東道煮 (已結業)

今日去左灣仔演藝午餐，因為灣仔周街都係人，想搵啲少啲人去既地方。本身想去演藝的平民canteen，幾年前都係附近番工，所以都會去買飯，點知演藝裝完修，間canteen都唔見埋😣誤打誤撞來了4樓的東道煮，叫左個東道煮米線（$98）～～雞湯，兩隻蝦，幾舊滑雞，幾粒關東煮的魚丸物體，兩粒豆卜⋯ 其實係一個港式雜錦米線🍜開頭覺得個湯都幾好飲，米線會掛湯，不過食落越食越口乾，睇黎都係味精🤨🤨 去到一點鐘，全場爆滿～不過個景都幾靚，可以順便黎睇下演藝有咩活動～…Read More

其中一間超吊腳，交通勁唔方便而我又成日好想去嘅餐廳就係東道煮。認識咗呢間餐廳大約兩年時間，平均一個月都會去一次，而且仲會好想去。雖然佢有好多其他款式我都想試，但我總忍唔住叫呢個花膠雞湯飯。花膠雞湯勁濃郁，唔小心就會比花膠嘅膠質黐住咗嘴唇。有趣嘅係你會留意到佢不時會轉換花膠嘅品種，所以花膠嘅口感唔同時間會有所不同，燉雞湯卻永遠保持濃郁。另外佢嘅雞翼做得非常嫰滑，即使雞胸肉都唔會有鞋口嘅感覺。除咗食嘢，我亦都好享受藝術中心嘅氛圍，樓梯嘅公眾地區周不時會擺放唔同嘅作品，所以每一次嚟到都有新鮮感，會帶給我唔同嘅感受，除了填飽肚子，心靈亦得到滋養。…Read More

餐廳位於藝術中心四樓, 主打係食東南亞美食, 雖然裝修比較簡單, 但勝在光線充足, 空間唔迫, 坐係Bar台仲可以飽覽維景。我地叫左個東道煮喇沙同招牌花膠雞湯米粉。先講個喇沙, 材料都算足, 但可惜面底無摻摻, 湯底雖然聞上去好香, 但入口就略嫌淡左D, 整體感覺就一般般。招牌花膠雞湯米粉, 湯底係用花膠配上紅棗、杞子、圓肉、雞肉熬製而成, 一飲就知好足料! 花膠同雞件份量都算多, 而且花膠都幾厚身, 咬落去真係啖啖骨膠原, 最後真係忍唔住飲曬啖湯, 雖然價錢唔算太平, 但品質絕對唔會失望。4人光顧，點餐如下：東道煮雞/喇沙 x2花膠雞湯飯/米線 x2檸茶 x2炸魚皮奶茶蘇打合共HK$464。…Read More

呢幾年非常之流行嘅花膠雞湯底，喺唔同嘅餐廳都有唔同嘅味道同煮法，有啲餐廳會用麵、有啲餐廳會用飯、有啲餐廳會落藥材、有啲餐廳會煮得比較清淡。至於東道煮，佢就用米線或者湯飯。米線的確冇乜特別，但係佢嘅其他用料，都冇一樣嘢係唔值得稱讚嘅。首先講吓主角花膠，煮得軟腍入味，用嘅雖然唔係十分之貴嘅花膠，但係都絕對唔係啲煮極都唔腍嘅平嘢。大配角可以選擇雞或者豚肉，朋友揀咗豚肉，味道都唔錯。我揀咗雞，覺得係明智嘅選擇，因為雞肉嫩滑，完全唔會鞋口。龍眼肉同埋紅棗都係客串，但係亦絕不馬虎。另外一個客串精選係杞子，用料非常上承，又大粒又飽滿又甜，雖然未至於妹仔大過主人婆，但絕對令一碗好食嘅花膠雞米線錦上添花。…Read More

無意中來到香港藝術中心，這裏是我小孩子的時候學小提琴的地方，滿滿的充滿無限的回憶。沒想到4樓開了這一家高質素的店鋪。由於有落地玻璃照射陽光非常明媚。而且坐的地方非常寬敞。實在適合在這裏休閒吃上一個午餐。美中不足是這裏沒有wifi, 否則可以休閒一整天。點了花膠瑤柱雞湯米線, 炸魚皮和熱齋啡。確實有點貴要138元。但是米線配料非常充足。花膠兩大塊，雞肉十分嫩滑，去上非常香甜的湯底，難怪那麼多女士在這裏吃午餐。將炸魚皮放在湯裏泡腍之後再吃口感一流，而且服務也很好絕對誠意推薦。…Read More

