松記辣蟹 (已結業)

真係就咁將條魚斬件落去滾完加酸菜，腥到食兩啖已經食唔落去。肉質超鞋，仲要你冇睇錯，啲魚係連埋魚鰭同大大舊的唔知係骨定咩嘅部位，黑媽媽勁嘔心，魚皮勁核突，啲肉又係粉粉紅紅咁。酸菜就只食到魚腥味，個湯更加係地獄級。食左兩啖，到e加過左成個鐘個口都仲有陣腥臭味。佢係我食過的幾十間酸菜魚入面最難食的，沒有之一，如果呢碗野仲可以叫做食物的話...就算午餐68蚊都唔應該拎啲咁樣質素嘅野出黎搵人笨lo劣到喊的酸菜魚飯…查看更多

今日一早收工, 約咗朋友到九龍城搵嘢食, 打算吃泰國菜或者麻辣菜式，行咗幾條街發現有間松記辣蟹，之前朋友介紹過都想試吓，入去問一問，老闆娘極力推介說真材實料並且新鮮，可以放心一試！ 我們叫了一隻避風塘蟹和半隻沙薑雞，等了15分鐘便上菜， 一陣陣蒜香味道埋住了整隻蟹，食得出蒜蓉是新鮮炸出來的，很嘢味，味道不錯. 不過遺憾的是肉蟹的size以$988一隻的價錢來說是比較少，並且蟹肉已經出現縮水的情況，肉縮了差不多一半， 其本上都冇食過些蟹咁， 份量確實較少，這點稍為遜色。 另外沙薑雞肉質鮮嫩，有味道，吃得出事新鮮雞！ 味道不錯.我這個店整體食物味道不錯， 廚師用心製作， 唯獨惜食材有點兒遜色，因為價錢真的不便宜，酒店價，況且另外還有每人$30茶芥，還有加－服務費，大排檔環境還有這收費，感覺有點不配襯，令人費解。所以光顧之前也應該考慮一下這些額外費用。…查看更多

媽媽推介嚟呢度同爸爸慶祝生日私房菜嘅感覺，訂位嘅時候順便訂咗幾個餸~我地齊人坐低，老闆就拎預留的蟹出嚟俾我哋睇下，然後先拎入去煮。因為有小朋友同枱，我地就一蟹兩味薑蔥蟹蟹肉夠firm唔水，鮮味好出，食得出隻蟹係新鮮避風塘辣蟹我哋揀咗小辣，但上枱嘅時候炸蒜同辣椒cover晒成隻蟹，都有d驚好辣… 食落又唔係好辣重好惹味，會有食唔停的感覺豉椒炒蟶子醬汁的濃稠程度剛剛好，唔會漿住。椒鹽九肚魚個炸漿做得幾好，唔會有一層好厚炸粉炸完之後，九肚魚重好滑唔會乾爭爭咁蜜汁串燒鱔入口感覺甜甜地，感覺有d特別。咕嚕肉炸得恰到好處，但咕嚕肉嘅醬汁唔夠做唔到包晒成舊肉。醬汁酸甜度剛剛好唔會太酸，亦唔會太甜炸蝦餅聽老細講蝦膠係佢自己打，蝦餅食落口有鮮味。另外我哋估計加咗少少嘅墨魚膠，做到好彈牙睇返OpenRice的comment，好多都話貴但食完我就覺得呢個質素的海鮮同厨師的手勢，我就覺得好值…查看更多

唔打唔撞嚟咗依間專門食辣蟹嘅餐廳睇OpenRice有讚有彈、主要都係話佢貴，但係如果有好嘢食，其實貴啲又有咩問題呢？唔怕你貴最怕你唔好食，但其實又唔係真係咁貴姐一早打嚟預訂咗招牌嘅避風塘辣蟹同埋黃金鮑魚嚟到再加多個蟹油炒麵其實聽到個價錢，我都呆咗一呆因為入到去我哋book咗6.3淨係得我哋一台嗰日係星期日完全冇人只有老闆同老闆娘喺度招呼開頭都驚驚地，所以只係夠膽食我哋叫定嘅嘢諗住唔對路就閃但係點知個蟹嚟到喜出望外咁新鮮咁好食加埋個炒麵🤤講真佢個面好大碟，但係我一個女仔都食咗大半黃金鮑魚超級出色，佢收我二百幾蚊一隻南非鮑魚，我仲覺得貴，但係食完之後我就覺得好抵我絕對唔係打手，只係想為依間小店平反識得食嘅人就唔會介意俾錢去食咁其實我哋係早嚟咗食嘅，跟住陸陸續續都有客人同埋全部都係熟客，全部都係返頭客可想而知，佢哋嘅品質真係好跟住唔夠喉，我仲叫多個蠔餅超級鬆脆，超級新鮮，超級好食，好耐冇食過咁好食嘅蠔餅再加多個豆杯上湯浸仲有啖湯飲食唔晒嗰啲避風塘炸蒜，我都打包埋再叫多咗個炒麵拎走同埋蓮藕餅聽日lunch再食😋我淨係講如果要材料新鮮好食，呢間真係冇得輸，不過如果要平嘅就真係唔好㴝…查看更多

