梅花邨小館

營業中

休息中

四個人，首先點咗一個鵝片+鵝肝，正常好食嘅，但非常小份卻要價300+一個灌漿蘿蔔糕（4件，$100）繼續落單2個餸，後等四十分鐘先來一道菜仲要重複上，上錯菜，話咗已經上過，端來端走又第二次端來，打擾我哋傾解唔明點改可以亂到成咁$138牛柳粒只有幾顆 真係數得出來魚蛋粉絲雜菜好咸好多味精魚蛋ok但真係等左太耐左右橫竪催咗好多次四個灌漿蘿蔔糕 $100 唔明好食係邊 仲要話係off the menu推荐菜最後叫咗蠔仔粥，半個鐘後都未上，忍唔住等太耐又無野食，直接取消買單走人 一碟花生$20 酸菜$10 加服务费服務係邊？最後三碟餸+蘿蔔糕埋單 $876荔枝角長沙灣附近大把好食過佢地嘅潮州菜見仁見智吧我唔會再去

環境正常。侍應反應同態度都ok。食物方面，我哋點咗栗子雞、鵝片、銀杏浸時蔬，一口牛、椒鹽九肚魚。全部味道正常。不過每碟份量好細。唔夠食。但四人埋單係$750，真係有啲貴。

一入到呢間餐廳，估唔到會有咁舒坦嘅格局。餐廳氣氛輕鬆得嚟，仲有啲得意嘅裝修。我哋揀咗幾樣招牌菜，逐樣嚟講吓我嘅感受。首先，就係隻凍烏頭🐟，唔係嗰種油花四溢嘅款式，而係啱啱好，適合追求清淡口味嘅食客；係啲咸，但係洗咁滯。接住，我地試咗炸雙棗🌰，啲味道係咁咁地，但係雙棗本身質感係OK嘅，得啲微妙嘅甘甜，之後就沉醉喺佢哋獨特嘅口感。當然唔少得必試嘅古法青衣柳煲🥘，簡直係鮮美得冇得頂，襯埋啲酸酸地嘅醬，真係開胃！總括嚟講，我覺得呢家餐廳真係有佢嘅特色，無論係環境定係食物。每樣菜都充滿咗溫暖嘅家常感覺，又唔失精緻。就算係不停歎氣中都忍唔住要讚一讚啲菜式做得咁嘆㗎啦！响呢度，每個小細節都令人覺得：「咁嘅好味，值得搵食！」

教完瑜伽落堂，同學生兩個人經過，喺長沙灣見到呢間唔太起眼嘅潮州小菜館，見到佢個潮州蠔仔粥好似好吸引，於是兩個就行入去坐低我哋點左椒鹽九肚魚，呢一個真係係我嘅至愛，因為我本身覺得九肚魚好難自己煮得好食，所以都會選擇出去食，而呢度嘅九肚魚炸到軟綿鬆化，一入口就即溶，連魚骨都係入口溶嘅，伴上脆炸蒜，非常香口，食到停唔到口蠔仔粥個湯底有大量方魚，非常鮮味，啲蠔仔都粒粒脹卜卜，非常肥美，仲有碟鵝腸豆腐，鵝腸夠肥，配返個豆腐寡口，味道配搭好合襯，糖水食咗個白果泥芋，唔太甜又飽肚，而且銀行營養豐富，食完都覺得皮膚靚咗

今晚係家庭聚餐，潮州菜啱長輩嘅口味，就揀咗呢間潮州菜館試下，菜館位置有少少吊腳，出地鐵站都要行10分鐘，菜館空間好大，啱晒一大班朋友或者家庭聚餐。10個人，叫咗滷水鵝片拼鵝肝，椒鹽九肚魚，碧綠川椒雞球，招牌沙嗲牛河，招牌蠔仔肉碎粥，反沙芋頭，梅菜扣肉。鵝片鵝肝都係主打菜，滷水入晒味，同鵝肝好夾。椒鹽九肚魚真係必食，炸皮薄脆，魚肉嫩滑。反沙芋頭無乜地方食到，甜甜地，外屎卜卜脆，入面軟綿綿。其他都整得好出色，一定會返去再食地址長沙灣青山道460號地舖港鐵長沙灣站C2出口，步行約10分鐘

