棋哥燒鵝餐室

營業中

休息中

打開飯盒@棋哥燒鵝沒約人食晚飯的日子,我都以平快為準則，今日好想食燒味飯，便買個飯做晚餐速戰速決 店門掛滿了燒好的燒味看得人流口水，跟隊買個外賣飯回家食。$53燒鵝飯，可以試到最出名的燒鵝。鵝燒到好靚，皮薄面泛點油光，肉都幾有咬口同富肉汁的。而引起人食慾，最愛是邊位有點焦香，一塊就有外層脆中心綿的口感了，人間美味。但就肉唔多，得2件有肉其他係皮同骨淋上甜豉油汁在飯上面，女生來講盒飯同料都幾多，怕食唔曬可以叫小飯。豉油雞配蔥油，撈飯食一流呀。

平時食開紅磡冰室，最近隔離開左間新野，專食燒鵝，見咁多人排就去試試。黎到就梗係試個招牌野啦，燒鵝飯。燒鵝一睇就知唔錯，皮薄脆，香蜜味，個汁撈飯非常夾，而個肉質都唔鞋，算嫩滑，燒得岩岩好，鍾意食燒鵝嘅都可以黎試下。

去完行街街，見這間餐室下午茶時段都有不少人。見燒味好吸引，想起老爸今晚自己一個食飯，決定外賣盒返去和他兩份分。新光乳豬五寶飯，$73。配老火湯加$8。盒飯爆滿，有乳豬、切雞、叉燒、紅腸和咸蛋。兩個人都吃不完。乳豬皮脆肉嫩，有提供乳豬醬，但好味到不用蘸。叉燒切得較薄但大塊，有點似日式叉燒的切法。肥瘦適中有囗感。切雞已弄走雞皮，不用我為老爸弄。是雞脾的部分，所以連帶骨，但都多肉。老火湯料很味，有雞腳、眉豆、瘦肉等。好入味。老爸吃得開心，問我在哪裏買，我説要過海的，他有點失望，因為他知道不能經常吃了。

燒鵝脾日報特派記者福福郎於餐廳現場的特別報導！………………do do do do......... 聽公司的同事說， 銅鑼灣鵝頸橋附近，近期每當午飯時間，都會出現一條長長的人龍，因為有一間好吃又抵吃的义燒和燒鵝飯店進駐。今天放工時剛巧要到銅鑼灣拿團購， 所以順道來八卦一下，看看是否真的有好味又慳家的經濟實惠美食， 可以買回去，孝敬一下福福家的兩老！從櫥窗內望，燒味的質素果然不錯，色澤光潤，看來好像很好味啊！再看真點，價錢也公道，一斤燒腩仔是$118，叉燒也是同價。一隻燒鵝脾下莊則需$138。跟外面一般燒臘店的價錢相比，也是差不多，很有競爭力。 好。。。今晚就「斬料」返去試一試！！看看祺哥的功力和燒味的質素如何。噢！星期五的晚上八時，老闆告訴我燒鵝已經賣完， 如果要食燒鵝就要等20分鐘，新的一批才會燒好！ 噢。。。唯有外賣轉堂食，「食住等 」隻燒鵝新鮮出爐！！！ 在等待的時候，我乘機點了他們真材實料的老火湯、和油菜。 老火湯沒有味精，飲落去很順喉， 是「雞腳眉豆花生煲唐排」， 最合這個天時飲用！燒味點評：燒鵝左髀。。。新鮮出爐鵝皮略帶油光，看來很好色水(見圖)。 我叫師傅給我瘦的鵝肉，因

近日和同事在銅鑼灣工作時, 經常被附近的棋哥燒鵝餐室的門面吸引住. 我發覺永遠都係有一堆人嚮門口買燒味, 所以新入面真系好想去試一試.幸運地, 這天下午來到剛好有上司比我出去買lunch 先, 我們一去到餐廳便同經理哥哥講話要一客燒鵝併叉燒飯. 燒味飯只要加少少錢便可以有老火靚湯, 收銀姐姐話係眉豆花生唐排煲雞腳. 既然咁開心, 我又加多了一併要左乳豬, 諗住橫豎係食不如對自己好D啦 ^^.返到鋪頭後, 第一時間打開個飯盒, 哇! D燒味色水真係好靚. 立馬食了一啖, 說真, 這裡的燒味飯確是好味, 先講個飯, 十分軟熟而且有種淡香, 比很多茶記果D半生熟飯完全唔系同一個層次. 然後個燒鵝同乳豬呢, 好難講話邊個好食D, 我自己下次一定會叫呢兩樣野! 乳豬皮脆唔在講, 連D肉都係有少少肥糕, 好正; 至於個燒鵝, 當然唔會好似乳豬咁咁脆, 但是卻十分煙韌! 如果喜歡燒鵝的朋友, 大可以前來試試. 另外, 個眉豆花生唐排煲雞腳湯好足料, 而且一飲就知絕不含味精.整體說, 這裡的食物都很美味, 而且餐廳內的環境都很整潔. 雖然對很多人來說只是普普通通的下午飯餐, 不過卻出奇地感到驚

