椰小盅燉湯專門店 (太古城中心)

營業中

休息中

叫咗「涼瓜黃豆子排」同「蟲草花鮮鮑魚燉土雞」，加 $9 就有紫薯芝麻糙米飯。涼瓜苦而帶甘，蟲草花雞湯鮮甜而且熱辣辣，鮮鮑魚真材實料，配合椰子肉同埋一隻雞翼，感覺好有營養但又非常清淡。上菜速度快，加上店舖位於誠品內，卡位坐得幾舒服。八十蚊一位絕對抵食！

今日第一次來到太古城的椰小盅燉湯專門店，嘗試了他們的竹笙烏雞椰小盅和蟲草花鮑魚燉土雞。一開盅，椰香撲鼻而來，飲落椰香味清甜，實在值得一試。蟲草花鮑魚燉土雞湯味清甜，材料充足，一打開已看見了兩隻鮑魚菜湯入邊。竹笙烏雞湯雞味濃郁，材料新鮮。可惜今次是已經盡了午餐後才來，下次必定來嘗試午餐。

燉湯足料好味，唔會太鹹，感覺好健康，加$9可以有一個set，有一隻雞翼，有配飯飽肚👍長白山鮮人蔘燉烏雞湯，有人蔘味，夠濃，可惜星期日晚上七點嚟，到已經有好多款湯賣晒，下次要早啲嚟要再試吓其他湯

太古城誠品椰小盅新推出上素鮑菇、地道烤腸等小食，點了中份上素鮑菇（$10），杏鮑菇片淋上香辣汁十分開胃，送飯最適合，保證吃多兩碗，大份也只是$18，價錢相宜，素食夠健康。

湯真系非常好飲！好清！湯款重有好多選擇，但系最受歡迎個花膠好早賣晒，一直都見有人幫親。建議下次要早d黎！今晚系特登同朋友過嚟一試，之前一直睇左好耐，覺得好吸引！如果平時懶懶地又想飲湯，可以諗吓過嚟，方便快捷，又唔使點等，價錢接受到，大人細路都啱，大概人均80左右！有地方可以坐低慢慢食！我地都加咗個飯，再有雞翼同菜甫，兩個好好食！都幾飽，分量足夠！湯非常之夠！朋友都覺得好好食！我地決定下次再黎！仲有其他湯可以一試，兩個人叫唔同湯重可以share！

長白山鮮人參燉烏雞，生津止渴、安志定神，味道鮮甜、滋補養生、提升免疫力，再加$9有一個便靚正的椰小飯、雞翼煮得好熟，骨肉分離，易入口，菜圃爽脆、鹹辣適中，真心抵食，食過翻尋味。除此之外，仲可以選擇蟲草花干貝土雞燉鮮鮑、椰小盅週年推薦椰派海鮮冬蔭功、織金竹笙烏雞等湯。亦有美味的小食、甜品可供選擇。

每星期總有幾日要去太古城，仲要每次起碼溜漣一個鐘，幾乎每間店舖都已經留下不少腳毛。今日，心情有少少低落，所以無意欲行街，就想搵個地方坐低休息一下。去咗誠品，點知係門口比一陣椰子味吸引到，見到有下午茶，仲要係女士恩物，桃膠，立即二話不說乖乖比錢。一個$42嘅下午茶，有一盅桃膠，仲有4隻大餃子，確實係抵食，出面買一杯嘢飲都$4x！盅桃膠用料充足，用嚟補充骨膠原真係一流！地方乾淨，坐得又舒服，下次我一定會再嚟！

本來淨係諗住試椰子燉湯，但見到套餐有優惠於是食埋，套餐配湯可減$20,而家仲有promotion, 食滿$199再減$20。揸車泥太古城仲可以用呢張食滿$200嘅收據免費泊車5小時，真係好抵呀！今次叫左個醋香排骨紫薯飯配人蔘雞湯，排骨夠淋好入味，酸酸甜甜，好開胃。紫薯飯都好特別，真係有紫薯粒架，上面仲有幾粒脆脆嘅南瓜籽，口感好特別。而且份量足，一定夠飽。最好味係個湯，好香人蔘味，好鮮甜，一流，超排介。

