棋子燒鵝 (長豐商業大廈)

營業中

休息中

今晚放工正下著大雨,  在我們公司附近有  棋子燒鵝,  門面闊,  好亮麗.  立即 想食燒味餐. 門外有推薦食品, 外賣款式有多種.   玻璃櫃掛著的燒味,  觀感不俗.   燒鵝特別吸睛, 燒鵝頭多至數不清.餐廳面積大, 燈光明亮, 座位整潔闊落. 餐牌好清晰, 項目多, 全日常餐, 下午茶, 好正 !!我們點了 2人晚飯套餐.   有棋子招牌燒鵝, 單拼叉燒/燒肉, 有菜, 湯/茶,  $228, 好扺食.先送來餐茶:   熱檸檬茶, 有檸香.   準備食燒味去膩.  例湯熱騰騰, 雞腳煲瘦肉湯,   無味精,  好飲. 蠔油菜心, 嫩綠少油, 爽口, 好健康.  招牌棋子燒鵝,  叉燒 各一碟, 送來了.  份量好滿意.燒鵝顏色立立令,   鵝肉厚厚, 少脂肪,  滲出陣陣炭燒香, 味香四溢, 鵝皮脆脆,  脆皮底下的鵝肉好鬆軟.配有秘制燒鵝酸梅醬,  點些醬汁很滋味, 送飯一流. 叉燒 , (可揀全瘦, 半肥瘦及肥义)  我們選擇了半肥瘦.   燒得香, 賣相也不錯.  用了五花腩肉, 吾肥有蜜汁. 不油膩,   真滋味.湯瀨粉,  把青蔥分隔開,  瀨粉好滑,  湯頭甜.

名不虛傳嘅燒味店 終於食左😌難怪咁多分店招牌燒鵝果然脆皮又嫩滑 一咬開就好多肉汁 好食😋意外收穫有燒腩仔 皮好脆 肉又好彈滑 肉同皮之間有一層薄薄嘅肥膏 比例好好 充滿油香 又唔會太油膩一人套餐已經好夠食 有例牌雙拼 油菜一碟 同埋飯或者麵一碗 再加飲品例湯如果怕食唔哂 可以單叫 都係可以雙拼 另外豉油雞、叉燒都唔錯 好入味 食得出係新鮮貨瀨粉好滑 配燒味真係一流😍另外散叫左鹽焗手撕雞 半份都好多！非常惹味 雞肉都好滑太子分店大大間 都幾好坐 服務有效率 食個快餐啱晒🤓

🏠 環境亮點：✨ 清新柔和風空間：連鎖餐廳維持高標準整潔，地板光潔無油漬，用餐區採光明亮🧹 高效清潔團隊：桌位翻新神速，客人離席即見抹桌消毒，杜絕傳統燒臘店的黏膩感💁服務體驗：⏱️ 上菜火箭速度：點單到上桌流暢無縫，完美解決午市趕時間需求🌟 危機處理滿分：雖遇小烏龍上錯菜，但員工道歉誠懇且3分鐘內火速換餐🍽️ 招牌必點攻略：【🔥 鎮店燒鵝雙拼套餐】🪿 至尊燒鵝：琥珀色脆皮咔嚓作響，油香豐腴卻不膩，肉質如絲綢滑嫩🥩 蜜汁叉燒王：嚴選梅頭肉部位，焦糖蜜汁完美包覆，瘦而不柴的頂級口感🍜 雙主食驚喜：瀨粉彈牙vs米粉爽口，自選組合滿足味覺多樣性🌿 配菜驚喜包：🥬 翡翠菜心：現燙時蔬份量霸氣，淋上秘製豉油畫龍點睛🍲 老火靚湯：真材實料熬煮，雖鹹香突出但搭配燒味恰成絕配💬 食後感：顛覆傳統燒味店印象的質感體驗，從環境到食材都展現連鎖品牌優勢，燒鵝控絕對要收入口袋名單！🪿

