棋子燒鵝 (平田商場)

營業中

休息中

叫左兩個飯，义燒油雞及燒肉燒餓，啲飯好難食，煮到一pat pat，似杰撻撻，超級難食，送的例湯難飲到咩，仲要係雞頸雞腳。完全係夜晚賣淨的燒味煲的湯。都唔明咁食評話好食，假到爆。

見平安夜免外賣運費，選了大半個小時，終於敲定這間跟油塘很接近但絕對不會特意行天梯去食的地方。叫了燒鵝脾叉燒瀨粉，配眉豆瘦肉例湯。燒鵝脾真是沒叫錯，皮薄如A4紙，底下幾乎沒有肥膏，微微脆口，咬下去有肉汁，卻沒有油膩感。適合喜歡皮薄瘦脾的人呢，非常推薦，日後也會再叫。叉燒則是劣到核爆，其中最大舊的一件是100%肥膏，根本應該拎去掉，而不是放到我的食盒去湊數。每件都是切得很大而不規則，肥膩而沒有蜜香，感覺上隨便買貨隨便亂烤隨便亂切，毫不講究極了。少數登上我的黑名單的地獄級叉燒，想來想去都沒有想到更差的，做到咁難食，建議不如從餐單刪除。眉豆瘦肉例湯還不錯，味精當然免不了，勝在很足料，細細的碗就有三大塊肉，所有肉和眉豆都吃光了。只可惜湯渣多的話，湯的份量就相對減少了。瀨粉和湯底都有各自分開來放，沒有泡在一起，這點挺細心。份量對我來說剛剛好，不過如果可以選擇扣底或加錢增加份量會更佳。

好耐冇食過燒味飯，呢間唔錯！煎雙蛋燒腩仔飯，燒腩仔外皮好脆，唔會太肥，亦唔會太鹹，味道岩岩好，兩隻雞都係半熟，個蛋汁撈飯好正😋燒鵝燒腩仔飯，同樣燒腩仔都係好脆，都係唔太肥唔太瘦，另外個燒鵝肉汁一咬滿口都係，同其他地方食的燒鵝有好大分別，起碼食完都唔會成口油，真肉汁，不過如果有酸梅醬就完美。

姨甥女嚟食飯，細路女鍾意食义燒，所以去棋子買咗半斤义燒試下掂唔掂，點知返到屋企打開盒义燒先見到好鬼肥，义燒雖然肥，但肉質不見得軟腍，下次都係去返樓下間快餐店買算

終於等到星期五，原本辛勞工作了一整天，諗住快快食完休息吓，跟住煲吓劇，叫左燒腩飯及奶茶外買，點知一肚氣，返到家打開，全部都係肥豬肉，街坊生意唔老實，最後走落去退錢，無下次

入店舖無服務員理會好幾張枱食客已走一啲行來行去扮睇唔到一啲顧住圍埋傾計無人執枱 叫幾次都無人應 都係行來行去扮睇唔到每枱都有墊枱紙 服務員落完單後就咁將兩張墊枱紙放喺我哋枱面中間就算想點！？要我哋自己鋪都要出句聲啩

之前個位嗰間雖然幾好食，但夜晚都係冇咩人，可能價錢問題啦。之後轉咗呢間就冇夜晚堂食，所以一直冇試，今晚諗唔到食咩（平田得幾個選擇），所以試一試佢，入到去仲有幾分鐘6點，見到有人趕住叫下午茶，但我冇叫，之後有D後悔。今晚就試佢應該最出名嘅燒鵝飯，盛為58蚊，加5蚊轉埋例湯。可能時間比較早啦，都係好少人，反而等外賣嘅人多，唔知佢可以做得幾耐。食完之後先見到下午茶餐個Menu，平好多下，$40就有一碗燒鵝瀨，早知我都嗱嗱聲叫個下午茶餐啦