椰林春天

年初有幫襯過當時ok, 基本食材新鮮, 價格合理, 又有椰子湯底比較特別。所以朋友生日建議再去吃，點知發現變了任食場，都算，任食都可以經濟好味，但都明白一分錢一分貨，期望相對已降低。但最後叫左椰子雞腳湯底淡如清水，比開罐史云新更差，食材唔新鮮，選擇小，職員勁hard sell海鮮粥底餐但d海鮮勁唔掂, 最後個粥底簡直係看似污糟左嘅白粥咁，無味稀之之，程度差到呢街坊酒樓任食仲好味過佢。而且服務員態度奇奇怪怪 ....…Read More

椰子汁汤底加水很多，味道非常淡鸡肉很老海鲜不新鲜，鲍鱼是绿色的，如下图，而且下图是我们和服务员反映后，服务员换给我们的……服务员说这个是可以吃的……服务很差，我们点餐后等了一小时才吃上，一直没有人服务我们。蒸了两锅后，就没有再帮我们蒸，不管我们了真的没法和深圳比。香港的餐厅质素下降到这么差了吗……深圳的椰子鸡才是最好吃的，椰汁浓厚，鸡肉新鲜，比这家好吃几千倍推荐大家去深圳吃，任意一家都比这家好吃也不知道其他的食评说这家好吃的人…是不是从没吃过好吃的椰子鸡………Read More

90分鐘食用時間但入單超過40分鐘先上第一碟點心之後一個鐘只上左三碟點心，好似務求令你入唔到第二轉單，叫左腸粉等緊都冇最後竟然係自取bar有兩碟放左係到，而普通客d點心就源源不絕咁上枱，甜品又樣樣都話冇問經理點解一個鐘頭先上得三樣嘢，佢解釋話因為入單機機壞咗，所以冇入到單🌚，但係之前上咗個三樣嘢點解又入到但佢又解釋唔到，隔離有一張枱又係不停鬧咁態度唔怪得淪落都要做團購，不過咁嘅態度應該團購都唔可以令佢起死回生…Read More

團購蒸海鮮+任食打邊爐, 又唔貴就同朋友黎試下😋可以 whats app 訂座, 好方便. 而且好快回覆並確應, 唔錯👍🏻可能尖沙咀太多選擇, 星期五晚上都唔多人, 入座八成到. 環境唔似食火鍋, 感覺有些泰式. 職員全部都好友善有禮, 服務幾好. 我地用左個熟鉗夾生食野, 職員發現即刻幫我地換個新鉗😝首先食左蒸海鮮, 然後再打邊爐. 另外有炸物小食都係任叫任食. 好豐富.飲品幾多選擇😆連韓國hite 啤酒都有.呢款桃酒都好好味😝首先食些小食先, 全部都熱拿拿, 炸豆腐好滑, 要再 encore😋每位包龍蝦半隻, 貝類同自選六款海鮮, 但全枱選擇要一樣~ 好快海鮮就到喇😙 哇, 好新鮮大份靚仔. 但點解個蠔殼甘多毛毛既😅職員會幫我地蒸煮👍🏻除左蠔比較腥外, 樣樣海鮮都好新鮮好味, 尤其龍蝦同蟹, 大隻多肉好鮮甜. 之後就用粥底黎打邊爐, 起初都覺得怪怪的, 但食落又唔錯, 清清地唔會食完好口渴, 而且可減去食物嘅油膩👍🏻但火鍋配料就麻麻地, 牛肉太肥了, 丸類一般. 炸魚皮同響鈴都係淋的👎🏻比較驚喜海蝦同象拔蚌片都係任食, 而且幾新鮮. 整體不錯服務又好, 團購為起每位三佰蚊到, 真係好抵食👍🏻 下次想再黎試下點心飲茶😆…Read More

買了團購後的當日，很容易就訂到位。甫進內給我第一個感覺，裏面的員工好像不太清楚團購內容，對我們的疑問都不能即時作出解答。還有當日已是團購應用第二日，但團購裏的餐單列出好些食品，都未能供應及種類不齊全。餐單裏包括多款小食，該店都以是團購首日作藉口，推說廚房只準備了其中三款，但光顧當日已非首天，最後只能無奈點了供應到的東西，幸好味道蠻不錯。店裏最大優點是冷氣充足，環境亦令怡人。首先來個自選海鮮蒸鍋，每張團購劵有半邊波士頓龍蝦和貝殼類。雖然可在菜單任選六款海鮮，可惜有些想點的款式都不能供應。最後選了奄仔蟹、蠔、元貝、花甲，蟶子，幸好海鮮的質素不俗。吃過海鮮後，再來火鍋，菜單裏的火鍋配料沒有特別的驚喜。海蝦是眾多配料款式中，最令我滿意，因為夠新鮮爽口。而丸類如龍蝦丸，明知不是真的有龍蝦肉，神奇的是竟然內無魷魚，偏吃出有魷魚味的龍蝦丸。而水餃及雲吞，外皮過厚。其餘的配料質素一般。個人意見，整體普通，沒啥特別！…Read More

