梁社漢排骨

今日喺愉景灣試咗間台灣野，點咗炸雞翼、滷肉飯同埋黑糖布甸鮮奶，真係好正！炸雞翼外脆內嫩，咬落去肉質鮮美，調味剛好，完全唔油膩，令人一口接一口！😋滷肉飯就更加令人驚喜，滷汁濃郁，肉粒軟腍，搭埋白飯食真係無得輸，整個口感好滿足！而且分量都唔少，超抵！🍚最後係黑糖布甸鮮奶，布甸滑溜，黑糖味道濃郁，配埋鮮奶更加香甜，簡直係完美嘅甜品收尾！🥛總括而言，呢間食店真係值得一試，無論係味道定係價錢都好吸引！如果經過旺角，記得去試下！推介指數：⭐️⭐️⭐️…查看更多

做餐飲唔需要文化，但極無品食物頗貴$69個餐，但可接受，八方雲集水平不過不失，自取餐，未顯示出餐號碼，想餐湯轉返豆漿，貌似最後生果個服務員話出咗餐喇喎！明明仲响出餐處未拎入枱，唔明點解要同我話唔要，碗湯就倒咗佢，0哂咀！你唔想換咪話唔得囉！可能佢都覺得無法拒絕，就叫咗下屬換豆漿出嚟，勁黑面同我講麻煩下次講清楚吖，我咪話唔好意思！廢事同佢嘈，嘩！你唔鐘意咪唔好做服務業囉！影響哂成個愉景灣，隔離A1超級無敵勁有禮貎（正正代表區内人品特色)第一次响愉景灣有咁既待遇，真慘！…查看更多

中午去愉景灣廣場內之店舖, 點了一份鹵水雞翼麵, 麵的質地好似麵糊. 跟快餐店預製品差唔多, 煮好了一段時間, 客人點餐后就隨手撈上來. 雞翼味道尚可. 麵的texture 真係有好大嘅改善空間.…查看更多

愉景灣多數以西式或者多國菜為主，有中東菜啦，土耳其菜，pizza等等中餐呢就有間酒樓，不過價位比較高，如果有時想快食，食少少，依間台灣嘢係個唔錯嘅選擇佢有啲一般嘅台灣滷肉飯啊，炸雞啊，炸豬扒飯或者面，都有台灣牛肉麵咁今次我就試咗滷水豬手，咁份量都幾足夠，仲要包一杯熱飲，可以要豆漿啦就或者一啲台式特飲我就揀咗無糖原味豆漿，都幾好，健康啲餐廳都有足夠嘅位置，唔會太多人，坐得舒服，快食嚟講算係幾好啲清潔姐姐清潔得好仔細，執完枱之後再用消毒紙去抹…查看更多

員工態度勁差，野食等勁耐，催咗三四次都仲未有，次次都講就快有就嚟用，等多一陣但都係冇，特別係個肥肥地嘅女員工同個經理，叫我地體諒下，但等咗一個鐘個拼盤都未到，野食野飲已經食完大半個鐘點體諒？個女員工不停話冇得退錢，然後個經理又肯退但態度勁差。野又唔係特別好食，冇下次，唔建議嚟食。…查看更多

同朋友行完山肚餓，去到愉景灣搵食咁岩見到呢間野，佢係要自助點餐，但因為有優惠券想問人點用到啦，自助用吾到，無人可以問，跟住有個人話自助吾到架，但無講點樣下單，態度10分差，企左陣問點下單，先肯講咪呢到下單，你有壓力我都有壓力，坐低左，叫佐個姐姐執枱，講左10次吾該晒，麻煩晒，竟然得到既係佢西面，喵嘴🙄🙄不過食物黎講佢係吾差既，叫咗個台灣牛肉麵同一杯荔枝紅茶。飲品因為加咗珍珠，紅豆，仙草 ，所以我走甜，味道岩岩好 。…查看更多

