森屋

營業中

休息中

今次去咗間隱藏喺巷仔嘅日式居酒屋，真係有驚喜！😍 鋪面唔大，但勝在夠晒溫馨，晚市時段去仲唔使排隊，正！👍🥗蟹籽沙律份量適中，蟹籽多到瀉！🤩 咬落去卜卜脆，配埋新鮮蔬菜同芝麻醬，開胃到震！🥬✨🍜濃口味增湯拉麵湯底超濃郁！ 味增香氣撲鼻，拉麵掛湯力一流，不過可惜唔係跟叉燒🌶️地獄辛口豚肉湯拉麵豚肉湯底香辣惹味，辣得嚟唔會遮蓋湯嘅鮮味，麵質彈牙🔥🦑脆炸墨魚咀小食方面，脆炸墨魚咀絕對係正！ 外皮炸到金黃酥脆，入面墨魚咀爽口彈牙，點埋沙律醬食，停唔到口！🥟煎日本餃子餃子煎得啱啱好重，冰花底脆皮薄，肉餡多汁！💦 咬開仲有肉汁爆出嚟，配埋醋汁食🤤

Lunch時間等左唔駛五分鐘就有位，一入去到就聞到有陣油煙味，但因為怕開始多人，所以都照入左呢間食。叫左個午餐-照燒雞塊定食，燒得幾香幾好食。另外會有個麵鼓湯跟埋。不過剛剛坐正冷氣風口位，所以啲野食都好快就凍晒。雖然冷氣開到好凍好大風，但都係會聞到有油煙味，結果食飽出門口，都聞到自己成身好大陣油煙味…行經會再想食，但一諗到食飽後，成身既油煙味會維持到放工，就令我卻步，希望抽風系統會有改善。食物質素好，有點可惜…

朋友介紹，話呢間日式店的網燒牛肉午餐好食。於是跟友人一齊到這裡試一試。本來打算每人點不同的午餐，大家可以分享一下。因為見到隔離枱的食客，食緊「鯖魚」好似好好食咁！可是，我們想來想去，大家都係覺得各自食一份網燒牛肉定食比較好！畢竟，大家都是因為網燒牛肉而來！哈哈😂所以最後決定：都係一人一份啦！🤪我想講，定食的沙律🥗太冷了。我個人麻麻地。一般。不過，牛肉好食😋！燒得很有風味！另外附試一隻生雞蛋🥚黃！嘩！好吸引！頓時食慾大增！大家都全部食晒！好食😋！很不錯👍🏻推薦！支持小店！下次會再光顧🙂

一入店職員👨‍💼態度已經好差，人都未坐低🪑就問食咩，跟著定食有沙律🥗菜有條多過兩寸長啲蟲，好生猛咁在菜上面行黎行去，即日通知職員啦，唔好意思都冇句，即時拎走碗沙律菜，當無嘢發生，離譜都不得了👎🏻 ，千祈唔好幫襯🥴

放飯時間，居然附近一帶這家最少人排隊，是伏是耶？雖則之前亦曾試過，亦未必可測也！午市餐牌一頁兩面，小人想也不想地要了網燒牛肉；繼而友人就點了客吉列豚肉開心分享。田園沙律有些粟米粒、豆腐粒、蕃茄仔及西生菜，襯以芝麻醬，鮮香爽甜，一開胃口。可惜的是醬汁停留在澆上的一層，下面的菜未能全部沾到。網燒牛肉是如常的美味！片片牛肉皆滲着網燒的香氣，但仍然保持嫩滑多汁，兼且份量不少，配以滑蛋，小人轉眼間已吃掉整碗飯！味噌湯調味非常到位，極度滿足！未試過的吉列豚肉帶來驚喜！先唧點檸檬汁除了解膩，更可以增香。豚肉的炸粉夠薄，肉質鬆化，而且毫不油膩，食完碟底沒有出現一灘油，出品比起其他日式吉列專門店毫不遜色！即使出餐是一份份的套餐，餐廳亦絕不馬虎了事，保持水準。