長沙灣傳統潮州食館朋友同大廚訂咗15人一圍餐潮州凍烏頭魚超級新鮮 凍魚肉質鮮嫩點豆豉醬滷水鵝肝滷水鵝拼盤鮮炸蟹鉗平時出面食嘅兩倍大酥炸蜆肉卷一帆風順英䱽魚 起肉炸花螺鹽焗雞梅菜扣肉蠔仔粥呢間傳統潮州打冷 正宗好食服務態度非常好 值得試吓

良朋共聚～椒鹽九肚魚合格，能做到外脆內軟又不油膩，要挑惕的話外皮炸漿稍為有點點厚，個人俾85 分 （100 分滿分），如果炸漿可以再薄啲啲、炸的時間再小一、兩分鐘就完滿。～ 凍蟹合格～鹵水鵝（下庄）鵝肉係我喜歡的帶骨斬件式，鹵水做得不錯，淡口幽香，鵝肉入口嫩滑帶點鵝脂嘅甘香，正！必食推薦之選！～凍烏頭火喉掌握好，魚肉入口嫩滑，要挑惕的話下次記得要走油（舊派師傅會在上碟前在魚肉身上掃上一層油）。～鹵水併盤新鮮（冰鮮）帶點點肥膏的鹵水鵝腸一定要食，其它的豬大腸（急凍貨）和鵝腎就輕嘗可以了～荔芋香酥鴨味道合格，要挑剔的話廚房炸物嘅油要勤換啲～鹽焗花螺雞噱頭嘢，人多（6 位以上）可以一試～煎𤐶餅失敗之作，𤐶餅入口老、太乾、不夠煙靭，問題應該出在水、地瓜粉漿和雞蛋的比例，另外𤐶仔份量太小，油炸又過咗火。。。～沙嗲炒牛肉豆牙本來要求嘅芥蘭賣哂而轉嘅豆牙上枱水汪汪、失敗！牛肉係港式茶餐廳做法用”師傅”醃到滑潺潺。。。靈魂嘅沙嗲醬淡而無味，三樣加上一起嘅結果係失敗中嘅失敗！～面醬炒小塘菜合格，要挑剔的話下次師傅可以試吓先用熱鑊滾油爆香啲薑、加上面醬份量多兩陪，之後薑、菜、面醬3 樣一齊猛火爆炒3 分鐘

辛苦咗成個星期，決定今日中午飯要好好慰勞自己🤣🤣 今日要食鵝肝！於是乎喺荔枝角見到呢一間梅花村小館有鵝肝食，決定入去試吓。1. 鵝肝雙拼飯 $109我揀咗鵝肝配鵝肉飯，首先鵝肝嘅份量非常多，應該有一整個鵝肝嘅份量。鵝肝滷水滷得好入味，咬落去軟綿綿，絕對唔會比法國鵝肝遜色。跟住鵝肉又好好食，鵝肉嘅脂肪其實比其他家禽少，所以如果處理唔好就會變得好柴口。而呢一間餐廳嘅鵝肉煮到好林，完全唔會有腥味👍🏻👍🏻👍🏻今餐我覺得食得好抵，大滿足❤️❤️❤️🍓🍚

一行7大兩小 叫左：小炒皇。 好油 好咸 黃金伊麵。 又係油底 賣相唔靚烏頭。 等左一個鐘先話賣晒梅花骨。 得5舊肉3舊桃 韮菜豬紅。太咸椒鹽九肚魚。好咸滷水什拼。唔錯粟米魚肚羹。一般味道蠔仔粥。係唯一好食既咸肉介菜煲。煮不出味道 肉似烚熟咁環境算唔錯 茶好飲 但我地坐樓上 要行二十幾級樓梯 老人家就要留意下食物就改善一下份量 咸甜味道 每碟餸都唔見有擺盤 看似大排擋感覺 唔吸引 服務態度都可以 但叫條烏頭第一次追係話要20分鐘 第二次追就話賣晒 哩個我就好失望

餐廳唔太就腳，長沙灣 / 荔枝角都要行大約十分鐘，附近無泊車位，只可以泊街，好彩都可以泊到門口，但唔知會唔會唔好彩要加$320埋單 前菜出色，酸菜唔會太咸太酸，花生夠脆夠熱氣，正呀！拼盤價錢實惠， 入味，數量平均，唔知一味紅腸多 凍烏頭唔算太肥，啱我口味，但如果鐘意多魚油就未必岩啦！個醬偏咸 炸雙棗味道偏淡，同埋我哋唔係好分到 2 種口味嘅分別 重點推介： 古法青衣柳煲  （唔記得影相） 好新鮮！味道有啲酸，汁都撈埋 總括不錯，係下層枱同枱之間有啲迫 ，上層好啲，地下有啲油，星期六日晚飯好多人，要BOOK定枱 