2020年米芝連推介嘅小店😎織金竹笙烏雞😛$65升級飯餐🍚跟餐加$9燉湯勁足料👍 椰子原隻上，真係非常清甜😚椰香味道濃烈🥥用料天然，完全無味精👍月牙煎餃(大份)🥟$37/10隻煎餃大大隻夠飽滿😉餡料好豐富😝而且煎得相當唔錯👍外脆內軟，亦夠juicy😋自家鮮芋圓😜$39每日14:00限量供應😏椰汁椰香滿溢😙配料豐富，芋圓口感煙韌軟糯😊難怪我見在場個個都食😝椰小盅燉湯專門店 (太古城中心) (太古)太古太古城道18號太古城中心1樓誠品生活L106號舖

呢度嘅湯超甜超好味，沒有味精，椰子味好濃，特別鍾意食，燒賣都好好食，敦蛋白很滑很好食，果然符合佢地嘅口號，一生只愛一人，椰子只用一次，愛她就給她最好。每次來太古一定食。

每次想食得清淡啲 或者諗唔到食乜嘢好 都會嚟呢間飲番個靚湯 覺得呢間嘅食物質素唔錯亦都有健康嘅飯同埋椰子燉湯好啱女仔或者愛健康嘅人士份量都可能係啱女仔多啲 男仔可能會略嫌肉唔夠

閑日偶爾經過太古城中心，有人突然食慾大開，便在行逛下找到這間據說拿到米芝蓮推介的餐廳。時間關係只試一道菜，湯底用椰奶熬製，椰子味鮮甜得出，芋丸口感煙韌， 實屬令人齒頰留香！

星期日，下午，太陽高照，夏日炎炎。啊仔係附近上圍棋堂，梗係搵個地方坐下，食啲嘢，飲杯嘢，邊食、邊飲、邊等。太古城中心，就係附近。太古城中心有誠品書店，可以揀本書，睇下書，打發時間。原來，誠品書店入面，有好多小店。賣零食的、賣手工藝品的、更加有賣小食的。看看時間，夠鐘接啊仔。廢話少講，接左先講。接完一起回來這間椰小盅燉湯專門店。除左燉湯，還有各式台灣地道小食。烤香腸很吸引，有黑椒口味，也有蜜糖口味，正所謂有辣有唔辣。燉湯也好好飲，但由於時間關係，飲完唔記得影相。

今日一早去到太古城中心誠品入面嘅椰小盅太古店。一直都好想試，但每次去都好多人。今次可能疫情關係，比較清靜。點左織金竹笙烏雞椰小盅同埋蟲草花鮮鮑魚燉土雞。兩個湯都非常清甜、足料，好重椰子味。另外再點左A餐牛展配飯同埋B餐醋香排骨配飯。再追加凍豆漿同埋地道烤腸蜜糖味。全部食物都好味，只係略嫌可以再熱少少就完美喇。大致上都好滿足。希望疫情快啲完結，小店會多啲人幫襯啦。已經諗定下一次會來飲邊個湯，基本上全部堂都想試一次，可能一間會買外賣，因為而家外賣會用真空袋載着。

下午茶$42算是非常合理 雖然店舖小小，但環境舒適衛生，可惜與太子原店相比就是略為遜色。糯米雞 - 份量適中，糯米夠軟身，但味道稍微咸，雞翼有雪藏味，臘腸過肥。雪燕桃膠糖水 - 份量及熱度適中，若各樣材料多一點，甜味稍減一點會比較好。番茄多士 - 夠脆，帶有濃濃番茄青椒加上芝士是原美配搭。桃膠燉蛋 - 不太甜，夠香滑濃郁。燒賣 - 過於粉狀，希望可作改善，豉油味夠香。蜜瓜酥 - 在疫情下感受一下台灣風味朋友下次會再來試原盅燉湯