😋餐廳就係屋企樓下，平時返工外賣食得多，呢間分店第一次堂食😆夜晚同屋企人2個人去食，見2人套餐比1人餐多碟燒鵝，決定豪一次試咗個2人套餐😁🏠環境方面：地方夠大，店舖光猛乾淨，不過張枱有啲細，食物上齊唔係幾夠位置擺😅🍽食物方面：主食叫咗瀨粉同米粉，米粉份量比較少，相比之下，瀨粉份量多1倍，如非細食人士，建議可以點瀨粉😅 至於餐廳主打--燒鵝，鵝肉偏肥，不過味道調得唔錯，加埋個醬汁，送飯應該一流。肉質甘香，個人覺得隻燒鵝可以瘦啲會更正😋。叉燒份量好多，個邊可以再燒燶啲。老火湯比較濃味，裏面有雞腳及瘦肉，尚算真材實料。成個2人套餐cp值算高，份量又多，如果唔係非常大食嘅人，可以叫個2人套餐3個人share食，咁就可以留肚試多啲其他嘢食啦。📝總評：性價比高，員工做嘢快手快腳，上菜速度快，算係唔錯嘅晚餐選擇😀

如果你問我香港什麼餐廳是必吃，我會推薦棋子燒鵝！✨燒鵝是用荔枝木煙燻的，散發著淡淡的香氣。選用的是黑棕母鵝，大約五斤四兩，肉質鮮嫩。醃製過程很講究，獨特的醬汁經過多年調配而成。烤好的鵝皮油亮酥脆，咬下去會發出清脆的聲音，肉汁在口中散開，鹹香中帶著一點甜，非常美味。每次吃到根本停不下來！😋除了燒鵝，口水雞也是必吃。雞肉鮮嫩，搭配香辣醬汁，讓人吃了忍不住想再來一口。那濃郁的味道和微微的麻辣感。叉燒也是一大亮點，肥瘦適中，咬下去口感恰到好處。搭配白飯或瀨粉，簡單又令人滿足，吃完後還會回味那股香氣。二人套餐，只要 $288，有例牌燒鵝燒鵝，還可以選擇例牌燒味，加蔬菜，兩碗飯或瀨粉隨你選，最後還有兩杯湯或飲料可以搭配。非常划算！🥢🍜

今日放工同老公喺屋企附近食燒味飯 呢間棋子燒鵝好似都有幾多分店 價錢唔貴 招牌係燒鵝我哋要叫咗個二人套餐 包咗燒鵝&單拼燒味&油菜同埋主食仲有嘢飲 份量絕對夠飽棋子燒鵝(例牌)我哋咁啱嗰份係下莊 所以有燒鵝髀食啖啖肉 燒鵝皮係脆嘅 燒鵝肉帶有肉汁 底下仲有啲鹹鹹哋嘅鵝汁 好正單拼燒味(例牌) 我哋揀咗肥叉 叉燒外皮搽上蜜糖帶有微微焦香 雖然我哋揀咗肥叉 但係都唔算特別肥 但有幾舊就會見到肥肉瘦肉相間 嗰啲位置就會比較好味 郊外油菜普通白灼菜心配蠔油主食可以揀白飯/瀨粉/米粉/河粉碗瀨粉都幾好食 個湯底夠濃瀨粉夠粗好夠彈性唔會淋啤啤 另一款就揀咗白飯 食燒味不嬲都好下飯老火靚湯或冷熱飲品當日老火湯係花生雞腳湯 超級足料 裏面啲湯渣勁多 就咁點豉油食都好好味 另外叫咗杯凍檸蜜

