棋哥燒鵝餐室

營業中

休息中

小弟第一次去試，第一服務態度很差，第二座位間隔很差，第三燒鵝及叉燒不像預期那麼好食，所謂燒鵝係食唔到有肉，名副其實皮包骨，輪到叉燒仲衰又瘦又鞋，如此水準我諗我以後都唔會再去

見呢間野開咗2間，晏晝行開見好多人排隊，咁諗做冬果日買半隻俾家人試下，已經驚凍左唔好食，就揸車去買9秒9車番屋企，點知難食到呢...成盒野仲係暖㗎，但d肉又硬又黑又鞋，皮又巢忟忟！250蚊半隻咁既鵝，真食到一肚氣！永不幫襯！大家小心啊

在湾仔見到有些少人龍排队，而且掛起来的鹅也看似对板，所以用$138買了個下莊外賣。份量俾想像中少，可能正如別的評論說的掛大鵝賣小鹅的手法。鵝是有煄煙味，懂得入廚房的人都會知道是眼見功夫，沒有什麼特別。鵝肉絕對不合格，街坊快餐店水平，絕對不能是專門店出品。收得這價錢（$438）， 而甘牌燒鵝才是$498， 根本不合格。

今日11點幾見間嘢無乜人，有同事推介咪諗住食下，燒鵝飯都應該唔會衰得去邊啦，咁就叫左個乳豬燒鵝飯，好快就黎左，但係個飯簡直令人失望，乳豬同燒燒鵝都凍嘅同埋收晒水，咬落去硬「掘掘」，食左咁多次燒鵝第一次食燒鵝係瘦到好似鴨咁，又Un，根本唔想食落去，結果食淨左一半都有，杯凍檸茶完全差到一個地步，無味嘅，呢間食肆仲用燒鵝黎做生招牌，太名不乎實，絕對唔會再黎。大家如果想食有heart 嘅燒鵝，我勸你哋揀過第二間食肆，千祈唔好山長水遠黎挑戰😪😪😪

今晚趕住做家務只能去食燒味飯，亞仔的反應係…………啊？我可唔可以唔食啲咁麻甩的飯？一個燒味飯要50個大洋，對於一個已婚男嚟講有啲貴，雙拼再加5蚊。作為一個窮L，當然係慳得一文得一文啦！全家分別叫咗义燒，燒鵝，同切雞，一於自制3拼飯，咁又慳返幾十蚊（大家唔使講，我知道我呃緊自己，多謝！）。只係叫咗普通义燒（無叫肥义因為就老婆同仔），但上碟都有少少肥，肉質非常之冧，比對面的燒味店好食，其實對面的义燒同燒肉我都好鍾意，但8點幾去到已經拉閘所以先食棋哥。燒鵝，登登登登！鵝肉是熱架，冬天食燒味最怕啲肉凍，鵝皮是脆的，而鵝肉同鵝皮都沖積住碳味，呢個味道比我食過中環的，灣仔的，北角的鵝更好味。雞都唔差，肉滑味足。食完飯燙完衫，打埋呢段食評個口好渴，我估同今晚的燒味飯有關，但我都會返轉頭。

星期6晚咁岩經過而排經常上新聞的棋哥燒鵝，無理由唔試下。6點左右既時間已經半滿，唔洗等就有位，一坐低唔洗唸即刻叫左個燒鵝瀨粉，跟餐有杯野飲，叫左熱檸茶。熱檸茶先來，偏淡。主角來了，忘記叫佢燒鵝另上，即刻叫佢俾隻碟我分開d鵝，唔係唸哂就唔好食，佢俾左翼脾我，個份量如果俾多2舊肉就岩岩好。翼脾最前既位置係我最鐘意食既位，因為皮同肉既比例係7：3，岩哂我而d鐘意食皮既人。顏色基本上都很均衡，很明顯個皮至少會有微脆，因為個皮係令身又光滑既，一口吃落算脆口，個陣煙熏蓋過哂所有氣味，你可以話佢好成功做到個效果，基本上冇一間做到佢既效果，但係我覺得可以稍微控制一下，另外肉味偏向原味，但個鵝味又唔會重，佢個醃料可以落重d同耐d。個瀨粉都算係有d爽口，湯清清的OK。門口掛出黎果d燒鵝應該係燒出來冇耐，賣相很好，佢既流量都高，所以其實都會新鮮熱辣。 55蚊連野飲，其實唔貴，可以再食。

天雨情況下被迫進此餐廳進食，我們二人進餐，卻被安排三人坐二人位置，為的只是安排多點人客就座。位置十分擠迫，職員還辯稱這是4人座位，坐下去，根本想拿起餐具進食都十分困難，動彈不得。安排調位也不可。餐具衛生情況差，同桌的另一位的白色匙羹有黑色的污跡，喚了人才更換。我們點了燒鵝飯及燒腩仔飯，另加兩碗老火湯。怎知個湯到了後，竟發現有條公仔麵在入面，但根本不應該有的。好明顯係隻碗求其洗，洗得不乾淨，心想可能是上一手的麵還在碗，就倒湯到碗內，想起都十分嘔心。之後才再換另一碗。但個湯淡而無味，好似水咁兩個燒味飯，質素好一般，得個咸味，街邊十幾元飯盒都絕對好味過這間的燒味飯。這裡漏單情況嚴重，鄰桌叫了個例牌燒鵝，他們吃了整個瀨粉了，約20分鐘，都還未有到達。再催了職員數次，才上桌。我們離開時，鄰桌的客人都說以後都不要再來這裡吃了，這也是我們的心聲。我們絕對不會再光顧。

