柴太郎咖啡店

家人一直推薦依間偏遠小cafe，咖啡、窩夫必食？講到咁高分梗係要去試啦~小店座位舒服、位置寧靜，整體環境係唯一高分部份。食物方面 - Happy Tummy (全日早餐)︰份量富，單睇外表 $118 可以接受。炒蛋嫩滑但炒到碎濕濕，口感一般；配菜輕炒聖女茄，味道偏酸但因為落太多油，所以變得唔清爽；磨菇帶有濃郁菇味，質素正常；小堆生菜淋上酸黑醋汁，平均返整體油膩；兩條肉腸外皮煎脆，但脂肪比例較多，又多另一樣令人飽濟嘅食物；煙肉質素正常，只係加埋落成個餐中，變成膩上加膩；最後窩夫，一上碟已經見到烘焗時間唔夠。雖然用料十足令中間夠實在，但無脆邊之餘只要放涼一陣就變得好韌，完全唔係窩夫應有鬆軟質地。低碳飲食加吐司︰份量都係足夠，但額外加一塊吐司加自製果醬幾啖就要 $25，而且唔熱、唔脆，好似擺到變凍咗。只係一塊厚身白麵包，太唔合常價吧！？其實果醬都唔係特別出色，我寧願去食就近出名果醬吐司cafe會更開心。煙三文魚都係現成貨，質素一般且正常，無咩功夫可言；配菜聖女茄、磨菇同黑醋生菜同Happ Yummy餐一樣，油膩；煎蛋中間有流心黃嘅，但落太多油喇，真心會食到好濟。半個熟成牛油果軟身而且有果香味，但當其他食物都多油嘅時候再加牛油果，感覺不太好了。飲品方面 - Latte︰咖啡師沖啡底已經聞唔到豆香，已經感覺味道會偏淡；上桌時見到奶泡又打得好厚實喎，拉花都堅挺，但.....杯熱Latte，係凍㗎.....真係無其他意見了。總結︰成餐感覺好似比屋企人呃咗咁，仲特登入西貢試。連成日大推想翻桌嗰位，都話唔會再有下次。性價比真係除咗份量豐富，無其他加分位。大家可以去一試究竟，睇下會唔會每次都有唔同嘅水準或者驚喜？…查看更多

難得放假好天，終於冇落雨，今次揸咗架車入西貢，可能因為時間仲早，唔係好塞車，泊咗喺附近停車場，打算食個lunch之後坐船去鹽田梓行吓。喺市場街行行吓，見到旁邊有白色嘅樓梯級，原來係間Cafe，我比佢個名「柴太郎咖啡店」吸引咗，以為入面真係有隻柴犬😂😂😂 我二話不說就入咗去😅但原來裏面係冇柴犬的(我估店主可能真係有養嘅)入到去裝修好簡潔，好舒服，有少少文清感覺，我叫左一杯凍齋啡同一杯凍Flat White，一個Happy Tummy (All Day Breakfast) 同埋一個辣蟹肉意粉。個All day breakfast份量啱啱好，意粉好多蟹肉，兩個都好好味👍🏼市場街附近真係多咗好多小店同Cafe，下次要再嚟試吓其他Cafe😋…查看更多

入西貢同住西貢嘅朋友見吓面我哋想搵一間坐得舒服嘅地方飲吓嘢於是去咗呢間柴犬做主題嘅Cafe 係寵物友善嘅餐廳環境坐得都幾舒服我哋兩個每人叫左杯咖啡又叫咗件cake☕️🍰一路食一路傾偈都幾輕鬆我哋都錯咗一段時間但係都冇俾人催我哋坐店入面又唔少柴犬嘅嘢碟上面都有好可愛嘅柴犬食物雖然唔係一級好食但係可能今日難得我平日放假店入邊嘅嘢又好可愛令到我心情一級好🥰如果係鍾意柴犬嘅朋友仔又咁啱去西貢都可以去呢間食吓嘢飲杯咖啡幫襯吓小店…查看更多

第一次黎，星期六以為要等位，好彩唔駛。朋友叫咗個All Day, 賣相一般，不過都幾大份。我叫咗個心太軟配雪糕，等咗好耐都未到，然後黎嘅係窩夫雪糕?! 我咪同個男staff講，唔係要呢個! 佢話你落咗呢個。最後話心太軟賣晒。等咁耐，仲要黎錯，唔好意思都冇句。真心唔happy😑 個甜品賣相真係一般，雪糕ok，個窩夫硬到磚頭咁，切都切唔開，最後放棄咗大半舊。真心唔得，未食過咁嘅窩夫😅不推薦呢間，因為有更多選擇。。…查看更多

