東湖小廚聯威餐廳

營業中

休息中

平時陪女朋友放工食飯個陣都會係銅鑼灣附近搵野食，今次就輪到佢俾意見我有咩好推介啦⊙ω⊙見到呢間茶記人流都好多，幾乎都可以話係座無虛席。黎到女朋友既主場，就當然要聽佢支笛啦，反正佢點咩好食都應該無錯架啦。佢一下子就話要食扒餐同黃袍叉燒飯，咁我就想食魚香茄子煲㊣皇袍叉燒飯一盤叉燒飯上有一大舊既滑蛋，外表非常吸引，金黃色既蛋黃撞上鮮紅色的叉燒，絕對係成功贏得我既眼球。⊙¤⊙ 味道方道，滑蛋口感夠奶滑，叉燒肉質又夠嫩口，將叉燒夾上滑蛋去食，口感絕對一讚。⊙※⊙扒餐【黑椒汁 牛扒&豬扒】呢個扒餐就係女友大人既首名推薦,雖然只係點左牛扒同豬扒，同仲隨餐送左好多配菜，有雞翼，又有午餐肉，仲有薯菜，同埋一啲菜，所以真係好鬼大分量，講真一碟扒餐俾兩個女仔都已經夠晒皮。 雖然分量有咁多，但肉質都唔差，扒都叫做嫩口，所以食落都叫做相當滿足。魚香茄子煲幾乎去到每一間既茶記我都一定會去點個魚香茄子煲去食，只要煮得夠熱夠酸甜就一定會好食。不過，呢間茶記既煲絕對唔止水平，非常之好食，令到我同女朋友食足３碗飯，味道又惹味又口胃，非常出色！@@

童年回味「巨型雜扒」 好多人都以為銅鑼灣主要食西餐 其實都有好好食既茶記收埋係街頭巷尾 就好似響銅鑼灣渣甸街既「東湖小廚聯威餐廳」 唔少附近工作既人都識，因為價格親民，食物質素唔低 特別多識路既人客幫襯 就好似今晚，約人去銅鑼灣交收 我就同區內的朋友一齊搵呢間茶記食飯 貪佢近地鐵又就腳，想食咩都有 佢一杯咖啡，我一杯檸茶，傾下計，食得自在 本身要食正餐的，又心思思想食沙嗲牛肉三文治 茶記好處係咩時間都有得食三文治，咁就叫番個啦！ 沙嗲牛治有香脆的烘底，加上微辣既牛肉 又香又腍，多汁好味，叫佢下午茶 不如叫佢係唔錯既「開胃菜」 因為朋友好中意食牛，呢度有小炒菜式 一定點番個「中式牛柳啦」 又香又甜又軟，易咬唔錯 佢個汁好正呀，甜甜酸酸，好開胃 飯都食多碗呀！ 朋友話，食飯，當然來碟炒飯 佢就點左個「菠蘿海鮮炒飯」 特別多蝦，炒得香又少油，好好食 上台都係熱辣辣既，0岩晒愛食炒飯既一族 「巨型雜扒」 黎得茶記一定會點多人點的菜式吧 見到台台都有點扒餐 我地都點番個「巨型雜扒」 呢個雜扒好有童年回憶！ 唔只有牛扒、豬扒仲有腸仔、火腿扒 粒粒雜菜同曲曲薯條，呢種滋味好令人回味呀