廚師堅持❤️材料新鮮！❤️❤️真心盡興🤭 第二次黎食食❣️俾朋友們追咗成個星期，終於帶佢地黎食真正嘅好野🤤🤤🤤個個都食到好似餓咗幾日😂食物品質真係好緊要❤️廚師嘅堅持好重要❤️大家都飲飽食醉😁😁真係物有所值❣️❣️❣️出面肯俾錢，都未必食到好野🤭下次再嚟過❣️❣️❣️就算喺出面常見嘅菜式❤️味道出面都食唔到😍😍#橋底辣蟹 #紐西蘭蟶子王 #蟹油炒麵 #辣酒煮花螺🐚 #豉油王九節蝦 #煎蠔餅…查看更多

真係多得老熟客介紹，我先可以有幸一嘗咁用心，不馬虎的人間美食🥹👍開餐前會上碟前小菜，係自家制酸辣青瓜同菜脯，十分開胃☺️2分鐘清曬🙈再上一杯冰凍紅茶，茶底係平時沖凍檸茶的茶底，夠濃同香👍訂台時已同老闆娘預訂左招牌菜橋底辣蟹4人份，最欣賞係老闆娘夠直接爽快，訂位時已提醒到時有咩食咩，因為係似私房菜！亦可提前預訂菜式！全晚真係似港式Omakase咁！唔鮮唔食！即叫即煮！絕不欺場！首先辣蟹出場，辣度可自選。鋪滿的是新鮮現炸蒜同蔥，有咩用？好戲在后頭！大大隻蟹鉗，清甜新鮮！以為以下係豉油皇炒麵？錯曬！係用炒完辣蟹后留下的精華蟹油炒面，仲要淋上先前既炸蒜香蔥，啖啖甘香脆卜卜！太香關係，打包左餘下既炸蒜香蔥回家🤣🫣今日最新鮮仲有紐西蘭蟶子皇！鮮甜味嘗出新高度！最後encore多一round, 前後每人4只先夠喉🤫🫢之後上招牌必點既辣酒煮花螺，從未食過帶花香味既酒煮湯汁！老闆都叫我地飲一啖果湯先！果然正！所用既螺唔係東風螺，係海螺仲要中size 太大太小都唔好食，好入味，最後連呢個湯都打包走煮面一流🤣現點清湯瑤柱白菜仔，真係一點油都無！清甜無味精，清清味蕾正👍😍煎蠔餅又係無得頂！又一次刷出新高度！外面脆炸入面蠔仔爆汁，唔同出面大排檔咁會好多粉「張」住果口！力推！😍👍雖然好飽但仲係意猶未盡，不斷問老闆仲有咩食🙈上多個豉油皇九節蝦，豉油味剛好吊出左蝦新鮮甜味，真係好正😋中間有一段插曲，原先叫左墨魚滑釀尖椒，不過煮到一半，老闆覺得唔係最好唔比出，叫我地改食其他，好老實！紅白酒幾多支都免開樽費，又有冰桶提供！讚👍全程老闆老闆娘同大家一齊傾偈！閒話家常，絕對係好用心同好有愛的餐廳🥰…查看更多

