松家日本料理

週一小弟同家人一行四位去食5:30-7:45的放題，因為平啲！我地一入去不需等就入座卡位，可能人少食的關係！坐下就點我喜愛的三文魚(全是魚腩～正！),海膽(今次無苦味，好甜！上次有苦味)，青口(熱辣辣，仲有芝士同粟米粒)，牛柳粒(無韌),羊架(鬆軟)，牛尾(好滑)，天婦羅(普普通通)，炒雜菜(真是麻麻)，飲品叫了杯熱柑桔蜜(開胃)，最後是甜品雪糕(居然夾雜着碎冰，且味道一般)總括來說：除了雪糕，其他都算不錯，比上次好食左！…查看更多

用頭條日報優惠券7折, 小童免費只收服務費. 一行8人消夜時段9: 00-11:15pm, 起初都擔心咁夜會唔會咩都賣晒, 但去到沒有這個問題, 只要落單就有, 食物供應速度正常, 不太慢, (之前食銅鑼灣松田就麻麻地, 連雪糕都賣晒). 一口牛好正, 牛仔骨普通, 魚生味道及種類OK, 生蝦無咩味, 蝦天婦羅正, 海膽少少地ok. 雪糕美味, 飲品種類唔多. 七折后價錢是可以接受的, 我會再幫襯, 不要用比少少錢要求多多心態幫襯就可以. …查看更多

第一次寫食評因為真係覺得好火！因為朋友係中環翻工，所以唸住就佢就去呢間試下。係groupon買左$170一個人既coupon ~但我食6點半個埸要加成80幾蚊服務費。姐係250一個人左右！其實都無所謂只要好食都ok啦！點知三文魚好大雪味，啲uni係任食呀，不過無uni味得個苦字。鵝肝手卷得個肥字。我都試左幾多野下，不過信我啦，無樣得！我真係後悔無去銅鑼灣食，我真係覺得求其me埋眼搵一間放題都好食過佢。信我啦真係好難食好難食！ 呢個價錢我＄100都唔會俾，仲要250真係癡線！…查看更多

位於中環既放題真係比較少搵, 因為本身新界人,多數都係出油尖旺多~但今次會揀呢間係因為媽咪有美安優惠卡, 平日時段有7折, 假日都有8折, 折左每人220左右~就試下啦!其實呢間放題係2年幾前食過一次, 當時係平日晚上,好靜, 全場都冇10枱, 而且印象中係偏貴的.我地book左7:45, 可以食到11:45, 放題黎講都幾長時間~早左15分鐘上到去,諗住報到先, 點知起碼等左5分鐘,D侍應行黎行去都冇人停低幫我地....不停唔該唔該都冇人理,最後佢地receiption枱電話響, 先有個女人埋黎聽電話,聽完即刻同佢報到, 佢就話夠鐘先可以入, 咁係lift口排櫈坐住等,陸陸逐逐多人到達, 成個lift口迫滿哂人,終於等到7:45, 開始入座~有卡位坐! 我地5人行, 有兩個高大大隻仔, 第一次放題坐得咁舒服喎!放題黎講佢剔野食既紙真係少,計埋飲品個張都係得5定6張,不過有D真係有驚喜!竟然有我至愛三文魚籽!! (又至愛~XD)仲要都幾新鮮, 唔係爭X 個d細細粒冇咬口貨色~另外帆立貝壽司又係好得~大大粒~嘩嘩嘩!! 仲有海膽tim!!無限叫無限加!!無臭味~甜的~甜蝦普通~但新鮮~ 三文魚肥美~吞拿魚就好似紅得滯..同埋冇咩味道抖下黎D熟食先~ 雞翼只有芝麻雞翼竟然無鹽燒個隻......薄燒牛肉有蔥碎響入面包住~唔錯~~燒魚又係放題至愛, 三文魚鲛同燒鯖魚都大大舊~總括黎講呢個價錢同呢個位置都可以係市區搵到~除左三文魚籽軍艦之後其他都係普普通通咁啦~~…查看更多