🐡四圍游，周圍食 - 柴太郎🐡西貢有好多Café，其中呢間柴太郎就以柴犬為主題。店主話本身真係會有隻柴犬間中落嚟睇鋪，但最近因為一D原因就無得落嚟了。好可惜見到唔柴柴真身。呢次嚟係食佢嘅下午茶Set：一份主食加一杯飲品🐟香蕉迷你窩夫配朱古力雪糕($88)🐟以Tea Set嚟講，份量都叫剛剛好，有兩個窩夫，同埋和種配料，每一樣配料都同個窩夫好夾。好味道！🐟青蘋果三文魚多士($98)🐟用青蘋果嚟配三文魚，令到成個感覺Fresh咗。上面仲有D羊奶芝士，配沙律菜，Overall 都係Fresh嘅感覺，唔會好膩。環境都舒服，好適合同朋友一齊傾計食Tea。食物：🐠🐠🐠🐠🐠環境：🐠🐠🐠🐠🐠價錢：🐠🐠🐠🐠服務：🐠🐠🐠🐠Overall：🐠🐠🐠🐠…查看更多

忙碌一星期，星期日是應該懶的。一直都知道有這間小店。來西貢搵食多次都沒來，這次 open rice 找一找。但找不到車位, 無謂搏抄牌啦！在內街，走上幾步樓梯，店外有 2 張枱，方便帶毛孩，店內裝修簡單乾淨，快快叫個外賣早餐啦！早餐 Happy Tummy $108，不包飲品。店員很有禮貌。當天下著雨，大約 十點，可能時間尚早 ？客人不多，堂食只有一枱，也見不到柴犬。環保包裝，讚 ！這個價格都不算便宜，味道可以的，可惜沙律菜口感有點「淋」，似乎不太新鮮，確實有點失望。…查看更多

同阿女去西貢畫完畫就去佢鍾意既柴太郎食個 late lunch 先雖然見唔到太郎，但店舖內都有柴柴物品賣同一大幅柴柴璧畫叫左個Carbonara俾 Kelsey , 醬汁幾creamy, 煙肉同蘑菇份量都多, 啱晒佢胃口我就梗係食Happy Tummy 啦，大大份既All Day Breakfast,裡面有豬肉腸,，香煎煙肉，香草焗小蕃茄，香蒜炒蘑菇，炒蛋，自家制鮮茄焗豆，田園沙律，多士配果醬今次既果醬係菠蘿醬, 入口清新唔太甜爸爸就食蟹肉香蒜辣椒意粉 ，蟹肉唔算多，香蒜辣椒味都夠，只係份量比較少叫左杯 Cappuccino 同 Latta ，味道就一般，但見到柴柴圖案就即刻開心晒。…查看更多

毛毛蟲同朋友去西貢2日一晚camping。熱到🌞晒到變毛毛蟲干。返到西貢巿中心，搵嘢食，朋友推介去🐶柴。太郎咖啡店💖毛毛蟲開餐！❶柴。太郎咖啡店🐶藍天白雲下的cafe﹐門外有白長椅，也有幾張戶外枱椅，但今天太熱了，只想要冷氣!❄️❷A1 Happy Tummy($108)這裡的食物選擇不多，主要係食all day breakfast或意粉。選了A1 Happy Tummy有:豬肉腸、香煎煙肉、香草焗小蕃茄、香蒜炒蘑菇、炒蛋、自家制鮮茄焗豆、田園沙律、另外重有多士或窩夫。一上枱見到就覺得好開心！色彩繽紛，材料豐富，毎樣份量不多，但絶對夠飽，重跟一小樽橙肉果醬，影相打咭都開心。❸B4 煙三文魚碎蛋牛油果窩夫配田園沙律($88)朋友點的，因食左早餐食不下太多了，就試了這個窩夫。沙律份量比我地多，牛油果醬味道不錯，上面重有二片青蘋果，牛油果夾窩夫食都夠飽。❹橙汁($38)🍊太熱太口渴m毛毛蟲想要D天然D的飲品，見有新鮮橙汁就試下。結果上到來都幾大杯，內面重要有好多橙肉，十分推薦！重點係飲落好新鮮之外又不會好甜。應該無另外加糖！❺凍朱古力咖啡($46)🍫見到柴犬郎了！本來以為只有熱飲先會有公仔，但原來凍飲都有，好開心。❻店內環境店內有一些柴犬的畫，重有一個寄賣柴犬物品的櫃。睇得出有好有心思。🐛推薦指數美味🌕🌕🌕🌕🌕抵食🌕🌕🌕🌑🌑環境🌕🌕🌕🌕🌑回頭🌕🌕🌕🌕🌑店舖資料🗺西貢市場街11號地舖📞94880623⌚星期一至五 1000-1800    星期六、日0900-2200#hkfood #hkgoodies #yummy #foodiehk #foodblogger #eat#毛毛蟲美食 #香港食評 #西貢美食 #香港美食指南 #食好西 #食好西系列…查看更多