實在太喜歡這家食店，希望介紹俾各位親朋好友。 就是因為好喜歡，所以短短數月間已幫趁7、8次😸今日又帶好姊妹嚟食午市火鍋放題。店員十分親切，招呼很周到。椰林春天環境跟一般酒家、火鍋店分別很大。裝修有泰式格調， 典雅舒適👍🏼火鍋放題包括中/泰式點心。雖然任點，但質素絕對是水準之上。除了以上點心，做得出色的還有馬拉糕、黃金糕、壽桃等😋火鍋方面，如果食得辣的話，本人推薦麻辣湯底，辣得嚟有啲麻、好香又不會死辣👍🏼 蕃茄粟米湯底亦唔錯。火鍋料方面也十分多元化。除了以下圖中介紹外，炸魚皮、文昌雞件、手打丸、花枝片同烏冬都係必點。火鍋放題亦包括飲品，除有幾款汽水外，酸梅湯，夏枯草都好好味， 不會淡茂茂。我還會繼續邀請朋友嚟分享這個好地方😬…Read More

又喺一個月一次嘅集合聚會，所以，一早出咗嚟尖沙咀。完咗又喺食晏嘅時間，門口就有位阿姐派單張，賣點喺$6.8一籠蝦餃，間餐廳就晌對面街嘅食廈，橫掂都未試過，一行4人就咁衝上去食餐晏。其實「椰林春天」主打喺椰子雞煲專門店，所以，晌門口見到大大張海報印住。淨做雞煲應該唔夠生意，尤其尖沙咀區，就算樓上鋪嘅租金都唔嘢少，況且，有幾多人會真喺晏晝嚟打鞭爐，所以，午市飲茶就成為主角。此外，佢哋仲供應埋小菜、泰式美食，實行大包圍。睇個店名「椰林春天」，幻想會帶點馬來風情，餐廳佔3樓全層，地方非常之寬敞，只喺近窗有少少植物，故馬來風情就算唔得上，但一室柔和木系裝修，配搭舒適嘅藤椅，感覺悠閒，嚟到飲茶，慢慢坐，慢慢傾，就最好不過。當然，晌餐廳周圍加多啲綠油油嘅盆栽，就更顯得有馬來情調。咪以為星期日午市無乜客，除本地客，眼見佢哋仲做旅遊團客，一批批韓國遊客嚟飲茶、食點心，不過，因為喺團客關係，快上快落得緊要，我哋啲點心都未上齊，批團客已經食完準備走，前後唔夠30分鐘。同行朋友唔喺大食之人，加上其中一位仲有下場，同我哋嘆吓茶都喺攝時間，所以，叫啲點心食都夠晒，仲連炒粉麵都無叫添。無論點心，抑或炒粉麵，定價都唔貴:)，茗茶就$10位，另收加一服務費。蝦餃 $6.8雖然講到明優惠價只喺$6.8一籠，仲無限點幾多，不過，我哋都只喺叫咗一籠試試。啲蝦餃比出面啲蝦餃皇喺細咗隻啲，但一客3隻只喺$6.8，你仲想點！賣相唔失禮，餃皮夠薄，裡面填滿鮮爽嘅蝦肉，擺明喺蝕本價吸客之作。鮮竹牛肉球 $15.8一客同樣有3球，牛肉球搓得幾鬆化，更加入馬蹄粒增加口感，當然放多啲就仲好，此外，如果棄莧茜，下陳皮，就更合大家口味啦！椰林秘製生煎包 $32算喺店家嘅招牌推介，所以，點都要叫一客嚟試，生煎包以瓦鍋成個上，送到嚟仲感受到嗰股熱氣。翠綠色嘅包身喺因為加入菠菜汁做，不過，菠菜味就唔喺好覺，而底面都香過，所以，先有一陣香脆感，再咬覺得包身鬆軟，豬肉餡嘅肥肉唔多，整體不俗；鍋底有唔少紫洋蔥，有益好食，梗唔嘥啦！頂級菠菜包 $15.8試咗個生煎嘅，蒸嘅效果又會喺點呢？依度啲點心好興一籠3件，菠菜包都喺，其實跟食生煎分別唔算太大，只喺少份香脆感而已，不過，做得好就喺包身鬆軟唔黏牙。上湯鮮竹卷 $20.8又喺一客3件，所以，份量絕非偶然。小弟就覺得依個鮮竹卷幾好食，因為上湯浸，外層腐皮部份好嫩滑，裡面包住豬肉、唐芹粒、粉絲，有咬口，味道真喺唔錯，而個上湯亦唔「馬虎」。秘製叉燒腸 $20.8睇樣就見，腸粉皮拉得既薄且透，仲見到晒裡面有唔少叉燒，絕無欺場；腸粉皮雖然入口滑溜，但口感有些微削，而叉燒餡鬆化惹味，最好喺無乜肥豬肉，同行有膽固醇高嘅人嘛，就算少少哋都可免則免。籠仔馬拉糕 $15.8馬拉糕以原籠蒸，雖然表面有啲皺，但質感入口鬆軟有回彈力，味道上清甜而有蛋香。試咗多款點心，估唔到椰子雞煲專門店做嘅點心大家都讚唔錯。除咗散點點心，我就覺得依個「午市文昌雞套餐」最抵食，應該4個人都夠殺。優惠價只賣$198，有半隻文昌雞，仲包小食、點心及粉麵，不過，問過經理，需俾番茶芥及加一，唯下午茶時段（2:00pm-4:30pm）嚟就有得免茶芥。此外，豪少少可以考慮「午市優惠自選套餐」，就着人數有唔同選擇，分$298 (4人) / $498 (6人) / $598 (8人) / $868 (12人)共4款，多少人嚟都無問題。晌星期六、日、假期，時間許可又再豪多啲，「午市任飲任食兩小時套餐」會唔會成為你嘅選擇，喺火鍋加小食、點心、飲品嘅任飲任食組合，同樣唔喺全包，需俾茶芥及加一。最後埋單只喺$185，不過咁，今次人腳唔大食先食到咁嘅價，否則，加多客炒粉麵已經要俾多一截錢。總括嚟講，單以嚟食晏嘆點心計，價錢唔貴，舒服好坐，啲服務亦到位，店員亦有禮，至少無硬銷佢哋啲套餐，4個人都食唔過兩嚿水亦無黑面……等等。…Read More

