梨滿園韓國料理

營業中

休息中

有十年以上無寫過食評，不吐不快。。。。昨晚7:05到此餐廳，當時餐廳滿了9成左右，還有2，3張吉枱，拎左飛等入座。等到7:40，好多人埋單，嗰幾張吉枱由3張變到5，6張都唔比人坐，問職員話未得。。？！眼見佢哋人手不足，亦唔知佢哋如何安排，都默默選擇體諒。。。7:50喺我4歲小朋友等到唔耐煩既時候，佢走去問個職員點解有位都唔比人坐，職員表示 未得，哈哈。。。。😅我同小朋友講咁不如去隔離食，職員表示好快，另一個職員發現就話我哋可以入去坐哪，其實嗰張開枱一直都吉左喺度。。。。。同職員表示要 「精選」，就比左個QR code我哋嗌嘢，我先生話唔知點解可以嗌 頂級既嘢，我話可能個app係咁，我哋就避開嗌 頂級既嘢食，食物質素一般，食開放題都知係咁尚下，無特別。。。埋單時候，見到帳單寫住要收我 頂級 價錢，原來呢度個銷售手法係咁屈人，同職員表示嗌嘅係精選，佢話精選同頂級個QR code唔同，我話我唔清楚，叫職員check返電腦，我哋並沒有嗌頂級的食物。佢話點check😅😅😅😅我話睇電腦囉，佢見講我唔贏屈我唔到，就黑面，叫多兩個職員嚟凶我，我嗰下真心覺得好唔開心，大庭廣眾隔離枱聽到以為我無錢比，真心

今晚同朋友興之所知，好想吃下韓燒野食，上網看去那間吃，選今晚這間吃，大家未試過科學園餐廳吃，環境真不錯，卡位舒適寬倘，開始掃二維碼點食物三文魚手卷手卷細細，入口好有口感海帶湯好有海帶鮮甜香味，海帶爽滑韓式蛋卷入口嫩滑好有蛋香味，菜好爽脆韓式炒年糕爽滑，軟軟硬硬，好有口質感迷你海鮮煎餅煎得好香口，好有海鮮味海鮮類半殼青口，半殼帆立貝大隻厚身，好有鮮海水鮮味雞翼特別香雞肉味，好嫩滑豬大腸好霖，爽脆彈牙腸類紐倫堡腸，厨師腸軟熟滑，好香肉腸味刺身三文魚，吞拿魚，白玉腸，立魚醋青魚，白玉貝每片都厚身，入口好滑，好有海水鮮甜味粟米好香粟米味，入口唰唰聲肉類豬肉，雞肉特別香豬同雞味，肉有厚度炸物炸雞，春卷炸得脆卜卜，好香口芒果雪榚好香芒果味

在科學園工作的食友引路，得知這家韓國菜館，全日皆有套餐多款及九十分鐘幾十款菜式韓燒放題😊一於開懷大吃放題，座位寬敞室內樓底高，光線充足，侍應即時奉上配菜， 蔬菜，蒜片及點菜用二维碼😊决定先嘗多款牛肉， 包括橫隔膜肉，牛肩肉，牛板腱 ，一口牛粒，牛仔骨，牛肝，其中較喜好牛仔骨的冧滑肉味足，少見的牛肝薄切輕烤即食，入口爽脆有嚼感😋再來一道牛舌及海鲜，牛舌一燒即熟，入口甘香，生蠔及帆立貝質量好又新鮮，烤熟比生吃更有口感😋火熱燒烤過後，來了一碗涼食水冷麵，冰凍微甘的湯汁配彈牙的韓國麵及醋醃過的蘿蔔薄片，正好消散韓國烤肉熱氣，好好的選擇😋再吃了一杯蜜瓜雪糕便完结這頓滿足的韓國烤👏

