校長燒肉日韓料理 (觀塘廣場)

營業中

休息中

喜歡吃港式烤肉自助餐！朋友是外國人沒有去過，就帶她去試試香港🇭🇰中式烤肉自助！一個價錢在2個小時內任吃！最貴價格也才188港幣！可以任吃刺身！我確實吃刺身挺多，基本吃完就拿！🤣哈哈哈！我們各自去拿了一堆肉自助烤，用的是韓式抽煙管就不會很大煙，整體很舒服，不會難受！我弄了一大盤沙律🥗拿了2.3盤自己調和的沙律，中和了烤肉的膩！他們的雞翅，豬扒，牛扒🥩都有醃制入味，簡單烤一下就很好吃了！我拿了幾次刺身: 三文魚🍣和大甜蝦🦐外面吃都要100多了，然後再吃了烤肉配沙律🥗吃完後我和朋友都去弄了一碗甜品🍧涼粉配各種小料，加上椰汁🥥美味😋

觀塘校長燒肉 係四間校長內最差最差，我19-4-24 第一次去，燒烤無牛扒，一口牛肉粒，無三文魚鮫，骨腩，鯖魚，鴨胸，小食無螺肉，青口，中華沙律，蘋果沙律 ，壽司居然全部都是飯卷 !無三文魚壽司及其他類 ，飲品連冇糖可樂，忌廉，都冇供應 ! 我等咗2個小時，所有肉類都無轉過，連生菜都沒晒，居然放D四季豆出嚟，四季豆點樣燒點樣淥?????而最重要係D醃過嘅肉非常咸，十分咸，好難食，好難食，好難食 ! 去食乜日燒好過佢 ! 飛屎卜D like都係因為要提前一點入去而點的 ! 而我去過大埔校長，同一價錢，上面提到無既都全有，只是要一點45分開始，完全無問題 ! 人家寫明白，客人貪平咪遲D佢，你老闆官塘嗰間廣告寫明1點開始，去到又屈D客留言讚LIKE 仲衰過大陸做假，係飛屎卜差評又比佢剷咗，呢間垃圾正一初一唔摺十五都摺 ! 仲有校長燒肉唔知點解張牛油紙永遠係細過個爐，個爐側偏污糟邋遢，幾年都唔改，唔通買咗萬年紙，定其中一個老闆埋班時是出份紙 !

午市時段入座完全冇講幾點需要離座（最終由職員把口應該係1點55分需要離座，但當時已經係1點53分）/食到差唔多搭九，有個短頭髮阿嬸已經係我地張檯附近來回踱步，53分既時候就行埋尼，態度勁差咁講：「你地55分要走啦，得返兩分鐘唔會燒得切，唔好再擺新既嘢入去燒，食埋入面嗰啲就得」事關朋友想擺菠蘿落個爐燒，咁唔緊要，我同朋友食快啲清埋檯面啲嘢就走，點知佢直接熄左個爐，爐上面啲肉都仲未熟。。。點食？爐你強制熄左都算，朋友一擺低筷子就即刻有班伙記執檯。。。（隔離檯由我地一坐低已經食緊，仲要遲我地離開，但係班阿嬸完全冇催過佢哋，唔知點解🤷🏻‍♀️/期待左呢間嘢好耐，諗住終於有時間可以試下，lunch hour出面自助區就任食但係食左半個鐘諗住出去拎菜嗰陣職員就話lunch唔再提供，連菜都可以收起唔供應真係第一次見，另外都係一般燒烤任食餐廳既通病，個地下痴luplup😁/唔知係咪淨係呢間分店啲staff係咁，不過如果你想試下香港既惡劣服務態度，十分建議你去呢間受氣😄

為好友慶祝生日，就選擇了他喜歡的放題。這裏可自選燒烤和火鍋食材，任飲任食。等不及烤煮食物，可先取刺身壽司、新鮮沙律和涼拌小菜。又有熟食，蒸籠點心、炸物、粉麵和小炒。我們當然是一邊吃刺身壽司和熟食，一邊燒烤食物自選燒烤和火鍋食物選項真不少，牛、豬、雞、海鮮類、蔬菜，樣樣均有。另設有自助醬料吧，可按個人喜愛配搭醬料。爐上放置了牛油紙，燒烤食物時沒那麼容易烤焦。店員還會適時替顧客換上一片新的。飲料的種類真不少。酒類除了啤酒，還有梅酒和清酒。另外還有一個具特色的花茶區。我們喝了不少飲料，當然也有梅酒和清酒，非常盡興 🍻🥂甜品區的冰櫃內放滿甜品，雪糕、雪條和生果冰，選擇款式不少。還有不同味道的果凍和雜果粒，可隨意配搭。盡興的任飲任食，朋友當然非常滿意我的安排。

