林香檸手打檸檬茶 (豉油街)

營業中

休息中

新鮮即叫即整既手打檸檬茶🥳今日同同事食完午餐，想飲d清新既野飲，就去左買林香檸❤️我叫左個鴨屎香檸檬茶 3分甜同事就叫左招牌手打檸檬茶3分甜（2款分別據說是茶底不同）只能夠選擇糖度，冰量固定左既😝因為係即打，所以檸檬好新鮮，唔會乾哂身咁，好似仲有加埋西檸一起打，就更加香☺️☺️唔知店家係咪有撩走d核先，所以並沒有出現因為打爆粒核而有既苦澀味☺️推薦！雖然午飯時間都有唔少人幫襯，但係店員好快手，我地等左陣就有得攞

今日約咗朋友去旺角shopping, 經過見到有間100%手打檸檬茶飲品店，即刻去買返杯黎試吓。我哋叫咗二杯檸檬茶，都係店舖主打推介。下午時段都幾多人排隊買，落單之後要等一等。招牌手打檸檬茶 3 分甜茶底唔算好濃，檸檬用青檸檬，要了3分甜比較清淡，檸檬清香突出，飲落沒有澀味，味道清新鴨屎香檸檬茶鴨屎香係烏龍茶底，茶底比招牌檸檬茶底香濃，檸檬香味加上鴨屎香茶底，飲落味道好特別，酸甜度剛剛好，二者非常配合手打檸檬茶味道不錯，冰凍消暑，經過可以一試

不嬲都麻麻地檸檬茶,朋友話頸渴想飲叫左杯鴨屎香檸檬茶比左啖我試,竟然唔錯喎😂新鮮榨出黎好清新,除左檸檬嘅香味茶底仲超級香濃,飲落少少澀,唔會好甜,超解渴👍🏻最後我自己都叫左杯😂

而家手打🍋店開到成行成市 間間都好似差唔多咁 見到呢間成間黃色做主調 仲要標榜100%手打香水檸檬茶就買嚟試下❣️鴨屎香檸檬茶 $32採用自家香水檸檬果園特選嘅香水檸檬 檸檬果味濃郁 酸度適中 而且香味獨特💓難怪門口嗰度寫住「一口上癮，人間清醒」絕對唔係誇張❣️原諒檸檬茶 $32加入泰國香茅葉mix & match 配搭檸檬果肉果汁 經過精細拉絲工藝"2️⃣倒3️⃣拉"嘅完美融合 而且仲要即叫即整 每杯新鮮製造 認真當住你面100%純錘🔨打出嚟 怪唔之得mix得咁均勻❣️黃皮特調檸檬茶 $36搶先飲左呢杯新產品 基本招牌檸檬茶底 加左夏天盛果:黃皮同陳皮 成杯即刻變得冇咁單調經過多番調配 每杯茶冰有獨特嘅黃金比例 落單嗰時店員都唔建議少冰或者走冰 想試吓創新特別嘅你呢杯絕對唔好錯過

試過一次唔會再試😵飲落似蚊怕水 可能係我試果隻味出事 香水檸檬誤以為本土野原來係祖国開左幾百間既香港分店lolll送俾我都唔飲 究竟有幾港豬先會吹捧呢啲冇質素可言既東東另外冰太多😵‍💫唔俾人要求少冰 話咩黃金比例lollll唔想大家抱有期望我去茶餐廳好高 茶餐廳都十幾蚊有找唔建議花成30蚊去叫杯難飲版凍檸茶lolll

好耐無飲，經過特登去買，點知飲落去個檸檬係普通檸檬，無左香水檸檬既味道. 而且又酸又澀，茶餐廳嘅檸檬茶仲沖得好飲過佢，質素完全下降. 檸檬完全唔合格. 係咪太多人幫襯搞到質素都唔可以咁「那西」？ 唔會再幫襯

之前啲人話呢間嘢好好飲，所以特登嗌外賣，本身好鍾意飲檸檬茶，就叫咗杯特濃手打檸檬茶，同埋招牌手打檸檬茶，仲有鴨屎香手打檸檬茶，嚟到成杯都係冰，飲兩三啖冇晒，真係唔值30幾蚊囉