科學園越來越多公園落成，餐廳的種類也越來越多！今日踩單車到科學園，順便食晚餐。來到梨滿園食烤肉放題，一個價錢任食靚牛加海鮮，仲有一大堆韓式料理可以任食！不得不讚餐廳裝潢非常明亮，不會好像一般烤肉店油淋淋，卡位坐到非常舒服我哋選擇的放題套餐包含海鮮，除了肉類及海鮮類，各款韓國美食也是可以任叫。採用電子下單， 十分方便！先點刺身做個前菜，想不到韓燒的刺身質素都不錯，三文魚好肥美！大部份傳統韓式料理都有提供，豆腐泡菜湯非常好味用石鍋熱辣辣上菜！而且非常足料，忍不住學了兩大碗泡菜煎餅都非常不錯，薄餅鬆軟，但邊緣煎得香脆，雖然是放題，但質素媲美外面的韓國餐廳單點的質素！韓式蛋卷都有得食，種類真的很多！餐廳更有提供新鮮生菜及蒜頭，配合肉類一同進食，又地道又健康肉類方面非常有驚喜，牛肉油脂分布平均，想不到放題都有這個質素當中韓牛肩肉及韓牛板腱肉最好味！牛肉味勁香除了牛肉之外，豬頸肉、牛仔骨、豬大腸等選擇都有！牛仔骨醃非常入味，推介海鮮方便主要是青口、海蝦、帶子及生蠔，扇貝非常大隻，如果喜愛食海鮮的話輕易就可以翻本！海蝦非常肥美，而且竟然有膏，實在驚喜

同家人去了科學園逛下， 入夜肚子開始餓了， 但唔知食乜好， 經過科技大道西的梨滿園韓國料理， 見餐廳內裏尚算寬敞同埋都幾多人食， 於是就入去食晚餐。因為天氣熱，所以没有食這餐廳主打的韓式燒烤放題， 而吃了晚市套餐炆牛肋骨牛肋骨和配菜 (紅蘿蔔和白蘿蔔)都炆得很軟稔，而且很入味人蔘雞湯跟我以前食過的人蔘雞湯不一樣， 沒有糯米，蒜頭 栗子，紅棗，京蔥等，只有雞和人蔘， 比較單調， 且雞肉比較鞋口，但雞湯尚有人蔘味。韓式炸雞外皮鬆脆， 但內裏雞肉比較乾，不夠juicy。

呢間餐廳開左一段時間, 見今日經過唔使排隊就試一試佢餐牌上的價錢親民,完全唔進取呢個都應該係令佢經常於午市時間要排隊原因分別叫左一個韓式拌雜錦飯($62) + 黑豚肉炒飯($63)飲品需要另外加 $5 入座時候, 樓面姐姐會放低4格前菜等待時間約十分鐘等待期間唔好期待有人招呼你 (個個人都好忙)熱水自助, 自己拎炒飯一到, 被佢個賣相笑左似茶記炒飯多D … 說好的韓式料理？！所謂的黑豚肉其實是全部白雪雪的肥豬肉另外, 雜錦拌飯雖然冇賣相可言但相對實際得多主要都係靠辣醬另佢有味唯一可取的地方是飯量都幾大地盤佬都可以食得飽除非好肚餓, 否則沒有意欲食第二次了(笑)

星期日雖然很熱但實在太喜歡吐露港的風景，於是便和Honey去踏單車。踩完一個鐘一定要充充電。知道科學園有不少餐廳選擇，便去逛一逛。見到這間韓國餐廳午餐至5:30，我們差不多五點到還趕得及吃午餐。午餐的款式十分多，有幾十種，燒牛肉豬肉牛肋骨、配各種材料的石頭鍋飯，連韓國最著名的人蔘雞湯飯都有。我今天不想吃飯，叫了韓式餃子湯麵，十分好味。湯底清清的，餃子是扁扁的韓國特色餃子，皮薄餡料多，而且細細隻，食落不會過滯。麵底是韓式的，不是普通的公仔麵，食落煙靭，伴以大量新鮮的蔬菜和溫泉蛋吃，十分美味，我很喜歡😘牛肉粉絲雜錦鍋的牛肉大大片，而且份量不少，加上有很多的粉絲和菜，淨係食這個鍋也不用吃飯👍🏻飲品方面也有很多選擇，有生薑茶紅棗茶柚子茶等。我們踏完單車當然要喚一個消暑解渴的冰凍檸檬茶🥤🥤價錢方面真的很抵食，我們叫的午餐都只是60多元，而且這間餐廳坐得舒舒服服，服務又好，但竟然不收加一，下次我們必定再來！

落咗幾日雨，凍凍地，搞到好想食韓燒， 所以就揀咗呢間係科學園嘅韓燒店。 首先要讚一讚佢嘅環境， 坐落好闊落，抽風好，食完都無成身油煙味！呢到嘅刺身媲美好多日本餐廳，特別推介個劍魚腩，好新鮮同好大舊！我哋點咗幾輪刺身。海鮮方面都好多選擇， 我點咗扇貝同生蠔，件件都好大份， 非常鮮甜！值得要讚嘅係，通常燒完海鮮之後個爐都會污糟，店員會即刻幫我哋玩一個新嘅，呢點值得讚賞。牛肉我哋揀咗頂級嗰款，油花比我想像中多，入口即溶，我都忍唔住食咗幾碟。除咗牛肉之外，薄切牛舌都好正，好有口感，非常爽脆。最後要介紹既係海鮮煎餅，佢係煎得非常之香脆，我哋最後食咗三塊，海鮮煎餅必食。