校長燒肉應該係觀塘比較特別嘅放題餐廳。首先佢收費便宜，但係可以食嘅嘢一啲都唔少。火鍋、燒肉、熟食，甚至可以加錢食刺身同泡花茶，淨係menu都有排睇。表面上非常抵。但另一方面佢好多嘢都做得麻麻，地下好跣，好多嘢食嘅水準一般，最誇張係火鍋，要自己出去沖個湯返嚟…正當我要俾個佢，又發現佢啲嘢食真係多到誇張，打邊爐同燒嘅配料加埋3 40種，而且好多熟食都啱小朋友食，唔怕燒緊嘢嗰陣冇嘢食。再加上飲品同甜品嘅數量都唔少(質素就普普通通啦)，overall都係ok嘅。

兩位妹妹說想吃烤肉看見openrice 有優惠，就買了3張提前兩天打電話預約，所以不用等✌️我們只買了午市燒烤，沒有加打邊爐和刺身位置很好找，環境很不錯，很開陽，大玻璃可以看到觀塘街道燒烤種類很多，很適合想什麼都試一點的朋友們👍還有很多熟食🥙小食，甜品食物新鮮，烤秋刀魚食了三條🐟服務也很好，看見烤紙要換，會主動要求我們。唯一美中不足是，沒有雪糕🍦要晚市才有，小表妹沒得吃🙈整體性價比很高👍我們只買了午市燒烤，沒有加打邊爐和刺身位置很好找，環境很不錯，很開陽，大玻璃可以看到觀塘街道燒烤種類很多，很適合想什麼都試一點的朋友們👍還有很多熟食🥙小食，甜品食物新鮮，烤秋刀魚食了三條🐟服務也很好，看見烤紙要換，會主動要求我們。唯一美中不足是，沒有雪糕🍦要晚市才有，小表妹沒得吃🙈整體性價比很高👍

👧🏻😋👅🍽✨口腹之慾全滿足😎-校長燒肉日韓料理🇭🇰 觀塘開源道68號觀塘廣場15樓B號舖 🇭🇰-👨🏻‍🏫 成個自助區包裝到好似酒店自助餐咁, 用霓虹燈界分不同區域, 生肉, 火鍋料, 刺身, 點心, 中式, 西式等等👨🏻‍🏫 每張枱有韓燒爐又有電磁爐, 真係可以一次過滿足晒好多願望!-😋😋😋晚市 燒烤火鍋刺身放題 自選3小時 $198/位 (OpenRice餐飲券優惠價, 原價$238)✔️燒肉、火鍋✔️刺身壽司、熟食✔️甜品、啤酒、花茶-🐟 刺身💯款式唔算超多但質素算唔錯, 三文魚有腩位幾肥美! $200左右真心抵, 仲有馬刀貝, 赤貝, 赤蝦等等, 都係即叫即切-🥢點心✨點心keep住會出唔同款, 行開就睇睇有咩岩食, 燒賣, 鳳爪, 排骨等等拎幾籠過下口癮又係好爽!-🔥 燒肉/火鍋💯醃製肉類好多款式, 當然唔係話好靚既肉, 但整返個雜扒餐滿足下食肉獸都好唔錯!💯火鍋都係全自助形式, 連湯底同個鍋都係自己拎, 有鴛鴦鍋仲有幾款湯底揀, 燒燒下肉烚下烏冬餃子丸又可以轉下味-🍹 飲品✨有花茶! 有晒recipe唔同組合有咩功效, 份量落幾多, 消消滯唔錯✨Hoegaarden玻璃樽啤酒😎雖然

校長燒肉真的每次都令人有新驚喜首先熟食方面, 有甜美的蜜豆、青甜的紅蘿蔔及椰菜, 健康美味這次最驚喜的是有蓮藕炆豬手, 豬手炆得非常軟腍入味, 豐富的膠質, 充滿骨膠原的感覺🥰, 蓮藕也炆得很腍, 另有冬瓜炆豬肉也非常美味人參雞湯 - 足料好味燒肉有多款, 日式小甜薯夠香甜又健康, 一口牛, 一口豚, 梅肉片等, 以不同材料醃製, 全部都醃得很入味, 吃起來非常惹味, 煙鴨胸, 紅腸, 午餐肉, 豬頸肉, 金沙骨, 香蒜雞扒, 五花腩, 孜然香辣厚切豬腩片, 醃製叉燒, 煙肉片, 還有幾款日式魚類, 丸類, 香草腸, 芝士腸等等, 還可以燒新鮮菠蘿片火鍋配料也應有盡有, 多款菇菌, 瓜類, 菜, 餃子等另有壽司, 多士, 蕎頭, 點心

