椰林閣餐廳 (華都商場) (裝修中)

今天早上，我同老公去咗椰林閣食早餐。呢間餐廳真係好地道，環境舒適，仲有一種懷舊嘅感覺。我點咗鮮奶麥皮，配埋一隻烚蛋同埋牛油吐司，味道真係一流！老公就揀咗午餐肉煎蛋通粉，香噴噴，令人食得唔停口。飲品方面，我要咗一杯熱齋啡，啖啖都有咖啡香，真係唔錯！食完之後，我哋都覺得好滿足，心情都好好。椰林閣既食物質素高，加上友善嘅服務，絕對值得再嚟。#椰林閣 #屯門…查看更多

今日入來屯門, 好耐無幫襯椰林閣, 叫左一個洋蔥🧅豬扒🐷配🍝意粉, 一個香煎三文魚扒🐟配香草雜菌🍄‍🟫意🍝粉, 一個羅宋湯, 一個忌廉湯, 配蒜茸多士, 一杯熱🍋水, 一杯熱🍋茶, 等左一陣西湯先送到, 多士也一拼送來, 忌廉湯好濃, 入面有🧅同🌽, 飲落有d似粥, 蒜茸多士唔差, 不過我個人覺得硬左dd, 之後送來香煎三文魚扒香草雜 🍄‍🟫菌意粉, 來到見到d意粉好大份😲, 試左d味道唔差, 入面真係有好多菌🍄‍🟫😅, 舊三文魚都煎得好香👍👍, 味道幾好, 食到係真三文魚😆, 之後送來洋蔥豬🐷扒意粉, 二塊豬扒🐷都好大塊, 一塊要包走😀相對意粉就唔係好多, 🐷🐷豬扒切落去食到好有肉汁, 唔係好硬好柴好乾, 有肉味無雪味, 但我個人覺得太油😆, 可以比少d油會更加好, 之後要飲杯🍋茶解下油, 杯茶味道唔錯, 唔會係好苦澀😋👍依度勝在環境坐得舒服, 唔會趕你走😁…查看更多

今日約咗朋友喺屯門傾嘢，佢提議去呢間華都商場嘅椰林閣。我哋約咗中午食飯，大概12點冇乜人。我叫咗個牛扒餐跟飯；佢就要咖喱雞。午餐包紅白湯同餐包；仲有飲品。每人60幾蚊唔使加一服務費。每樣食品都好味，尤其羅宋湯味道啱啱好。餐包熱辣辣。咁嘅價錢坐得舒服，服務又好，下次一定再嚟幫襯。…查看更多

來到屯門市中心，見大部份餐廳都係連鎖餐廳，華都鄰近屯門市中心，椰林閣也算是少分店的餐廳，所以揀了它吃下午茶。西多士夠厚，用了花生醬...豬扒麵都ok...餐蛋三文治就好一般，材料不平均及蛋不夠厚...見到店內poster推介特飲，揀了3杯不同嘗試，以為會有驚喜，無唸過3杯都咁難飲。提拉米穌紅豆冰，是有tiramisu味，但做飲料太甜及令人作嘔感覺。冰爽白桃椰果紅茶，又是太甜，還有點吃驅風油感覺。橙香阿華田，小朋友話又苦又有沙好難飲，寧願吃真正積及橙餅。總括來說，把甜品蛋糕原素加入飲料並不可取。。。…查看更多

今日去左間好耐都冇食過嘅餐廳屯門華都椰林閣，亦係以後唔會再去的。到餐廳門口，如常按票等叫入座，等左幾分鐘都冇叫我入去，我見餐廳内有好多吉枱，於是我直接問個收銀員，是否直接坐下就得，佢話(係呀！)，咁我就坐下叫個茶餐啦！今次點左豬扒包加凍檸茶。等左一陣食物奉上，唔知係個侍應打牌輸左錢，定係剛剛比上司鬧完，佢係用掉嘅手法將個包放在枱上，當然個包就解體左啦！😡我來比錢食嘢，雖然唔係高級餐廳，但不至於要受氣囉。講返食物質素，由於個包散晒，我要將D配料還完在包內，見到D生菜唔新鮮，有一半部爛了，豬扒好乾，勝左有兩片蕃茄夾住，食落去都冇咁鞋口，個包都烘脆，凍檸茶茶味比淡。遇着咁嘅員工，要接受咁嘅務服，就算食物再好食，都不會再光顧。希望只係個别員工嘅問題，如果個個都係咁嘅工作態度，香港飲食業就好快玩完。…查看更多