午膳時間與同事到銅鑼灣用膳，隨意造訪了一間港式茶記「東湖小廚聯威餐廳」。 一如其他茶餐廳，午市主要供應一些精選客飯，價錢普遍約五六十元，都算合理。除了碟頭客飯外，餐廳另有其他小菜提供，雖然人均消費會比吃碟頭客飯貴二三十元，但換來更多選擇都無大所謂。「香醋淮山咕嚕肉」的甜酸汁醋香味重，並透出絲絲甜意，掛在炸脆的排骨身上熱食特別可口。菠蘿是咕嚕肉的常見夥伴，今趟廚師棄用菠蘿，並以爽脆的鮮淮山取代，為食客帶來新鮮感。「腰果彩芹牛柳粒」的亮點不在牛柳粒，而在香口的腰果以及爽嫩的西芹。牛柳本身肉香不算突出，但勝在口感鬆軟。「生煎鹹魚肉餅」雖然經過炸煮處理，但製作略為老火，尤其是肉餅表層，口感有點實。至於肉餅本身，鹹魚味稍弱。整體評價一般。「椒鹽鮮魷」是香口炸物，出品乾爽不油膩，輕蘸喼汁吃食味最佳。「鮮茄淮山浸時蔬」味道簡而清，以淮山入饌亦討小編喜愛。今次在「東湖小廚聯威餐廳」吃了數道小炒，除「生煎鹹魚肉餅」有點失準外，其餘菜式的性價比都算合理。

返工前，醒晨早餐點少得幫趁開老麥叔叔，都想有啲新意，見今日早左出門有時間，就去左茶餐廳，食碗通粉，再嘆個香滑熱奶茶新裝修，好光猛，宜家新一代既茶餐廳已經進步到有企理同舒服既環境而最最最重要既係好乾淨! 完全NO WORRY對於早餐，追求既反而係傳統味道，所以叫返我既例牌鮑片火腿通粉由於好鍾意煙un既口感，鮑片真係見到就會叫鮑片同火腿既數量都幾重手，夠餸哂成碗通粉有餘而通粉都好彈牙，時間岩岩好，唔洗驚遇到淋哂既通粉午餐肉炒蛋，蛋炒得幾滑，口感濕潤再嘆返個烘熱左既餐包，配上香滑熱奶茶，爽吖

晨早流流入銅鑼灣，為左就係食飽飽，有氣有力再去攻打海洋公園呢條街一向出名多野食，晚市就黎過不下十次，但早餐就真係無推介誤打誤撞下，入左間茶記，有茶記menu，但環境同衛生就好好多上到去先知一層有咁大，仲有間隔做房，4人卡位坐得好寛敞卡士咁大，但價錢都幾親民，唔洗過4字頭雪菜肉絲米粉 配火腿炒蛋烘底多士朝早想食清啲，就唔叫重口味野啦，雪菜細細個就鍾意食，咸咸的好開胃，又夠爽口。米粉亦好爽身，唔會太淋，幾好。另外想讚一讚個炒蛋，夠滑，鹽量剛好，調出蛋味。而烘底多士配牛油，係不可能出錯既配搭，大愛。總結係，唔只抵食，質素係有保證，對炒蛋同烘多有要求人士可一戰。

怡和街多野食就係人都知嫁啦，不過都係粉麵多。行下行下見倒有條樓梯，諗住求其上去試下啦，點知又出奇地好食喎，而且仲好掂小菜都已經有成40款，揀都有排揀西蘭花炒帶子花姿片，就咁睇啲花姿片都幾多，帶子仲要大大粒原隻上，都幾足料。帶子真係好大隻，原粒咁食勁滿足。唔知以為自己去左酒樓食飯。椒鹽鮮魷，個炸粉一啲都唔厚而且仲好鬆脆，人面嘅鮮魷好爽口，成碟野炸到金黃色，好有鑊氣。皇袍叉燒飯,啲叉燒同圖一樣咁靚，每舊都係半肥瘦咁相間住，而且啲肉好嫩好多汁。中午叫呢個飯真係一流，扺食夾大份

