東方(勝記)飯店

營業中

休息中

今次第二次食。收工去開元朗朗屏嗰邊食下午茶，見到呢間舊式點心舖，環境闊落同光猛，最緊要夠懷舊。價錢都好抵。20幾蚊個點心，就入咗去食兩籠。上次是牛肉飯、奶皇包同燒賣，好飽🤣今次試住兩份 食咗蝦餃 同 雞扎，都係大大份。太肚餓引唔住食咗先影相。燒賣、蝦餃都有四粒好正😋不過可惜，叫唔到腸粉，要再夜少少先出到爐。下次再試。因為地方夠大，同埋我下午茶時間嚟，就易搵位。見佢開嘅時間都好多，其實再嚟試都好彈性。

黎到元朗國真係隨便入任何一間食肆都唔失禮, 論酒樓黎講.. 隨時代變遷, 可說是滿街林立! 但數到港式文化傳統酒樓級嘅飯店就真係非佢莫屬, 就係呢間位於元朗國既「 東 方 飯 店 」(舊名:勝記)。簡單說, 用三個字黎形容「平」「靚」「正」講既當然係佢哋嘅點心保留著舊有酒樓水準, 點心即叫即到, 完全符合哂香港人既急速節奏🤩, 真材實料兼所有點心均一價$23/ 包點$19/ 飯類都只係$28。😍 入到去真係要叫下 ”咸水角/蓮蓉包/燒賣/蝦餃/雞扎/盅頭飯.. .. ..” 樣樣都試吓, 兩人連茶介都只係$160就醫飽肚仔! 正吖😋👍🏻💵2人前👫🏻人均消費$80 ❥ 點心均一價$23 ❥ 包點均一價$19 ❥ 盅頭飯均一價$28

#老字號茶樓 #忠頭飯 #真材實料才能做出好味道 #曾厝垵舂雞腳 #虎皮鳳爪 #新鮮食材讓您吃得放心 #人人都是美食家 #牛肚 #我的美食日記 五香牛肚要試非常林同埋入味五香味特別出眾，鳳爪好林調味得好好牛柏葉爽口滑嫩咖喱魷魚🦑彈牙滑溜好食😋滿足口感

元朗舊式傳統點心店❤️星期日晚8點左右去到，滿座等左一陣就入去坐低☺️蝦餃皇😋😋4粒，皮唔算好薄，蝦大大粒好香口好好味☺️咖喱魷魚，咖哩都幾香，如果辣少少就開心d😆魷魚有咬口唔韌👍🏻有幾粒蘿蔔係底👍🏻山竹牛肉球👍🏻三大粒，每粒都有腐竹底，幾香牛肉味，喼汁好味😋😋😋糯米雞都幾大隻😬😬好好食！推薦！鵪鶉蛋火腿雞肉⋯都幾足料❤️❤️兩個人連茶錢$105😀可以接受範圍👍🏻

今日又到元朗覓食.係元朗西巴士總站附近有一間茶居.係元朗人都會認識嘅（東方.勝記）佢招牌唔係叫茶居係叫飯店.佢相隔巴士總站兩分鐘路程.依度好多街坊幫襯.佢哋點心/飽點及蒸飯真材實料.午市有蒸鯇魚飯.一出蒸籠已經好搶手.慢少許就要等下一轉。唔講你唔知.原來佢哋有一種美食係元朗人自知.就係（沙翁）.我每次行過都買不到.今日坐喺收銀處附近.同嗰個話係老闆.但所有大小事項啲伙記同事都要請示佢嘅人聊天.佢先人指路.沙翁要係星期五.六.日下午五時才出爐.祇限上述的時間.很快哋賣哂.要食就要睇住時間！講番正題今日點餐如下：糯米包.臘腸卷.鹹魚肉片飯（大）加送例湯（南北杏黃瓜煲豬骨）呢度點心係均一價$23元.飽點$19元.各式細蒸飯$28元.大蒸飯$32元。🚶🏻‍♂️👉📌東方(勝記)飯店 (元朗)元朗擊壤路17號順發大廈地下A號舖

今晚喺元朗宵夜試吓飲夜茶，因為經過一間舊式點心小店好似味道唔錯咁樣於是就走入去幫襯，由於始終係宵夜所以又唔可以食得太多野，兩個人只係叫咗四樣點心真係非常之有節制，呢四樣點心分別係佢嘅招牌蝦餃、鵪鶉蛋燒賣、懷舊糯米卷同埋芋頭鴨腳扎。四樣嘢之中招牌蝦餃味道最好，真正做到鄙薄餡靚，入面隻蝦肉質非常新鮮又彈牙，果然係招牌。糯米卷係舊式嗰隻size比較大少少嘅，卷皮厚薄適中，佢同糯米嘅比例啱啱好。鵪鶉蛋燒賣感覺上味道淡咗少少，不過味道都ok的。芋頭鴨腳札就只屬一般水準，可能係隻鴨腳比較瘦弱啦，不過好彩件芋頭都夠粉。