週末行完山落黎搵食，見平日開飯時間都要大排長龍既門口無乜幾個人等位，即時決定入內一探究竟。差5分鐘到下午茶時間，伙計姐姐好醒目咁幫我寫住張單先，等夠鐘再入機。我自己叫既燒鵝臂飯係全店菜牌上最貴的，無分時段一律$108，即點即上！第一啖就已經覺得非同凡響，皮燒得靚，油脂豐富，肉質嫩滑，個汁更加係無得彈，簡直另人好想大叫出黎：好juicy！阿爸叫既燒腩仔飯，我試咗一塊，皮燒得好脆，靚！阿媽叫咗碗燒鵝瀨，燒鵝同樣出色，瀨粉不是以前食開嗰種，所以唔識講。另外跟餐飲品，尤其值得一提的係阿爸點既熱咖啡係現磨的，一上檯已經聞到好香咖啡味，絕不欺場。總括黎講，好滿意既快餐！連絕少寫食評既我都即刻上黎寫翻篇讚文，希望保持出品！

就是燒鵝飯+例湯，簡單的一餐！兩碟都是上肶，油算是不多了，例湯 花生雞腳湯 不油，總算是有汁的燒鹅上肶飯，味道都可算得上中上的燒味飯，例湯喝不出有味精加料，湯只欠我一只雞腳，簡單的一餐可算足夠好味道

一上地鐵，逕步走向對面，面向車門，拿出手機不斷碌。甚麼也沒看到，腦海裡只是專心致致地嘗試冷靜。一陣暖流傳過眼眶，視線變得模糊，咬緊牙關，喉嚨感到酸軟，指頭一直在手機上掃。終於，鬆一口氣，大力地吞嚥一下。以為一切都過去，卻發現拿著手機的手有一點暖暖的。原來，淚已滿瀉，不自覺地流了下來。鬆一口氣，並不是忍住了，而是釋放了。用手背輕輕抹幾下，繼續低著頭，隨著人潮的腳步，在灣仔下車。下著毛毛細雨，腳上卻是早上經歷大雨的痕跡。選錯了鞋，看來好一陣子都不會乾。鬧市人來人往，車在馬路飛馳，我的世界卻在慢格播放。最近天氣劇變得難以適應，冷風吹著穿得單薄的我，更覺得無助、渺小，幻想自己變得越來越小，直至消失。走了一會，來到銅鑼灣。經過棋哥燒鵝餐室，每次見到新開的餐廳都會多望幾眼，目光停在掛在玻璃另一邊的叉燒。上星期去了永合隆，夾硬吃了碟不知所謂的叉燒飯。絕望過後，叉燒癮更嚴重。未聽過棋哥的叉燒如何，但經歷過最差，也沒甚麼好擔心。也是時候吃飯，重新振作。再行入些見到幾靚的燒鵝脾。以為燒鵝餐室是以燒鵝做主打，但驟眼看幾乎每枱都點叉燒。在銅鑼灣中心地段雙拼飯才$58，比起永合隆一碟燒肉飯索價$55抵食得多。燒

Lunch 同同事嚟到灣仔嘅棋哥食，好彩早嚟有位，過左陣已經大排隊啦！望下menu決定先叫個例牌燒鵝🙏🏻4人食都分到2-3件，燒得香口，望落好多油但食落又唔太膩！肉質幾淋身，送飯一流！另外叫左全日餐，冇諗到個炒蛋滑又香，蛋味十足☝🏻☝🏻而多士亦好鬆軟，一齊食口感豐富呀！餐仲包叉燒意，叉燒肥瘦適中嘅，甜甜地👅👅 同事叫左乳豬飯🐷🐷🐷皮脆肉嫩！點點乳肉醬食更出到乳豬香味😘😘 油菜就正常，有小小老

星期五Happy Friday收工梗係想食好D啦,路經見到有間棋哥D叉燒好似好正, 即刻買回家加餸位置算係銅鑼灣同灣仔既中間, 位置方便就係比D幾舊叉燒吸引到, 幾JUICY, 應該就係我鐘意既叉燒質地, 正呀外賣燒味既價錢都幾合理, 一於買埋燒腩仔回家食叉燒-$40: $40蚊估唔到都有幾多, 感覺幾抵, 而且舊叉燒都算瘦, 我最怕好肥既叉燒, 一切都以健康行先麻, 而且佢瘦得黎又唔會鞋口, 多肉汁, 肉又夠林, D蜜汁又岩岩好更吸引我地既胃口, 唔錯燒腩仔-$60: 買到回家都仲係微暖, 正呀喂, 而且皮脆, 肉多肉汁得黎唔會話太咸, 我最怕食燒肉咸到嘔咁, 棋哥D個就岩岩好總結叉燒同燒腩仔都幾高質, 下次可以試下佢D燒鵝, 做埋佢個名咁勁一定要試下