LadyB 好少可咁有效率，食完之後急不及待✍🏻，亦好少寫負評，今次真係特別例外！⛩️環境：懷舊日式居酒屋裝橫，係正嘅。🐷食物：是日點咗自家吉列豚肉午餐🍱有吉列豬扒、白飯、沙律和味曾湯。吉列豬扒外表望落去很鬆脆，本以為很好吃，誰不知入面舊豬扒濕濕地、同埋有啲唔熟通。口感好硬，咬唔開。LadyB 認為一間餐廳白飯🍚食得落口係基本嘢、尤其係日式餐廳。點知呢度嘅白飯竟然令到LadyB食到一半想放棄嘅狀態白飯竟然係未煮熟嘅日本米，又硬又濕又冇飯應有嘅黏性，筆墨難以形容嘅口感。LadyB 從來未食過咁難以下咽嘅日本飯。淨係呢兩點已經足以令佢成為LadyB Black List 名單。服務：原先都係不過不失，但係食到最尾，LadyB仲拎住個碗、飲緊碗味曾湯時，侍應竟然走黎收走晒啲碗碟，搞到LadyB好唔舒服。當時已經係13:50，餐廳冇咩客，冇人等位，唔係好明白侍應點樣要咁趕😮‍💨整體用餐感覺唔良好。完🫠

食咗呢間餐廳四年幾，其實每次都覺得好好食，所以唔明白之前係咪有啲打手寫衰呢間餐廳，因為呢間餐廳嘅服務一向都好有禮貌，同埋啲嘢食好好食，係一間有溫度的餐廳☺️幾年前食完飯嘅時間，撞正疫情，間間餐廳都冇客人，但係當時呢間餐廳都保持水準，薯仔牛肉令我諗起屋企煮嘅飯，而火炙牛肉亦非常之好食。幾年之後，轉咗幾份工，舊地重遊，lunchtime 有好多客人喺度食嘢，而我亦都叫咗一份以前好鍾意食嘅薯仔牛肉，果然都係以前嗰種味道，甜甜地，啲薯仔非常之入味，啲紅蘿蔔亦都非常之甜，三爬兩撥，就用啲汁送埋啲飯成碗食晒。另一個值得要讚嘅地方係，當時非常多客人，餐廳好迫，侍應安排咗我去坐一張四人枱，當時係有另外一個顧客的；後來，該名食完顧客走咗，又嚟咗兩個顧客坐隔籬，即係我張枱仲有一個吉位，餐廳外面嚟咗一大班客人，曾經有人問可唔可以安排兩個人坐過嚟，叫我調位，但係侍應立刻就細細聲回應話，唔得，因為客人食緊飯🤩總而言之，我真係好鍾意食森屋，希望呢間小店可以繼續生存落去，有多啲人識欣賞😙

❗️❗️好耐無試過要劣評一間店 💢😡出錯拉麵不但止 每塊豚肉仲要係90%肥以上 同個侍應反映 仲黑面對返你 話全間店都係用咁既豚肉 即等於叫你 錢照比 你食就食 唔食就擺就！ 😡😡仲要未食哂 出面無人排隊 都急着收走你啲野食 食左半個鐘都無 ！ 所謂小店 食物無質素 人質素更加無 只此一次 永不有第二次❗️❗️❌❌😡

一去到，前面大概有6 個人等緊，侍應話執緊枱， 叫我哋叫住嘢食先，大概等咗10分鐘鬆就入得喺灣仔嚟講，都選等得快🥱🥱叫咗個午市定食 可能都成點幾沙律賣哂所以只有味噌湯同飯🥲🥲（但我覺得侍應有責任話俾客人知🫠🫠🫠）然後第一次食鯛魚腹 成舊都係脂肪😂😂😂勁重omega 3 but a bit too much 🫠少少肉嘅質地都無$90 不了 不過見人哋嘅網燒牛係正嘅 仲要有跟隻生蛋明明同一個價錢 但我哩份就勁少餸 好頹下次如果大家食建議要食牛 千祈咪點魚腹