Lunch time 搵朋友食飯，早到上左去都即刻有位，等朋友黎到叫左選3樣的set lunch...除左食物外，waiter services就好一般，唔識幫客refill茶水，朋友的order要催成兩次先出到。食物款式就好多啦, MENU都有3大張…查看更多

位於中環的放題，心想食物不會太差，但原來真的很差，因為不好食，所以都沒有心機拍照，有些食物沒有影到。放題主要就是食刺身和壽司，熟食是其次，但這間店熟食較為好食。刺身有雪味，又無味道，三文魚有根，吞拿魚口感太實，甜蝦係刺身裏最好食。壽司飯很酸，飯搓得不結實，壽司上的刺身是不凍的。刺身壽司沒有再次order，除了甜蝦，其他食過就夠了（1/10）炒蟹（5/10）蟹肉都有少少甜，不過食到蟹殼出面有些生粉。牛肉鍋（7/10）牛肉慢慢浸熟，牛肉口感都算嫩滑，湯是甜，味道算ok。這間店的熟食大多都沒有問題，除了雞軟骨，鵝肝多士。雞軟骨炸粉太多，而且又是無味道。鵝肝是買團購送的，鵝肝煎得太熟，變得好“鞋”口，好難食。最好食的熟食有炸全雞翼，燒蝦，羊架，牛肋骨，炆牛尾。雞翼皮上布滿芝麻，皮炸得又脆又香。燒大蝦，蝦有7吋，而且惹味。羊架，牛肋骨和炆牛尾，全部肉都很“林”身，配料醃得好入味。其餘的抄雜菜，燒冬菇，燒翠玉瓜，天婦羅，拉麵，烏冬，炒飯，這些味道都很正常。松家熟食款食很多，不過甜品只有雪糕。這種質素竟然可以在中環，所以會有些失望，不會再去這間店了。…查看更多

做冬家人選擇了松家食放題. 我識左男友3-4年佢從來唔食日本野,都非常鐘意, 過幾日又book再同朋友再食.真估唔到呢間在中環既價錢同銅鑼灣, 旺角, tst既差唔多. 每人$300有找. 野食有驚喜, 例如放題我一定唔會食雞翼, 覺得平時都食到, 但估唔到芝麻雞翼係超超超好食, 食得出係即時炸外翠內軟仲熱辣辣. 仲有得任飲Asahi超抵, 我地5個人飲左27罐.另外好少放題有生帶子寿司, 但食左兩次飯都太軟, 但我鐘意軟所以都ok. 個海鮮粥都唔錯最後就係任食既雪糕. 仲有綠茶味. 比得上haagen dazs既綠茶味雪糕. 平時haagen細杯平既都要$26杯... 總結係抵食又靚食材! 要再食再食…查看更多

同老公瞓到癲咗, 一起身啱哂松家第一場放題時段5:15pm至7:30pm~ 每位$228 + 10%~ 食放題每次唔會特別期望d乜~ 松家嘅放題值得一讚上菜好快, 但可惜無串燒~刺身(只叫咗三文魚同鲍片)切侍得厚身同新鮮~熟食特別鍾意牛肋骨同鷄絲翅, 叫咗好多次~ 鷄絲翅雖然只係碗仔翅(無翅), 但好足料!! 牛肋骨都煑得好好味, 又多肉~ 另外, 蕃薯天婦羅, 芝麻鷄翼同蒜蓉包都好味, 好脆, 好厚身~壽司花之戀好味同新鮮; 鵝肝手卷d鵝肝都ok, 特別一讚d紫菜好脆好爽口咁上~熟食青口唔ok, 一咬好似有沙, 又無味; 所謂黑毛豬細塊同普通豬一樣~飲品有菊蜜和柑吉蜜, 非常好, 適合最近轉冷潤下喉~雪糕有芝麻, 芒果, 綠茶和曲奇味~總括食物, 服務和環境坐得ok(無大x屋咁迫), 但我寧願加多幾十蚊去大x屋有埋串燒~…查看更多