林香檸源自湛江市，全國已有超過370間分店。在旺角開業前，香港同事前往總店接受培訓。品牌最大特色是在廣西設有專門的檸檬莊園，使用香水檸檬，形狀像黃檸檬，外皮為青綠色，不酸不澀，香味濃郁。每杯茶用1個檸檬，採用中間皮少肉多、果汁最豐富的部分，檸檬味濃郁、酸度適中、香味獨特。每杯飲品堅持人工打檸檬新鮮製造，加入茶葉後手搖，不使用機器，以免搖晃過度流失檸香。茶葉講究，採用紅茶，每半小時煮一壺，超時倒掉以防苦澀味。還有其他茶類和配料可供選擇。檸檬果肉、果汁和經過精細拉絲工藝“兩倒三拉”的茶完美融合！我最喜歡的是鴨屎香檸檬茶，茶味香濃又清新！另外白桃檸檬茶也值得一試！

全店採用香水檸檬製作檸檬茶全人手製作 店員都非常落力打睇到都覺得有啲攰🫣但係絕對真材實料，所以出嚟嘅效果咁好🥳.🍋招牌手打檸檬茶 $28人氣top 1之選🥳呢杯長期排第一嘅人氣飲品，果然名不虛傳香水檸檬味道濃郁清新唔會太過甜🤭🤭.🍋白桃檸檬茶 $29加埋白桃少少嘅甜味配上香水檸檬 互相配搭得很好非常適合夏天飲用！所以位於人氣top 6🥳.🍋陳皮檸檬茶 $30本身都有諗過會唔會唔夾但係絕對冇後悔 仲好有驚喜😍絕對推介呢一杯❤️飲落好似陳皮燉檸檬陳皮少少苦澀味配上香水檸檬嘅碌味超級match，令到口感更加有層次潤喉必備嘅飲品🥳🥳😆

手打檸檬茶最近席捲香港我都由珍奶轉投手打檸檬茶嘅懷抱最近登陸香港嘅林香檸手打檸檬茶，簡直深得我心店家自設香水檸檬果園，確保每個檸檬都有品質保證特選香水檸檬，無論果味定酸度都好岩用黎整檸檬茶一入店舖已經聞到檸檬香每杯茶飲都即叫即製，現場手打店員提醒茶同冰係黃金比例，所以不設調整冰量ꔐ鴨屎香檸檬茶每次都必點嘅鴨屎香檸檬茶鴨屎香茶本身自帶香氣，茶味亦濃郁用黎配香水檸檬真係prefect matchꔐ黑金鴨屎香檸檬茶賣相真係超正，係全黑架原來係加入左墨汁入口除左檸檬香，仲多左陣香氣幾特別得後又岩哂打卡ꔐ招牌手打檸檬茶茶香同香水檸檬，經手打後兩者非常融洽手打令檸檬發揮更香更濃飲落非常清爽，好岩而家夏天飲番杯

一口上癮 人間清醒旺角開左間100%手打香水檸檬茶檸檬果肉、果汁和經過精細拉絲工藝“兩倒三拉”的茶完美融合自設多個香水檸檬果園選用特選香水檸檬檸檬果味濃郁、酸度適中、香味獨特「一口上癮 ，人間清醒 」 小編今次就選左三款試試，每杯都有唔同感覺！🌸虎虎生椰檸檬茶（3分甜）🌟🌟🌟🌟🌟非常獨特的感覺，香水檸檬夠出配搭生椰味道，飲出黎既味道似班蘭香茅茶，超清新既感覺呀！🌸原諒檸檬茶（3分甜）🌟🌟🌟🌟🌟一飲就有濃烈泰式紅茶味，同時又有好香錫蘭茶味，慢慢滲出香水檸檬獨有既味道，最後口腔內停留橙香味。一杯有多重感覺，真心推薦呀！溫馨提示：每杯新鮮製造，即叫即 100%純錘打出來，茶和冰的份量黃金比例 ，不建議去冰或少冰🌸黑金鴨屎香檸檬茶（3分甜）🌟🌟🌟🌟🌟呢杯味最濃郁，飲到超郁濃而帶香烏龍茶味，慢慢滲出黑金鴨屎香及香水檸檬味，感覺好解膩同超消暑。======詳情======林香檸手打檸檬茶 (旺角)旺角豉油街21B號昌記大廈地下A2號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相

