東橋餐廳

營業中

休息中

日日諗食咩早餐諗到頭都大埋，同事成日食東橋，今日嚟睇下有冇咩啱食。見到佢有羅宋湯通粉跟煙鴨胸沙律同蒜蓉法包，包埋野飲$38，因為我好鍾意飲羅宋湯，所以就決定叫呢個餐。餐廳都幾多客人，不論堂食定外賣，所以叫完外賣都等咗一陣先有。個煙鴨胸沙律因為我唔鍾意食，所以請咗同事食，打開見到有塊鴨胸，青瓜同車厘茄係面，底就係d 生果沙律個類。羅宋湯通粉幾正，又大碗，唔會得個酸字又唔會冇味，都足料，配埋個蒜蓉包點下點下，唔錯唔錯，最後食完個通粉我仲飲晒d 湯🤪，不過個蒜蓉包如果唔點湯食嘅話其實有d 硬。

🐮 金菇肥牛定食 $58💯 評分：🌕🌕🌕🌕🌑 (4/5)💬 金菇既爽脆又掛汁，牛肉嘅肥瘦都恰到好處。配菜分別有胡麻沙律、螺肉同埋一片醃蘿蔔。至於飯就淋上咗啲啡色嘅醬汁，口感粒粒分明夠晒彈牙，淨食都好好味道。另外跟餐嘅羅宋湯辣味剛剛好，飲完超級開胃！😋🐷 豬軟骨拉麵 $55💯 評分：🌕🌕🌕🌗🌑 (3.5/5)💬 啲豬軟骨嘅味道頗為清淡，不過肉質都相當軟腍，適合唔想食得咁heavy嘅你。拉麵比較似上海拉麵，好在幾彈牙又夠掛湯，大大碗食完好有滿足感。☺️💙 FB：東橋餐廳

Weekend想食下午茶 咁岩係港島區出沒又醒起上次食過覺得幾有人情味既店 所以特登搭叮叮過黎食等左一陣位就入得今次有啲餓 上次食過下午茶個pizza份量有啲細 係超薄底食唔飽所以今次揀左羅宋湯意粉餐意粉大大碗份量夠哂 弱硬適中唔會煮到林哂個羅宋湯底酸酸味味少少辣好開胃 正塊多士有啲細(無影到相) 本身以為係平時茶記個啲半塊方包多士 呢塊偏硬身脆卜卜唔岩我口味沙律有一塊煙鴨胸+薯仔+青瓜+車厘茄餐飲熱檸茶正正常常唔會過澀店員態度依舊好 下次有機會試下佢d焗野先 好似幾抵食

今次係我第三次去係筲箕灣既東橋餐廳…老實說，東橋並唔係咩好特別既餐廳，又唔係裝修好靚，而係一間好地道既港式茶餐廳…但我就鐘意佢入面個種港式老派既感覺😂今次就嗌左個咖喱吉列豬扒意粉🍝+白湯🫕+凍0T🍋👍🏻👍🏻👍🏻味道方面：吉列豬剛剛炸好，食落係香口同脆而冇咩油膩既口感…份量偏大既～意粉就正正常常，但硬少少會好點～而咖喱汁偏稀，如果再凝少少會入味點吧總括而言，東橋既食物係ok的，而價錢公道($52)下次路經都會再食