今晚去左食韓燒放題，環境比一般韓燒放題更光猛，感覺好舒服乾淨，唔會油苙苙⭐️而重點係食物非常新鮮好食碟牛肉有1️⃣美國橫隔胸肉、2️⃣美國牛肩肉、3️⃣美國牛板腱目測已經好新鮮，肉呈鮮紅色⭐️其實咁樣我都分唔出咩肉打咩肉不過就全部都好香牛味，而且厚薄岩岩好好有油脂香，但唔肥膩‼️燒3分鐘就食得雞腎都係必食的，加左蒜油、黑椒調味，非常爽脆，燒完好有滿足感覺得自己燒得特別好食鍾意食牛嘅都唔可以錯過牛仔骨一食就已經令人心心眼，肉質一啲都唔韌，非常鬆軟惹味至於海鮮呢‼️除左海蝦、半殼帆立貝外，其他海鮮都可以唔駛叫嚟食半殼帆立貝有驚喜，係有鮮甜味的其他海鮮就……淡而無味！同埋金菇肥牛嘅肥牛薄如絲睇落已經唔太吸引，放上烤盤好快就燒到乾柴……不過燒金菇就勁好食所以啲肥牛全部都被落選燒茄子、燒翠肉瓜真係要encore再encore厚切五花腩嘩呢個五花腩好有油脂香，肉質完全唔鞋包生菜一齊食好正其實仲有好多熱食的，不過實在太多野食了，無時間食其他野，我淨係食左辣豆腐湯🍲雖然唔係韓式味道，但味道都唔差的❤️似西式羅宋湯+辣+配料😆炒什菜

烤肉放題90分鐘，17:59:19入店，19.20未到時間，服務員開始催促離開。說後面還有客人，並把烤爐關閉，態度差。食材品質一般，三文魚不新鮮。炸魷魚味道好，推薦。總體性價比不高。

行過科學園三期，發現原來都多佐幾間食店😍鍾意食燒肉嘅我晚餐時段就同屋企人去佐呢間✨梨滿園韓國料理🥩食韓燒🤭餐廳分別提供✨精選韓式燒烤 同✨頂級韓式燒烤 兩款放題套餐食物種類都幾多，有齊肉類、丸類、蔬菜類、炸物、湯物/湯麵、石鍋飯、壽司手卷、同韓式小食等而✨頂級韓式燒烤放題 仲會多7款頂級牛肉、海鮮 同 刺身🤭咁多款牛肉當中 ，我覺得牛板腱、牛橫膈膜同牛舌嘅肉味最香濃 👍🏻特別仲有海鮮類嘅🦪生蠔 同 帶子，大隻得嚟仲幾肥美 🤭 整體食物質素都唔錯☺而且晚市時段咁多嘢食都係 $228一位，仲食足90分鐘，真係相當抵食丫🤭👍🏻

同家人想搵間舒舒服服，而且又可以任食放縱下，就揀左呢間韓燒試試佢。今日平日晚上$228 可以頂級韓燒放題🤩用餐時間90分鐘，可以QR code 落單，等野食黎時間大概5-10分鐘。真係好多款肉可以揀🤤其實都唔太識分咩部位，但啲牛肉以咁既任食價錢係抵食👍🏻好香牛味，而且軟硬適中，都juice🤤🔥👍🏻用埋佢一早預備好既生菜&配菜包住食，正正子🤤🔥🫶🏻叫到成枱野食，好有畫面要影抵佢，好開心有咁多選擇，咩都想食咩都叫啲啲試試🥰熟食亦都有好多選擇（多得誇張）炸物、魚生、韓式飯、炒粉絲、煎蛋卷⋯⋯炸豆腐都皮薄外脆內軟🫶🏻因為家人想食石煱飯所以叫左個牛肉石煱，黎到成枱食物再黎多個飯😳而且個飯仲要真係認真平時叫既size, 而且真係好足料（抵！），好適合一家人一齊分。真係食得好飽啊！佢仲有雪糕我地都食唔落了😛總結：呢個價錢又有咁多選擇一家人食飯真係好開心！可以滿足哂唔同人喜好，咩都有得食。💡 最抵食係啲韓牛，真係有牛味好香，燒起上黎好野味🤤🤤鐘意食牛肉既朋友就更加抵食了！

