松記糖水店

營業中

休息中

晚餐過後，點都好似唔夠飽，咁經過松記糖水，就走入去食個甜品先翻屋企啦。咁呢度糖水款式眾多，多不勝數，最後我就叫左summer，因為有雪糕食，又有不同水果食，相當抵食。

今日夜晚冇嘢做同朋友仔去食糖水，見近近地又就腳就揀咗松記糖水喇，對上一次食已經係好耐之前，嗰陣時印象都幾好唔錯幾好食。去到坐低諗左好耐唔知食咩好，因為睇餐牌覺得樣樣野都好好食，最後揀咗榴槤雪山。糖水送到枱時我以為自己叫左第二樣嘢，點解同張相可以差咁遠，我自己都問一問個職員究竟有冇比錯糖水我，不過點都好啦雖然個樣差好遠，但希望都好食嘅。點知食到落口真係接受唔到囉，我都唔知自己食緊啲咩，好冇誠意嘅糖水，便利店波仔糖水重好味過佢。

我好中意依個紫薯芋圓糖水，佢賣緊26蚊，大家真係好值得一試傢！佢真係可以話係大件之餘仲好抵食！如果中意佢d芋圓，就可以加6蚊，佢就額外比多8粒您佢甜得妮一d都唔滯，唔會話食左半個紫薯已經好辛苦咁！正呀

飯後當然不可以缺少甜品啦，特別係夏天的時間，會十分希望食凍冰冰的野食來到了大埔的松記，每次食都要等位，亦不少人在等外賣，今次較好彩等左15mins的時間！hehe我叫左最愛的芒果甜品！芒果唔酸大大件，不錯👍👍👍但可惜的是叫錯左琉璃，比較乾冇果汁撈埋一齊，不是我杯茶！下次唔會再叫d個！反而朋友叫左簡簡單單的雪糕涼粉比較好吃！vanilla 雪糕味好襯涼粉！不是太甜！奈何坐位較逼，不是理想的傾計地方！食完就要走了！

細個如果同朋友食完飯，但又唔想咁早番屋企嘅話，通常都會話：不如去食糖水啦🙈但係當大個咗之後，大家就開始改口話：喂！不如去飲嘢囉🍻🍺如果你身邊嘅朋友開始約你飲嘢，証明你開始長大啦😈不過飲得嘢多，有時都想食吓糖水😆而松記就係我以前成日去嘅糖水鋪之一！我差唔多每次嚟都係叫SUMMER，貪佢多配料嘛😂除咗有幾款唔同生果外，仲有大西米、朱古力條同兩球雪糕🍨識食嘅，當然要叫佢個曲奇味雪糕❤️每一啖都會食到滿滿嘅Oreo，好味😋呢個係豆腐綿綿冰，不過我略嫌個豆腐味唔夠濃，不過佢勝在味道唔會好甜，叫過得去啦唔及SUMMER 好食囉！哈哈

今日試咗哈蜜瓜燒仙草芋圓，這個組合應該都係無得輸的組合。 芋圓味道唔錯，有咬口。可惜蜜瓜甜到不足。 不過賣品有可改善空間，同相片有d 差距。另一碗芒果楊枝甘露，奶味太重，蓋過了芒果的味道。不過環境又真你有些嘈，但無辦法喇，糖水店正正係大家聚集吹水之地。賣相有改善空間奶味重

同男朋友做完運動，夜晚大約10點就去左松記食糖水，呢間糖水舖有林林總總嘅糖水俾我地揀，真係花多眼亂。最後就揀左幻彩明珠同埋SUMMER。男朋友見加$6可以有4粒芋圓就試下，加左落佢碗幻彩明珠。幻彩明珠超多水果，有西瓜、芒果、奇異果、哈蜜瓜等等。仲有大粒西米、蘭香子同涼粉，非常豐富。非常好味另外，加$6四粒芋圓，但俾左唔止4粒芋圓Summer 個賣相吸引，水果款式亦都好多，但略嫌西米比較少，係有兩球雪糕叫覺得碗野幾大碗，但雲呢拿雪糕竟然有榴連味總括而言，食物質素幾好，但環境就非常非常非常嘈，同男朋友傾計好似要用大聲公佢先聽到，耳仔好辛苦

琴晚同幾個中學friends岀黎聚一聚 食完晚飯就諗住去食糖水繼續吹水 所以去左松記 由於係平日又唔係好夜 好彩唔使等位 可以直接入去坐 我地一共叫左3個糖水***薑汁撞鮮奶一上碗野 就已經聞到好重嘅薑味 就feel到有d料到 本身以為係會solid質感點知就水水地個texture唔係幾啱我但個taste係ok ge***Summer好開心有兩個雪糕球可以揀揀左曲奇同朱古力凍凍地幾好食***沙冰個沙冰好豐富 有雪糕有生果👍🏻