📍旺角人氣🍋手打檸檬茶飲店新開張📍@lamheungling.lemontea 林香檸🥵近日天氣熱辣辣旺角豉油街呢邊新開左一間新嘅100%手打#香水檸檬 茶飲店，鮮艷吸睛嘅檸檬黃色裝修。所謂香水檸檬茶係結合檸檬果肉、果汁和經過精細拉絲工藝“兩倒三拉”的茶完美融合。🥹夏日炎炎，忍唔住飲了一杯又一杯，點了鴨屎香手打檸檬茶、苦瓜手打檸檬茶、青瓜手打檸檬茶。每杯都係新鮮製造，即叫即 100%純錘打出來，由於此店為了保持茶和冰的份量黃金比例 ，都不建議去冰或少冰。🥤推介青瓜檸檬茶，夏日炎炎，消暑一流🥤鴨屎香檸檬茶，茶味岀回甘夠晒香濃🥤苦瓜檸檬茶，味道甘香，消暑清熱🍱餐廳: 林香檸手打檸檬茶(旺角)🏫地址: 旺角豉油街21B號昌記大廈地下A2號舖#林香檸手打檸檬茶 #林香檸 #香水檸檬 #苦瓜檸檬茶 #青瓜檸檬茶 #hkfoodie #hkfoodblogger #hkfoodblog #相機食先 #吃貨人生 #鴨屎香檸檬茶

📍手打檸檬茶紅到黎香港🫣 螢光黃同檸檬公仔招牌好搶眼 可能真係太熱 大家都要飲杯檸茶消下暑! 100%手打香水檸檬茶～ 原來有多個檸檬果園 難怪特别檸檬特别新鮮 果味濃又唔會太酸🙆🏻‍♀️ 好得意檸檬係用人手舂爛 令檸香更突出係手工野黎🌀 招牌手打檸檬茶用咗一個特選香⽔檸檬整 仲係用中間皮少肉多既部分 先可以令檸檬茶維持到酸甜又無澀味🫶🏻檸檬粒粒 果汁 配埋“兩倒三拉”既茶配合得好prefect! 🌀鴨屎香檸檬茶MY FAV! 🧡 夏日炎炎飲真係透心涼🌬️ 「鴨屎香」單叢烏龍茶有獨特花香味🙉 茶香仲特別濃厚 令檸檬酸甜更加明顯 好清新🌀原諒綠檸檬茶呢款用上泰式檸檬茶底 有淡淡既斑蘭清香同獨特既甘香🙌🏻 檸檬酸度會比前2款更明顯 🔺茶和冰的份量係黃金比例 不建議去冰或少冰

天氣越來越熱，每次出街都一定要買返杯凍飲消消暑，最近成日都見到人地打卡手打檸檬茶，咁岩就比我撞到有一間，一行三人一人一款試試佢先😆招牌手打檸檬茶100%手打檸檬茶，用新鮮香水檸檬再以人手打制，紅茶茶底，再用兩倒三拉的茶完美融合，檸檬同茶比例完美，每啖都有粒粒檸檬果肉，香味獨特，夏天飲真係消暑又解渴，好快已經飲左一半啦黑金鴨屎香檸檬茶黑金一聽就好似好矜貴，佢用既係烏龍茶茶底，所以出黎就係黑色，但係烏龍茶既香同紅茶又完全唔同風味，雖然都係檸檬茶，但係兩種唔同感覺呀幽幽奶桃鮮奶茶系列估唔到又幾出色，飲得出係用椰奶，桃味、椰子同茶味比例平衡得剛剛好，真係要讚下，而且一d都唔溜，鍾意蜜桃口味既朋友一定要試下

🔹️林香檸手打檸檬茶🔹️夏日熱辣辣真係要整翻杯清爽既飲品店主自設多個香水檸檬果園選用特選香水檸檬果味濃郁、酸度適中真係同它Slogan 一樣「一口上癮 ，人間清醒 」🍋苦瓜檸檬茶最有驚喜既配搭🥰苦瓜同檸檬既配搭完全無違和感苦瓜沒有想像中既苦澀味反而帶點清甜，同檸檬茶好夾呀▶️滿滿既苦瓜粒粒，喜歡食苦瓜既朋友仔用粗飲管🍋青瓜檸檬茶青瓜檸檬水味道清新 口感清凉甘甜 真係消暑解渴之選仲可以食埋啲青瓜果肉架🍋鴨屎香檸檬茶被鴨屎香檸檬茶呢個名所吸引鳥龍茶底濃郁，飲落帶點酸甜既味道每杯新鮮製造 即叫即整 見到店員用心制作茶和冰份量黃金比例 唔建議去冰或少冰檸檬果肉、果汁和經過精細拉絲工藝「兩倒三拉」茶完美融合真係要試下👍👍👍