今日同太太去左希慎誠品搵旅行書，打書釘都打左3個鐘，本來想飲杯咖啡，但太太肚餓了，所以順便食埋晚餐先返去。我們隨便揀左間要上樓梯的茶餐廳，點解呢？因為我們見人不斷衝上去幫襯，應該是好野吧？餐廳很大很闊落，看看餐牌，一點都不貴！太太先選了「燒味三拼」，茶餐廳食燒味還是第一次啊！$98就可以三拼，我們選了叉燒、燒腩仔和油雞，來到時我們都嚇一跳，想不到份量也很多，放滿了整隻碟！叉燒偏肥，但蜜汁很濃很香，燒腩仔就比較瘦，看上去都沒有什麼肥肉，皮亦很脆，油雞肉多，雞皮很滑，本來這樣的安排最好是叫碗白飯，但太太卻看中了鐵扒雜扒！冠軍鐵扒應該是餐廳的撚手好菜，因為我見大部份人都有叫，我們叫了美式雜扒，$56，這個價錢真的很親民！等了大約15分鐘就到了，美中不足的是..瑞士洋蔥汁已經在鐵扒上了...不過鐵扒熱辣辣的，上面的薯條還是香脆的！鐵扒上有牛扒、豬扒、腸仔、火腿兩塊、雞全翼和薯條，十分豐富！扒方面我覺得牛扒比較好食，煮得剛好熟，食起來還有點靭，嚼勁夠！洋蔥汁好入味而且夠多，茄汁都不用加！是晚居然無叫菜？見餐牌加$16就有菜食，我們叫了白灼菜心，白灼果真是白灼，沒有丁點油份，很健康！菜心保持了鮮甜

今日收工剪完髮去左 最近見有介紹的 銅鑼灣人情味茶餐廳. 首先店員好親切，同一般的茶餐廳已有分別，認真介紹餐廳的招牌菜。原來除左叉燒仲有瑞士脾，同鏝魚。 咁第一次就當然要叫傳聞的...皇胞叉燒飯同埋地道的熱奶茶.啦蛋的味道同埋新鮮都係平時少有又好味，叉燒咬落好軟又唔咸，味道好好，又大舊。份量適中又好味. 正. 另外杯熱奶茶，飲得出師傅的功架同埋個種港式味道，滑得黎飲落口唔會勁重奶味，味道剛剛好。 下次再黎要試試d燒味先得，感覺都係一級水準.讚👍🏻

今日早上收到老友電話，話佢今日過開海個嘢，不如出嚟食飯,横掂我今晚無飯開，就見個面啦！ 佢等我放工嗰時，行過間茶餐廳見到佢門口張雜扒相突然好想食就建議食嗰間茶記。 佢真係叫左雜扒，鐵板來時，出矖煙，好夠熱辣辣， 而且勁豐富，有豬扒，牛扒，雞全翼等，不少得嘅係火腿同香腸，加上燒汁，真係無得頂！因為佢個鐵板雜板有薯條，係少有嘅曲型薯條，我忍住加碼點左碟淨薯條！十分香口！欣賞佢啲茄汁一包包係放響櫃筒，排得齊整乾淨，唔再係響個樽唧出嚟，俾人感覺新鮮啲～ 我食左啲薯條同朋友食個雜扒有啲罪惡感，所以點左個菜心，走油走蠔油，想講只係$16,但夠份量又新鮮，無將價就貨嘅情況出現！話曬依度都係銅鑼灣吖嘛！ 黑椒鷄柳炒公仔麵鷄柳份量都多，大約有成十件，每件要幾有肉地的， 公仔麵炒得夠爽身，唔會痴埋一齊好難吞咁，黑椒微微香，唔太咸，剛剛好😎 最後有杯熱朱古力作晚餐的結束，每人一百元左右，但就食左好多嘢咁，銅鑼灣來説算抵！最重要係依間茶記很大，有成三個區俾客人坐，晚上7,8點依啲時間都唔洗等位～正！

