椒點

營業中

休息中

酸菜魚近來成為大熱，份量通常要3-4人先食得落，剛好呢日經過呢間椒點，呢度酸菜魚有一碗一人份量，一於試吓。店子雖小，格局都舒服。食物除咗酸菜魚之外，仲有干鍋，麻辣惹味小食。每款米線套餐指定可選兩款配菜。亦可三選一 選米線/飯/扭紋著粉。我哋點左：金湯酸菜魚米線，配菜：雲耳，豆卜湯可叫加酸，而辣度亦可因個人喜好自選。我點bb 辣，對於不太愛辣嘅我，酸辣度剛好唔搶。金湯濃而不咸，主角酸菜魚肉軟滑，沒有雪藏味。雲耳爽口，豆卜入味。蕃茄魚米線，配菜：娃娃菜，雲耳蕃茄湯底亦可選辣度，選了小辣，茄酸味剛好搭配，魚肉同樣軟稔。娃娃菜清甜好味，整個配搭好清新！飲返杯凍檸茶，要來解渴一流。食慣普通車仔米線 ，推介嚟呢度試吓特色口味兼抵食超值！

🇭🇰Hong KongAverage expense pp: HKD$50-70+📍Address: 椒點, Tai Po椒點絕對係打破左酸菜魚只可以係一個人食既傳統，一個人都可以食酸菜魚！！！我哋叫左佢地既金湯酸菜魚，仲特登加錢轉埋食生魚（$69）同埋肥牛干鍋（$65），隨套餐仲可以附送飲品+兩款配菜同埋薯粉/飯/米線。魚片本身非常厚身嫩滑，酸菜開胃，中意食辣既我地特登叫左大辣，果然係夠辣，而我們揀左薯粉配金湯，完全汲索左金湯既精華，我哋相當滿意😍酸酸地嘅金湯再加埋萵荀真係相當開胃！另外既干鍋都幾有鑊氣，入面用左唔同既香料好似八角、花椒同埋蒜香去提升調味，呢個平鍋拌飯真係一流！如果一個人想去食飯，budget大約係$50-70內，呢間係一個唔錯嘅選擇🙃

▶️見佢招牌係酸菜魚，不過想試下其他😎麻辣豬肚食落口好香芝麻味，少少酸少少辣，豬肚爽脆唔會好韌，作為小食非常開胃，忍唔住不斷擺入口🤣肥牛干鍋伴薯粉🍜最怕撈麵個底有半碗汁，咁究竟係撈麵定係湯麵🙈佢做得幾好，食完個底只係剩返勁少汁，但係又唔會啲薯粉冇味👍成碗嘢麻、辣、香做得幾出色👏好多配料，特別鍾意薯仔粒好香脆😋肥牛食極都有，爽😎成碗嘢好惹味，不過唔食得辣🌶️嘅人要小心，微辣都已經幾辣🥵🤣🌟估唔到招牌菜以外嘅嘢食都幾出色👍下次有機會試一試佢地既招牌😋

酸菜魚令人想到是大大鍋的，大埔這間就可以一個人都食到啦👍🏻店舖地方唔算好大，但夠光亮，而且抽風系統很好，食完都唔覺得有味🥰等我介紹下點左咩食啦金湯酸菜魚配扭紋薯粉今次點左微辣，酸和麻辣嘅味道剛好，覺得唔夠酸可以同佢講要多酸，再加埋有少少花椒，湯底既魚味鮮甜配上薯粉更夾更入味，口感軟硬適中😋😋😋仲有可以配兩樣配料雲耳和娃娃菜👍🏻蕃茄肥牛蕃茄湯底都很濃郁，唔要辣味，牛肥吸收蕃茄湯味更滋味，而配料點左娃娃菜和豆卜，同樣地配薯粉更加入味😋加配$10鹹檸7和鹹檸樂

有冇酸菜魚愛好者🙋🏻‍♀️😆 今次去大埔呢間餐廳就係主打酸菜魚嘅餐廳🤤金湯酸菜魚🐟($58)轉生魚片+$9雖然我哋冇轉到生魚片，不過魚片都好厚身，如果鍾意爽口啲嘅就可以揀生魚片，我哋叫咗小辣，鍾意食辣嘅朋友可以再叫辣少少，套餐可以揀米線、薯粉或者飯，會另外上，而魚片嘅份量都幾多，好新鮮嫩滑，酸菜好開胃，不過個人鍾意再酸啲，套餐仲包括兩款配菜，我哋揀咗萵筍同埋娃娃菜~麻辣青瓜🥒($22)青瓜爽脆，辣油啱啱好，唔係好辣，而且青瓜都幾大塊，都幾抵食！飲品方面我哋揀咗鹹檸七同鹹檸樂，最啱食辣野嘅時候飲😆除咗酸菜魚系列，餐廳仲有水煮牛同干鍋可以試吓，小食亦都好多選擇，例如有花雕醉雞卷、麻辣土豆絲、麻辣豬肚、腎片，如果經過大埔大家可以試吓🤤