今日去天后外賣下庄燒鹅118蚊，以為佢會俾掛在架上大大隻的燒鵝，怎知俾佢在架下掛滿細细隻鹅，同鴨一樣大的size。同佢講佢唔理你，話係咁，騙街坊太離譜，沒有誠信的店。掛羊頭賣狗肉，佢就掛大鵝賣细鵝。這種行銷手法可耻。我相信其他街坊食客往後一定這樣舉報這種冇誠信的店。返到屋企食，只有幾襾肉，皮脆但肉少又瘦冇鹅味。附加的酸梅酱只有死甜没有梅味。店員態度差，再好的店都會得罪客人，肯定做唔住。而家不斷開店有乜用，管理唔好，又騙街坊，做得住今日冇長客。

食左個下午茶餐-燒鵝賴粉，熱華田。 某網介紹過既top1燒鵝店，實際試過味道一般，可能因為下午茶，咁d燒鵝就比返相應價錢既質素啦！因為隔離枱叫左碗燒鵝脾賴（$88），聞到好香既燒鵝味！我個碗就無燒鵝香味，d肉有點韌，不過點燒鵝既醬汁幾好味！熱華田太過水，唔夠濃！

見過雜誌有好介紹炭燒燒鵝在天后, 就滿心歡喜去食燒鵝比......所以買了下庄$118回家加餸, 點之一打開只見到得一只小小比...再睇真d連一舊全鵝肉都見唔到百幾蚊得一隻小比同d骨頭即時嬲爆左!!!!!!唔知道佢地點樣堆砌成一個下庄order最衰唔記得照相 ! 本應試完好食的話就會帶屋企人同朋友去食依家唔洗諗馬上列入黑名單.

見到新開張，午飯時間來試試。等位等左15分鐘，入座，三個人，1x叉鵝飯，1x乳豬鵝飯，1x叉油雞飯，外加熱檸水，熱奶茶，凍檸茶。檸水檸茶好快到，奶茶漏單，後補。2個鵝飯大約10分鐘上枱，叉油雞飯等左接近20分鐘先到。燒鵝幾好食，皮脆，肉一般，飯比較細碟。埋單180幾，價錢味道好主觀，我淨係想話………好鬼慢啊上菜！！！！

棋哥燒鵝飯🦆($55)別看它賣相吸引，其實是個伏！原本滿心期待，心想餐廳以燒鵝餐室自稱，質素應有保證，怎料燒鵝肉鞋身，較扁身而不肥潤，既不鬆化又不夠味。而且燒鵝皮一點，一點，一點都不脆！好失望😭 竟然能做到皮燒得不脆，肉的風味也欠缺。但作為不浪費食物的好寶寶，都要勉強吃完😥食物 ⭐️環境 ⭐️⭐️1/2 服務 ⭐️⭐️1/2 價錢 ⭐️⭐️⭐️ 地址： 棋哥燒鵝餐室| 天后電氣道79-81號地下

這是我食過最差的燒鵝瀨粉！ 燒鵝有肥膏冇鵝肉， 肥膏是肉的三倍 ，有鹹味冇鮮味，瀨粉入口即散， 也不知用什麼粉來做的！ 完全是劣等貨！雖然開張不久，但地方已經很髒 ， 一路食，啊姐一路在掃地，可能是下午茶時間， 有時間便做清潔。

同事介紹依間野吃，我二話不說去左，因為日日要想吃什麼真的是一件很煩的事，棋哥燒鵝是新開的。以燒味飯來說，確實相當貴，就試下係唔係好值先。飯比較少，熱度系夠伽，女人吃都OK，男人吃可能不夠，燒鵝好好味，有炭燒的香味，很少可以吃到依種香味。鵝肉很嫩，皮脆又香。而且夠肥美。熱檸檬水，檸檬很新鮮。因為新開，都坐得好舒服。

今日去完中央圖書館，見餓餓地，就行左去好多野食嘅電氣道搵下有乜好野食啦～行過一間賣生煎飽嘅鋪頭，見入面淨係得企位又仲有好多人喺出面排隊😩本來都想試下，但實在太肚餓喇，唯有去其他鋪頭食。最後行到去街尾就發現到今日嘅目標，主打食燒鵝嘅鋪頭！☝🏼反正好耐冇食過燒鵝，就會佢一會啦！一入到去，全院滿坐，好彩仲有一張細枱～😎店員就安排入座，見到個餐牌上面有茶餐選擇，咁就揀佢試下啦！另外，見燒鵝咁出名，又試下個瀨粉～落單時，店員同我講冇瀨粉，叫我轉米粉，好啦，有得食就得，轉就轉啦。😐等左一陣，個茶餐率先跑出，好快就送到我面前。🏃🏼 首先登場嘅係【炒蛋多士】🍳但炒蛋炒得太熟，放上去塊厚多士度冇我想要嘅效果，有小小失望😕跟手就食埋過【叉燒意粉】，好好食呀！👍🏻係半肥瘦嘅叉燒，食落蜜汁味濃，肉質就完全唔柴，肥瘦適中。滿心期待嘅【燒鵝米粉】反而有小小失色😥雖然燒鵝嘅炭香味非常特別，同其他炭燒燒鵝好唔同，但可能擺得太耐，皮已經韌左，肉亦都係涼嘅，同一般快餐店出現一樣嘅問題。但就喺我差不多食完嘅時候，我聽到隔離枱同樣嗌瀨粉😨唯一唔同嘅係店員竟然冇叫佢轉米粉，瀨粉又有返貨喇我真係非常唔好彩食唔到期間限定嘅瀨粉。😖