今日去咗東方飯店買外賣呢度嘅點心及蒸飯一律都係同一個價錢 好抵$21（點心）及 $26 （蒸飯） 今次叫咗一個燒賣 燒賣份量夠大、爽口及彈牙。另外叫咗一個冬菇滑雞及鹹魚肉餅。冬菇蒸雞飯比較好味😋雞件滑身。而鹹魚肉餅飯既鹹魚味道太過濃，而肉餅比較偏向滑身。

今日8號風球估唔到都開門，真係有一餐溫飽，暴雨下見到開門就好似沙漠中嘅綠洲一樣，而且呢啲點心非常好味，鳳爪整得好入味好林多汁，咖喱魷魚爽彈牙多汁唔會勁辣辣度適中容易入口，鮮竹卷美食已經屋企人搶食晒，應該好好味，鹹水角都算大隻，外脆內軟，入邊啲餡料肉絲都算多又多汁，非常滿意，下次再會去購買

元朗抵食又好食點心首選兩個人眼闊肚窄唔敢叫太多東方蝦餃皇$22，一籠有4粒，足料啖啖肉，蝦好好食，蝦餃皮唔算好厚，好鍾意食蝦餃，一定必食！鹹水角 $15，3粒，好香口，因為放係口門以外賣為主，所以一般都係凍食，如果可以係暖暖地會好d。四寶滑雞扎 $22兩大舊，足料而且全部都係好大件，唔係雞柳係原隻雞翼，幾特別，好大隻啖啖肉。可以一試鮮竹牛肉球  $22，一籠有3大粒，唔會好實咬感岩岩好，喼汁個人比較鍾意，好好食！八寶糯米雞  $26，都幾大隻，每次去食東方勝記都會叫黎食，好鍾意食糯米黏口既感覺。

飲茶食點心唔一定去酒樓 依間元朗地舖就好大特色！店面一幢幢蒸籠好壯觀 坐得唔算舒服 不過夠晒地道有特色 打卡一流😍-✅ 點心｜蝦餃 燒賣 豬手 ($21)熱辣辣 燒賣肉味濃 蝦餃飽滿 豬手南乳味夠香！✅ 叉燒腸 ($22)｜叉燒包 ($17)兩個都有滿滿既叉燒 腸粉滑溜 叉燒包正常✅ 滑牛肉餅飯 ($26)牛肉味香濃 份量岩岩好唔會太多🦁 東方(勝記)飯店元朗擊壤路17號順發大廈地下A號舖茶錢 $4/位｜點心 $21｜腸粉 $22｜飯 $26｜包類 $17🦁 人均消費：$70｜推介：❣❣️❣️❣️/5

係東方飯店到飲茶都飲左好多年，今日就同大家介紹下le間老店！東方飯店隔離就係元朗西巴士站，附近又有輕鐵，非常容易到達。平日都會有好多人喺嗰度食晏甚至乎好多老人家喺嗰度飲茶，今日我叫咗冬菇雞飯再加燒賣，佢嘅中頭飯蒸出來啲計一啲都唔老，仲好滑好嫩，加上小小嘅豉油非常之好味，煩方面粒粒都分明，偏向乾身少少。依佢個燒賣同樣好味。間飯店食物質素唔錯而且價錢唔算貴，我咁樣叫咗兩樣都係$45，都算抵食！有機會大家可以去試吓😋

咁早起身可以食早餐嘅選擇其實唔係好多( ´▽` )ﾉ嗰日我哋五點幾六點就起咗身╮(￣▽￣"")╭，發覺原來可以咁早開門嘅鋪頭或者係酒樓唔係咁多，於是乎我個friend就帶咗我嚟呢間東方飯店。佢話呢間飯店雖然好簡陋，衛生唔係咁好，不過佢啲嘢食係幾好味，而且仲有另一個可取嘅地方，就係佢有露天嘅坐位(即係街邊)。喺而家咁嚴峻嘅疫情下，其實都真係感覺安全啲嘅，因為環境冇咁侷促。佢哋嘅價錢都係劃一晒嘅，例如所有點心都係$20，腸粉就$21，所有包類就$16，我覺得都幾合理。我哋就叫咗鴨腳扎同埋腸粉，但呢度冇麻將嗰啲㗎，甜醬都要自己走去攞。跟住我哋再叫咗一籠鮮竹卷，同埋蝦餃。鮮竹卷真係好好食，佢裏面嘅料好多，我自己就最驚食嗰啲淋謝謝嘅鮮竹卷，呢度嘅好實，裏面嘅豬肉好爽口。蝦餃感覺好新鮮，我都有啲驚訝個蝦餃係賣$20咋。總括而言，我覺得呢度都值得推介，除咗個衛生環境好似有啲唔理想，咁因為始終都係喺街邊度食。不過聽我朋友講話其實七點之後，就入要返落鋪頭食㗎喇，冇街邊位。