平時酸菜魚要約埋幾個人一齊食但係呢間可以好似一碗麵咁樣自己一個人食都OK 方便好多～金湯酸菜魚微辣 味道啱啱好👍🏻如果唔夠酸可以同佢講要多酸平時食米線我會食10小辣所以微辣的話對我黎講係好好 食到少少辣味又唔會太辣～再加埋有少少花椒 魚湯味突出 食薯粉好夾好有口感～會飲下啲湯😋整體分數：7.7

全家都好鍾意食辣, 睇住呢到開, 越黎越多客人, 今日我地都黎試下,😊😊😊😊晚餐SET都係40幾-6幾蚊, 好抵鋪頭好乾淨, 店員都好醒目細心❤️❤️魚應該係普通龍脷魚塊, 如果鍾意既話仲可以加10蚊轉生魚我最鍾意, 覺得最好食既係麻辣湯配肥牛, 仲有幾款配菜, 可以任揀2款放埋落湯煮除左湯仲有乾鍋可以揀, 揀左個菌類, 小碟上, 配左幾種蔬菜幾香口呀另外, 小食涼菜都一樣CP值好高, 20幾蚊有滿滿一小碟, 全部可以揀辣度, 中辣都唔算好辣, 俾大家參考下

晏晝出開大埔，搵下有冇酸菜魚食先。在open rice搜到了呢間椒點，一於走去試下。我同朋友仔分別點左個酸菜魚薯粉同五花生干鍋。先講下酸菜魚，我地係叫左個生魚片版本的。魚片嫩滑爽口，湯汁亦帶點酸辣，不算太濃郁，對於飲食清淡的朋友黎講都算可以。我們點了小辣版，辣度都有番咁上下。湯碗大大碗，魚片數量略嫌少了一些。但對於係酸菜魚控的我來講，呢個都算係一個合格的酸菜魚，畢竟大埔有得食酸菜魚的地方相對唔多。呢間店的特色就係粉同湯分開上，此舉可保持酸菜魚應有的鮮味。薯粉配酸菜魚味道差點點。，還是感覺米線會夾一啲。白雲無骨鳳爪，腍爽咬口正，吃過不停。麻辣蓮藕，薄薄切片，惹味醒胃，辣度適中，愈食愈過癮。五花肉干銅略有驚喜，五花肉夠鑊氣，肥而不膩，洋蔥、青瓜、蓮藕等配菜材料豐富。也是一樣，惟一美中不足之處就係又係點了薯粉，如果配白飯，效果更好。整體質素都唔錯，響大埔食到平靚正的酸菜魚，酸菜魚控朋友們可以一試呀。

收工返家前要去拎淘寶，經過翠怡花園，發現有一間新開的川味小店，價錢相宜，見買外賣的顧客都唔少，抱住一試無妨😃入去。小店裝修簡潔，乾淨整齊，第一印象立時加分😄套餐有干鍋和水煮，包2款配料，可選飯、薯粉或米線。今晚只得自己一個食，只揀咗金湯生魚片（小辣），加娃娃菜和萵筍配米線。金湯生魚片跟米線是分開另上的，趁熱將米線倒入金黃色的熱湯內浸一浸，跟住飲湯，酸酸辣辣，味道啱啱好，唔會側重於一種味道😋生魚片片得都幾大塊，數量亦唔算少，食落好滑冇腥味，最緊要係冇骨，師傅嘅心機和刀工都唔錯👍另外點左1份小食，蒜香🧄蓮藕，蒜香味濃，唔好錯過👌凍檸樂跟餐加$10，最正係跟罐裝可樂，抵👏米線索左湯，食落好味好多㗎✌️

幫襯過呢間野都幾次㗎啦一開始嘅時候真係覺得好好食又覺得真係好夠但係由於而家開業時間越嚟越長有時候叫外賣呢份量得個兩三舊魚😅😅😅老闆仲要係一個心機婊佢外賣電話係六字頭所以次次叫我去買佢都會認得我次次就比勁少份量我唔知老闆係有心定冇心啦但係真係對呢間野好失望做生意做到咁衰格

