梨滿園韓國料理

我們到香港科學園參加活動後，傍晚順路在「梨滿園韓國料理」吃任飲任食燒肉放題。價錢很實惠，而且五位送一位就更吸引，今晚韓燒主攻牛肉，細味後很推介：美國橫隔膜肉~又稱封門柳，是牛的胸腔與腹腔之間的肌肉，肉味濃郁、軟嫩多汁且脂肪比例少，是健康的首選食材。美國牛肩肉~是取自牛隻前肩胛，肉質嫩滑， 含有豐富的油花和間隙脂肪，適合香煎和燒烤。牛仔柳扒~是於牛隻的腰脊內側，肉質極為柔軟，而且油脂含量極低，也是我最愛吃的部位之一。薄切牛舌片~肉質爽滑可口，豐富的油花令味道更香濃。豬頸肉~又叫肉青，是豬的面頰至下顎之間帶有脂肪層的肉，肉質較結實而略帶有韌性，吃起來爽脆又有彈性，而且肉味濃厚，又有豐富油份，所以我們首先會燒烤豬頸肉。 帶子和海蝦~，除了燒肉又怎會沒有海鮮！炸物推薦：酥炸魷魚~、酥炸雞翼和酥炸豆腐，下單即炸，熱騰騰、卜卜脆，雞翼還有豐富肉汁。…查看更多

科學園性價比極高韓燒  — 梨滿園韓國料理，人均只需$260！餐廳內光線充足，座位之間空間闊落，用餐過程舒適，最怕餐廳光線昏黃，根本判斷唔到食物生熟程度。飲品同雪糕都係自助，飲品櫃非常大，茶、果汁、汽水，仲有獅威啤酒任飲。坐低後店員先送上生菜、蒜頭、豆瓣醬及三款小菜 —  泡菜、菠菜、芽菜，小菜清新解膩，豆瓣醬開胃，生菜、蒜頭免費任添。Qrcode落單簡單方便，無出現過漏單情況，除左豬牛雞海鮮蔬菜可以燒，仲有刺身、壽司、韓式小食、前菜、煲類、炸物、主食可以叫，選擇多到兩個人都食唔完全部，好彩份量唔算大，我地盡量試唔同食物。大多數肉都醃過，無需再額外加調味，不過餐廳都有比兩款醬汁大家。雞腿肉已經去皮，燒過後肉質依然滑嫩。美國牛肩肉，油脂分布均勻，肉質比較結實。當日肉類MVP絕對係美國橫隔膜肉，口感軟嫩，咬落有肉汁，而且肉味濃郁。青口、魷魚肉質飽滿，帶子即使切半後都覺得厚肉。蔬菜有南瓜、粟米、薯仔、茄子、洋蔥，其中杏鮑菇同翠肉瓜忍唔住叫咗幾次，大件燒起上嚟唔乾身，咬落有汁刺身厚切，新鮮肥美無腥味，其中以三文魚最為出色。海鮮煎餅用料好足，食落唔油膩。紫菜包飯可以一嚿嚿咁叫實在太好，試到又唔驚食得太飽，肉同菜都塞得好滿，同飯嘅比例啱啱好，而且壓得好實，唔會散開。最後仲叫咗大醬湯，送上嚟嗰陣仲滾得好激動，材料仲多過湯 ，有肉、豆腐、大蔥同瓜，味道濃。當日仲有五人同行一人免費優惠，極吸引冇諗過任食放題嘅韓式料理質素都咁高，唔會比外面嘅專做韓國料理嘅餐廳差。當日有兩位服務員都非常盡責，經過見到我哋張紙燶咗，主動提我哋唔好再放食物上去，等佢哋換完張紙先繼續，送熱食上嚟嘅時候又提醒我哋小心。…查看更多

今次試咗幾款唔同嘅肉同海鮮，整體都OK，冇伏，食得幾滿足。最後仲有雪糕食，算係一個唔錯嘅收尾。 美國橫膈膜肉橫膈膜肉幾好咬，唔會太韌，燒到少少焦好香口。點埋佢哋個醬汁仲好味，值得試吓。 美國牛肩肉牛肩肉肉味幾濃，肥膏唔算多，但燒完都唔會鞋。簡單落啲鹽已經好好食，鍾意原汁原味嘅人應該會鍾意。 美國牛板腱牛板腱中間有條筋，食落幾有咬口，但唔會太硬。燒得好嘅話仲有肉汁，點啲辣椒醬仲開胃。 美國牛仔骨牛仔骨甜甜哋幾好味，肉質都算淋。雖然要啃骨有啲麻煩，但味道真係唔錯。 牛仔柳扒呢塊肉比較瘦，但燒到五成熟都幾嫩。冇乜筋，食落好方便，啱晒怕肥嘅人。 豬頸肉豬頸肉肥瘦適中，燒到脆皮最正。點辣醬或者包生菜食都得，風味十足。 帶子帶子幾新鮮，煎到外脆內軟。味道清甜，加少少檸檬汁仲正，海鮮控必試。 帆立貝帆立貝幾大粒，燒完之後彈牙得嚟唔會老。蒜蓉牛油好夾，完全冇腥味。 炸雞炸雞皮脆肉嫩，調味剛剛好，唔會太鹹。記住要趁熱食，凍咗就冇咁好食。 炸豆腐豆腐外脆內軟，豆味好香。點豉油或者甜辣醬都得，可以平衡返其他肉類嘅油膩感。 甜品：維記雪糕（雲呢拿味、芋頭味）雲呢拿味就係經典嘅雲呢拿雪糕，奶味幾香。芋頭味有淡淡芋香，兩款都唔會太甜，食完燒肉食啱晒。 …查看更多

午市餐豬肉炒粉絲，沒有一塊瘦肉，沒有一塊瘦肉，沒有一塊瘦肉，全部白花花肥肉，沒有辦法入口，之後吃了一盤炒粉絲。店員說，我們用的是五花腩。行吧，沒法入口的五花腩。各位看官自評吧⋯⋯…查看更多

🌗Dinner以前都有喺科學園返過工，估唔到開咗咁多新餐廳！其實科學園成個環境本身都好舒服，同埋餐廳嘅位置都好鬆動，環境好重要👍！佢韓燒有得揀兩款，因為我都鍾意食海鮮，所以揀咗頂級韓燒($248 一位，另加一），佢比精選韓燒只係貴$40，但係就有埋刺身海鮮同埋牛肉肉會多啲選擇！想講呢間餐廳真係性價比好高，平時出去食韓燒除咗肉類嗰啲，通常係得啲小食，配菜嗰d。但係佢呢間啲石頭鍋飯拉麵烏冬同埋唔同種類嘅湯，唔單止種類多同埋都係任食！😍😍今次我都係咩種類都叫咗啲，佢個豆腐辣湯啲海鮮都足料，同埋份量完全唔會孤寒🥹！同埋今次都叫咗唔同牛，同埋我最鍾意食嘅海鮮！帆立貝同埋帶子，佢都係幫你起好咗勁大粒同埋食落都好新鮮！😋 叫咗小食雞翼同埋炒雜菜，上菜嘅時候都係熱辣辣，係真係即叫即整，唔使驚因為任食嘅，啲嘢食就擺咗好耐！📍 梨滿園韓國料理 (沙田) - 沙田白石角科技大道西17號香港科學園17W大樓1樓RT105號舖…查看更多