呢間主打煙燻燒鵝嘅燒味店開業幾年 已經有六間分店✨設店內工場 即時製作 確保新鮮💯.📌全日常餐 $48今次係比同澳牛一樣嘅常餐吸引到 價錢平$10 仲要唔使排隊‼️1️⃣棋子叉燒意粉-叉燒偏瘦 唔夠軟嫩 但唔乾柴 有豬鮮味🍖意粉輕輕淥熟 口感爽彈 浸得來都唔會好腍🍝2️⃣香滑炒蛋及火腿-炒蛋半生熟 口感好滑嫩 對比澳牛嘅濃牛油同奶香 呢度就係重油香🍳火腿正常發揮🥓3️⃣牛油厚多士-方包烘底後香脆鬆軟 夠厚身 加埋炒蛋都唔會太濕腍🍞4️⃣熱咖啡-店員話係即磨咖啡 好似好高級咁 餐飯差唔多食完先嚟 甘苦味幾濃郁 一般質素☕️.📌棋子燒鵝(例牌) $168嚟到當然要食招牌煙燻燒鵝 嗌例牌竟然有鵝髀🪿現場即燒 色澤鮮艷 皮薄肥腴而不膩 肉質鮮嫩多汁 煙燻香氣濃郁🔥.📌脆皮燒腩仔(例牌) $108平時最怕燒腩仔會過鹹 但呢度恰到好處❤️‍🔥外皮超脆卜卜 肥瘦相間 食到豬鮮同脂肪甘香🐷.📌燒鵝雙拼飯(燒腩仔) $73價錢唔貴 飯同餸嘅份量好足🍚.📌單拼三文治 $23方包冇烘底 食落更鬆軟🍞炒蛋濕潤嫩滑富蛋香🍳包身同蛋都好厚 成件三文治好大份🥪.如欲查看相關食物相片 可查閱本人已上傳之影片🎦

放假同朋友嚟花墟行下，順道去附近嗰間「棋子燒鵝」食晚餐。餐廳內在環境寬敞，裝修簡潔，坐得舒服。店舖專營港式燒味，而家喺九龍區有 7 間分店，每間店都自設工場，燒味食品全部都係現場製作，保證新鮮！點咗原隻燒鵝髀飯、腩仔油雞飯 同 一碟例牌叉燒。原隻燒鵝髀飯 ($100)，燒鵝髀好靚仔，大大隻，外皮油潤光澤，肉質鮮嫩多汁，每一口都散發著濃濃煙燻香，加上啖啖肉汁，令人讚不絕口。另外碟燒腩仔油雞飯 ($58)  賣相亦非常誘人，腩仔外皮脆卜卜，肉質肥瘦均稱；油雞肉厚肥美，皮薄爽彈，咬下帶豉味甘香，用來送飯一流！ 棋子叉燒 ($88/例牌)  叉燒用上新鮮豬肉，肉質半肥瘦，入口彈牙軟腍，帶有油脂香，加上以麥芽甘甜再混合微焦嘅「燶邊」，非常惹味👅 點燒味飯奉送咖啡或茶，熱檸茶清香不澀、而熱奶茶亦濃郁滑順，味道不錯。

..I went to a restaurant called "Ki'son Roasted Goose"(棋子燒鵝)located in 太子長沙灣道21號地下..this restaurant specializes in various chinese BBQ protein.."Crispy skin pork and chicken"燒肉拼切雞HKD$58..the Crispy skin pork is super yummy .with golden crispy skin .layered fat in between .highly recommended ."Roasted goose on rice／noodles"燒鵝粉HKD$60..The signature dish of this restaurant.the skin is crispy and crunchy.with a nice hint of smokey flavour.with scrumptious,luscious fat between the skin and meat..can

經過呢間#棋子燒鵝 ，見到幾多人叫外賣，眼見環境舒適，枱櫈新淨，請朋友食燒鵝，於是就叫咗個二人餐入內堂食，一啲都唔失禮！2人餐🥢［ 鵝（例牌）】燒鵝整體而言都算高級，唔係一般茶記會食到嘅。柴香味，啲肉好實唔會好老，肉質亦都夠滑，加上係燒鵝髀，仲啖啖肉。［油雞］雞生熟程度做得啱啱好，近骨位置啱啱熟。豉油味香濃，送飯一流，必點之一。［菜心］份量正常，鮮嫩爽甜，很解腻！［米粉］［白飯］［凍檸檬茶］X2總結：燒鵝專家水準一流，食到燒鵝香味道，不是很多燒味餐廳能做到，特別要說的是餐廳的裝修，坐得很舒服，大家都食得好開心。