森屋係灣仔一個隱蔽既角落，唔係同事帶我黎都唔知 店面唔算大，有大約十張四人檯左右，如果lunch hour想食都真係要早啲過黎，因為呢度雖然隱蔽但非常受歡迎，如果晏左就要等位喇每次黎森屋都必食網燒牛定食，其實有幾次都想試下其他，不過每次都係返尋味，最後都係揀返網燒牛！定食配有沙律同味噌湯，而網燒牛仲有一隻鮮蛋黃俾你撈飯食，我每次都會加錢要多一隻蛋黃，因為d飯撈滿晒蛋黃再夾埋燒牛肉食真係very good架網燒牛燒到岩岩好，有些少焦香，每一次都係光盤既大滿足另外佢既鯛魚腹都好推薦，魚腹油香四溢，伴飯入口又係一流 不過呢度午市真係好熱門架，食到差不多就會有signal俾你埋單😂，我地都明白既希望小店可以一直經營落去

灣仔好多野食， 但價錢都唔平， 黎到修頓附近， 發現左窄巷呢條街有好多平價餐廳， 森屋呢間裝修好有日本特色， open kitchen 見到師傅整野食。晚飯價錢竟然同午餐差唔多， 好抵食～ ♡網燒牛肉定食 $82生雞蛋撈飯真係勁正， 牛肉都有質素。 定食有沙律&湯， 都好足料。♡自家吉列豚定食 $88份量好大塊， 豬扒肥瘦適中， 外皮炸得好脆， 定食嘅生菜蛋粟米蕃茄沙律比椰菜絲任食更有誠意， 價錢亦都平一截。♡厚切牛舌 $48有4片牛舌， 嫩滑彈牙～

水準一流， 價錢實惠，氣氛一流一年前開始食呢間舖 已經覺得佢好有日本氣氛到今日差唔多已經嚟第五次，水準依然keep到,甚至乎好食過之前值得一讚，唯一美中不足的是，侍應得一位，見到佢實在太忙，再多一個侍應會好啲， 見過老細係咁喝個侍應， 睇見都覺得好陰公幾推薦佢個網燒牛肉同埋照燒雞定食，成set都係七十幾80蚊, 另外佢個麵豉湯唔會令你覺得好滯我見呢度都係做老顧客比較多，証明回頭率都幾高今日1月1號嚟食dinna，成個灣仔嘅人流都好少，好多大街嘅餐廳都冇乜人, 反而佢起喺比較闢嘅地方就滿哂場

原本今日分開約咗兩個朋友食飯，啱啱食完一餐，都少少飽㗎啦，跟住再同另外一個fd食飯，結果見到呢間日本餐廳少人排隊就入咗來食。點餐嗰陣就諗住自己叫啲少份量嘅食物，即係一份餃子就算，跟住個女侍應用勁西嘅語氣同我地講話「呢度用餐每個人最少要叫一個定食」。我都明有最低消費，咁啲客人唔知道咪好聲好氣咁講囉，洗乜一來就即刻西口西面。點完之後，佢仲要用輕挑態度咁補多句「咁份餃子唔要㗎啦呵？」。成餐飯即刻冇嗮心情！PS：啲食物都算好味嘅，環境都唔差，但係薯仔牛肉得兩塊牛肉，勁多舊薯仔

朋友介紹這家日式小店的網燒牛肉，今次一於到訪一試。餐廳的格局走懷舊日本居酒屋路線，黑色的裝潢蠻有氣氛。網燒牛肉定食有沙律、味噌湯、牛肉飯以及一只蛋。主角網燒牛肉飯份量甚多，掩蓋整個飯面！食得到燒過的焦香；而且牛肉汁亦足夠滲到飯底；再撈入雞蛋一起吃，增加滑度，是非凡的滋味！沙律除了生菜蕃茄之外，還有蛋白及菠蘿，帶點港式的風味。至於味噌湯也很不錯，湯裡有腐皮、蔬菜和雞肉，十分足料。燒日本餃子即是煎餃子。外皮煎得脆一脆，肉餡豐盈充滿著肉汁；用來蘸點的餃子醋加了麻油，令致整件食事更香。非常滿意的一餐。

🐄 網燒牛肉定食 $82沙律 味增湯 網燒牛肉丼 配 生雞蛋🥚即叫即燒既網燒牛肉鋪滿成碗飯配埋生雞蛋一齊撈飯真係好香好惹味🥗沙律份量適中 沙律汁酸甜開胃麵豉湯都唔會太鹹環境都唔差 有日本居酒屋既感覺🇯🇵好味程度: 🌕🌕🌕🌕🌑用餐環境: 🌕🌕🌕🌗 🌑回味指數: 🌕🌕🌕🌕🌑