查篤撐主題餐廳

噚日（9-8-2025 Sat）晏晝，再同老公送回收品去荃運兼去南豐紗廠睇展覽，嚟到南豐紗廠就醫吓肚先，呢喥平嘅食肆唔多，咁啱我哋喺呢一層，見到呢間嘢，睇睇有咩嘢食，都係乜丸物丸，不過都見到有意粉，但啲丸好似幾有特色，咁就坐低睇menu試吓，見到話買滿$30.00嘢食，可以特價買飲品，睇完後，就要：2. $6.00嘅熱菠蘿青檸蜜正常嘅菠蘿酸甜味。5分4. $10.00嘅凍羅漢果茶唔太甘苦，我飲到底至發現，原來老公冇攪勻沉晒喺底嘅蜜糖，但佢唔苦就冇問題啦。5分1. $39.00嘅雜錦肉丸呢個有墨魚丸，牛骨濃汁牛丸， 豬肉丸，薑汁皮蛋貢丸，豬骨濃汁貢丸，炙燒芝心丸，芥末沙律球同細魚蛋各一粒。店員幫我哋剪開啲丸，不過有3粒有餡嘅就冇剪，啱嘅，亦用牙簽拮住粒薑汁皮蛋貢丸，提我哋食時小心熱。牛骨濃汁牛丸，豬肉丸同豬骨濃汁貢丸味道真係夠濃，好味。5分墨魚丸同細魚蛋都正常。3分炙燒芝心丸唔會太鹹；芥末沙律球芥末味好似唔多出；4分最後薑汁皮蛋貢丸係好特別同有驚喜。5分1. $36.00嘅原製奶酪餅呢個要時間做，呢個熱熱地，一食，外脆，芝士拉到絲，味道唔鹹，又唔膩，有驚喜，老公都讚。5分環境：凳係木凳冇所謂，但坐喺喥等嘢食就越等越熱，係咁流汗，直至煮完嘢食。其他：menu冇原製奶酪餅嘅價錢，俾錢至知。抵食係2.7分題外話：荃運環保回收社企，原來因政府唔資助，喺3個禮拜前執咗。…查看更多

行行下見攰諗住坐低食啲嘢 呢間無咩人咁就試下啦點知 果位唔知店員定老闆娘啲態度差到想唔食即走最衰落左單 唉 野就叮叮野食 人就唔知以為有幾大支野👋🏻一定唔會有下次囉！…查看更多

星期日逛南豐紗廠完全是狗山狗海！賞狗賞得累了，就在這裏吃點東西再逛⋯⋯買了樽裝茶、燒賣、凍芋頭西米露，價錢便宜，質素ok，環境也有特色⋯⋯戴眼鏡短髮姐姐非常友善好傾⋯⋯南豐有一樣比中環街市、pmq、m+等場館好，就是有不同價位的食肆，很好！…查看更多

可能是這地點最便宜食店，點解來此點，因行過幾間都無位，或好多人，好擠逼，難得這裏無人坐，肚仔餓， 求其食啲先，白汁煙肉意粉$35，見佢拉開黑膠盒蓋，丁熱，以此價當然不有奇望，唔難食，多汁，但有羶味，夠景係奶或肉！其他店一般意粉都過百，皮蛋薑汁貢丸$17，前2者阿婆喜歡,見佢即時剪袋放入煲加熱，3粒，一般，jet下，調劑口痕，想都係台湾貨。有力再行再找食。…查看更多

行過見到有意粉食，就諗住試下啦。咁我見餐牌冇寫蜆肉意粉係咩醬汁咪問一句有冇汁，個店員黑曬面答我，冇汁點食！你咩態度？你答有或者冇咪算，咁串做咩？我冇汁都食到嫁，你咪唔好俾汁我！…查看更多

我每次到台灣探女，女婿必叫我們買肉丸，我們前天特登跑到荃灣買查篤撐肉丸，女婿話.....謝謝您們帶來的丸子，這輩子沒吃過這麼好的丸子，聽落好像誇張一點，但事實在是真材實料，尤其是薑汁皮蛋貢丸，幾種材料配合一絕。…查看更多

呢幾日新開的店鋪，裝修好特別，有花牌又有傳統頭飾，放工經過時見到好多人排隊，好奇下試左兩款據說是主打的肉丸。一食落口就知唔同，墨魚丸好彈牙，有粒粒墨魚肉係入面，好好咬口；另一款是老闆極力推薦的皮蛋丸，好新奇好特別既口味，不過食既時候要小心燙口，一咬會有汁彈出來，難怪老闆再三提醒要吹凍後成粒放入口另外有款有骨既炸魚皮，之前未見過，買左包試下，超級好食好脆，鐘意食魚皮既人必試，過兩日放工經過會再去買！…查看更多

D肉丸好正, 不用加醬汁都好好味, 店舖有9款丸, 我試左其中5款, 墨魚丸、牛骨濃汁牛丸、金旦、薑汁皮旦貢丸及川辣牛丸。店員推介薑汁皮旦貢丸可以用來煲粥, 買了一包未有時間煲, 試左後話比大家知。另外, 試左個南瓜胡蘿蔔薑湯, 個湯好香薑味, 冬天飲最啱。…查看更多

有非遺花牌，兒童粵劇主題紀念品和本地肉丸。肉丸質素驚為天人，未試過咁好食！在汕頭都未食過咁彈口牛丸。而貢丸仲好過臺灣。墨丸很有墨魚鮮味。但我們年青人可能更喜炙燒芝心包。咬落去流心芝士滑啜啜，正到呢～還有卡通粵劇公仔，絕對百分百香港原創，值得支持！…查看更多