柳和亭

營業中

休息中

呢間餐廳係新開嘅，見佢都有好多食物選擇而且價錢都算抵食！1. **明太子蟹籽海鮮炒飯**：這道炒飯香氣四溢，明太子的鮮味與蟹籽超級夾，而且都好重本超級多蟹籽，每一啖大滿足2. **百香果梳打**：這款飲品清新爽口，百香果的酸甜味道讓人心情愉悅，搭配少冰的設計，更加消暑解渴。3. **慢煮牛胸腹湯麵**：湯麵的牛肉軟嫩入味，湯頭濃郁香醇，搭配彈牙的拉麵，好食過好多餐廳嘅拉麵4. **Citron Soda 柚子梳打**：這款飲品酸甜適中，柚子的清香與氣泡的清新感交織在一起，讓人每一口都充滿活力。小食炸雞翼夠晒香口而且仲有芝麻米麵都超級香芝麻味雞肉炸到啱啱好沒有太老！有呢啲小店真係大角咀嘅福音唔使下下都成連鎖店，而且服務態度都幾好

#🔙回頭率：9/10🌈性價比：9/10上兩星期同男朋友食過lunch，真心覺得好好食而且服務環境都Ok!最後知道有得慶祝生日，訂咗今日過嚟食串燒慶祝男朋友生日店員話可以send圖比佢畫~本來想私心收藏，但係決定分享(希望唔好加價haha)，聽講新開一個月左右，性價比極高，大家一定要多多支持。見佢地仲有好多款清酒，無論係清酒定係串燒，都好似比出邊平遲啲放假先過嚟試佢哋嘅清酒*･*:.｡..｡.:*･*:.｡. .｡.:*･･*:.｡..｡.:*･———————————————🍴:串燒一人前😋定價88蚊，有前菜有主食有串燒，仲送果汁，真心好抵。串燒火喉岩岩好，雞翼翠玉瓜同聖女果都好Juicy，好爆汁🈵 10/ 10🍴:吉列豬里肌配烏冬😋店員推介既，佢哋話係用生既麵包糠炸，同出邊好多舖頭直接叫貨唔一樣，所以我哋決定試一試佢，的確好酥脆，而且好大塊，好抵食。略嫌沙律醬比得唔夠多🈵 9 /10🍴:生日訂座送嘅畫碟😋本來想用優惠價加錢換魚子醬~但太遲訂座，所以店舖俾唔到魚子醬我哋有少少遺憾，但畫碟好有誠意，而且送嘅蛋糕都好食，不過係伯爵茶味，我同男朋友都唔太鍾意伯爵茶，但店員話蛋糕味道係隨機，

係奧海城睇完戲過咗嚟大角咀呢邊食野 平時都比較少嚟呢頭 見到呢間新開嘅日式小店就決定試下佢個晚餐二人前 $188有前菜 2款主食 8串串燒 小食同2款飲品 幾抵食咁前菜和風蟹籽沙律 將蕃茄 粟米 蟹籽同沙律菜撈埋嚟食幾開胃!主食手打烏冬 (走洋蔥) / 白飯 (小飯)烏冬同白飯嘅面頭都灑上咗飯素以增添風味菜菜子聖女果 (標準) / 鮮冬菇 (醬燒) / 翠玉瓜 (鹽燒) / 雞髀菇 (鹽燒)聖女果其實姐係蕃茄仔 入口爆汁! 冬菇同翠玉瓜又係夠哂juicy 最鍾意係雞髀菇 口感彈牙食肉獸 鴨胸串 (醬燒) / 雞脾肉串 (鹽燒) / 多春魚 (鹽燒) / 鹽燒雞皮2串鴨胸燒過之後煙燻味好出 雞脾肉就好嫩滑 仲有陣孜然辛香味 多春魚同雞皮嘅外皮燒到少少焦脆 食落好香口小食 香蔥玉子卷4件 火喉控制得幾好 唔會將蛋煎到太老 口感偏扎實

今天在大角咀簡單吃個午餐行過見到這個午市套餐價錢ok,款式都多就入去前菜桂花蕃茄帶微微的桂花香,蕃茄帶甜午市套餐1. 吉列蟹鉗烏冬吉列蟹鉗內脆外軟, 手打烏冬煙煙靭靭2. 海鮮明太子忌廉意粉上面明太子份量好多, 最初還以為會好鹹，但係食完都覺得ok日式與西式配搭, 很有洋食的感覺串燒燒雞腎, 可以有選擇不同味料,我選了麻辣, 香口得嚟好惹味燒菠蘿, 覺得好好，面唔使再加焦糖， 食返菠蘿原味餐廳有個吧檯位，有不少特色飲品同埋雞尾酒配搭，但是今天吃滿午餐就沒有嘗試 ，下次可以喝杯cocktail餐廳有捐贈同埋派飯活動覺得餐廳好有意義大角咀的日常， 找間小店吃個午餐輕鬆又寫意