對松家依間野好失望，失望到要上黎寫食評。食物方面：刺身選擇唔多，個晚連吞拿魚都無，但尚算新鮮。但最後一輪的刺身，三文魚竟然有骨。那晚只叫了帶子配蟹糕壽司，好好味，帶子好鮮甜，可媲美外面十幾蚊一件的。鐡板燒，試左安格斯薄燒牛肉，唔太欣賞，牛肉內會包了蒜蓉同葱，咁做完全遮蓋了本身的牛肉味，完全食不出係安格斯。香草羊扒味道ok, 但好乾, 唔夠juicy。牛仔骨好好食，應係全場最好食的熟食。煎得剛剛好，牛肉味重，唔老，一咬落去仲有汁。炸物方面, 要提提大家的係如果你一張下單紙係點幾樣炸物，餐廳只會比其中一款配炸物的汁。所以最好一張下單紙只選一款炸物。炸吉列蠔唔錯，個皮唔太厚，唔會係出面批發急凍的已炸蠔，咬落鬆脆，值得一試。服務方面：上菜同收碟係快，但款式少（冇芝士年糕、呑拿魚，蟹粥變雞粥，食客入去前唔講，坐低先講），食物質素一般，漏單，服務超級差！每次落單d 侍應都係黑面收單，d 語氣...嘩，真係辛苦晒，我地入黎你地係咪覺得我地唔應該落單？我唔係話做服務性行業一定要四萬咁口，但我地去食飯唔係去受氣囉。個時段食到九點完。八點半話last order，之後叫我地埋單先，咁都合理；但係八點五十分開始，十分鐘內態度奇差咁同我地講就快夠鐘要走，講左四次，係四次！未到九點囉唔該。係咪俾左錢就唔係客？依個價錢，市面上有好多更好既選擇。冇下次，唔會再去。…查看更多

「松家日本料理」，整體食物水準令人眼前一亮，我給相當高的評價刺身方面非常新鮮，手握壽司亦有驚喜，我喜歡那黑松露帶子壽司，又鮮又香：軟殼蟹手卷即叫即製，紫菜仍是脆卜卜，餡料的份量多，飯的份量少，不會令你吃得太飽：燒牛肉及燒大蝦有驚喜，夠焦香，蝦的用料也新鮮及大隻，的確不錯吃：天婦羅亦做得非常出色，鬆脆而不油膩，用料靚，大家都激讚：我很喜歡這個「日式炆牛尾」，帶半筋半肉，入味啊：蕎麥面，烏冬面，炒烏冬也正正常常：唯一比較不理想的是炸物，有點 overall 了：這個似不似海膽？其實是芒果雪糕！「松家」整體食物質素出色，服務也不錯，我們吃得很爽！…查看更多

一行8 人去試食下呢間松家放題, 應該係松屋既高級板, 有得升GRADE食鵝肝，　不過我地冇升環境算舒服，　食物味道同價錢成正比燒牛肉，　ＯＫ，　燒魚都夠滑不錯，　刺身普遍新鮮，　好似劍魚，　八爪魚甘都係不錯不過天婦羅就炸得比較差好林…查看更多

