桃源島

營業中

休息中

間中都有幫襯這間開放式茶餐廳食下午茶，地方大座位都闊落坐得舒服，覺得佢嘅湯米粉幾好食通常配埋件西多士，餸嘅選擇都算多，算抵食！今次揀左炸辣魚蛋同沙爹牛肉，兩個餐都加西多士配凍檸茶，炸魚蛋爽口嘅，辣汁幾好味，牛肉就有啲肥，有配菜，西多士不夠外脆內軟，夠熱不太甜，不過不失啦，凍檸茶正正常常冇什麼特別，$48 而家嚟講算唔貴，雖然以前更平！佢有出前一丁麵餐配飲品$35，都唔錯！有幾種電子支付方式，好方便。

今天到屯門的盈豐園商場享用午餐，選擇了商場內開放式的餐廳——桃源島。餐廳座位較寬敞，空間感舒適，都坐得舒服，但食物質素則中規中矩。豬扒肉燥飯豬扒質感偏韌，有少許雪藏味，沒有濃郁嘅豬肉味，而豬扒亦帶有骨位，有待改善。但肉燥則相對出色，有焦香味，搭配甜豉油調味，帶出香氣，相當入味，為整到菜增加返不少風味，另外伴碟亦附上小許菜，算是小亮點吧。而基於這個豬扒肉燥飯是特價午餐，所以飯量有點偏小，份量可增加多點。整體來說，以午餐約$60的價格，包凍飲，性價比略嫌低一點，希望未來有所改善。

住咗屯門咁耐，第一次食呢間嘅外賣。平時見到都好多人幫襯，所以係唔知食乜好嘅情況底下就試一次。可惜…. 可能係自己唔熟佢哋啲出名菜式，今次叫咗「醬汁辣子雞飯」就令我無乜動力再試佢其他嘢….醬汁辣子雞飯個樣好正常，份量都好足夠。但啲飯好鬼「淋」，個汁有辣味，不過就好鬼咸，搞到啲雞都好咸，連埋啲飯一齊食都唔OK… 個雞係有炸過，如果都啲汁唔係咁咸都可能會唔錯嘅… 外賣等咗十分鐘到就有，都算有速度。但職員就唔係多，所以都係自己喺放外賣張枱見到自己個number再俾counter姐姐望吓就得。

超抵食和味道都好好味呀。。。現在好難得一份下午茶只需要$33, 包咗一碗糖醋排骨麵和超大柸胚芽奶茶，味道都好ok ar...還叫咗一份豬扒飽。。。值得一試。。平靚正

舊時成日食呢間餐廳，今日難得去咗附近，之後就去桃源島食，但點知今次黎又係無炸芋丸食🤦🏻‍♀️上次黎又話無，其實係咪無咗呢種小食？又再一次失望。之後叫咗肉操豆腐飯同糖醋排骨飯😋但愈食愈熱，因為無咩冷氣，食到好熱💦所以一食完就想走。

呢間野响屋企附近，幫襯左超過十年由佢有千揪搖搖櫈食到變晒四人枱及卡坐，由廿幾蚊食到四十幾一個lunch, 街坊地方無咩要求，D野食得落口就無所謂，但今日嬲到要寫第一個食評鬧爆佢，1400去食，未有tea，無咩所謂咪食lunch ，响呢刻肺炎疫症下，除/戴口罩搓手係常識吧！點知，搓手液只夠餐前用，咁食完埋單咪打算去洗手囉！餐廳用商場toilet ，近兩年開始要借key ，收銀處都大大隻字寫住借key $200按金，（心諗無問題啦，按金可攞返咪俾囉）俾完錢咪問嗰亞姐借key，點知佢話“無架，你食完就無得借”，我問“咁唔埋左單，點去廁所？你可以收按金架？”跟住，亞姐一手搶嗰$200，一邊嘮叨念“d人借完又唔還，唔見左幾條啦，個個都係咁……下刪N字”，但都係未俾條key我，最後忍無可忍，我上晒火咁爆左佢，先攞到條key… 還key 時嗰亞姐已經不知所終，按金就由做得最長嗰姐姐仔回番唔駛講野啦，商場仲有其他食肆，呢間以後都唔會去囉！雖然論食物，個炸雲吞同冬天煲仔飯做得唔錯，但有d咁既員工就係倒米囉利申:CLS亞姐眼見做左幾年，餐廳老細好少見到，商場其他食肆借key好隨意

自從搬家之後，很少回來屯門，難得放假入屯門，夜晚就去桃源島食飯! 以前讀書時經常黎食，好味今次黎就係叫返以前最愛既兩樣餸: 柱候牛腩扒時蔬 & 沙嗲金菇肥牛粉絲煲，水準一樣咁好 唔食得辣既我雖然覺得有少少辣，但非常惹味! 牛腩同白蘿蔔都好淋，又吸收晒啲汁，好好食。沙嗲汁又係整得好好味，唔會淨係得個辣字。每人再加6蚊有野飲，一個揀荔枝紅茶，一個揀百香果紅茶，兩杯都好飲，個人覺得百香果會比較甜。兩個人110蚊埋單，食到久違既美味，非常滿足

放假去桃源島食tea。奶油包～包很鬆軟，奶油滿佈整塊麵包。西多士不夠香口，麵包之間沒有塗上花生醬，味道一般。五香翼通心米線，雞翼夠入味，炸得剛好，很香口，但只得三舊，略嫌唔夠喉。最喜歡食這裏的通心米線，其他食肆好少有。尖椒肉沫公仔麵，用嚟送粉麵真是一流。貢肉筯通心米線，貢肉筯爽口好食，點了麻辣湯底，湯底有淡淡的麻辣味。珍珠奶茶及金香奶茶，奶茶唔夠甜好淡，珍珠夠淋，但沒有味道。三十元左右一個餐，好抵食。

員工態度期其差，嚟錯野不肯換，又不肯減回原有order收費，不顧及客人跟本唔想食佢嚟錯嘅食物，還大嘈：「你換呢碟點呀？掉咗佢丫？... 」「你唔食都要比錢架啦！」不禮貌、態度差，以後不會幫襯.