銅鑼灣食肆林立, 各國食物應有盡有. 要比平靚正, 性價比高, 必定係港式茶餐廳! 茶餐廳位於大廈既二樓, 上到去見到一排排卡位, 燈火通明, 侍應左穿右插地工作, 係港式茶餐廳既特色. 我地去醫肚已經差唔多係晚上9點, 過晒晚飯時間都甘多人. 收銀呀姐問我地幾位呀?! 之後立即叫侍應帶位, 直接, 爽快!!由於我地2個都餓鬼上身, 見到價錢牌食物真係唔貴, 好放心甘叫左幾樣野大家SHARE 食!明爐燒味三拚 – 油雞 叉燒 燒腩仔油雞 – 雞肉結實,啖啖肉,好入味. 最抵讚係D薑蓉, 好足料, 薑切得夠細粒. 加埋一齊食先係廣東燒味!叉燒 -叉燒一定係半肥瘦先至好食!!! 唔使特別講, 自動上半肥瘦叉燒就知呢道D叉燒好食! 肥膏位咬落去噴晒D肉汁, 瘦肉位唔硬好淋易咬. 蜜汁唔太甜, 成舊叉燒絕對唔會乾爭爭, 拎黎送飯仲正!!!!燒腩仔 – 睇相都見到係肥瘦一層一層間隔開, 絕對唔係拎D普通燒肉昆人. 切開細細蕭容易食, 呢D先係燒腩仔既精神. 加埋脆卜卜既外皮, 黃芥末, 絕對唔可以馬虎!廣東燒味就係甘有規有矩, 蜜汁唔會點油雞, 薑蓉唔會點腩仔,呢種潛規則係廣東人先會明!!!芥蘭

今日去銅鑼灣辦完公事，已經係晩上時份，肚仔開始肚餓，天氣轉涼，令我餓得特別快，所以就想揾間可以快速上菜既餐廳，食個便飯。聽朋友介給過，銅鑼灣有間新開茶餐廳，食物質素幾好，上台又快，所以我就去左光顧啦。魚香茄子煲冬天凍冰冰，特別想食煲類既嘢。落單後不用五分鐘，快速上台的茄子鍋，超級香超級吸引，伴一伴勻茄子，發出吱吱聲響，口水都要流啦。茄子份量好多，煮至腍軟，吸引晒調味料既味道，叫碗白飯岩岩好。叉燒湯意好耐冇食湯意，而餐廳又主打叉燒，咁我就試試佢。叉燒有幾件，有薄切有厚切，吸收左湯汁後，蜜汁味冇咁濃，但就較為軟身。意粉煮得偏腍，湯底夠味唔會太鹹，落埋胡椒就更好食。

工作關係在銅鑼灣附近吃午飯男友帶我來這間茶餐廳他說以前他經常來的不知道有什麼特別？試後...我覺得我將來有好茶餐廳介紹給我的台灣朋友了！午餐，男友極推薦我吃皇袍叉燒飯好吧，就這個...他說小菜這邊也挺不錯我選了蝦膏頭蟹肉炒粉絲這個可以不用叫飯也可以直接吃嘛紅荳冰先來YEAH...是我愛的，不是用椰汁紅豆起沙，又滿滿的開花豆冰用上了碎冰，當你用匙"筆"起紅豆吃時，連同這些小碎冰，感覺極像吃豆豆樂OH MY GOD一上桌已經很傻眼了好好看！我不知道有我最愛的蛋！到底皇袍叉燒是個叉燒名還是皇袍是解蛋？看這肥瘦剛好既叉燒入口香而不韌，爽口而嫩滑連蛋都是炒滑蛋！蛋香極濃絕對是我杯茶我不喜歡炒得乾乾的那些蛋蝦膏頭蟹肉炒粉絲78元一個炒粉絲別以為太貴了？一上桌香到不得了我還以為用上了蝦米原來一隻蝦米也沒有，只是那些蝦膏頭炒出來的香而且用上的是真蟹用...很鮮不要以為是面頭的一點點，底也很多的一個午餐不用動手可以吃到蟹肉整個爽歪歪