朋友慶祝生日，天氣又未好熱，一大班人最好打邊爐。平時雞煲任飯邊爐食到有d厭，見到椰林春天就試下啦！個椰子雞嘅湯底好清甜，服務員仲建議我地先飲湯後食雞。d雞都嫩唔會好「鞋」同硬👍🏻其他野都唔錯。環境算寧靜，唔會太多人，好適合大家傾計。…Read More

之前嚟過椰林春天飲茶，覺得食物嘅品質唔錯，飲完茶走嘅時候發現佢地下午做緊一個火鍋放題，只係收$128，見到其他人食緊，火鍋食物賣相唔錯，而且覺得呢間店子服務好殷勤👍🏻，環境同裝修更加係一流👍🏻，決定今次帶屋企人嚟試一試呢個放題。火鍋放題嘅食物相當多選擇，另外仲有點心同埋飲品都係任食任點，春卷賣相當吸引👍🏻，而且好俾心機切成一半擺好喺碟上面，壽包聽侍應講係佢哋餐廳自己做嘅，我食完覺得味道好正，每一個壽包裡邊都有半粒鹹蛋黃，個包同埋餡料都唔係求求期期，睇得出好俾心機做👍🏻，另外用菠菜做個皮嘅生煎包，熱辣辣上枱👍🏻，香味十足，榴槤酥相當鬆脆，馬拉糕鬆軟有彈性兼且熱辣辣， 一定要試👍🏻。湯底方面，番茄粟米魚湯底好甜，冬瓜雜菇嘅湯底就普通啦，不過火鍋嘅配料包括響鈴，鯇魚片，牛肉，羊肉，豬頸肉，文昌雞，手打牛丸，自家製雲呑，魚皮餃，爆心貢丸質素了得👍🏻，特別係個炸魚皮，鬆脆到不得了👍🏻👍🏻成個火鍋放題$128包埋茶錢加一，超值到無話可說，而且侍應服務依然殷勤，經常加湯，又不厭其煩為我哋添加食物，我地食完之後亦都無趕我哋走，我哋可以繼坐下傾下計，無論係食物，服務同環境都遠遠超過我地所付出嘅價錢，我覺得佢地唔係只係諗住鬥平，而係用食物嘅質素俾我地感覺到佢地好俾心機和好有誠意，佢地嘅服務令人賓至如歸，絕對係有心做好嘅店子，我俾滿分鼓勵佢地👍🏻👍🏻👍🏻…Read More