上次去過科學園後感覺真的很悠閒舒服，今次決定要試一試梨滿園韓燒。我和朋友選的是頂級韓燒放題，這個價錢比較抵食，有海鮮有靚牛和各式各樣的魚。首先點了特色小食，韓式紫菜包飯，這個紫菜包飯有一塊肉，味道鹹鹹的，不用醮醬油也很夠味道。韓式芝士炒年糕，這個份量比較多，面層舖了一層芝士，非常飽肚。豆腐辣湯也不錯，豆腐很香滑軟嫩，整個湯都充斥著牛肉味，喜歡牛肉的人不防試試，帶點微辣，味道不錯。脆炸雞翼，這個很推薦，因為是即叫即炸的，炸得香脆可口，很有韓國炸雞風味。美國橫隔膜肉非常入味，燒起來香噴噴的，味道香口，必食的一款。牛板腱，牛肩肉，一口牛粒，都很有牛肉味，經過鐵板熱力烤煮，牛油都迫出來了，非常惹味。燒的生蠔又有另一番風味，主要還是蠔味不變，還更添香濃。帆立貝超滋味，不得不吃。除了海鮮和牛肉，我覺得杏鮑菇和翠玉瓜都是推薦之一，這些都吸收了鐵板上肉汁的味道，清淡之餘又帶點肉味。任飲任食限時90分鐘，我覺得時間是足夠的， 我和朋友都食得非常飽和盡興。

科學園以前係美食沙漠，而家多咗好多新餐廳，尼間韓國嘢都算係幾鍾意嘅餐廳💗💗晏晝嘅時候就會做定食，成日都要排隊㗎！夜晚就有韓燒或者韓食簡~~一坐低店員就會擺底幾點前菜，唔夠可以再叫。⭐️頂級韓牛肩肉同牛板腱肉你兩隻肉都冇醃過嘅，可以食返肉嘅原味，望落色澤好靚，油脂分布好平均，配埋生菜、蒜、韓式肉醬一齊食就可以中和返油膩感。⭐️牛仔骨呢個係我哋瘋狂encore，因為肉質好柔軟，醬汁調味都幾好。⭐️海鮮種類都多，有蝦、帶子、魷魚、元貝、蠔，但係就冇醃嘅，可以按照個人口味去調味，我覺得最正係元貝，因為都幾大隻，燒完都唔會縮水。⭐️刺身韓燒麗講得好佢嘅種類都算好多，有老是常出現嘅三文魚、吞拿魚、白玉貝、白玉豚、立魚，放題質素都算OK嘅。⭐️雪糕有兩隻味：芒果味、芋頭味，應該就係維記雪糕，自己鍾意芋頭味，好香濃🥰成間餐廳最欣賞嘅係服務質素幾好，坐低又舒服，店員都好主動幫手換鐵板。另外都有好多韓式料理，我哋就冇乜點嗌啦，食牛都好飽😂 $228有咁多嘢食，又高質都好抵啦💗

已經有4,5年無去過科學園了，知道近年那裡開了很多食肆，所以今次專程去走走。來了一座比較新的大廈，地下和一樓開了很多不同的餐廳，因這裡面積大，所以周圍設有很多座椅，可供遊人休息。看到有間韓燒放題餐廳，內裏光線充足，裝修簡潔，坐位也很寬敞。我們選擇了放題，一坐下店員已送上一籃新鮮生菜和燒汁醬油。放題是自己可任點食物，店員會將食物送上。食物選擇很多，燒物以美國牛為主，所以有很多牛的不同部位，如橫膈膜肉，牛肩肉，牛板腱，安格斯一口牛粒，牛仔骨，牛肝和牛舌等，海鮮有海蝦，蠔，帶子，帆立貝和魷魚等。還有很多熱食如湯類，韓式年糕，炒粉絲，海鮮蛋餅，拉麵和石鍋飯等。另有幾款刺身可選。飲品是在雪櫃任取汽水。最後當然唔少得有雲呢拿和香芋兩款雪糕。我們點了很多東西慢慢燒！肉類方面最喜歡牛肩肉同牛仔骨！肉味濃郁而且很juicy! 本身已有調味很不錯! 海蝦大大隻，蝦肉爽甜! 熱食最愛是大醬湯，湯料有很多海鮮和蔬菜，十分鮮甜。海鮮蛋餅煎得外脆內軟，餡料豐富很好味。最後食埋兩款雪糕才完結。這餐真的很盡興！邊燒邊聊天，真是享受！