今日去o左禮頓山教堂觀禮，由於主人家之後無請飲，都係各自散。五點半完o左我同埋d 朋友一齊行番落銅鑼灣，但一個二個都有下場囉，揼低我一個……同佢地道別後，周圍擸下有乜好食。咁一枝公，都係燒味飯o架o者，於是就入o左呢間。可能因為早，餐廳未係好多人幫襯住，而且未夠六點仲有下午茶餐添，不過我好肚餓，所以想叫一個正常飯。見佢出面掛起o黎d 燒鵝又大隻又燒到充滿油光咁，好想試下，最後點o左個乳豬拼燒鵝飯($73)。d 乳豬o既皮十分薄脆，表層帶少少甜味，中間脂肪都係薄薄一層，肉o黎講都幾鬆軟，絕對比食開又鹹又實ding ding o個d 燒肉高級！梅子醬同d 乳豬固然係夾啦，但我更鍾意攞o黎送飯，貪佢甜甜地。燒鵝o既油份比頭先d 乳豬高一d，但不致於咬落會成咋油咇晒出o黎咁。d 肉仲依稀見到d 粉紅色，只係燒到o岩o岩熟，口感唔錯，對比出面有時熟得滯瘀瘀黑黑咁食落又霉霉地。隨飯搭兩條菜心咁啦，正常，無渣。跟飯有埋o野飲，叫o左凍檸水(凍飲加$3)。

呢間棋哥燒鵝位置喺灣仔近銅鑼灣就對正我鵝頸橋附近都非常方便....係一間非常出色的燒味飯店！今次我叫左個叉鵝飯再加碟燒腩仔，再加杯凍檸茶🍹先講佢燒鵝非常趣口燒到有炭爐味非常出色👏🏻真的不可不食😋叉燒容易咬口，再嚟就梗係想講嗰個腩仔啦⋯燒腩仔非常趣囗仲好好味真係非常一讚👍🏻最後再加埋杯凍檸茶真係冇得頂🤗聽講呢度平時要排隊啲燒鵝好多人外賣返屋企所以啲燒鵝仲會一早賣晒真係夜少少來都食唔到呢度啲燒鵝🙊

尋日去左銅鑼灣希慎放底部ipad去整，要三個鐘至攞得返，所以行去灣仔方向揾個late lunch 食下，一穿過鵝頸橋就見到間棋哥燒鵝餐室，前兩個月聖誕經過都未見有，所以應該超新。伙記招乎我坐底後叫左個常餐食，都唔係平嗰隻，要成$45，但嚟到好大份呀，我最後都食唔哂個米粉😅最好食係兩件牛油多士，厚多士＋多牛油，即烘即上；加上半熟炒滑蛋，將全份餐價格提升返哂；义燒米配上兩三條菜，都算大方，义燒味道一般，勝在咬口適中。走時比起我入嚟時更多人，可能係下午茶時間到，我都識做快D飲埋杯檸樂，俾返個位人哋做生意。

鵝頸橋一邊喺灣仔，另一邊喺銅鑼灣，呢間新開張冇耐嘅餐廳啱啱就喺鵝頸橋灣仔呢邊，仲打正旗號叫燒鵝餐廳，可能老闆選址都花了一番心思，原本想食個茶餐，見到好多人都食燒味，所以最後冇叫茶餐，決定跟大隊食燒味，先叫左碗冇味精嘅眉豆花生鷄腳湯，啲眉豆㷛到離皮，應該㷛左好耐先至得，喺灣仔區一碗冇味精湯$15，唔算好貴，再叫左一碟燒味雙併，喺义燒併燒肉，半肥瘦义燒，燒肉肥瘦均勻，啱曬我口味，仲叫左杯熱奶茶，夠曬熱。

搭電車到銅鑼灣見到鵝頸橋個邊有間棋哥燒鵝大排長龍！人氣非常旺，見到呢d情境我又唔趕時間~所以我都排埋一份這就是香港既特色！價錢比一般燒味店高少少，但換來既感覺卻係值得的！今次我無食燒鵝！我食左乳豬五寶飯！！賣相好靚仔，用料豐富先講乳豬~個層香脆既皮卜卜脆，好似食緊炸豬肉乾咁，唔會食到油膩既感覺。再蘸乳豬醬！味道更佳，又唔會死甜。還有切雞肉唔乾身。肉質juicy好緊要！還有咸蛋叉燒好好送飯。咸咸香香好頂癮凍檸茶整得好飲大大杯茶底味濃個湯都係正貨夠足料