我同屋企人間中都會黎食下飯，因為呢度d潮洲菜比較啱口味，比較似我嫲嫲煮開嘅味道，可惜嫲嫲已經唔喺度，只可以黎呢度回味一下啦。通常都會叫滷水鵝，滷水拼盤，蠔餅之類，琴晚想食春菜，但問侍應佢話冇貨，介紹左個鹹肉芥菜煲。一上枱，見個湯底幾吸引，飲左半碗仔，估唔到幾好味喎，有淡淡胡椒味，但又頗清甜😋，相信下次都會再叫。特別要講下佢d飯前小吃，佢個鹹菜真係好好味，唔係死鹹，會係甜味比較多d，令你食完想再食。仲有個炸花生小魚仔，香口鬆脆，回味無窮，不過食得多就容易熱氣囉😝仲有佢個甜品，每次都會叫白果芋泥，細細碗，比較甜同飽肚，兩三個人食一碗就差唔多，總覺得佢之前比較好味。

我同女友兩人入座，有訂座，場內客人唔算多，不過樓上似乎仲有客人包廳，一直出圍頭菜，最緊要都係生意興隆！餐廳免開瓶費，不過要求高嘅酒友最好自備酒杯我地兩位叫左兩個小菜一碗白飯：魚香茄子煲 $ 88煲仔細細份量十足，始終係薄身金屬煲，感覺比瓦煲細而似好少茄子夠淋，肉碎多，夠鑊氣，唯一問題係油多咗啲，不過係可接受範圍梅菜扣肉 $ 98腩片約 7 - 8 片，顏色好靚，腩肉蒸到好淋但未到煲湯肉，非常軟滑梅菜調味到位，鹹甜平衡，拌飯一流價錢中上，不過以呢個時代計合理，但可自來酒水要讚有收茶芥費，有提供茶同醃菜 $ 10，雖然唔需要，但好耐冇食過中式醃菜同認真真係超好食姐姐服務唔錯，見到我個袋太大就建議我放喺吉櫈，不時亦會加熱水BTW 好似冇加一

長沙灣和荔枝角每到午飯時間總是水洩不通的，一天路過看到這間梅花村是吃潮州菜的，因為附近很少潮州菜館時午餐也開的，同事們都說想試一試。餐牌上午餐的價錢實在平民兼抵食，我叫了一個鵝片拼墨魚飯，鵝片的厚薄度控制得很好而且滷水汁的味道亦不會過鹹，真是很好送飯。而墨魚片方面，亦很爽口，其實有個特別令我驚喜的地方，我覺得梅花村的飯煲得很好，有一種煙韌的口感，並不會似外面的茶餐廳般經常將飯煲得很琳和變得一嚿一嚿不夠分明。

呢間有個北角店呢間就相對無咁多人知😉梅菜扣肉上枱熱辣扣肉食皮同脂都入口融化不過個醬出事因為好油呢款餸係肥ok既但吳係成口油咁🙈但除左油既問題其他都ok滷水併盤有腩肉片: 過肥，成口油酥味紅腸: 正常墨魚: 夠爽👌🏻👍🏻豬腸: 有適當既脂，味吳配👍🏻👌🏻豬耳: 爽口，又入到滷水味👍🏻🤨滷蛋: 味吳出🥲蜜餞梅花骨整體像 中式牛柳咁整成既 金沙骨好送飯🤨👍🏻多肉結: 不錯合格之上既水準👍🏻#梅菜扣肉#滷水併盤#蜜餞梅花骨#梅花邨小館

不建議！味道差，份量小，價錢貴！ 200一碟一隻既鮑魚仲有腥味！有無搞錯？超市35蚊買既罐頭鮑都好食過尼碟嘢！ 蠔餅既話可能係大家做法唔同，尼間就係粉多過蠔仔，食落好似蔥油餅咁，感覺好唔同！ 牛仔骨份量好小，可能租貴？味道一般，唔香口。好難食！ 我個人不會再去第三次！😭😭😭因為今次係第二次去，上次去已經覺得好難食了！估唔到宜家仲差過上一次😭😭😭😭😭😭😭再多一次唔好既體驗！😭😭😭😭😭😭😭😭😭！