大角咀不嬲出名多小店同好野食🙂‍↕️ 今日去開奧運站就行左去大角咀覓食～ 上網搵見到新開咗呢間日式小店 類似居酒屋🍻主打食串燒 有主食同酒類😍 於是嚟左試下門口見到個$188 二人餐, 好似幾抵食🙂‍↕️呢間串燒店可以自選 醬燒/鹽燒/香辣 三種口味~ 同埋都係即叫即燒！我地叫左🥙和風蟹籽沙律｜有新鮮生菜&蕃茄仔&蟹籽撈埋一齊食, 係唔錯嘅開胃菜之選主食簡左拉麵🍜 湯底濃郁, 如果鐘意食再濃味小小既朋友可以多放七味粉調一調味！而拉麵質感彈牙幼滑, 每條麵質都掛上七味粉, 幾惹味的主點係串燒🍢！個套餐都包左唔少串燒～我地簡左啲必食推薦· 聖女果 (必點!)其實姐係燒蕃茄仔🙂‍↕️🍅 呢個一向係串燒店首選, 一咬爆汁juicy ~· 芝麻雞翼另一個推薦！一上菜超香的～熱騰騰的炸得很脆，肉很滑還有一點肉汁～· 明太子雞髀肉👍🏻👍🏻（必點）呢個真心推薦！食完再encore 雞髀肉質嫩滑，火喉燒得剛剛好，明太子對係加分位❤️鐘意食明太子既一定唔好錯過！另外仲叫左日式蔥花卷蛋、燒墨魚咀、芝士年糕，年糕係本人私心鐘意食🤣 外層內軟，滿滿的芝士，看到拉絲的感覺真的很治癒！🍺串燒又點少得啤酒！我簡左朝日Asah

之前食開間酒燒弄執咗，見倒同位置新開都係日式料理店就入咗去由於附近只有神虎同麵屋一鳴，見倒佢地有賣拉麵就叫黎一試，結論係湯底同配料都唔錯，係個麵煮得冧咗啲，如果硬身啲會更好。埋單68蚊再加一，但用電話入會可以減5蚊，即係70蚊走得，連埋嘢飲同枝豆可以接受但其實呢間嘢真正推介嘅係意粉同串燒，但今餐太忙唔得閒試，下先會再挑戰

大角咀一向有很多好吃的小店，今次黎左呢間裝修幾有日系風的串燒店！和朋友點了一個二人set前菜（和風蟹籽沙律）新鮮沙律菜，配上大量的漲爆蟹籽，口感非常豐富，作為開胃菜一流！主食（拉麵）拉麵新鮮彈牙，掛上湯底的精華&落少量七味粉，尤其惹味！聖女果（醬燒）姐係車厘茄，每粒蕃茄仔輕輕燒過，外層脆皮，內裡好juicy!日本大蔥腩卷（鹽燒）鹹鹹地的豬腩肉好juicy, 中間夾住大蔥一齊食, 可以吸收下啲豬腩肉油脂, 中和一下肥膩感司華力腸超級巨型，燒過的香腸帶有脆皮效果！外脆內軟，口感好豐富～汁燒鰻魚燒過嘅鰻魚好脆身，而且帶有好香濃的鰻魚汁，肉質軟稔～香蔥玉子卷蛋味香濃，放上香蔥一起煮，鮮味更為突出！芝麻雞翼炸雞翼既邪惡又香脆, 肉質嫩口juicy, 好滿足!燒菠蘿清甜多汁, 外層呈焦香金色, 估唔到燒過既菠蘿係咁好食!紅梅汁唔會太甜, 冰凍口感, 在這個炎炎夏日下, 尤其解渴!

行過大角咀見到呢間試業中，睇menu有好多款唔同食物，就入去食個early dinner，叫左個晚餐二人前$198。有前菜，8串串燒，2款主菜，再加兩杯飲品。前菜揀左醬燒燒賣，有四粒，燒得好香口。鹽燒雞皮兩串，燒到好香脆，但仲保留到啲油脂。司華力腸，皮脆。鹽燒日本大蔥腩卷，正常。香辣雞脾肉串，雞肉好爽口。鹽燒鮮冬菇，juicy。鹽燒雞脾菇，厚身。香辣翠玉瓜，呢個辣味帶起左翠玉瓜的甜，好食。聖女果，原來即係燒車里茄，爆汁。唐揚炸雞，入面仲保留到好juicy。手打烏冬，另加$8另外一個主食就叫左白飯。Lychee Soda，另加$8，幾fresh。So Hot 加州風情，另加$28橙香味幾夠。下次再黎食串燒配啤酒先😋😋

要左個慢煮牛胸腹丼飯 跟餐送左碗枝豆同果汁d牛煮得幾香幾好食 味道真心唔錯 但牛既份量可以多dd 但細食既人一定夠唯一美中不足既係暫時只收現金 希望之後會有其他payment method (八達通/credit card)