今日試左呢度嘅皇牌—花膠雞湯米線，真係一試難忘！呢個要大大力推薦，因為個湯好足料，有兩大舊花膠、瑤柱、桂圓、杞子同紅棗，加好滑嘅雞。個湯底好真材實料，充滿骨膠原，個湯都好膠，好潤，好香濃，但完全唔咸。我飲哂成個湯，好滿足，啱哂想補一補嘅人 ☺️…Read More

Lunch 同同事試下呢間細細間嘅小鋪，位置有點點隱蔽，係藝術中心裡面，如果唔係有人介紹都真係唔知呢度有間餐廳。午市嘅餐牌好簡單，全部都係麵類，大概有十款選擇。我揀左呢款嫩雞喇沙（$78）賣相真係相當唔錯，而食落去都真係不失為一碗足料同有地道口味嘅喇沙。講講個湯低，同一般喇沙一樣，有椰汁嘅香，但又唔會太辣。嫰雞真係唔錯，滑滑嘅口感，而且好足料。成個麵再配埋蛋，豆卜等等嘅野好夾。如果想靜靜地同朋友傾下計的話，呢間真係唔錯，因為佢窗口嘅位係望到海嘅，好寫意。…Read More

Lunch同同事過咗來Art center 嘅東道煮，本身想試吓佢嘅喇沙麵，但突如其來想扮健康食清啲，所以就叫左花膠湯底 😂花膠湯底雞絲蝦米線 $78 （不連野飲）（咪先可以轉米粉或河粉）我覺得個湯底冇乜花膠味，而且好似溝左好多水，不過我比較鍾意食得清淡溝得多水又冇乜所謂。反而冇乜花膠味有少少遺憾😂同事話以前個湯底好濃郁的，而家退步左我覺得反而似係普通魚湯嘅湯底。雞絲份量還可以，蝦有三大隻味道不過不失，想食得清清地都未嘗唔係一個好選擇。不過呢個價錢唔連飲野就overpriced左少少喇…Read More

同朋友一向都係呢間餐廳的常客, 食盡佢地唔同味道的米線。呢間餐廳服務不錯, 每次企係門口, 即刻有職員帶入座。座位有分吧枱及一般CANTEEN二人對坐的長方形枱。我最鍾意食佢地的花膠雞米線及雞絲蝦米線, 湯底同樣地都係濃濃的花膠豬骨湯, 又有D雞味咁上下, 入口好香濃充滿骨膠原, 一飲就知湯底好足料!!今次我就叫左雞絲蝦米線, 蝦爽口, 雞絲吸左濃濃的湯底, 食入口好香滑, 次次都會成碗米線連湯清哂~!! 不過最近食完發現湯底淡左唔少, 冇以前咁香濃, 希望只係個別事件。…Read More

好耐無係屋企食過飯啦。日日返工忙到嘔血，想同屋企人食三餐飯真係要大時大節先得有時會掛住屋企人煲嘅湯。真材實料，味道不得了同女朋友鍾意嚟呢度睇話劇，發現呢度有間餐廳。下午好多人，但夜晚唔開喎終於有次嚟睇下午嘅話劇，趁有空檔時間試下。勁有驚喜！驚喜在花膠雞湯米，原汁原味成碗清曬，渣都無剩。雞夠滑，女朋友有雞脾，我有雞翼，一樣咁正湯底係花膠，雞，紅棗，杞子等。夠甜夠真。不得了百幾蚊一碗贏過好多大舖，係行遠左D ，但值得有餘…Read More

喺呢度睇舞台劇就睇得多，都係第一次喺度食嘢，原來有間光線充足又開揚，而且坐得幾舒服嘅餐廳係4樓。坐喺巴枱仲可以睇到維港、會展景色聽朋友講呢度最出名嘅就係「 花膠雞米線」上枱時大大碗， 睇到大大塊花膠，仲有好多件雞、杞子、圓肉、紅棗。大大塊花膠，仲有少少掛湯添， 好濃郁嘅花膠雞湯呀湯一飲落去，就好容同埋好「骨膠原」嘅感覺，足料睇睇隻雞，原來係雞髀肉嚟㗎，仲要去曬骨添， 咬落去好嫩滑呀杞子同圓肉都好甜，成碗花膠麵，我係連湯都飲曬，湯夠濃，雞夠滑，真係好正同好滿足，一定會再幫襯…Read More