星期日我千里迢迢，先在「西貢」乘搭專綫小巴前往「西灣河」，再沿着「筲箕灣道」一路走，在接近「筲箕灣」那一帶的地段裡面，找到港式茶餐廳「東橋餐廳」，才發現原來餐廳沒有提供跟「牛腩」有關的「牛肉」食品。但是我又對「東橋餐廳」裡面的「牛扒」、「牛脷」跟「肥牛」等「牛肉」食材一點興趣都沒有，正在擔心自己在「東橋餐廳」的星期日晚餐，可能遇上阻滯。但是我翻看「東橋餐廳」所有餐牌去到最後，終於在「東橋餐廳」晚餐餐牌末段位置「石頭鍋系列」，找到一款晚餐食品，名稱叫做「紅酒燴牛尾鍋」。我抱着當「牛尾」是「牛腩」的心態，享用「紅酒燴牛尾鍋」晚餐。我曾經期望「牛尾」肉的實際口感，會「牛腩」那麼豐腴，甚至曾經以為「牛尾」實際製成品裡面，或許會完全沒有任何妨礙咀嚼的阻力，例如骨頭。至於餐湯方面，「東海餐廳」容許享用「紅酒燴牛尾鍋」的食客，在「羅宋湯」、「忌廉湯」跟「麵豉湯」三款餐湯裡面，選擇享用其中一款。結果我選擇了享用「紅酒燴牛尾鍋」套餐，餐湯選擇享用「羅宋湯」。我在選擇前曾經問過「東海餐廳」侍應，侍應回答我「羅宋湯」裡面的肉類是「牛肉」。我最初以為自己總算成功在「東海餐廳」裡面，終於享用到一款「牛肉」實際份

之前嚟嘅時候，呢度都係人山人海架，但因為疫情嘅關係係，少咗好多人堂食，亦都唔使排隊等咁耐啦。前兩次食嘅都係蕃茄豬扒焗飯，一個餐有齊湯、飲品同焗飯，價錢喺同區來講算係合理，但質素嚟講我會鍾意大X樂嘅厚切豬扒多啲。今次再嚟就試試新野 — 鐵板農家雞扒。可以揀用鐵板或者碟上，有燒汁、黑椒汁同蒜蓉汁可以選擇。塊扒嫩滑有雞味，幾有驚喜，出嚟果陣熱辣辣、沙沙聲，好食過焗豬。另外見到好多人叫和式定食，大約$55，價錢算抵食。午餐嚟講可以再encore 🙂

行山前食少少野，好多食肆12點先開門，經過見到呢間細細既茶記便入去試下見到餐牌有啲日式便當定食，貪得意叫左份黎試下，滑蛋吉列豬扒定食，連湯同飲品都只係$55，真係好抵食！定食除咗蛋飯、滑蛋豬扒、沙律菜之外，仲有少少日式螺肉，幾有新意😆始終都係覺得店裡面既焗飯比較出色，黑椒牛魔王焗飯真係無得輸極力推薦，黑椒味非常濃厚，牛既份量十足，唔太大食既話完全係可以夠兩個人既份量，$52包熱飲同埋湯，又係抵到爆

而家可以就到時間食下午茶，下午茶平啲，餐廳人流又少啲。當可以選擇食下午茶，就返唔到轉頭食午餐。🤪 --👉👉 餐廳門面＆餐牌可以睇後面啊! 👉👉--🧀 芝士焗肉醬飯 連熱飲 HK$39呢個配搭永遠無死。面頭芝士份量可以多啲，咁味道更香。正常肉醬多數都偏鹹啲，而佢肉醬份量配飯嘅份量剛好。焗飯係炒蛋飯底，蛋嘅比例其實好少，所以唔係特別香個種。😉 欣賞飯量滿滿，唔會因為下午茶平咗而份量少咗。💛--📌 下午茶時段

今日放假，見頭髮咁長去左剪個靚髮...剪完去左呢間東橋食lunch...呢間餐廳外表同普通茶記無異😂但就係食便當、咖哩飯等等（今次有影menu😂)選擇都多既，最後我揀左個滑蛋吉列豬定食同凍奶茶...賣相方面正正常常喇，味道方面都係正常😂...個豬扒個樣就一般既其實，口感有點兒淋，似雪得耐掛...不過份量就ok,食完都飽，價錢又唔貴，算是平民level($58)...仲有個白湯（雖然較少見咁樣配法😂）