每次我同相公在銅鑼灣行完街, 諗起可以喺邊度食飯就有點頭痛, 因為大食的相公在銅鑼灣吃飯的話就會變得很貴, 但是在銅鑼灣哪有可能找到一間便宜又好味的飯店呢... 行行下見到這一間東湖小廚聯威餐廳, 價錢相當吸引, 那就是一試醫下肚吧~ 好多人啊~ 我們等了差不多十五分鐘才有位置. 香辣茄子豬頸肉煲 (HKD58) , 見到都有幾多豬頸肉, 加上香辣茄子, 送飯一流~ 魚湯蝦乾浸時蔬(HKD56), 一上桌已經聞到陣陣的鹹香蝦乾味道, 見到真的是條條有成隻手指尾那麼長的蝦乾, 話就算連我深水埗樓下啲大排檔都冇足料, 價錢但是比起這裏還貴上二三十蚊, 銅鑼灣喎?! 這個非常抵食~ 另外我們叫了一個晚餐, 中式牛柳, 配白飯加野飲都係 HKD72, 鑊氣十足的中式牛柳, 配上大大碗白飯, 在銅鑼灣晚飯來說, 72蚊, 我喺邊度搵到呀~ 所以我們吃得非常滿足! 下次來到銅鑼灣就不用煩究竟可以食啲咩平靚正嘢食啦~

下午三點幾在銅鑼灣找午餐，想吃茶餐廳，找到這間開長不久的地方。要上一層樓梯，格局和裝潢讓我想起深水埗的森記，又碰巧餐牌上都有「皇袍叉燒飯」。3點幾不能錯過下午茶餐。杏霜／好立克我的杏霜還好，夠濃夠稠，味道可以。男友的好立克卻出奇地淡。好立克只有開粉一個做法，奇怪地它不稀，卻這麼淡。澳門豬扒包賣相不太討好。上層的包烘得幾鬆脆，下層卻烘得不夠。塗了牛油都幾香。除了豬扒，中間還夾著蕃茄和生菜，再加沙律醬，不是正宗的澳門豬扒包。澳門豬扒包最出名是豬扒超大塊，不用任何其他材料已夠惹味。這個豬扒不嚡不韌，但煎得不夠香。雖然喜歡原汁原味，沒有沙律醬的豬扒包，但加了蔬菜添上清新。沙爹洋蔥牛肉厚多士多士烘得夠脆但不夠鬆，少少硬。沙爹幾香，可惜牛肉偏乾欠肉味，勝在軟嫩。說好的洋蔥消失得無影無蹤。皇袍叉燒飯炒蛋看起來偏乾，賣相一般。全瘦的叉燒乾得誇張，看起來一點也不吸引。頭兩件很乾，實在幾差，又乾又嚡，幸而只有兩塊如是。把碟轉一轉，這邊的叉燒好看得多，半肥瘦，被兩層脂肪分成三截。肉質較韌，有肉汁，味道較佳。沒有炭燒香也沒有濃邊，有蜜味但可以更甜。算是不過不失。蛋不夠濕，但其實不太差。掉了下來這一口更是濕潤、

星期六男友返半日，我就出左去接佢放工，剛好到了午飯時間走到他公司附近的茶餐廳食飯，本身對茶餐廳感覺都是一般，只係為求醫肚同唔難食，但呢間茶餐廳有驚喜！走上一層的茶餐廳，格局其實都是一般港式茶餐廳無異，座位之間都幾闊落，燈光光猛整潔！以銅鑼灣這地區來說，這間茶餐廳的價位唔算貴，屬正常價，跟一般茶餐廳一樣有好多款港式炒炒麵飯等都一應俱全～而這裡每天都有唔同的是日午餐Menu，價錢由HK$46至HK$60！皇袍叉燒飯（HK$60）皇袍叉燒飯是這間茶餐廳的招牌菜之一，半肥瘦叉燒飯燒得剛好，好香口淋身，易咬開，而下面所謂的皇袍就是鋪上半熟的炒蛋加上豉油汁，第一次食到呢個另類叉燒飯，配上半熟炒蛋又幾好味！而下面的飯都已經加入了適量的豉油汁，蛋香加上叉燒的配搭得好好，份量都幾多！雪菜肉絲炆米（HK$50）這碟即叫即炒的雪菜肉絲炆米份量超多，細食的我起碼夠食兩餐，正常男人我估都未必食得哂！哈哈！炆米炒得剛好，唔會太過油及水，配合雪菜、肉絲及青椒等配料，香口惹味，咸度適中！午餐都要奉送一杯熱飲的！