今晚很想吃燒鵝，就選在「棋子燒鵝」吃燒味晚餐，因為店鋪是自設鵝場，到店舖即場用爐燒，所以很新鮮。二人套餐很合意：燒鵝、燒腩仔、油菜、 白飯、湯河粉、 老火湯和凍飲，十分豐富。 燒鵝皮脆肉鮮，味濃油香。脆皮五花腩燒腩仔，百吃不厭。上湯灼菜心是心儀和健康之選。老火湯湯料看見有雞脚、豬肉、眉豆和花生米，湯水非常清甜。三人行，加碟鹽焗手撕雞飯，飯量十足，手撕雞肉質滑捋捋，味道鹹香鮮美，加埋香芝麻就更美味可口。

有沒有人和我一樣，對某道美食情有獨鍾，總是忍不住想要反覆品嚐呢？我真的超愛吃棋子燒鵝！😋這道燒鵝採用了獨特的煙燻技術，搭配荔枝木的香氣，淡淡的煙燻味。黑棕母鵝，重約五斤四兩，肉質鮮嫩多汁，口感驚艷。每隻鵝都經過精心醃製，搭配多年研發的獨家醬汁，外皮油潤酥脆，香氣撲鼻。豐富的肉汁在口中融化，帶來層次分明的風味，讓人忍不住一口接一口。除了燒鵝，脆皮燒腩仔也是我的最愛！肥瘦比例恰到好處，外皮酥脆，每一口都是完美的口感體驗。搭配白飯或懶粉，簡直絕配，讓人意猶未盡，回味無窮。二人套餐僅需 $288，包括棋子燒鵝的招牌，還可以自選燒味拼盤、油菜，以及白飯或瀨粉等搭配，還有老火靚湯或冷熱飲品。這樣的組合，完全能滿足你的味蕾！

weekday 與同事們的午餐～yummy～🤤😋😍每到午餐時間就會煩惱唔知食meh好～因為公司周邊嘅餐廳幾乎都已經試得七七八八～今日有同事提議去食燒鵝～話時話我都好耐無食燒鵝了～於是一行八個人齊娃娃浩浩蕩蕩地向棋子燒鵝出發～🫢一坐低幾個人即刻比原隻燒鵝髀飯吸引住～🫢#燒鵝脾飯～大大隻燒鵝髀～肉身好juicy～皮脆到呢～酸甜醬好好味～超滿足～🤤😋😍#燒鵝脾飯～一樣咁好味、但相比之下原隻滿足啲～🤤😋👍#叉燒燒腩飯～叉燒嫩而入味、燒腩皮脆肉厚～👍#黯然銷魂飯～棋子嘅必食item、叉燒嫩而入味～🤤😋👍#原隻燒鵝脾飯#太子美食#八個人的午餐#棋子燒鵝

本人是附近老人院的住客及職員，已經幫襯過幾次，但都係夜晚7點幾嘅時間。今日因為同幾個老友記一齊落去食下年茶，亦係最後一次。。。一行5人一坐低打開餐牌，發覺原來未到下午茶時間，當時時間是1:40，因為已經坐低坐，所以先詢問因冇留意原來未到下午茶時間，可否先叫一杯外賣奶茶俾其中一位職員拎走，其餘4個餐等2點先叫，戴cap 帽年紀比較大嘅男職員，當時立刻望一望自己隻錶，就大聲話，咁你咪要坐4個字🥺咁我地都冇出聲。隔幾分鐘一位高眼又凸嘅男職員再問食咩。我再重覆一次🥲如是者呢4個字就俾嗰兩位男職員眼啤啤咁望咗4個字。當時堂食只滿7成，如果覺得係我地阻住做生意唔俾等4個字先叫餐咪直接講。一到兩點叫完即刻食晒就走，如果唔係其中一位係輪椅人士，我地當時都想走🥺🥺

第二次來食午飯，也是最後一次來幫襯，當時環境小貓三四枱，我點咗（話出名）燒鵝髀飯，極油冇肉，伴菜冷冰冰。跟住其中一個（侍應戴眼鏡女），我舉手示意佢，是望到我的，吾知佢係咪視力好有問題，轉左另一張枱service,另一個男侍應，態度極差，當時我叫常餐，餐是有多款選擇的，當我講完常餐，就即時問我飲咩飲咩，…我未講要轉咩，就入單，仲加多一句，入咗囉……後來佢都死氣轉，難道這是現在不景氣經濟的服務態度。亦或自以為出名，就態度囂張呢