今日游完水，所以嚟咗附近商場嘅台式餐廳桃園到食返個開心下午茶先。呢間餐廳好多年歷史架啦，從小學食到而家，佢之前啲座位好得意架，有搖搖板凳坐，不過而家冇晒呢。講番個下午茶先，我最鍾意叫呢個五香雞翼公仔麵，佢啲雞翼斬到細細件，而且用五香粉醃左，炸完之後好香口好好味。個公仔麵軟硬度煮得非常適中，啱晒我口味，個湯底就冇咩特別。哈哈，成日都食到一半先記得影相，唔止張相上面咁少雞翼架，而且仲有啲配料，例如生菜、花生等等呢。

晏就3點見肚餓，結果又走去桃源島食tea la提提大家： 下午茶……2:30 ~ 6:00 😋其實除左menu上既茶餐，每日餐廳入面都有塊板寫低特價茶餐，相比menu上既平好多架，但大家要注意la……分量會比較細分，女仔就夠食，男仔唔會覺得飽肚~食野~ 🍜🍜🍜我已經係食左無數次，所以今次一次過推介美食俾大家😘1. 清湯牛腩 + 米粉，米線……桃源島既牛腩的確係幾好食，因為味道上有d疑似黑椒既味，非常野味好食指數：👍👍👍👍2. 炸雞脾飯 + 咖哩汁，醬汁，豉油……炸雞脾係“即叫既炸”，超級好食，揾返好多童年回憶好食指數：👍👍👍👍3. 豉汁蒸烏頭 （晚餐）正常價錢食蒸魚+白飯，超好食好食指數：👍👍👍👍👍P.S.: 個人認為……有d野食真係一般，大家唔洗再試……例如： 鹵水雞翼 味道正常，冇特別 炸豆腐 香口，但超級多油💜💛💚💙 如果大家想知更多美食資訊，就快d follow fatdog1234 💜💛💚💙

住家飯對很多人來說, 是理所當然的事, 甚至會嫌棄住家飯口味不對, 或經常重複款式, 而不想吃。我從數年前, 已經不再有住家飯可以吃, 但是，「桃源島」是給我家的感覺的私房菜, 走進去就像去到一個普通餐廳, 陳設比較簡單, 沒有特別的布置, 走平實路線。一般的咕嚕肉給我的印象是很硬, 肉質粗糙, 骨大肉少, 這裡卻是截然不同, 外層非常鬆化, 沒有油炸膩感, 裡面的豬肉肉汁豐富, 嫩滑無渣, 無骨, 醬汁甜中帶酸, 濃厚惹味, 爽脆的洋蔥也不容錯過, 給啖啖肉的餸菜帶來清新感

今晚無煮飯，簡簡單單落街食，就去左桃源島。呢度係在盈豐商場入面，位置雖然在大堂中間，但冷氣都夠，貪佢夠多卡位，一家大細坐得比較舒服，所以間唔中都黎食，而且都好抵食，晚市小菜夠鑊氣，雖然佢初初開，主要做台灣野，但近年為左迎合我地呢Ｄ街方食客，都做轉左做中式小菜啦，而小菜套餐方面，包一個白飯和特飲，如：珍珠奶茶，木瓜牛奶等等，都算貼心。今日叫左咕嚕肉：味道酸甜適中，剛炸起脆卜卜，夠鑊氣，送飯一流。紅燒豆腐煲：為左歲半仔仔而叫，佢食到，味道唔錯。鼓汁蒸烏頭：58蚊，自己屋企買都唔會平好多，都ＯＫ。

今次已經係第二次黎喇爸爸你愛吃之人,目標係平,靚,正係呢個小區,做街坊生意所以消費都比較平民化而餐廳坐位都坐得舒服下午茶點左豬扒包加台式飲料而豬扒包好有內涵豬扒夠大塊,肉質好鬆化,唔會油其他配料仲有蕃茄,千島醬,生菜而麵包有半溶牛油,真係好食如果同澳門豬豬扒包比,呢個冇得輸

今日到屯門找朋友吃晚飯，便選擇到桃源島進食。可能我較晚市時間早到（約黃昏時分）餐廳人並不多，有好多吉位。一入到門口，服務員好有禮貌，會講歡迎光臨。而我坐係位度約20分鐘等朋友仍未落單，服務員亦無催促我落order。落單後大約7-9分鐘就上菜，可能因人少而速度較快。之後就梗係影相啦KK我就覺食物賣相有改善既空間，蔬菜量比例亦可以有增加既空間。是日晚餐係order左“醬汁龍利魚柳飯”餐廳亦提供三至四款醬汁供客人選擇，有蕃茄汁，咖哩汁，黑椒汁，粟米汁，因為KK忘記了講低要咩汁餐廳應該係俾左原味汁KK，汁的味道剛剛好，不太濃不太咸。叫左杯凍“珍珠奶茶”甜度尚可，不太甜，冰的分量亦較少，卻缺少一點茶香，珍珠分量少餐廳設有兩種卡位，一普通位&搖搖櫈，任君選擇。KK見開始陸續多客，大部分位都full，同朋友坐左陣就埋單，是日晚餐兩人合共盛惠$68屬抵食之選！