之前親戚見到團購網上有松家日式放題的優惠便提議購買作生日飯，我一向對放題不太感興趣，因為始終不像自助餐般能自由進出座位拿食物，而且食物質素非常浮動，但放題勝在日式料理選擇多，適合一家大小不同口味呢！我們訂了周六的晚餐時段，是日沒有因吃放題而空掉肚子。甫進松家，其紫黑色的閃亮設計頓時使人想起卡拉ＯＫ房！我們一行九人被安排到長桌的位置。坐下不久便開始點食物，大概可以分為刺身壽司、炸物、熟食、小食、雪糕類。最吸引的當然是刺身壽司吧！聽說和牛壽司是必吃之選，但味道一般，牛肉質地有點韌，但值得一讚的是壽司飯算鬆軟且份量適中。而刺身方面選擇不多，我們選了大路的三文魚、吞拿魚、甜蝦等，刺身肉質鮮美，放題水準來說有驚喜，當中三文魚最受歡迎，嘻嘻。炸物方面點了天婦羅、炸雞等，天婦羅的天婦羅粉太厚，吃的時候感覺都在吃粉。而小吃則有枝豆、煎魚等，煎魚比想像中好吃，肉質尚算嫩滑。還有其他小吃，不過普遍水準一般般，而且份量控制得麻麻，好像雞軟骨竟然只來五粒。是日還送了鵝肝多士，但吸引力麻麻，普遍長輩們都不太敢吃，鵝肝非常熱辣，可惜底下的多士質感稍乾硬，有點難咬。最後當然少不了以雪糕作結！點了曲奇配抹茶，正常水準。總結其水準不過不失，即使團購後價格其實跟其他日式放題相若，不算便宜，加上沒有特別吸引之處，嚐一次便夠了。…查看更多

食完後感覺是不會再來第二次。刺身不新鮮，好似之前師兄嗰D咁，霉霉霉霉霉霉，一D都吾凍。又系無餃子，蟹粥變雞粥 。種類相比其他價錢相約的放題真係少好多，留單嚴重。四周圍的聲浪的回傳令人煩擾。…查看更多

在GROUPON 看到在中環區有日式放題, 只係二百幾蚊一位, 抱著一試無妨的心態。食完後感覺是不會再來第二次。食物方面: 有刺身, SUSHI, 卷物, 燒物, 麵/鳥冬, 小食。種類相比其他價錢相約的放題真係算少, 每樣的選項不超過十種食物, 飲品也只包一杯。每位會送一客海膽手卷同鵝肝多士,  海膽手卷還可以, 但鵝肝多士好難食, 塊鵝肝的質感好奇怪, 食咗一啖我地就放棄了。刺身尚算新鮮, 有三文魚, 立魚, 甜蝦, 馬刀貝, 希靈魚, 吞拿魚, 鮑片。 燒物方面就係大路的牛仔骨, 牛舌 , 魷魚, 燒菜類等等, 除牛舌有點腥好難吃了之外, 其他熱食的水準都OK。是晚我地係食第一輪的晚餐時間, 但有幾樣食物都冇, 蟹粥就變咗做雞粥....總括而言, 一定食得飽, 但不要期望質素好.....…查看更多

好耐無去松家食放題, 最鍾意食呢到既甜虾, 於是就打電話book 枱, 即日打去都book 到happy hour 時間. 去到就通知, 無餃子同蟹粥變雞粥.  坐低就喇喇林叫甜虾刺身, 點知...好失望, 收到蝶嘢已經覺唔好樣, 食落就霉duck duck, 跟住叫咗換啦, 換到返嚟個樣都係咁上下樣衰, 侍應就話喇...已經換咗第二批比你地架喇, 如果都係唔得即係全部都唔得, 咁你地就唔好叫呢樣喇.  吓...咁唔通淨飲? 跟住叫咗其他 :牛油帶子 : un D 囉, 有牛油味.馬都背, 希露魚, 油甘魚 : ok.羊扒 : 件扒好瘦無肥肉, 所以幾 un 下又唔滑, 但無"蘇"味.枝豆 : 暖暖地, OK.帶子蟹糕壽司 : 舊飯OK, 帶子好"林"下一D都唔爽, 無牙去食都無問題.蒜蓉虾 : 蒜蓉味不錯, 係D肉"似"殼啫蟹子沙律 : 不過不失翠肉瓜 : 好食七味魷魚鬚 : 麻麻地三文魚鮫 : 一件OK, 一件又乾又鞋, 但好多肉.天婦羅虾芒果卷 : 唉...等咗好耐先嚟, 仲要內外都咁"林", 都唔知放咗係到幾耐.玻璃虾壽司 : 都係舊飯ok, 只虾係近白色多過半透明色而且又"林", 一D都唔玻璃.以前好鍾意呢間放題架, 又好食服務又好, 而家就少一間選擇咯.…查看更多