來了觀塘看電影，一於來鄰近的校長燒肉吃過痛快啊！店員準時5時招呼客人入座，坐下後，便開始出去取食物。這裡是日韓式放題，當然有刺身、燒肉區，另外也有沙律前菜、火鍋、點心、炸物、熱葷、甜品、飲品區。～ 刺身區：有多種選擇，除了有受歡迎的三文魚、赤蝦外，也有赤貝、魷魚片、馬都貝、榮螺片、各式壽司等，新鮮清甜，各式其式。～ 燒肉區：這個區也很受歡迎，各式牛、豬、雞肉都有，也有秋刀魚、多春魚、魚柳、腸仔、蟹柳。肉類新鮮醃得入味，有辣有不辣，推介五花腩肉，其餘的也不錯呀！～ 前菜沙律區：木耳、酸薑、海草、秋葵等，沙律菜亦新鮮，中西式都有，健康有益。～ 火鍋區：火鍋湯底有日式豬骨湯、韓風辣湯、壽喜燒湯，火鍋料有菜、餃子、菇、翠肉瓜、南瓜、三色椒等，新鮮多選擇，確可以媲美火鍋店！～ 點心、炸物、熱葷區：位於食物區的中央，除了有熱騰騰的點心外，還有薄餅、蝦片、炸波、枝竹牛腩、豬紅、碗仔翅、中湯等，較適合不吃生冷食物的老人家。～ 甜品區：多選擇到不得了，除了有奶凍、布甸、啫喱等杯裝外，亦有雪糕、雪條、凍菠蘿、凍哈蜜瓜，還有西米、涼粉、椰果、什果等，可自製適合自己口味的冰，所以一定要留肚吃甜品啊！～ 飲品區

呢間餐廳真係神奇嘅存在，我印象中疫情之前食過一次，估唔到經歷疫情之後，飲食業叫苦連天之際，佢仍然屹立不倒，當日我去食嘅時候，餐廳都keep住有客。我個人認為呢個就係認清市場定位嘅好示範，餐廳主打嘅就係一個性價比，晚市200蚊有找全包，有曬燒肉、刺身、壽司、點心、熱盤、一人火鍋、內地好興嘅冰粉、啤酒燒酒任飲。我都可以話除咗呢間，都好難揾到另一間做到咁（韓X燒都係，不過聽聞好似係同一個老闆，哈哈）。燒肉主要都係腌製凍肉為主，但款式唔少，任攞唔嬲，刺身竟然有赤蝦，雖然每次限量攞，但人唔多嘅時候可以問服務員一次過攞多隻。味道方面對得住價錢，基本上都幾似去BBQ場咁，個分別只係呢度用鐵板煎香而BBQ場係用火燒，刺身就個人推薦赤蝦，都幾大隻有蝦味。多款啤酒任飲，如果想放工啤啤佢嘅，又同時想食下肉醫肚，講真呢度都可以考慮。總結都係嗰句，餐廳定位好鮮明，呢度唔係主打食到有幾premium，而係主打包羅萬有，一次過滿足曬全部需要，飲下啤酒燒下野食又唔洗擔心價錢嘅好地方。

呢日預計收工8點幾，呢間燒肉+打邊爐任食～宵夜時段為8:30pm $183一位，認真平～8點多上到去依然人煙鼎盛，食物款色也多，真係一次過大滿足，急不及待拎野食，有沙律、刺身、壽司、熟食、火鍋配料、燒肉配料、甜品、飲品、花茶。🍣🥟刺身望落新鮮，熟食有幾款點心🍙熟食：蓮藕、豬手、豬紅、炒菜、點心；炸物有咖喱角、炸餃子、章魚小丸子、豆腐等。🍖烤肉火鍋配料款式多多，雞翼、雞扒、豬扒、牛扒、魷魚、多春魚、秋刀魚、漢堡扒、雞肉腸、脆皮腸、雞軟骨等🍲火鍋配料肥牛、豬肉片、山根、豆卜、魚片頭、餃子、菇類、蔬菜，諗到都有，而湯底有豬骨湯、壽喜燒和麻辣選擇。醃肉夠晒入味🍯醬料多種，想到都有，至愛加蜜糖，很有BBq風味🍶飲品：各式汽水、花茶、清酒任飲🍮甜品：很多款不同口味的啫喱、奶凍、布丁