2022年4月23日 晴今日入西貢行山, 行之前去食個brunch 先今日西貢竟然比想像中少人...神奇牆畫左一大幅璧畫, 仲有一d 柴柴物品賣, so cute!P1. Carbonara $96汁都幾creamy, 煙肉同蘑菇都多, 意粉係扁意粉, 唔錯P3. Crabs Aglio e Olio $106炒意粉黎, 冇汁, 蟹肉唔算多, 但每一啖都會有d ge. 不過香蒜辣椒味就唔夠, 反而香草味仲重, 整體唔夠香。A1. Happy Tummy $108好大份的 All Day Breakfast豬肉腸, 香煎煙肉, 香草焗小蕃茄, 香蒜炒蘑菇, 炒蛋, 自家制鮮茄焗豆, 田園沙律, 自家製窩夫配果醬果醬係自家製菠蘿醬, 入口幾清新, 配窩夫食幾正炒蛋大大份, 好香夠滑豬肉腸好juicy, 喜歡煙肉蕃茄蘑菇同沙律都好食茄汁豆就正常, 都唔錯Hot Mocha $42Mocha 有柴柴圖案好qq, 飲落都開心d最後覺得食all day breakfast 最抵食, 意粉就同自己超市買材料整覺得差唔多…查看更多

陽光普照的一天，一家人帶埋狗仔去完布袋澳食午餐，再嚟西貢行下，食個tea.餐廳外面有3張枱，可惜滿座餐廳內處處可見柴犬的壁畫及小擺件可愛狗仔拉花三文治多士，份量都幾大，一個人食都幾飽牛油果多士紐約芝士餅食物整體質素中上，飲品可愛拉花好適合打卡影相。餐廳環境都好舒服，尤其是戶外的三張檯，可以曬下太陽，啱曬消磨一個懶洋洋嘅下午。而餐廳侍應亦好friendly,主動和我隻狗仔玩，食物價錢定位亦合理，有機會過嚟西貢，一定要嚟試吓。…查看更多

星期六下午walk-in馬上有位😬有室外同室內位置可以選擇，可以帶埋寵物一齊黎😆🔆蟹肉香蒜辣椒意粉$𝟙𝟘𝟞 食完第一啖，心諗阿點解無味🤣蟹肉本來就味道比較淡，蒜同辣味也不太突出，加上乾炒沒有醬汁調味。雖然加左椒粒豐富味道，但還是淡了一點😣🔆黑松露鮮菌意粉$𝟙𝟘𝟞 本來諗住呢個pasta都會一般，點知黑松露醬汁味道香濃🥰菇菌數量都好多😆而且佢嘅意粉質感幾彈牙好好咬💖🔆Cappuccino$𝟛𝟠平時唔飲咖啡☕️但為左柴太郎公仔就試下🤣可愛的拉花🐶🐰果日沒有見到店長太郎小小失望💔cafe食物唔特別出眾，但如果想同店長玩下影下相都可以黎試下(不過也有可能像我這樣沒有遇到🥲…查看更多