3/1/2022。夜晚7點左右同男朋友兩個安然腳去搵晚飯經過松記辣蟹見佢舖頭仔就入去試吓總共叫咗一個時價辣蟹$960 一隻，味道一般再加一個黃金蝦（佢用咗大蝦整所以啲學根本都食唔到同埋入邊冇味）$188 辣酒煮花螺（完全冇味又唔辣）$188仲有麻辣口水雞半隻$188（啲雞又鞋，嗰個松記嘅廚師出嚟同我哋講怕啲雞生得滯特登整熟啲）飲咗三支細樽裝朝日啤酒 （冇寫價錢）到最後埋單 $1901 個老闆娘仲唔收過一蚊讕係好咁仲要期間個老闆娘係咁sale食啲貴野到埋單嗰陣其實佢冇真真正正有張單俾我哋埋就咁口頭講幾多錢希望佢哋做返正常嘅生意唔好再咁樣對啲客人…查看更多

今晚一家三口，路過九龍城福佬村道，見到呢個間小店，無咩人，又唔洗等位，又想平平哋食吓街方小菜，就入去試吓⋯點知無人原來有原因！當時點咗半隻雞，上湯浸時菜，醬爆骨，兩個白飯，鷄嘅味道一般，醬爆等如京都骨，上湯浸時菜要菜心，就出錯白菜仔，呢啲都事小，最特別係茶錢$30/位，白飯$25/個⋯凈係杯茶白飯連加一都要$154，餐牌完全冇例明(陷阱)最後全單多謝$750，隨即要求開單寫明收費，但老闆娘仲有大聲夾惡(冇單，用晒，就算有都唔會寫明茶位白飯收費⋯最後無奈埋單離開。…查看更多

九龍城區不時有臥虎藏龍的食店，這次遇上了松記。浦入店內，看見家庭式經營，老闆娘態度和藹親切。餐前小吃醃製的黃瓜和蘿蔔，調味搭配得很好，大開胃口。主打的辣蟹，挑算了小辣，味道絕對一流，蟹鮮肉爽實不坨，香蒜抄得乾身脆卜卜，辣味和蟹味柔合於一身。辣酒煮花螺與一般的偏紅色調不同，湯底呈芥末黃，夠辣夠酒味，也能當湯喝兩口過過癮。椒鹽九肚魚是意外的好味，外脆內嫩，炸粉夠薄，不油膩，魚肉沒有散開，突顯松記師傅功架。2人光顧，點餐如下：茶芥招牌避風塘辣蟹辣酒煮花螺椒鹽九肚魚加一後，合共HK$1,525。…查看更多

其實九龍城都好多嘢食，不過自己一條友食就求求其其得啦。有日經過呢度，發現佢嘅午餐好抵食！佢每個午餐都只係＄45，而且有飲品，堂食仲有湯添～就入去試吓啦！入面座位唔算多，地方都比較逼夾。阿姐就好熱情咁樣叫我隨便坐低。咁我就揀咗一個有電視嘅位啦。我揀咗鹽焗雞飯，首先送上一碗例湯。今日係佛掌瓜豬骨湯，都幾甜幾濃，唔似落咗味精。杯奶茶都幾好，幼滑而且奶味茶味均勻。雖然我已經嗌咗小飯，但係個飯都係好大碟，而啲雞嘅份量誇張。依家＄45係外面真係冇咩食到㗎啦，而呢度嘅雞真係好唔吝嗇咁比你食！雞飯上檯之前淋上秘製醬汁，附送嘅沙薑反而我覺得唔係好啱口味；味道唔係外面平時食開個款，所以我冇點直接食啦。雞肉厚而且都幾入味，絕對夠味唔駛再點沙薑。…查看更多

期待已久的松記返嚟啦~我想老板大概都休息了約二年。~我亦都冇食到避風塘炒蟹二年啦~一知道開張, 仲吾拿拿林約埋班姊妹一齊食叫左一隻大肉蟹 ,肉質鮮味, 又夠肉,識食一定要食蔥同蒜。蜜汁燒鱔。外脆內軟。不過細骨比較多,要小心食。蠔仔餅。 真係同出邊食既好吾同。 蠔仔隻隻都有手指尾第一隻甘大。脆卜卜好正。炒麵。 看似好普通。但係一d都吾簡單。老板話麵要等到乾身先可以炒,炒出嚟先會脆。同時配埋炒蟹食剩的蔥蒜先至最正艇仔蜆湯。 個湯係超甜。 粉絲已經俾湯浸到入哂味。總結: 正,一定會再食。 新店尚未印餐牌。蟹價錢一般會比較貴 ,建議先問價再決定。老板比較熱情, 感覺好像到老朋友屋企食飯…查看更多