今日放假約咗好朋友茶聚，最緊要坐得舒服同無交枱時間壓力可以盡情傾吓計😊餐廳環境有泰國feel，好舒服而且假日中午時段客人不多。坐在窗口旁的位置十分寫意☕️中式點心款式不多但全部熱辣辣味道有水準。 尤其喜歡瓦煲鮑汁雞腳，夠入味而且好淋身😋😋😋蝦餃燒賣正常好味，炸春捲雖然細細條但口感香脆唔油膩。特別要一提係綠色嘅「綠茶佛靚餅」，雖然個名唔討好但食落幾特別，裡面係芋頭餡，不妨試試。其餘兩碗米線味道一般😕泰式甜品有驚喜😋😋😋估唔到拉椰糕都係熱嘅而且好軟熟，連唔食呢個甜品嘅都大讚👍🏼芒果糯米飯有黑白糯米，又係好軟糯，芒果香甜，配合椰漿無得頂！呢餐茶飲得十分開心而且服務相當週到，已約定下次嚟試雞煲🤓…Read More

呢度環境佈置好舒服，10:30am嚟到都無人，第一次飲茶咁寧靜。呢度點心款式好少，人多的話可能覺得點心無咩選擇，至於價錢亦唔算太貴，以早上簡簡單單飲杯茶食個包嚟講，都幾歎。鳳爪好入味，好冧，但唔算非常特別👍🏻馬拉糕唔係鬆晒果種質地，係比雪芳蛋糕密度高些少果隻，但仍然軟熟有彈性，香口，👍🏻我認為好過鬆晒果種，食完似陣風咁，無晒。春卷好幼好細條，不過相當鬆脆，算乾身，有好多蝦，算佢啦。👍🏻炸兩無跟甜醬，有啲失色，腸粉皮滑而有彈性，不過做得太厚，要改善，因為太厚皮食完好滯口。叉燒腸粉腸粉皮一樣滑而有彈性，不過一樣做得太厚，可能呢個師傅鍾意厚皮夠飽肚，厚皮亦令我覺叉燒好少。圓肉紅棗無特別。黃金糕質地較硬，都有啲彈性，我個人覺得麻麻地。壽包當然無真蓮蓉，味道普通。桂花糕桂花味唔夠，糕本身軟硬適中，如果甜度可以稍減，桂花味加重，會出色好多。特別一提，一位侍應和店長知道我地叫咗紅豆沙，但錯誤俾咗圓肉紅棗我地，感覺唔好意思，侍應好有禮貌端上多一碗圓肉紅棗免費請我地食，店長更吩咐多請我地食一客桂花糕，服務要俾滿分。👍🏻👍🏻總括而言，點心質素普通，環境服務實在很好，志在聚下飲杯茶就一流👍🏻，志在美食就或會失望，我知道佢地夜晚主打椰子雞窩，決定搵日嚟試下。…Read More

