梅花邨小館

營業中

休息中

The food is always consistent when we visit this awarding restaurant with a humble traditional setting. This time i brought along with my friends to try this restaurant again. Our favorites are the braised slice goose meat, fried chiu chao noodles and satay beef!! The braised slice goose meat is very juicy and fresh. Their chiu chao noodles and satay beef are significant chiu chao dishes. Their chief cook them well and taste is amazing.We love going back there for dinner as the dishes taste grea

梅花邨以前只知北角有，食打冷食潮州嘢呢一間算傳統，原來長沙灣都有間分店。🖍呢度除左餐牌上潮州菜，仲有特別炮製巧手私房菜要提前預訂(一帆風順鷹鯧魚、石榴雞) 🖍前菜咸酸菜好味到可以食幾碟。🖍呢度滷水做得出色，滷水拼盤必食。🖍椒鹽墨魚條，炸得酥脆彈牙🖍粉絲蝦煲，上檯熱辣辣、粉絲入晒味🖍一帆風順鷹鯧魚，造型似帆船，魚肉封煎、肉質夠嫩、條骨拎去椒鹽都啖啖肉🖍甜品「反沙芋頭」，即叫即做，外層比砂糖包實，入面熱辣辣，芋頭又夠粉。🖍菊花石榴雞，用來包裹餡料的蛋白皮極考功夫，入面包住雞肉、馬蹄、蝦仁等材料，鮮嫩不膩。🖍蝦乾鮮竹浸勝瓜🖍瑤柱魚香炒桂花魚肚🖍招牌沙嗲牛河🖍鹽焗花螺，上檯再用火燒下，熱辣辣好鮮甜，入面可以放隻雞去焗，但師傅話我地食吾曬，叫我地唔好😂到最後真係飽到食吾晒..❤️呢間係傳統嘅潮州小館位於長沙灣內街，舊式裝修，上下兩層樓上雅座，光猛地方乾淨企理，今日有緣見到老闆坐陣冇架子、侍應都有禮，上下一心有講有笑，值得一讚。食物份量正常，吾叫特別野價錢亦唔算貴😊😋 ❣️Pan Fried Chinese silver pomfret❣️Deep-fried Taro chip coated with

食物味道: 我覺得唔係所有菜式都好味，所以要揀適合自己心水嘅口味，例如：「蜜餞梅花骨」係廚師推介嘅菜式，亦獲得好多食評讚賞，所以叫咗一客試吓，但我覺得平平無奇，唔係個人嘅心水，反而比較少人品題嘅「反沙芋頭」就做得好有水準，即叫即做，上枱熱辣辣，芋頭又粉又香。食物份量: 幾大，以四個人一碟係綽綽有餘價錢: 唔貴，都係大眾化嘅價錢環境: 從比較老舊嘅裝修睇，呢間係傳統嘅潮州小館，並非新派食肆，不過地方都算企理乾淨。服務: 老闆、侍應和廚師都斯文有禮，值得一讚回頭指數(10分滿分): 8分

知道哩間潮州菜好耐，今日book左食午餐。鋪仔吾大，大概10多張檯，好在夥計一早叫我地訂位，到12點20都坐滿啦。服務OK啦！餐具都幾乾淨，有主動比熱水你洗。優點-午餐吾加一- 上菜快- 調味幾好啦- 防疫工作算OK啦！改善點-所有炒野都太多油-性價比不高-潮州野吾算多同好。蜜餞梅花骨（$88）3分- 排骨帶肥幾淋，蜜餞味吾強，但整體幾好味，可惜系排骨無乜鮮肉味。韭黃炒青衣球（$118）4分-碟頭夠大，韭黃炒得幾爽，魚肉又厚，魚味都OK。滷水鵝片（$138）2分- 鵝肉幾鞋同無鵝肉味。滷水鵝同豆腐都吾入味。招牌肉碎粥（$58）2分- 菜牌寫蠔仔肉碎粥，原來無乜蠔仔同方魚，大部分就系肉同紫菜，以咁價錢去滿樂都食到，絕對吾值得。以一家潮州菜館，可以話系幾失敗。梅菜肉碎炒飯（$60）4分- 熱的時候幾好味幾香口，超得一粒粒，凍左一震已經吾好味，但肉碎吾多，用來檔午餐就可能無料到。