5點到筲箕灣食個飯, 東僑嘅廚窗擺放林瑯滿目嘅食物模型吸引左我入去發現有好多日式飯同定食, 仲加入唔少港式元素叫左個滑蛋吉烈豬排定食 ($58)滑蛋吉烈豬排定食有沙律, 清新健康, 有味噌螺肉, 仲有餐湯, 羅宋湯,  天氣轉凍, 偏辣嘅羅宋湯變得恰到好處滑蛋吉烈豬排較薄, 但豬排剛炸好,很香脆滑蛋係個驚喜, 加上紫菜, 口感味道一流餐飲+$8 叫左檸樂

食物評分: (5⭐️為最高)🎈照燒叉燒粒炒飯 $38⭐️⭐️⭐️之前去過幾次，會用”大件夾抵食”來形容，味道又好，尤其焗飯和鐵板😊😊 大半年沒有幫襯，這次再去卻有失望，感覺水準跌watt了☹️☹️午餐平均$50有找。好多選擇。下午茶餐則一般$40有找。照燒叉燒粒炒飯 $38 🆗我叫了個炒飯下午茶餐，味道淡，無乜味，失望😔好後悔無叫焗飯，以前焗飯好好味。不知是這碟一時失手，還是水準不再。茶走還可以。服務以前和今次都可以，我今次坐底後個位太凍，要求換位，侍應都主動建議一張無冷氣直接吹的位。會再去多次試返焗飯，看是否能保持水準。

經過筲箕灣電車路大街，有一間屹立左好多年既平民日本餐廳，價錢公道，有湯餐茶同定食。食物種類好多，今衣選擇左咖哩系，咖哩魚柳飯。上菜速度正常，食物熱辣辣新鮮炸岀黎既魚柳配咖哩汁係絕配！有機會可以去試試！絕對值得！

今日咁岩有機會嚟到筲箕灣，聽我個朋友講呢度有一間好好食嘅茶餐廳，特別係個肉醬千層麵，於是我就黎食啦！我嚟呢度完全就係為咗佢份肉醬千層麵，於是一坐低就叫左黎食！佢仲包一個湯同埋一杯嘢飲～我就叫咗個白湯，難得定係茶餐廳來講唔咸，不過冇話特別好飲，不過不失啦！但我叫嘅凍奶茶就真係幾好飲，非常之重奶香，而且唔算好甜，啱晒我口味！重頭戲嚟啦，個千層麵比起我想像中更加大份，最後好勉強先食得晒，不過真係好好食，有好多薯蓉，而且佢焗到好香口，啲肉醬都唔係好鹹，個麵嘅軟硬度非常適中，真係幾好食！果然係名不虛傳嘅茶餐廳！下次有機會嚟要再食！

今日無意中經過呢間餐廳， 聽到出面擺曬好多擺設好靚咁， 好有東洋的感覺， 就打算入去試一試啦。如圖所見，d汁都舖滿曬波菜，亦有濃郁嘅芝士味。飯底係炒飯底，呢樣這值得一讚👍。塊魚柳舖滿個飯，都幾大塊~~不過就鹹左少少咁啦。整體尼講都幾好食，價錢又公道，算係平。晚餐包湯，同野飲一杯💁‍♂️奶茶都算幾好飲既😌😌😌😌😌樓面服務態度好好，充滿笑容，超好禮貌，食完即刻幫你收拾好檯面，抹乾淨曬，值得大大力咁讚~~

星期六中午 我同我fd去食呢間野 環境還好 服務一般 唔叫太好 我叫左個韓式泡菜牛肉拉麪 跟熱奶茶多奶 奶茶唔差落嘅奶夠多同普通熱奶茶隻色明顯唔同而且唔駛再額外加糖至於個拉麪 唉失望 好失望 拉麫未煮熟 雖然配料(葱、芝麻、海苔etc) 夠多 但個泡菜唔辣 似百佳30幾蚊一罐嗰d 牛肉係免治牛肉加肉醬50蚊俾得一d都唔抵整體而言唔值呢個價 其他菜都唔見有人食唒 朋友叫左個地獄湯底一d都唔紅 得個鹹字 似鼓油湯 同我個泡菜汁湯差唔多辣 冇下次