驟聽椰林春天,讓人聯想翩翩是海南的婆娑樹影,蔚藍天空和..雞飯.朋友飯聚,某君提議"椰林春天",説是朋友的朋友嘅朋友試過不錯..預訂了某個週日晚飯,食肆位於簌新大廈低層,樓面出乎意料寛敞,裝潢氛圍也讓人意外地"大陸".是夜,空置桌椅雖多,但我們七人被安排了一張不大的桌子,加上餐具不少,就有點擠迫了.據說椰子雞窩是鎮店名菜,我們就點了個{竹笙椰子雞窩}($298)嚐嚐;以泰國椰子水熬湯,湯滾加進海南島原味文昌雞塊,椰子薄片,和珍珠馬碲粒燙滾數分鐘而成;若然喜歡天然滋味的朋友,也許很是欣賞,不過個人口味而言,縱使有椰子和馬碲的清甜味,可是近乎白烚雞件,像極了烹飪初手的自家作品.店方烹調指引有改進空間..水滾後倒進所有材料,即使我們將時間減掉一兩分鐘,可知文昌雞特質雞身小巧皮薄油脂少,於是吃得頭一件雞,後來仍然泡在湯𥚃的就柴了韌了,而相反幾分鈡時間椰子片仍未煑好硬梆梆的,侍者不斷催促我們趕快把雞食完及飲埋湯,當然絕對是一片苦心.可是跟時間競賽的食法,令人有些不大享受.雞窩吃罷,繼而是港式火窩,分別點了以下配料:安格斯手切肥牛片($268),手打鮮墨汁丸($118),手打鮮四寶丸($128),黑豚肉($79),有機鮮腐竹($48),響玲($48),凍豆腐($38),野生菌拼盤($109)和金絲菜..太陽之下無新事,何況是火窩配料,在云云食材中印象較深刻是墨汁丸和野生菌.{手打墨丸}加進黝黑墨汁,單看外表,令人有期待,即使明知墨汁徙有烏黑顏色,味道帶咸其實層次不張,將滾起的墨魚丸放進嘴𥚃,癹覺口感味道跟一般市面貨色沒兩樣,依然感到失望,綽頭而矣.至於{野生菌拼盤},相信源自雲南的各式乾菌如松茸羊肚菌等泡發而成,其中有種菌菌身帶綠綠藍藍,就令我不敢下筷..當然在座朋友覺得沒問題一掃而空.此外,點了{豬手冷盤}和一客半打{椰林生煎包},生煎包以菠菜汁搓進麵糰包裹肉饀製成,包身顏色翠綠漂亮,可惜味道缺缺,朋友們以為是食用色素,饀料則不過不失,説是招牌美食是否有點吹噓?結果整頓晚飯最令我滿意竟是{瓦煲煲仔飯},一大盆米飯香糯而粒粒分明,上面佈以各式臘味如臘腸臘肉臘鴨和大量葱粒薑絲,味道融合一體之餘沒有過份油膩,火喉掌握恰當.我和春天的約會,在平淡如椰青水的恬淡滋味中結束,口腔也許抹過一絲凝脂的餘香~~氤氤氲氲的~~…Read More

早幾日就去左天文台道嘅椰林春天嘆左佢地嘅椰子雞煲。雞肉由海南島直送，所以肉質非常鮮嫩，而椰子亦非常鮮甜，整體配合非常yummy.另外，火鍋料有安格斯肥牛，肉質軟腍，牛味十足…Read More

聽到話要食正完椰子雞要黎呢度，就梗係要去試試。有一張卡列明享用步驟，唔駛擔心，其實有職員會一路協助（有set鬧鐘架！），唔駛自己整。仲好貼心咁「撇走」湯面D油。火鍋料叫左唐生菜、貢丸、響鈴。唯一覺得響鈴個油炸味太重（又或者個湯真係夠晒清）~甜品叫左芒果糯米飯，應該D芒果唔合時，少少酸，而鴛鴦糯米就白糯米較好食（黑糯米食落口感好粗糙）。醬料有個自助吧，亦有糖水任食（有電飯煲保暖~）隔離放左張野寫左星期一至日有咩糖水任食。…Read More

之前係第二度食過椰子鷄窩, 成日心思思想再食, 友人介紹呢間主打椰子鷄窩既食店, 當然懷住流口水既心情去開餐啦!見到佢既餐紙有四款椰子鷄窩, 未試過當然選擇原味椰子鷄窩最為穩陣食法係先煲滾椰清水, 之後再落鷄煮熟就食得, 侍應提議加珍珠馬蹄 ($48), 會另湯底更加鮮甜, OK....照加!開到最勁火力(P6), 期間已聞到好香椰子味, 唔駛好耐就食得! 建議先飲湯先, 果然係好鮮甜, 跟住就食鷄, 佢標榜係用海南文昌鷄, 我地叫左全隻 ($288), 鷄隻唔算大隻, 軟到頗細件, 但食落係好韌, 就算食鷄比都係要好用力先咬到D肉出黎..................哇.........搞咩呀?! 叫左成隻又無理由唔食埋佢, 唯有出下牙力啦!終於食完個鷄窩, 飲埋大半窩湯, 係時候叫埋D 火鍋配料, 配料選擇都唔少, 但基本上食完隻鷄都無咩心機想食好多野, 唯有叫少少啦!侍應加湯後就開始烚手切牛頸脊, 賣相幾靚仔, 基本上依加去親火鍋都會點牛頸脊, 喜歡佢牛味濃又唔會好肥, 加點混醬都幾好味道!之後再叫花枝片, 厚薄都幾適中, 又係無需烚太耐就食得, 味道幾鮮甜!總括來說, 對於作為餐廳主打既椰子鷄窩頗失望, 無理由只叫客人飲湯而放棄食鷄架?! 希望店方多加改善!…Read More