棋子燒鵝 (平田商場)

這間棋子燒鵝位於藍田的平田商場，個人覺得比去開旺角道這間棋子好食，叉燒和燒鵝都好食，叉燒很腍身。瀨粉的湯底亦較旺角道分店好味，而且燒鵝瀨也只是$40,比旺角道平了不少！！不過服務真的一般，我叫侍應落單，阿姐見到就調頭走， 最後連水都是自己去攞！ 不過侍應睇落全部都是長者，所以都能理解，不過旺角道分店的服務和效率就好很多。Anyway, 我不介意服務唔好，最重要是味道好食，而味道上此店真的唔錯！不過講真，此店位置偏遠，唔近地鐵站，應該較少區外客會來！…查看更多

點咗主推嘅【原隻燒鵝腿飯】睇菜單上面嘅圖超吸引… 點知真係好好食！！鵝腿上面油脂好豐富，肉質香嫩又多汁💧，上枱嗰陣仲油光閃閃～塊玻璃皮咬落脆卜卜，忍唔住先撕咗佢食咗【燒鵝五寶飯】呢個都係打咗⭐嘅推薦菜！飯上面鋪滿燒鵝、叉燒、豉油雞、紅腸同鹹蛋🍳推薦將鹹蛋黃戳碎拌飯，一粒粒糯米黏住金沙嘅口感真係超正！！…查看更多

棋子燒鵝（平田）地址：藍田平田商場2樓202號舖今日收工同老公喺公司附近食晚飯，我哋揀咗一間燒味餐廳食，叫做棋子燒鵝。餐廳好熱鬧，好多人食，主打燒鵝！今日同老公食咗個二人餐，好豐富，好滿足。二人餐 $218棋哥燒鵝（例牌）燒鵝一碟份量多，燒鵝皮表面好有光澤，賣相好吸引。燒鵝皮食落充滿油脂，香噴噴，又脆卜卜。燒鵝肉好滑，肉質厚實，食落帶點炭燒味，非常特別。單拼燒味（例牌）叉燒 +加拼燒肉$20套餐跟咗單拼燒味，但係我哋再加咗$20變雙拼，最後有叉燒同燒肉。叉燒好鬆軟，充滿蜜糖香，外層燒到焦焦地，肉質鬆化。燒肉皮薄薄一層，脆卜卜，燒肉肉質好滑，都帶有烤製的香。郊外油菜今日嘅蔬菜係菜心，菜心白烚，綠油油，又新鮮，可以自己點蠔油加啲調味。配白飯套餐仲包咗兩個主食，大家可以揀白飯或者瀨粉。鹹蛋 $10我哋仲加咗個鹹蛋，配飯一齊食，非常夾。飲品方面，都有兩杯，我哋飲咗凍檸茶（少甜）同茶走。…查看更多

燒鵝香氣一秒勾魂，見到師傅手起刀落即切即賣，已經等唔切要試！店員勁親切，好有禮貌，堂食外賣都好方便，好滿足！🥢原隻燒鵝髀飯原隻燒鵝髀飯係王牌之選，特登轉咗瀨粉好夾！燒鵝髀皮脆到咬落「卡卡」聲，金黃油香爆開，油香四溢，肉質嫩滑如絲。瀨粉滑溜吸滿鵝油同醬汁，每啖都係享受！🥢口水雞飯口水雞飯係另一驚喜！雞肉嫩滑到好似入口即化，麻辣醬汁辣中帶香，好過癮。配飯食唔停口！❄️鹹檸七鹹檸七係解膩嘅救星！已經唔係好多地方都有得飲！❄️凍奶茶凍奶茶係港式嘅靈魂飲品！茶底夠濃，奶香夠滑，甜度啱啱好，飲完仲想拎多杯返屋企慢慢chill！…查看更多

有好幾間分店嘅街坊燒鵝🪿「棋子燒鵝」食過一次之後就愛上咗，下午茶或者二人餐都好抵食😋🔸二人套餐 $218🔸🪿棋子燒鵝一大碟例牌燒鵝，燒得香口又肥美，油香十足，燒鵝汁都好多好濃味，鐘意同瀨粉一齊食，變相清淡嘅瀨粉可以沾上油香，又冇就咁食燒鵝咁膩口，仲可以加酸梅醬去油膩感👍🏻🥢單拼燒味揀咗叉燒例牌，半肥瘦口感好好，肉質幾稔，都幾多蜜汁，同瀨粉一齊食一樣咁正🤤🍜白飯/ 瀨粉/米粉/ 河粉除咗瀨粉，仲可以揀其他白飯粉類😋🚩棋子燒鵝 (平田商場) (藍田) @kisonroastedgoose 📍藍田安田街23號平田商場2樓202號舖…查看更多