荔枝角食肆選擇多，這天想和同事坐久一點，便從荔枝角往長沙灣方向走，來到這間梅花邨小館吃午飯。時間尚早，餐廳還不是太多客人。聽介紹這裡是吃潮洲菜，午餐選擇也有滷水鵝菜式。不過怕鵝毒，我們便點了滷水五寶飯。午市套餐包飲品一杯，今次試了柑桔蜜。柑桔蜜有點驚喜，因為沒想過是咸柑桔，比普通餐廰提供的韓式柚子蜜多了份正氣柑桔蜜不會太甜，味道剛剛好 (圖中為未搞均的樣子)當日店內都有多枱食客叫了這個五寶飯，五寶飯有豆腐﹑紅腸﹑蛋﹑豬肉﹑豬耳，頗豐富。白飯配上滷水汁，不會太乾。

今次幫襯一間位於長沙灣的小店，地點有少少唔就腳，入面裝修幾靚，小店黎講算係企理乾淨，不過講到尾最緊要都係D野食OK。點了蒜香骨、小炒皇、蝦醬通菜同埋椒鹽鮮魷四樣野，不過個通菜無影到相。我覺得幾樣野入面最好食係小炒皇，又乾身又夠鑊氣，D腰果同埋韭菜花都好正好好味。椒鹽鮮魷都好食，D粉漿唔會太厚，魷魚又及夠新鮮彈牙，用黎餸啤酒真係好正。至於個蒜香骨就一般般，個蒜真係唔係好夠香，而舊骨就真係無乜肉。整體黎講都算係唔錯，值得一試。

經朋友介紹下去左哩間餐廳試 估唔到有驚喜本身只係抱住幾個朋友約埋去食下中菜既心態 應該都係正正常常 無咩特別 點知佢出奇地好食環境寬敞 員工有禮貌 不過稍為覺得個位置有啲隔涉

星期五收工，約咗幾個好友一齊去打冷飲啤酒。有人介紹梅花村，話呢度啲打冷幾正宗，抱住一試無妨嘅心態，山長水遠由港島南去到長沙灣試食。試食咗幾樣野，包括豪餅，滷水拼盤，蝦棗拼蟹棗，小炒王，鵝片，鵝腸。味道黎講，尚算可接受，但係一定唔突出。印象最深刻嘅一定係豉油王鵝腸，份量唔細，肥膏香口，鵝腸爽脆。值得推薦俾各位。至於其他菜式來講，味道只屬一般，價錢亦都唔算太便宜。環境方面，一早已經book咗枱，但係侍應仍然安排我哋坐喺樓梯位， 不太理想，好多人行嚟行去，明明見到仲有其他位，亦都唔會主動安排我哋轉枱，有啲失望。值得一讚嘅係，食到最尾，侍應會睇我哋仲有10分鐘左右要離場，亦都會主動奉送甜品。

朋友話呢間好食，不過地點有少少吊腳，位於長沙灣地鐵站同荔枝角地鐵站之間，所以一直的唔起心肝去試，不過今日終於試了，整體感覺都OK，順係精緻D的潮州菜，正想野，不過都坐得舒服。一行四人點了6樣野︰鹵水拼盤、川椒雞、蠔餅、鹵水鵝片、芥蘭同埋椒鹽鮮魷。6樣野最有驚喜就係個鹵水拼盤，而當中又以個墨魚最出色，可惜得4片，一人一片，另外豆腐都好食。川椒雞同蠔餅都唔錯，川椒雞有炸珍珠葉拌碟，真係好開心，因為出面唔係好多地方食得到。蠔缾唔太油，D蠔都新鮮，不過略嫌唔夠多，如果多少少蠔就更好了。鹵水鵝片有水準，個鹵水汁幾好，夠香，唔係一味得個咸字，鵝片就肥肥地，接受到。碟菜就正正常常啦，無乜特別野要講。成晚最差就係碟椒鹽鮮魷，真係估唔到一個相對簡單嘅菜竟然搞成咁，真心差。

很好服務好好食的潮州菜仲要係收AE卡下次一定叫埋爸爸媽媽過嚟食特別係滷水拼盤最好食豉椒鵝腸最出色！！！！！！！！連菜汁都可以撈飯打冷潮州嘢一定要過嚟呢一間食最傳統最有味道