以湯麵為主打嘅小店，令我非常有興趣一探佢嘅湯底！睇返Menu有三個湯底選擇，當中較為出名嘅係金湯，除咗魚之外仲有牛肉去選擇，所以決定咗要一牛一魚😂湯底方面，可以自選辣度👍🏻食熱辣辣嘅湯麵，自然要飲凍野，鹹檸七係我嘅不二之選！除咗與之外仲有兩款配菜可以自行選擇我選擇咗娃娃菜同木耳同木耳，睇返每一件魚，都非常大件，數量亦都頗多，非常抵食！重點係完全冇魚骨兼啖啖肉！而朋友配菜點左金菇同豆卜，因為豆卜會吸晒啲湯，份外入味！牛片數量實屬正常，肥瘦參半我同朋友都點左薯粉，貪佢夠哂爽口，其實仲有兩個選擇，一個係白飯，另一個係米線！而小食方面，點左蒜香土豆絲同麻辣海帶絲，兩個食材都係一絲絲咁，汁料既接觸面非常多，蒜香非常香口，而麻辣亦都非常刺激🤩

椒點位於太和的一間小店.今天就介紹椒點,是一間川菜的餐廳.金湯酸菜魚：份量很多的酸菜魚.你可以選擇配飯或者米線.我覺得整體是ok的.因為考慮到他們的定位,他們的價錢其實是偏低,但是卻非常足料,一大碗的酸菜魚湯配米線其實已經很飽.味道方面我也是可以接受的,但是不會有太大的驚喜.如果想吃得便宜很飽的話,這間也是不錯的選擇.。。。。。。。。。。。。。。。。。。。。。。。金湯酸菜魚：$58餐廳：椒點Overall (Out of 5): 🔆🔆🔅地址：大埔翠怡街3號翠怡花園地下12號舖

呢間野叫過兩次外賣，第一次我叫金湯肥牛，個男員工好似未訓醒咁！佢幫我執錯個麻辣肥牛！到第二次我再叫外賣，終於無整錯啦，但比小左個飯我！ 我已經叮囑你員工要double check 多次！check 完話無錯！不知所謂！

大埔新開食酸菜魚 套餐的確係抵食 但...NO ENCORE~-金湯酸菜魚($58)可以選擇飯/米線/扭紋薯粉 分開上的再可選兩款配菜  要左豆卜+金菇 索湯正湯完全冇酸味 佢嘅辣純粹係辣油感覺魚正常 但唔多 湯唔得 整體真係NONONO~ -雞肉干鍋 (蒜香/麻辣) ($57)可以選擇飯/米線/扭紋薯粉扭紋薯粉係雞湯底干鍋原來好似小菜咁上...雞肉好乾 皺哂皮 份量得4嚿 望住碟野 完全食唔到干鍋應有嘅香味真係唔知食緊咩 (油) ~-麻辣蓮藕 $28蓮藕爽口  麻麻辣辣 幾惹味但勁多切成蓮藕碎 唔得唔得-蒜香土豆絲 $22成餐最好食 好多蒜呢個都唔好食就大獲啦~--椒點 Chiu Dim

一個月總係要食幾次 #酸菜魚而家變成咗 #酸菜魚控就梗係搵吓大埔有邊間川菜有酸菜魚食啦俾我發現一間小店 「 #椒點 」小店環境簡潔清新而且禮拜日放假各人都外出用餐不過好好彩有一台食客走咗我哋就有位坐低係四人枱🤤由於店舖人頭湧湧店員都好似做到抖唔到氣咁竟然會忙到會zxy……. 🙈有點怕怕而餐牌上的美食都好吸引吖每一款都想試吓呢❣️⊰⊹════════════════⊹⊱✎ 食後感 ：✨💛「 #金湯酸菜魚 」呢一碗黃金色的酸菜魚好吸引呢我哋就叫咗轉生魚片一人食分量剛剛好先飲一啖酸菜魚湯味道很濃郁食落去多肉少骨而且魚肉質感滑溜好新鮮🤎「 #金湯酸菜牛肉 」牛肉好片而且好鮮嫩呢少少辣酸酸地真係好開胃㗎入面嘅配菜仲可以索哂湯底嘅精華味道所以我哋一定要送白飯一齊食❤️「 #口水雞 」麻辣的雞件好嫩滑雞皮連雞肉食落去爽口又入味而且味道非常新鮮可以送幾碗白飯💚「 #凍鹹檸七 」最後飲番杯凍飲掃一掃喉嚨真係好Fresh~好食的酸菜魚真係買少見少了下次一定會encore再試！