在自己熟悉的城市之中慢遊，快樂無需遠行。我是個隨性子的人，前陣子放假在想要到哪裡去，心血來潮下，突然想到了西貢，於是拿起行裝便出發了。以往來的時候總是在週末，但我不喜歡人山人海的壓逼感，這次剛好可以看看它的另一面。美好的一天，由這頓豐富的早午餐開始。Shiba Taro Cafe是一家以柴犬為主題的咖啡廳。走上幾級樓梯，左邊便是咖啡廳的空間，外面有一個小陽台，喜歡店面潔白的清新感，門口的小地毯印有小柴犬模樣，上面寫著「我正在等候你」，相當可愛。店面空間不算太大，木色調的家俱，牆上的壁畫，櫃子上擺放著的小物品，或是牆上繪有柴犬的壁畫，都讓我感受到店家的用心，像是家的溫馨。走進店，便選定了在露台上靠著欄杆的白色桌椅。對著內街，因為是平日上午，人流不多，不時看到遊人三三兩兩，走走停停，挺寫意的。若是遇上好天氣的話，暖洋洋的日光灑在身上，應該挺舒服吧。飲品不太常喝咖啡，又想點一杯印有小柴犬圖案的熱飲拍拍照，所以點了一杯chococcino，上面撒上小柴犬模樣的巧克力粉，十分可愛。食物點了一個Happy Tummy，有豬肉腸、煙肉、小蕃茄、炒蘑菇、炒蛋、焗豆、沙律和窩夫；一個Chef Selection，有三文魚、薄切牛肉、豬肉腸、炒蛋、沙律和蒜蓉多士。Chef Selection以小木板呈上，放上充滿英倫風的紙張，賣相吸引，還有種在田野用餐的感覺。沙律菜新鮮爽脆，配上芝麻醬和黑醋，十分清爽。蒜蓉多士烤得焦脆，十分香口。窩夫外脆內軟，醬料是自家製菠蘿醬，甜而不膩。食物整體質素中規中矩，是選擇簡單卻讓人飽足的一餐。若是想與朋友找一個舒適、清靜的地方享受一個早午餐，挺適合的。…查看更多

西貢開左好多cafe今次想去飲杯野+食d野行去市場街睇下有咩啱係門口同侍應講完人數，等左陣見到好多人帶埋狗仔去感覺好relax入座之後，環境都舒服侍應都好好禮貌見到佢地又會同狗仔玩叫左杯mocha+Happy Tummymocha有個好靚既公仔果碟主菜好多野，好飽個果醬係菠蘿味，好味道同行的，都係叫一樣的食物+飲品大家都食唔曬咁食法一個人$108+$42再加一如果有得叫食物，加錢飲野，當一個set咁，感覺會抵d…查看更多

西貢超多靚景行山路線🥾上山前第1個check point 🏔一定係去餐廳食飽，積聚下卡路里熱量先再行估唔到入到西頁都有柴犬Cafe😍 食野之餘，可以順便打埋卡，一入到黎店長已經超熱情招呼我地❤️𝐓𝐞𝐚 𝐒𝐞𝐭 𝐌𝐞𝐧𝐮🕑平日2:30-5:30提供 （週一至五，公眾假期除外）💁🏻‍♀️套餐包一杯$30以下的飲品，其他飲品補差額-𝐓𝐞𝐚 𝐒𝐞𝐭 - 𝐂𝐚𝐤𝐞 𝐨𝐟 𝐭𝐡𝐞 𝐝𝐚𝐲是日蛋糕（$58）𝐋𝐚𝐭𝐭𝐞·咖啡上面係柴犬店長 太郎的Logo🥺 可愛Cute Cute唔捨得飲咖啡正常水準，正常冇特別𝐁𝐥𝐮𝐞𝐛𝐞𝐫𝐫𝐲 𝐂𝐡𝐞𝐞𝐬𝐞 𝐂𝐚𝐤𝐞·蛋糕都正常水準，質感棉密厚實，配藍莓果醬=經典組合🫐剛好不會太甜友人喜歡食芝士蛋糕🍰 全部食晒 K.O後感·Tea Set價錢好經濟，又唔似其他柴犬Cafe有限時☺️ 如有入開西貢，值得去試下不過，如見店外太多人等，完食及打卡後，請讓其他食客😉…查看更多

💛💛💛Chill住遊西貢一日🥰難得嚟到西貢，揾左間高質舒服cafe🤣嚟到呢度relax，我就著重環境多d，不過呢間環境同食物都咁高質🤤嗰日去仲見到可愛柴犬😍濃香煙肉蘑菇忌廉意粉 $88🤤呢個係lunch set嚟🤣意粉好creamy，料都好多😍黑松露忌廉鮮菌意粉 $88😋黑松露嘅嘢多數都唔伏，一嚟到超香黑松露味，成個意粉都好好食🤣Latte☕️午餐奉送$30飲品，呢個加$8，我係為左個拉花而嗌，個拉花真係好靚😍👅味道：4.2/5🌹環境：4.5/5💰性價比：4.5/5📍 柴太郎咖啡店西貢市場街11號地舖…查看更多