串燒份量（2肉+2菜+魚肉燒賣）個人唔算飽烏冬湯底好淡羊假好多汁試業期期的星期日晚，唔多客，但出餐好慢用三腳杯裝嘅cocktail 影完相就倒瀉咗了，好睇唔好用嘅杯(╥﹏╥)

在大角咀有不少日式餐，但一般都是單點，難得見到有晚市套餐，所以去試一試。我叫了串燒一人餐，加錢配了烏冬烏冬湯底香醇厚實,飽含了豬骨、昆布等食材的精華。滋味濃郁但不油膩,但略嫌鹹咗少少。我喜歡喜歡他們的串燒，燒枝豆有惹味，其他串燒烤製完美！烤雞皮串外皮微焦；非常香跪可口。烤翠肉瓜和烤菇內部軟嫩多汁，咬落會覺得Juicy，並充分吸收了醬燒的香氣,咬下去鮮嫩可口，和燒雞皮形成了絕佳的口感對比。整體來說,用餐令心非常驚喜！無論在烏冬、湯頭還是串燒方面令人非常驚喜。能帶給人難忘的用餐體驗。

第二次黎食 比第一次有驚喜第一次可以話係用貴少少嘅價錢食緊學生餐第二次食嘅似返啲餐廳質素 同呢個價錢應有水準第一次係食 慢煮36小時豬軟骨湯麵 同 日式叉燒豚腩丼飯拉麵太冧 湯頭普通叉燒不錯 但汁有啲鹹 但飯還飯 肉還肉 溝唔埋第二次係食海鮮明太子忌廉蟹籽意大利粉 同 和風忌廉鰻魚燴飯兩樣啲汁同粉/飯都好夾 味道啱啱好 係條鰻魚有啲現成嘅感覺 略為扣分同埋分量唔大 如果想當一餐嘅就未必夠飽不過如果一班朋友黎食串燒時想食啲主食一人一啖都不失為一個好選擇

已經唔係第一次嚟食，但今晚成班友勁夜23:00先入去坐，靚仔老闆唔介意我哋麻煩同嘈，仲同我哋推介啲串燒😂😂整體好食又賣相唔錯，啲朋友第一次嚟都同我一樣鍾意咗依到❣️我哋成班勁E人，老闆都願意「被我哋拉埋」同我哋一齊飲酒吹水。（請咗老闆飲左杯）🤣雖然我地都有d麻煩，咩都想食😂但靚仔老闆除咗會介紹有咩必食同抵食之後仲同我哋一齊玩佢真系好好人好親切✨✨講真深宵時間好難遇到啲咁好嘅老闆同咁親切嘅小店一定會力撐💪🏻✨支持香港小店💛💛

被朋友拉過嚟，唔嚟都唔知有間咁嘅餐廳。食客唔多，我覺得算喺穩世小店嘅感覺。可能太夜到，啲意粉賣哂，食唔到朋友力推嘅明太子意粉。但叫咗個番茄肉醬意粉$78同2串串燒咁平平地試吓，幾驚喜，難怪朋友咁推介！以為會好普通，但個番茄酸甜適中，啲碎肉好入味。有啲似我去戈啲高級餐廳$200-300嘅味道。串燒叫咗雞腎同牛舌心，雞腎爽口好食，牛舌心好嫩口，但外皮又燒到有啲焦脆口感。好特別！整體味道好好。下次非常願意再俾朋友拉嚟食！😍😍

今日誤打誤撞去左呢間餐廳食中午，我平時都會帶住媽咪週圍嘗試唔同嘅美食，咁啱今日喺大角咀附近，然後發現呢間隱世小店，打開餐牌果下，齋望到嘢飲嘢食個名，覺得佢古靈精怪，有啲嘢飲叫咩戀愛腦，一見鍾情。但由最初嘅覺得奇怪變成佩服，我就點咗一個慢煮36小時豬軟骨飯同一見鍾情既野飲，實不相瞞我係一個幾鍾意食豬軟骨嘅人，但好多時係街食到都係偏韌同冇乜味一味淨係得個鹹字，但佢呢度嘅豬軟骨真係畀到驚喜我，口感軟綿同埋好入味，杯嘢飲就有少少酒精嘅成分，我係一個對酒精麻麻地嘅人，但係呢杯嘢飲畀到一個relax嘅感覺我，唔算太甜，但有少少蜜桃嘅味道，在加少少酒精嘅餘韻。我係一個好少寫食評嘅人，但今日呢個午餐真係令我感到久違嘅relax，所以我都唔怕麻煩咁寫咗呢個食評。後來得知呢度嘅廚師就係老闆娘，嘢食嘢飲都係由佢設計，然後一手一腳實踐出嚟，真係令我五體投地。價錢公道，午市仲有午餐set優惠，一定會再嚟食。