，只係靠那些厚厚的醬調味，食一隻已經好膩。蒜蓉焗青口：好多蒜蓉包住，但焗得太耐，已經變到好硬。本來好好的焗青口，中間唔知點解要加個忌廉南瓜球，底部再有個白色忌廉汁。。。。。好奇怪。。。蒜蓉汁肉眼扒：牛排好林，但食到梳打粉味，牛排被醃得苦苦的。黑椒炒海鮮烏冬：只食到豉油味及炒燶左嘅味。海鮮喇沙：麵碎碎的，湯又無味。真係唔明點解咁多人幫襯