梅花邨 環境清雅 點菜好快上枱 有招呼 茶位$5@但冇得揀茶葉款式 大熱茶還可以下午茶時段客較少 用app打折後較抵食前菜 咸酸菜~ $10 甜甜微酸 開胃除膩推介椒鹽九肚魚~ $90 起咗骨至炸 用心制作 香口脆脆唔腥推介招牌肉碎蠔仔粥~ $58 (中碗)蠔大隻 份量4碗仔 加咗紫菜更香 少咗芫荽梅菜扣肉~ $90份量足 醬汁好味 惟豬肉顏色偏紅 煎蠔餅 $85 蠔大隻 鮮味 唔腥冇碎売 處理很乾淨唔似廟街食嗰種半煎炸 或叫蠔仔煎旦較貼切味道好 8吋圓薄旦餅 份量唔大滷水鵝肉併鵝腸~ $125 鵝肉肉夠淋 略嚡 微腥 滷味淡鵝腸鮮 少少膏夠肥美但滷水汁味一般 淡口 唔夠老滷嘅味道沙嗲牛肉炒河~ $78 牛肉淋嫩 河粉很油 肥膩感 冇伴菜杏汁豬肺湯~ $68 1位(盅)湯味淡 少少杏香 豬肺淋 1夾爛 很一般

因為在富X保險用積分換的Eat..go $50現金劵在12月尾到期,但香港每日的染疫數字一直高企, 所以還是選星期一, 加上一個少人的時段到長沙灣梅花村小館吃一個"早"晚餐. 16:00入去, 16:50埋單, 極快完成呢一個晚餐並離開.仍是叫咗上兩次食過好食的菜式, 包括滷水鵝肉(有肶位及鵝背, 有肉又有骨, 好食),椒鹽九肚魚(共有15件, 真的好食, 好食, 好好食!!!)招牌沙嗲牛肉炒河(沙嗲汁味濃, 好想整多個烏冬撈撈汁),梅菜扣肉(今次色水好對辦);另外叫咗兩個新菜式, 蜜餞梅花骨(排骨鬆化但呢個汁真係過甜), 潮州炒麵缐(炒得冇油又好镬氣, 但係料頭太少了, 比較失望)為了不浪費在疫情下都敢出街食飯,仲要6點就冇得堂食,咁就盡量叫多啲餸來食,我們呢一餐食咗6樣東西, 我諗都不負大食姐妹的花名

呢排時常去明愛，經過呢間門面不大啲潮州菜館，終於喺星期六一試，3個人叫咗5個餸一個粥，都係$7xx真係抵同值，如果去潮x春一定唔止呢個價錢同質素👍鵝片鹵水味雖然唔夠濃，但肉味足，唔韌，墊底鹵水豆腐唔會太多太厚。蠔仔粥啲蠔仔大大粒，仲加咗紫菜，超正。煎蠔餅好有驚喜，以為會好似一般炸物，佢哋係煎蠔仔烙，好味。蜜餞梅花骨其實炸得啱啱好，肉質好鬆化，但自覺甜味過濃。炸蝦棗蟹棗都唔錯。

前幾日三人行去咗梅花邨食晚飯，本來想食些小菜，坐下老闆四哥就介紹今日有鹽焗雞（本身要訂才有）又有瀨尿蝦，再來隻凍蟹，搞到變咗海洋餐😋😋😋先來凍蟹，好包肉😋😋😋鹽焗雞老闆好人比我地要半隻，夠入味，肉又好滑嫩👍🏻👍🏻👍🏻瀨尿蝦已經剪好二邊位置，一拉開就成條肉，好正😋😋😋炸小黃魚好抵食，38元一條，唔油魚極度滑，好新鮮最後來方魚炒芥蘭👍🏻👍🏻👍🏻實在已經太飽，無叫甜品

疫情第三波緩和了不少，忍唔住出嚟覓食！聽朋友講呢間潮州餐廳的食物唔錯，專程由沙田搭的士冒雨出嚟呢度買外賣午餐返屋企同爸爸預祝中秋節，點了以下菜式：1. 紅燒潮州翅兩碗，有芫荽和黑色的酸醋跟，味道唔錯，雖然翅並不夠多。2. 滷水五寶飯，雖然唔係好似平時買燒臘咁叫佢走汁，好彩冇叫佢走汁，因為啲汁好味得來唔鹹。材料有豬耳、紅腸、豆腐、瘦的豬腩肉、雞蛋。3. 潮州炒麵缐，$，真係做到少油炒！好好味！跟埋嗰啲辣椒油都好好味！外賣盒總共收了$3，總數$776，每位消費$$388。