下雨天冇乜心機食飯，不如食返碗湯麵，嚟到藝術中心嘅上邊朋友介紹的呢一間專門賣花膠湯麵嘅店。小小嘅店主要呢系做外賣生意，應該係附近嘅一間綠洲餐廳。大大碗嘅花膠雞湯米線呢做緊$100多少少，朋友喺會展返工經常都會行過嚟食。花膠湯麵精粹所在係個用杞子龍眼乾紅棗以及新鮮雞花膠制而成嘅湯底。朋友幫襯左接近一年，佢大贊呢一度嘅湯底依然足料絕無偷工減料。用上很滑嘅鮮雞而且分量中唔細㗎如果女士嘅話呢一個人未必食得晒一碗。無論係雞胸雞髀抑或其他位置都依然10分鮮嫩。湯底係膠質好重嘅花膠湯清甜美味有媽媽煲嘅質感。食完之後，口唇有啲張着嘅感覺。名真材實料，米線呢嫌太過硬如果可以煮林啲會更加好食。雖然喺地鐵站行過嚟有啲遠但係我覺得都值得。下次有去開會展嘅展覽不妨睇下有冇開試吓都好。…Read More

早前去會展參加展覽，喺會展附近好難搵到好嘢食，會展裏便嘅餐廳呢，質素真係有返咁上下麻麻。又貴又唔好食。行出會展行遠幾步呢去到藝術中心有一間專賣花膠雞湯米線嘅鋪頭，每日淨係開到六點。但係花膠米線兩點幾就賣曬。所以今次去會展之前特登過嚟食飯碗。花膠雞除咗有原片花膠仲有滑脫脫嘅嫩雞。湯底用杞子鮮雞龍眼等等精製而成膠質重。除左媽咪煲嘅湯好少會飲得晒出邊街嘅湯。真係連一滴汁都唔會浪費。略嫌米線過硬如果鍾意食淋米線嘅朋友要落班先講聲啦。到嘅青檸梳打都好好飲，下午一點呢就會爆曬長龍，好似我咁11點幾到食個early lunch 就啱啱好啦！正！…Read More

個湯無味。差評無嘅想講，加錢要熱飲，勁細杯。只可以俾現金。又唔底食。每個人食咗九十蚊左右，不如出去食個車仔麵，九十蚊可以有一個好豐盛嘅配菜。唔抵食。麵無麵嘅味道，雞無雞味，係雞碎咁，麵係份量大，但雞碎得個少少，最後只有麵沒有餸。有蚊滋飛過，以為係飛過，點知係 徘徊。…Read More

女人唔補真係好易老🙆🏻‍♀️平日除左搽多啲護膚品之外，仲要食多啲嘢滋補下搭夠先得，所以上星期就去左食好西補補佢啦🤭😋-☆ 花膠雞湯米線 HKD$98！！！從未食過咁正既湯米線💕 花膠湯超級好味，超足料夠哂香濃入味，味道同平時呀媽煲既花膠湯無分別！花膠大大塊，黏黏地食得出有好多骨膠原😍 湯底仲有桂圓、紅棗、杞子及乾瑤柱等，雞件已去骨加上超嫩滑，簡直係滿分既味道同100分既誠意👍👍👍女士們一定要食，超爆養顏呀！-☆ 生蠔帆立貝喇沙 HKD$88上菜嘩左一聲，未見過喇沙有咁大隻生蠔同帆立貝😛😲 真係有手掌咁大隻，兩者都充滿鮮味，超級驚喜！而喇沙湯夠辣，朋友好鐘意👍上面既豆卜同豬皮浸住啲湯，完全吸收哂啲湯汁，超級惹味🤤🤤-總括而言，可能你會覺得成百蚊碗米線有啲貴，但我覺得絕對物超所值，料足不在話下，仲要好好味！咁有心機誠意既小店，已經買少見少，實在值得去支持下🤤🤤👍留意星期一至六開到下午5點半，星期日同公眾假期唔開㗎~…Read More