自己出去點餐，無問題出到櫃枱前，無人，有職員行過都唔會理你。企咗幾分鐘發覺唔對路，原來有自助點餐機既，但係無人會提你架，你企啦，企到自己發現為止。點完返埋位會有人送餐，出面有壼水比你自己斟。咁我哋有細路，乾淨啲好，好自然斟水洗吓啲碗，一會，有位年輕女待應走埋黎話：「「「啲水唔係比你哋攞黎洗碗架，下次唔好喇」」」我問：「點解唔可以呢？」女待應回應：「如果再係咁，呢啲碗我哋唔會再提供架喇。同埋，我哋啲碗係乾淨架！」我無鬧佢，無話佢，不過一定會劣評呢間餐廳食物質素、環境質素都已經唔重要，因為服務質素差到唔值得去！…查看更多

服務態度超級差員工有無培訓過 完全趕客晤想做可以晤做 環境又污糟 枱面無人抹唔怪得之日日經過都冇人幫襯野食又晤係做得好 點餐時間耐 出餐時間又超慢 等勁耐無咩人都可以慢到禁真係。。…查看更多

暑假同小朋友入去愉景灣 行下，途中去沙灘，見到商場，跟住入內，原來有個溜冰場，應該都兩年冇來過愉景灣， 行咗個圈，見同層哩間食肆價錢最大眾化，咁就入咗去一試。這家食肆似大快x 大x樂 連鎖店咁，喺出面cashier落咗單，畀咗錢，然後等嗌number，稍後侍應生會將食物送到你嘅枱上，自助bar斟水飲。 我哋叫咗小食拼盤兩個(一個係鹵水，一個係炸物， 各$66) ，加 一杯黑糖珍珠奶，五花肉湯麵， 相比炸物拼盤 鹵水拼盤較好食，有豬手 、鹵水蛋 、同埋 雞翼，另外一個 炸物拼盤有香腸、花之丸、 鹽酥雞 。兩大一細 不須加一，二百幾蚊埋單，性價比算唔錯。 侍應生有禮貌同埋helpful，有機會再嚟，值得一試。…查看更多

除夕夜去咗愉景灣, 因為市區實在太多人喇! 喺商場見到一間新開嘅舖頭, 專賣台灣食品。座位唔算多, 不過啱啱開張, 好新淨。同行嘅朋友有個習慣, 凡去台式食店, 必定先試牛肉麵, 今次都唔例外, 我一於跟大隊啦。呢間牛肉麵湯底有兩種, 分別係清湯同微辣; 如果要清湯底, 落單時要講清楚, 不過清湯就冇酸菜。我哋叫牛肉麵套餐, 包括一碗微辣牛肉麵加一杯飲品。 🔶 台灣牛肉麵套餐 $70飲品就揀咗最基本嘅無糖豆漿, 豆味濃郁幾好飲。碗麵嘅牛肉包括有牛腱同牛腩, 炆得夠冧甜。湯底微辣唔算太肥膩, 我朋友唔食得辣嘅都話可接受。麵質QQ, 軟硬適中, 做得唔錯!我最鍾意牛肉麵有酸菜伴, 吊味提鮮, 越食越開胃! 呢個牛肉麵做得唔錯, 似喺台灣食嘅味道! …查看更多

作為一個愉景灣人，係人都知呢度係美食沙漠，突然有一間台式餐廳，感覺真係好感恩又有新鮮感，期待咗佢開好耐。今日第一日試，試咗佢個雞髀飯，難食，隻雞髀好似受咗輻射咁樣，炸到個皮超級厚，個飯連半隻台式蛋但都冇，另外再試咗佢個椒鹽雞翼同埋椒鹽豬扒，堂食入口竟然係凍凍地，真係好難食，食完成口都係油同味精。好差嘅食物、服務、亦都完全唔環保，全部都係紙碟同埋木筷子，冇心經營，賺到盡、只可以呃鬼佬。仲有堂食都要排隊買嘢，零服務，企圖營造一個好多人想買嘢嘅一條人龍，奉勸大家真係唔好食。…查看更多

牛腩牛筋麵 一流，小食拼盤韓式腸，甜不辣，鹽酥雞好好味😋滷水拼盤雞翼，豬手，滷蛋 好好食滷肉飯很好食炸豬扒一定要試飲品不錯，我們叫的餐點都食晒。真的不錯吧⋯⋯值得一試…查看更多

試業的嘗試。$23一杯大約中杯size珍珠奶茶，味道不會太甜，好有奶茶味道，珍珠剛剛好，不太硬亦不會煮得過熟。裝修亦有心思，地方寬敞，食物亦選擇多，又多一個好去處。正!…查看更多