剛剛食了午餐自助餐98元食品質素比以前好咗好多我以前長期幫襯，但係有一輪啲質素非常差，跟住就冇幫襯了那一見到價錢好吸引再試一試質素好咗好多希望以後繼續保持水準遲兩日試吓下午茶先

第一次幫襯，所以完全唔知道呢啲潛規則首先佢推出咗生日優惠，訂座時已講明要慶生，亦有問會唔會收切餅費佢都唔會提醒你入座嘅時候係需要出示身份證明文件到你埋單嘅時候發現冇優惠，佢就會怪責你點解你唔自己主動拎出嚟然後我喺入座前30分鐘已經將個生日蛋糕放喺餐廳度門口職員亦都寫低咗所有資料但係當買單嘅時候問職員拎返個蛋糕就大大聲聲問我哋係乜嘢蛋糕留咗咩資料態度亦都10分惡劣咁樣叫我哋揸返個蛋糕當日夜晚我已經即時向餐廳社交平台查詢，但係完全冇人理會我老實講，好似標題咁食物係冇問題款式亦都係多嘅，可惜就係職員態度嘅問題

今日約咗舊同學聚會，嚟咗食呢間性價比極高嘅燒肉x火鍋x刺身的三重放題，我地揀食5pm 至7pm 2小時放題，每人$198再加一，勁抵食。一入到去梗係食刺身先，估唔到刺身嘅種類都幾多，有赤貝，三文魚，赤蝦，虎蝦等等，我哋就試咗赤蝦，三文魚同赤貝。估唔到赤蝦有驚喜， 赤蝦好大隻，年頭連殼。赤貝都爽甜。之後我哋食韓燒，食物嘅種類超多，所有嘅肉類都應有盡有。我哋試咗西冷牛扒，孜然五花腩，叉燒，土匪雞翼，香草魚柳，香辣韓式魚柳，牛柳粒，牛肉片，多春魚等等。牛扒幾好食，唔會韌，而且好入味。土匪雞翼燒得皮脆肉嫩，韓燒必食。孜然五花腩味道有驚喜，肉質軟腍。多春魚條條都多春。除咗肉類，有好多蔬菜可以燒，燒菠蘿勁正，香甜多汁。食完韓燒，我哋食火鍋，我哋揀咗壽喜燒湯底，出邊拎咗d丸類同餃，再食啲蔬菜。肉丸質素不錯，款式亦多。最後我哋仲食埋甜品，有多款雪條雪糕選擇我就食咗指糯米同榴槤雪條，朋友就食咗雪糕揀咗沖繩鹽味，幾特別甜品櫃仲有多款奶凍同啫喱選擇，食完凍冰冰嘅甜品飲番杯按自己喜好調製嘅花茶，好舒暢。總括而言，呢度嘅放題好超值，選擇較多，而且攞韓燒同火鍋食物嘅自助吧都乾淨衛生，仲有多款熟食選擇，款式應有盡有

這家餐廳位於觀塘站旁邊的一個商場內。餐廳景觀開陽，座位寬濶，侍應生服務殷勤。 我們二人選3號餐，午市燒烤火鍋刺身自助餐2小時，每位$198，另收加一服務費。任食任飲，自助餐是包括沙律、餐前小食、熟食、刺身、壽司、燒肉、火鍋、冷熱飲品。燒烤：肉類有30款，主要有牛、豬、雞、魚和鴨胸等，應有盡有，其中牛肉濃味、豬五花肥美甘香、金沙骨惹味、雞翼皮香肉嫩、煙肉香脆味道咸、多春魚漲卜卜。火鍋：配料約有20款，主要包括肉丸、水餃、蔬菜和芋絲，其中牛筋丸彈牙、魚蛋爽口、黃芽白清甜。刺身：推介三文魚和甜蝦，新鮮美味。熱飲：有11款花茶和茶葉，推介菊花茶，清熱明目。凍飲：約有20款，主要包括涼茶、解茶、汽水和啤酒。甜品：推介自選配料的凍涼粉和熱芋頭西米露，凍涼粉加了雜果和椰奶，口感清涼，芋頭西米露熱辣辣，甜味適中。