松記d糖水向來唔差，感覺又平又抵食既都，禁今次就諗住試試新野，叫個鐵板pancake試試啦。佢。。口味呢d野真係好主觀。。不過小編就唔太好呢個新野，食落感覺都唔太match，個pancake 入面d芝士同成樣野都唔係好夾，再加埋已經諗住襯最common既朱古力雪糕。。結果。。都真係好一般，呢個真係無下次☹️之後呢個就好好好多了，係芒果千層酥皮配雪糕，呢個雪糕就叫左曲奇味，呢三樣野其實都可以分開食，不過要讚既係佢個酥皮都做得唔錯，外脆內軟，加埋上面d練奶同朱古力醬，好味道👍🏿最後都要讚下呢球D24榴連雪糕，當然佢係咪真係D24就唔知啦，不過佢真係好重榴連味既，小編都幾鐘意榴連，無食到榴連既糖水，點都要單點一球榴連雪糕哈哈。。。。兩個人三樣野加埋$106，今晚係有多少遺憾架了食完就哈哈。。。期待下次😋

以前中學附近有松記，最愛一班女仔一枱十個人齊齊叫晒summer。多年後，踩單車入到黎大埔，咁啱又食松記，當然都係揀返summer。香港地百物騰貴，即使加價加到三十一蚊，食物質素都唔太保持得住。黑白配淋既，一拎上手自動斷左。西瓜好乾無乜甜味，芒果汁意想不到地酸。可能係唔啱季節，店舖亦健康地無將啲水果浸糖水。水果質素，都尚算難控制，可惜連大明珠都偏硬身，有啲直頭好似食緊膠粒咁。唔知係分店水準參差，定係整體食物水平真係下降左，食左十幾年佐敦分店都無出現過以上問題，希望可以改善返。

雜果西米露(外觀吸引)水果新鲜，西米露淡味左少少(拌芒果，西瓜，蜜瓜食，增加甜蜜味道)ok另外榴槤甜品好香榴槤香味頂部有榴槤味的雪糕球(淡淡的)榴槤球(肉好鮮甜)榴槤茸冰(冰沖淡了榴槤的味道，無味)冰底係淡奶(底部已經無榴槤味)芝麻合桃糊合桃糊得少少(得半匙……)芝麻好香好濃郁，而且好糊狀(味道不算太甜)內有2粒芝麻湯圓(內裡芝麻漿，好足料)湯圓有甜甜的味道 味道一般……價錢不抵食

和朋友在大埔中心附近吃完晚餐，想起好久沒有吃占過松記了，就順道進了松記吃個甜點。比起以前，松記的確多了很多不用的款式且亦保留了一般甜品店的甜品。而我就選了個普通的甜品　西瓜西米露（加花奶）。味道能保持到以前一樣，當中的西瓜還算新鮮多汁，而西米依然偏甜。但嗜甜者可能覺得剛好。沒有突破，不過不失的甜品。

松記糖水款式多，又抵食。吃飽飯想吃生果，見到menu上琉璃之戀的圖片很吸引，很多生果，便選了這個。不到5分鐘，甜品已來。但賣相跟menu完全不一樣，所以跟店員確認一次。原來生果被琉璃蓋住。生果好多，有芒果，西瓜，香蕉，密瓜...把旁邊的椰奶，芒果汁也拌到琉璃上。芒果清甜，西瓜爽口，香蕉剛熟透。生果非常多，吃了幾舊香蕉都開始飽，真係抵食夾大件

難得去大埔食晚飯，當然要去松記食埋個糖水先走，9點幾已經好多人排隊等位啦。兩個人叫左個summer同凍椰汁紫米露。 個summer可以有兩個雪糕真係抵食，不過食到中間雪糕溶曬，搞到下面d糖水只係得雪糕味。唔知係食完個summer 太甜定個紫米露真係無味。個紫米露一d都唔香，椰汁味又無。雖然呢個價錢既糖水依家係香港好難搵到，但平得黎唔好食，下次真係唔使特登排隊食。呢到又唔坐得耐，食完就真係要走，同朋友諗住傾下計都唔得。

已經好多次幫襯松記 響糖水店黎講，算抵食，款式唔錯，同朋友傾偈聚會好地方今次嘆完下午茶就黎食甜品款式很多 ，有中式西式，店舖也闊落 鮮奶燉蛋 $18 （熱）燉蛋好滑，蛋香十足，但奶味不夠，略厭過甜，面上還有點氣泡，觀感上欠奉，但總體來說也是ok，價錢係抵